دعوتِ اسلامی کے تحت 4ستمبر2021ءبروزہفتہ فیضان مکہ مدینہ رحمان سٹی شاہدرہ لاہور میں لاہور جنوبی زون کے شعبہ تحفظِ اوراقِ مقدسہ کے ذمہ دار اسلامی بھائیوں کا مدنی مشورہ ہوا۔اس موقع پر لاہور ریجن ذمہ دار محمد رضا عطاری نے شعبہ تحفظِ اوراقِ مقدسہ لاہور زون کا مدنی مشورہ کرتے ہوئے ذمہ دار اسلامی بھائیوں کو سوفٹویر انٹری کے ذریعے کارکردگی اور تحفظِ اوراقِ مقدسہ کے باکسز کے انٹر کرنے کے حوالے سے تربیت کی۔

ریجن ذمہ دار نے اسلامی بھائیوں کو تحفظِ اوراقِ مقدسہ کے حوالے سے کوشش کرنے کے فضائل پر بیان کئےاور انہیں اس حوالے سےعملی طور پر حصہ لینے کا ذہن دیاساتھ ہی تحفظ ِاوراقِ مقدسہ کے دینی کاموں کو بڑھانے،12 دینی کاموں کو اپنے اوپر نافذکرنے کا ذہن دیتے ہوئےہر ماہ پابندی کے ساتھ 3 دن کے مدنی قافلوں میں بھی سفر کرتے رہنے کی نیتوں کا اظہار کروایا۔(رپوٹ: محمد ناصر عطاری رکن زون لاہور جنوبی، کانٹینٹ:غیاث الدین عطاری)

دعوتِ اسلامی کے زیر اہتمام  24اگست2021ء بروز منگل واہگہ ٹاؤن کابینہ کےعلاقے قائداعظم انٹر چینج کی الرحمٰن سوسائٹی میں نیکی کی دعوت کاسلسلہ ہواجس میں پاکستان سطح کی شعبہ علاقائی دورہ ذمہ دار اسلامی بہن نےمقامی ذمہ دار اسلامی بہنوں کےساتھ ملکر گھر گھر جا کر مقامی اسلامی بہنوں کونیکی کی دعوت پیش کی اور انہیں ہفتہ وار سنتوں بھرے اجتماع میں شرکت کرنے کی ترغیب دلائی ۔ ذمہ دار اسلامی بہنوں نے مقامی اسلامی بہنوں کو مکتبۃ المدینہ کےرسائل بھی تحفے میں پیش کئےجس پر اسلامی بہنوں نے اچھی اچھی نیتوں کا اظہار کیا۔

سلسلۂ  عالیہ قادریہ رضویہ عطاریہ کے چالیسویں بزرگ شیخِ طریقت حضرت مولانا عبدالسلام قادری رحمۃ اللہ علیہ کا سالانہ عرس مبارک 25محرم الحرام 1441ھ کو نہایت عقیدت واحترام سے منایا جاتا ہے۔ گزشتہ روز دعوتِ اسلامی کی مجلس مزاراتِ اولیاء اورمجلس رابطہ بالعلما والمشائخ ہند کے تحت یوپی ہند ضلع پرتاب گڑھ کی مقامی مسجد میں سنتوں بھرے اجتماع کا انعقادکیا گیا جس میں بارگاہِ رسالت صلَّی اللہ تعالٰی علیہ واٰلہٖ وسلَّم ہدیۂ نعت پیش کی گئی۔ نعت خوانی کے بعد مبلغ دعوت اسلامی نے سنتوں بھرا بیان کرتے ہوئے صاحب مزار رحمۃاللہ علیہ کی سیرت کو اُجاگر کیا۔آخر میں اسلامی بھائیوں نے مزار شریف پر حاضری دی اور فاتحہ خوانی و دعا کا سلسلہ ہوا۔

شیخ طریقت مولانا محمدعبدالسلام قادری کا مختصر تعارف :آپ رحمۃ اللہ علیہ کا پورا نام خلیفۂ قطبِ مدینہ حضرت مولانا محمد عبد السلا م قادری رضوی حشمتی برکاتی ہے۔ آپ کی ولادت 15شعبان المعظم 1343ھ بمطابق 11مارچ1925ء کو بروز بدھ موضع کڑے مانک پور تحصیل بند کی ضلع فتح پور ہسوہ(یوپی،ہند )میں ہوئی۔آپ رحمۃ اللہ علیہ کی کنیت”ابوالفقراء“لقب”قمر رضا“ہے۔

آپ رحمۃ اللہ علیہ میانہ روی، نظم وضبط ، عزم وحوصلہ،اخلاص، مشقت، قناعت، برد باری و تحمل مزاجی، ظاہری وباطنی ستھرا پن، پُر سکون مزاج، عاجزی وانکساری، خوش کلامی اور اطاعتِ مرشد جیسی کئی صفات کے جامع تھے۔ آپ رحمۃ اللہ علیہ کو سیدی قطبِ مدینہ مولانا ضیاء الدین احمد مدنی اور احسن العلماءحضرت مولاناسید شاہ مصطفےٰ حیدر حسن میاں قادری برکاتی رحمۃ اللہ علیہما سے سندِ خلافت حاصل تھی۔ آپ رحمۃ اللہ علیہ اطاعت مرشد میں اس قدر پختہ تھے کہ بارگاہِ مرشد سے ملنے والے حکم کو اپنے لئے حرزِ جاں بنالیتےچنانچہ کمبھی اہمہ (ضلع پر تاب گڑھ ،ہند) آنےسے قبل احسن العلماءرحمۃ اللہ علیہ نے دو نصیحتیں فرمائی تھی (1)کسی کو بد دعامت دیجئے گا(2)کمبھی اہمہ مت چھوڑیئے گا۔ مرشد کامل کے فرمان کے مطابق آپ رحمۃ اللہ علیہ نے عمر کا بقیہ حصہ بھی یہیں گزرااور اسی جگہ آپ رحمۃ اللہ علیہ کامزار پُرانوار ہے۔

انہوں نے امیر اہلِ سنّت علامہ محمدالیاس عطارقادری دَامَتْ بَرَکَاتُہُمُ الْعَالِیَہ کو 1979ء میں کولمبو سری لنکا میں سلسلہ عالیہ قادریہ رضویہ کی خلافت سے نوازا

امیراہلِ سنت شجرہ قادریہ رضویہ عطاریہ میں لکھتے ہیں:

اَحْيِنَا فِي الدِّیْنِ وَالدُّنْیَا سَلَامٌ بِالْسَّلَام

قادری عَبْدُالسَّلَام خوش ادا کے واسِطے

دعوتِ اسلامی کے تحت گزشتہ دنوں  فیصل آباد ریجن کی ذمہ داراسلامی بہنوں کا بذریعہ انٹر نیٹ مدنی مشورےکاانعقادہوا جس میں زون نگران، کابینہ نگران اور اراکین ریجن ذمہ اسلامی بہنوں نے شرکت کی۔

ریجن نگران اسلامی بہن نے یومِ دعوت اسلامی اجتماع کے حوالےسے کلام کیااوراسلامی بہنوں کو یوم دعوت اسلامی منانے پر نکات دیئے جبکہ اس کی کارکردگی بھی سینڈ کرنے کاذہن دیا نیز ماہ محرم الحرام میں ترغیب دلانے پرجن اسلامی بہنوں کے محارم نے مدنی قافلوں میں سفر کیاان کی کارکردگی بھی وقت پر جمع کروانے کا ذہن دیا۔

دعوتِ اسلامی کے شعبہ دینی حلقہ ومحفلِ نعت کے تحت  گزشتہ دنوں فیصل آباد ریجن میں بذریعہ کال مدنی مشورہ ہوا جس میں محفل نعت و دینی حلقے کی ذمہ دار اسلامی بہنوں سمیت اراکین زون ذمہ داراسلامی بہنوں نے شرکت کی۔

رکن ریجن ذمہ دار اسلامی بہن نے شعبہ دینی حلقہ و محفل نعت کے مدنی پھولوں کو سمجھایا اورماہانہ کارکردگی میں بہتری لانےنیز کارکردگی جدول وقت پر جمع کروانے کی ترغیب دلائی۔اس کےعلاوہ تقرری مکمل کرنے پربھی کلام ہواجس پر اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے شعبہ علاقائی دورہ للبنات کے تحت پچھلے دنوں فیصل آباد ریجن میں بذریعہ کال مدنی مشورے کا انعقاد ہوا جس میں اراکین زون ذمہ دار اسلامی بہنوں نےشرکت کی ۔

رکن ریجن ذمہ دار اسلامی بہن نے اسلامی بہنوں کی ماہانہ کارکردگی کا جائزہ لیتے ہوئے اِن کی تربیت کیں نیز کارکردگی جدول اور ماہانہ کارکردگی وقت پر جمع کروانے کا ذہن دیا۔

اس کےساتھ ہی کارکردگی میں شیڈول میں بہتری لانےپر ذہن سازی کی نیزشعبے کے دینی کاموں کو مضبوط بنانے کے لئے نکات فراہم کئےاورمحارم کو مدنی قافلوں میں سفر کروانے کی کارکردگی کو مضبوط بنانے پر کلام ہوا۔ آخرمیں اسلامی بہنوں نے شعبےکے دینی کاموں کو بڑھانے کی نیت پیش کی۔

دعوتِ اسلامی کے شعبہ ڈونیشن بکس  للبنات کے تحت گزشتہ دنوں ڈیرہ اسماعیل خان زون لکی مروت کابینہ میں مدنی مشورے کاانعقادہوا جس میں شعبہ کی ذمہ دار اسلامی بہنوں نے شرکت کی ۔

زون ذمہ دار اسلامی بہن نے دینی کاموں میں بہتری لانے کےحوالےسےاسلامی بہنوں کو نکات بتائے اور مدنی مشورے میں شریک اسلامی بہنوں کو گھریلو صدقہ بکس اور ڈونیشن بکس کا ڈیٹا تیار کرنے کا ہدف دیانیزنئے ڈونیشن بکس اور گھریلو صدقہ بکس لگانے کی ترغیب دی جس پراسلامی بہنوں نے اچھی اچھی نیتوں کا اظہار فرمایا ۔

دعوت اسلامی کے شعبہ شارٹ کورسز کے تحت چند دن پہلے ڈیرہ اسماعیل خان زون لکی مروت کابینہ میں مدنی مشورہ ہوا جس میں لکی مروت کابینہ و پنیالہ ڈویژن کی ذمہ داراسلامی بہنوں نے شرکت کی ۔

زون ذمہ دار اسلامی بہن نے کارکردگی فارم فِل کرنےاور اسلامی بہنوں کی سابقہ کارکردگیوں کاجائزہ لینے کاذہن دیا نیز ماہانہ کارکردگی بروقت جمع کروانے کی ترغیب دلائی اور باقی ڈویژن سطح تک کی تقرری مکمل کرنے کےحوالے سے اہداف دیئے جس پر ذمہ دار اسلامی بہنوں نے اچھی نیتوں کا اظہار کیا ۔

اسی طرح شعبہ شارٹ کورسز کےتحت23اگست 2021 ء بروز پیر ڈیرہ اسماعیل خان یونیورسٹی روڈ کے علاقہ ضمیرا آباد میں دینی کام کورس کا سلسلہ ہوا جس میں ڈویژن نگران اور دیگر اسلامی بہنوں نے شرکت کی ۔ مزید یہ کورس تین ڈویژنز ڈیرہ سٹی، بنوں روڈ اور درابن روڈ میں بھی کروایا جائے گا۔

دعوتِ اسلامی کے شعبہ اصلاح اعمال للبنات کے  تحت چند روز پہلے ڈیرہ اسماعیل خان زون پہاڑپور کابینہ میں مدنی مشورےکاانعقادہوا جس میں ذیلی تا کابینہ سطح تک کی ذمہ دار اسلامی بہنوں نے شرکت کی۔

ریجن سطح کی ذمہ دار اسلامی بہن نےشعبے میں بہتری لانے کےحوالے سے اسلامی بہنوں کونکات بتائے۔ مزیدانہیں ہفتہ وار سنتوں بھرے اجتماع اور دینی حلقوں میں اصلاح اعمال کے پینا فلیکس لگانے کی ترغیب دلائی اورآئندہ کےلئے اہداف دیئے۔

دعوتِ اسلامی کے تحت  پچھلے دنوں ڈیرہ اسماعیل خان زون لکی مروت کابینہ میں دینی کاموں کےحوالے سےمدنی مشوره ہوا جس میں کابینہ ذمہ دار اسلامی بہنوں نے شرکت کی ۔

زون نگران اسلامی بہن نے ’’روٹھوں کو کیسے منایا جائے ‘‘ کے موضوع پر بیان کیا اور اسلامی بہنوں کو بھر پور طریقے سے ’’یومِ دعوت اسلامی منانے‘‘ اور رہائشی کورسز میں تعداد بڑھانے کےلئےبھر پور کوشش کرنے کی ترغیب دلائی ۔آخر میں سابقہ دیئے گئےاہداف کا فالواپ لیا۔

دعوت اسلامی کے زیر اہتمام فیصل آباد کے علاقے ستارہ سپنا سٹی میں ایک تاجر اسلامی بھائی کی رہائش گاہ پر مدنی حلقے کا انعقاد کیا گیاجس میں نگران فیصل آباد زون اور دیگر ذمہ داران سمیت تاجروں نے شرکت کی۔

نگران پاکستان مشاورت حاجی محمد شاہد عطاری نے تاجروں کو نیکی کی دعوت دیتے ہوئے نماز کی اہمیت کے متعلق مدنی پھول ارشاد فرمائے اور انہیں نماز کی پابندی اور درود پاک کی کثرت کرنے کا ذہن دیا۔

آخر میں حاجی محمد شاہد عطاری نے دعا بھی کروائی۔

دعوتِ اسلامی کے شعبہ اسلامی بہنوں  کے مدرسۃالمدینہ کے تحت گزشتہ دنوں کورنگی کابینہ میں تربیتی سیشن کاانعقادہوا جس میں 50 سے زائد مدرسات ، زون سطح کی ذمہ دار اور شعبےکی دیگر ذمہ داراسلامی بہنوں نے شرکت کی۔

زون سطح کی ذمہ دار اسلامی بہن نے مدرسات کو طالبات سے اچھے اخلاق سے پیش آنے اور ان کی تجوید درست کرنے کےحوالے سے ان کی تربیت کرنےکاذہن دیا ۔اس کےعلاوہ طالبات کے کردار کو بہتر بنانے نیز ان میں دعوت اسلامی کی محبت بڑھانے کے حوالے سے مدنی پھول دئیے اور مدرسات کو رہائشی کورس کرنے کا ہدف دیا ۔

جبکہ کراچی ایسٹ زون 1 ملیر کابینہ میں قائم اسلامی بہنوں کے مدرسۃالمدینہ میں 23 اگست 2021 ءبروز پیر کورزلٹ اجتماع کا انعقاد کیا گیا جس میں 55 اسلامی بہنوں نے شرکت کی۔

زون سطح کی ذمہ دار اسلامی بہن نے ’’تعلیم قراٰن‘‘ کے موضوع پر بیان کیا۔مزید اسلامی بہنوں کو ہفتہ وار سنتوں بھرے اجتماعات میں شرکت کرنے ، مدنی مذاکرہ سننے اور ناظرہ رہائشی کورسز کرنے کا ذہن دیا۔آخر میں کامیاب ہونے والی طالبات کو تحائف پیش کئے۔

اسی طرح گلشن اقبال کابینہ دارالسنہ میں اسلامی بہنوں کے مدرسۃالمدینہ میں 23 اگست 2021ء کو مدنی مشورہ ہواجس میں ریجن تا علاقائی سطح کی ذمہ دار اسلامی بہنوں نے شرکت کی۔

پاکستان مشاورت ذمہ دار اسلامی بہن نے شعبے میں بہتری لانے کے حوالے سے اسلامی بہنوں کو متفرق نکات سمجھائے اورسابقہ کارکردگی کا فالو اَپ کیا۔اس کےساتھ ہی ہر ماہ نئے مدارس المدینہ کے آغاز کرنےکےاہداف دیئے۔