شعبہ تعلیم دعوتِ اسلامی کے زیرِ اہتمام سکھر پبلک اسکول اینڈ کالج میں سنتوں بھرا اجتماع منعقد ہوا جس میں پرنسپل اور ٹیچرز سمیت اسٹوڈنٹس نے کافی تعداد میں شرکت کی۔

اس اجتماعِ پاک میں شعبہ ذمہ دارنے استقبالِ رمضان اور کردار سازی کے حوالے سے سنتوں بھرا بیان کرتے ہوئے شرکا کی دینی و اخلاقی اعتبار سے تربیت کی۔بعدازاں وہاں موجود عاشقانِ رسول نے شجر کاری بھی کی۔(رپوٹ:شعبہ تعلیم،کانٹینٹ:غیاث الدین عطاری)

شعبہ رابطہ برائے حکیم دعوتِ اسلامی کے ذمہ داران نے فیصل آبا دمیں مختلف گورنمنٹ کالجز و یونیورسٹیز کا دورہ کیا جہاں انہوں نے پرنسپلز، پروفیسرز اور شہرکے مختلف اطباسمیت چیئرمین ڈیپارٹمنٹ آف ایسٹرن میڈیسن ڈاکٹر اکرم سے ملاقات کی۔

اس دوران ذمہ داراسلامی بھائیوں نے اسلامی بھائیوں کے درمیان سیکھنے سکھانے کا حلقہ لگایا جس میں انہیں مدنی مرکز فیضانِ مدینہ فیصل آباد میں 21 مارچ 2022ء کو ہونے والے طبیب اجتماع میں شرکت کرنے کی دعوت دی جس پر انہوں نے خوشی کا اظہار کیا۔(رپوٹ:شعبہ رابطہ برائے حکیم، کانٹینٹ:غیاث الدین عطاری)

گزشتہ دنوں دعوتِ اسلامی کے زیرِ اہتمام شوروم جمشید روڈ میں سیکھنے سکھانے کا حلقہ لگایا گیا جس میں مختلف شوروم کے عاشقانِ رسول نے شرکت کی۔

دورانِ حلقہ مبلغِ دعوتِ اسلامی نے وہاں موجود اسلامی بھائیوں کو نیکی دعوت دیتے ہوئے انہیں دعوتِ اسلامی کے 12 دینی کاموں سمیت شبِ براءت اجتماع میں شرکت کرنے کی دعوت دی جس پر انہوں نے اچھی اچھی نیتوں کا اظہار کیا۔(رپوٹ:عبدالوہاب عطاری زون ذمہ دار ساوتھ سینٹرل، کانٹینٹ:غیاث الدین عطاری)

گزشتہ دنوں دعوت اسلامی کے شعبہ کنزالمدرس بوڈر کے تحت جامعۃ المدینہ  فیضان مدینہ جھڈو میں پہلا سالانہ امتحان ہوا جس میں جھڈو کے معروف علماۓ کرام آمد ہوئی جن میں سینئر نائب صدر علماسکندریہ ضلع میر پور خاص حضرت مولانا اعجاز علی سکندری اور مولانا الطاف حسین سکندری تھے ۔

اس دوران جامعۃ المدینہ کے ناظم و اساتذہ ٔکرام نے علمائے کرا کا استقبال کرتے ہوئے انہیں کنز المدارس بورڈ کا تعارف کروایا نیز بورڈ کے مقاصد بیان کئے جس پر علماۓ کرام نے دعوتِ اسلامی کےاس اقدام کو سراہتے ہوئے بورڈ کے متعلقین و معاونین کو دعاؤں سے نوازا۔(رپورٹ: شعبہ رابطہ بالعلماء، کانٹینٹ: مصطفی انیس) 

پچھلے دنوں دعوتِ اسلامی کے تحت شعبہ رابطہ بالعلماء ڈسٹرکٹ گجرات کے ذمہ دار طاہر طفیل عطاری مدنی کی مولانا حامد محمود چشتی (جامعہ صفۃ المدینہ گجرات و مہتمم جامعہ رباطیہ للبنات گجرات) اور مولانا خالد محمود قادری اشرفی (ناظم تعلیمات الجامعۃ الاشرفیہ گجرات) سے ملاقات ہوئی۔

اس دوران ذمہ دار نے علمائے کرام کو گجرات میں ہونے والے دعوتِ اسلامی کے امتحانی مرکز کا وزٹ کرواتے ہوئے مدسۃ المدینہ بوائز سمیت دیگر شعبہ جات کا بھی وزٹ کروایا جس پر علمائے کرام نے دعوتِ اسلامی کے دینی و فلاحی خدمات کو سراہا۔(رپوٹ:شعبہ رابطہ بالعلماء، کانٹینٹ:غیاث الدین عطاری)

16  مارچ 2022ء بروز بدھ کنزالمدارس بورڈ پاکستان دعوتِ اسلامی کے تحت مدنی مرکز فیضان مدینہ میرپورخاص میں سالانہ امتحان کا سلسلہ ہواجس میں ڈی او محکمہ تعلیم محمد شاہد ، ساجد راہو ، حاجی محمد حنیف میمن اور عبدالجبار سمیت دیگر شخصیات نے امتحانی مرکز کا وزٹ کیا۔

دورانِ وزٹ ذمہ داران نے انہیں کنزالمدارس بورڈ کا تعارف پیش کیا جس پر انہوں نے بورڈ کے نصاب اور اس کے انتظامات و اقدام کو خوب سراہا ۔(رپورٹ: شعبہ رابطہ بالعلماء، کانٹینٹ: مصطفی انیس) 

16 مارچ 2022 ء بروز بدھ دعوتِ اسلامی کے تحت  رابطہ برائے شخصیات کے ذمہ داران نے سندھ سیکریٹریٹ میں ایڈیشنل سیکریٹری (ایڈمن) غلام علی سومرو ، ڈپٹی سیکریٹری شفقت ابرو ، ڈپٹی سیکریٹری محکمہ لوکل گورنمنٹ عبد الرشید بروہی اور دیگر افسران سے ملاقات کی۔

دورانِ ملاقات مبلغ دعوت اسلامی نے افسران کو رسائل پیش کرتے ہوئے انہیں شب براءت اجتماع میں شرکت کرنےکی دعوت دی۔بعدازاں ڈپٹی سیکریٹری لوکل گورنمنٹ نے عالمی مدنی مرکز فیضان مدینہ کراچی میں رمضان المبارک میں اعتکاف کے انتظامات کے لئے کے۔ایم۔سی میونسپل کمشنرز اور ایڈمنسٹریٹر ایسٹ کو لیٹر جاری کیا۔ (رپورٹ: شعبہ رابطہ برائے شخصیات ڈسٹرک ٹوبہ ، کانٹینٹ: مصطفی انیس) 

16 مارچ 2022ء بروز بدھ عالمی مدنی مرکز فیضانِ مدینہ کراچی میں سیکورٹی ڈیپارٹمنٹ پاکستان مشاورت کے ذمہ داران کی تربیت کے سلسلے میں ایک میٹنگ ہوئی جس میں نگرانِ ڈیپارٹمنٹ سمیت صوبائی ذمہ داراسلامی بھائیوں نے شرکت کی۔

اس میٹنگ میں مرکزی مجلسِ شوریٰ کے رکن حاجی محمد اطہر عطاری نے ذمہ داران سے گفتگو کرتے ہوئے مختلف موضوعات پر کلام کیا اور انہیں دعوتِ اسلامی کے دینی کاموں میں ترقی کے حوالے سے مدنی پھولوں سے نوازا۔(رپوٹ:احتشام نوید عطاری سیکورٹی آفس، کانٹینٹ:غیاث الدین عطاری)

پچھلے دنوں گوجرانوالہ میں دعوت اسلامی کے زیر اہتمام شبِ براءت اجتماع کے سلسلے  میں ذمہ داران نے شخصیات و افسران سے ملاقاتیں کیں اور انہیں بڑی رات دعوت اسلامی کے اجتماعات میں گزارنے کا ذہن دیتے ہوئے مدنی مرکز فیضان مدینہ گوجرانوالہ میں وزٹ کرنے کی دعوت دی ۔

اس موقع پر جن شخصیات سے ملاقات کا سلسلہ رہا ان میں SP سٹی محمد ارسلان شاہ زیب، DSP ماڈل ٹاؤن رمضان کمبوہ ، DSP کوتوالی اسد اسحاق ، SHO تھانہ باغبانپورہ فرحت نواز چھٹہ اور تھانہ ماڈل ٹاؤن سب انسپکٹر ابراہیم شامل تھے۔(رپورٹ: شعبہ رابطہ برائے شخصیات ڈسٹرک ٹوبہ ، کانٹینٹ: مصطفی انیس) 

دعوتِ اسلامی کے شعبہ ائمہ مساجد کے تحت پچھلے دنوں عالمی مدنی مرکز فیضانِ مدینہ کراچی میں مدنی مشورہ منعقد ہوا جس میں شعبے کے ڈسٹرکٹ ذمہ داران سمیت دیگر اسلامی بھائیوں نے شرکت کی۔

تفصیلات کے مطابق مرکزی مجلسِ شوریٰ کے رکن حاجی محمد عقیل عطاری مدنی نے سنتوں بھرا بیان کرتے ہوئے ائمہ مساجد کی قراءت کو بہتر سے بہتر کرنے اور مساجد کو آباد کرنے کے حوالے سے ذمہ داران کی تربیت کی۔(کانٹینٹ:غیاث الدین عطاری)

16 مارچ 2022 ء کورابطہ برائے شخصیات دعوتِ اسلامی کے ذمہ داران نے   چلڈرن ہسپتال فیصل آباد میں ماحولیاتی آلودگی کو ختم کرنے کےحوالے سے شجر کاری کا اہتمام کیاجس میں ایس پی مدینہ ٹاؤن نعیم عزیز سندھو، ٹکٹ ہولڈر ایم پی اے حافظ ثاقب وڑائچ اور ایم ایس چلڈرن ہسپتال حبیب احمد بٹرنے بھی شرکت کی۔

اس موقع پر ذمہ داران نے شخصیات کو دعوتِ اسلامی کے زیرِ اہتمام ہونے والے شبِ براءت اجتماع میں شرکت کرنے کی دعوت دی جس پر انہوں نے اجتماع میں شرکت کرنے کی نیت کی۔(رپورٹ: شعبہ رابطہ برائے شخصیات ڈسٹرک ٹوبہ ، کانٹینٹ: مصطفی انیس) 

گزشتہ دنوں دعوتِ اسلامی کے تحت ڈسٹرکٹ جیل ٹوبہ ٹیک سنگھ میں شعبہ رابطہ برائے شخصیات  کے ذمہ داران نے ڈی ایس پی سیّد آصف مرتضی شاہ ، ڈی ایس پی رانا صداقت علی، ڈسٹرکٹ آفیسر انجم شاہ اور ڈسٹرکٹ نگران محمد مدنی سے ملاقات کی۔

اس دوران ذمہ داران نے شخصیات کو شعبہ کا تعارف کروایا اور دعوتِ اسلامی کی دینی وسماجی خدمات کے بارے میں بتاتے ہوئے مدنی مرکز فیضان مدینہ کا وزٹ کرنے کی دعوت دی نیز ڈی ایس پی سمیت شجر کاری کا بھی سلسلہ رہا۔ (رپورٹ: شعبہ رابطہ برائے شخصیات ڈسٹرک ٹوبہ ، کانٹینٹ: مصطفی انیس)