پچھلے دنوں ریٹائرڈ کرنل علی احمد اعوان کے بھائی اور ڈسٹرکٹ بار ایسوسی ایشن کے  صدر ملک وقاص کے چچا کے لئے ایصالِ ثواب کا اہتمام کیا گیا جس میں دعوتِ اسلامی کے ذمہ داران سمیت جامعۃالمدینہ کے طلبۂ کرام نے شرکت کی۔

اس موقع پر طلبۂ کرام نے قراٰن خوانی کی جبکہ دیگر ذمہ دار اسلامی بھائیوں نے مختلف شخصیات سے ملاقات کرتے ہوئے انہیں دعوتِ اسلامی کی دینی و فلاحی خدمات کے بارے میں بتایا۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام پچھلے دنوں مدنی مرکز فیضانِ مدینہ گلشنِ طفیل کالونی گوجرہ میں شخصیات اجتماع کا انعقاد کیا گیا جس میں   سابق صوبائی وزیر برائے جیل و ایم پی اے چوہدری بلال اصغر وڑائچ،چئیرمین مارکیٹ کمیٹی تحصیل گوجرہ چوہدری کاشف ایاز چھٹہ اور چوہدری بلال اصغر وڑائچ سمیت دیگر اسلامی بھائیوں نے شرکت کی۔

بعدِ اجتماع شعبہ FGRF دعوتِ اسلامی کے تحت سیلاب زدگان کی امداد کے لئے 5 ٹرک سامان مدنی مرکز فیضانِ مدینہ سے روانہ کیا گیا جبکہ وہاں موجود شخصیات نے دعوتِ اسلامی کی جانب سے ہونے والی دینی و فلاحی خدمات کے بارے میں مدنی چینل کو اپنے تأثرات دیئے۔

گزشتہ روز عاشقانِ رسول کی دینی تحریک دعوتِ اسلامی کے وفد نے دینی کاموں کے سلسلے میں پاکستان کے شہر لودھراں کا دورہ کیا جہاں انہوں نے ایڈیشنل ڈپٹی کمشنرجنرل ملک فرازاحمداعوان، ڈسٹرکٹ آفیسرایس این اے رانا ناصرعلی، ایس پی انویسٹی گیشن کیوان کریم عباسی، ڈسٹرکٹ انفارمیشن آفیسرنعمان مسعود، پی آراو برانچ ڈی پی اوآفس فرحان چیمہ ودیگر شخصیات سےملاقات کی۔

دورانِ ملاقات وفد میں موجود ذمہ داران نے شخصیات کو دعوتِ اسلامی کے ہفتہ وار سنتوں بھرے اجتماع میں شرکت کرنے سمیت دیگر دینی کاموں میں شمولیت اختیار کرنے کا ذہن دیا۔

اس موقع پر شعبہ رابطہ برائے شخصیات کے ذمہ دار فدا علی عطاری، نگرانِ ڈسٹرکٹ قاری محمد اشرف عطاری اور قاری محمد وسیم عطاری بھی موجود تھے۔(رپورٹ:شعبہ رابطہ برائے شخصیات ، کانٹینٹ: غیاث الدین عطاری)

صحابہ کرام عَلَیْهمُ الرِّضْوَان ستاروں کی مانند ہیں، اُن کی سیرت ہر انسان کے لئے مشعل راہ ہے۔صحابی رسول امیر المؤمنین حضرت سیّدنا ابوبکر صدیق رضی اللہ عنہ انبیائے کرام عَـلَـيْهِمُ السَّلَام کے بعد تمام مخلوق میں سب سے افضل ہیں۔آپ رضی اللہ عنہ ذہانت، علم و حکمت، قناعت و شجاعت ا ور صداقت میں بے مثال تھے۔

عشقِ رسول، خوفِ خدا ،تقویٰ و پرہیز گاری، جاں نثاری، ایثار وقربانی اور پارسائی میں اپنی مثال آپ تھے۔سادگی، عاجزی، ایمانداری، رحم دلی اور غریب پروری آپ رضی اللہ عنہ کے اَخلاقِ حسنہ کا ایک حصہ ہے۔

دارالمدینہ انٹرنیشنل اسلامک اسکول سسٹم کے کیمپسز میں طلبہ کو حضرت سیّدنا ابوبکر صدیق رضی اللہ عنہ کی سیرت سے آگاہ کرنے کے لئے یومِ صدیق اکبر رضی اللہ عنہ منایا گیا۔اس موقع پر کیمپسز میں خصوصی چارٹس چسپاں کئے گئے تھے جن میں آپ رضی اللہ عنہ کی سیرت کے نمایاں پہلو درج تھے۔

14 جنوری 2023ء کو عالمی مدنی مرکز فیضان ِ مدینہ کراچی میں ہونے والے ہفتہ وار مدنی مذاکرے میں اسپیشل پرسنز (گونگے ،بہرے اور نابینا) افراد نے شرکت کی۔

مدنی مذاکرے میں فیضان عطاری( مدنی چینل پروڈیوسر) نے مدنی مذاکرے میں شریک ہونے والے گونگے بہرے اسلامی بھائیوں کو امیر اہلِ سنت دامت برکاتہم العالیہ کے ارشادات بتانے کے لئے اشاروں کی زبان میں ترجمانی کی ۔(رپورٹ : محمد رضوان مدنی عطاری اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

14جنوری2023ء کو اسیپشل پرسنز ڈیپارٹمنٹ کی جانب سے نابینا اسلامی بھائیوں نےسومارکنڈانی گوٹھ ملیر میں قائم تاجدارِ مدینہ مسجد میں یومِ تعطیل اعتکاف کیاجس میں کراچی سٹی نابینا افراد ذمہ دار محمد جمیل عطاری نے نمازِ ظہر کے بعد نماز کے احکام کا حلقہ لگایا جس میں نماز کے حوالے سے شرعی مسائل بتائے نیز عصر کے بعد علاقائی دورے کا سلسلہ ہوا اس میں اسلامی بھائیوں نے باہر جاکر لوگوں کو بعد نمازِ مغرب مسجد میں ہونے والے سنتوں بھرے بیان میں شرکت کرنے کی دعوت دی۔

بعد نمازِ مغرب مسجد میں سنتوں بھرے بیان کا سلسلہ ہوا جس میں نابینا افرادسمیت اہلِ علاقہ نے شرکت کی۔علاوہ ازیں رسالہ نیک اعمال سے اسلامی بھائیوں نے جائزہ لیا اور مدرسۃ ُالمدینہ بالغان میں شرکت کی ۔ (رپورٹ : محمد رضوان مدنی عطاری اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

دعوتِ اسلامی کے تحت 19 جنوری 2023ء  کو پنجاب کے علاقے دیپالپور میں قائم اسپیشل ایجوکیشن ا سکول میں سیکھنے سکھانے کے حلقہ کا سلسلہ ہوا جس میں اسکول کے اسٹوڈنٹس نے شرکت کی۔

صوبائی ذمہ دار پنجاب محمد وقاص عطاری نے ’’والدین اور اساتذہ کا ادب‘‘ کے موضوع پر سنتوں بھرا بیان کیاجس میں طلبہ کو والدین اور اساتذہ کا ادب کرنے کا ذہن دیا نیز انہیں دعوتِ اسلامی کے تحت ہونے والے ہفتہ وار اجتماع میں شرکت کرنے کی دعوت دی اس پر اسپیشل ایجوکیشن اسکول کے طلبہ نے اچھی اچھی نیتوں کا اظہار کیا ۔

٭بعدازاں ذمہ داران نے اسکول ٹیچرز سے ملاقات کی اور ان کو اسپیشل پرسنز ڈیپارٹمنٹ کی جانب سے بنائی گئی ایپلیکیشن، فیس بک پیج اور یوٹیوب چینل کے ذریعے کی جانے والی دینی کاوششوں کے بارے میں بریفنگ دی جس پر ٹیچرزنے خوشی کا اظہار کرتے ہوئے خدماتِ دعوت اسلامی کو سراہا۔ (رپورٹ : محمد زبیر عطاری ساہیوال ڈویژن ذمہ دار ، کانٹینٹ: رمضان رضا عطاری)

دنیا بھر میں دینی کام کرنے والی عاشقانِ رسول کی دینی تحریک دعوتِ اسلامی  کے زیرِ اہتمام 20 جنوری 2023ءبروز جمعہ بعد نمازِ فجرعالمی مدنی مرکز فیضانِ مدینہ کراچی میں سیکھنے سکھانے کے حلقے کا انعقاد ہوا جس میں کے پی کے سے آئے ہوئے عاشقانِ رسول نے شرکت کی۔

سیکھنے سکھانے کے حلقے میں رکنِ شوریٰ حاجی محمد امین عطاری نے سنتوں بھرا بیان کیا اور شرکا کو ملک و بیرون ملک میں ہونے والے دعوتِ اسلامی کے دینی کاموں کے حوالے سے آگاہی دی نیز انہیں 12 دینی کاموں میں عملی طور پر حصہ شامل کرنے کا ذہن بھی دیا جس پر اسلامی بھائیوں نے اچھی اچھی نیتیں کیں۔ (کانٹینٹ: رمضان رضا عطاری)

19  جنوری 2023ء بروز جمعرات ایونٹ مجلس فیضانِ مدینہ کا عالمی مدنی مرکزفیضانِ مدینہ کراچی میں مدنی مشورہ ہوا جس میں سیکورٹی ڈیپارٹ،ساؤنڈ ڈیپارٹ سمیت دیگر مجلس فیضانِ مدینہ نے شرکت کی ۔

اس موقع پر مرکزی مجلسِ شوریٰ کے رکن حاجی محمد امین عطاری نے اسلامی بھائیوں کی تربیت کرتے ہوئے انہیں عالمی مدنی مرکز فیضانِ مدینہ کراچی میں ہونے والے پروگرامز کی تیاریوں کے حوالے سے مدنی پھول دیئے نیز مینجمنٹ مضبوط بنانے کے حوالے سے اسلامی بھائیوں کی ذہن سازی بھی کی جس پر انہوں نے بھر پور تعاون کرنے کا عزمِ مصمم کا اظہارکیا۔(کانٹینٹ: رمضان رضا عطاری)

سود خوری کی ممانعت میں کافی آیات نازل ہوئی ہیں، اللہ پاک ارشاد فرماتا: وَ اَحَلَّ اللّٰهُ الْبَیْعَ وَ حَرَّمَ الرِّبٰواؕ- (پ 3، البقرۃ:275)ترجمہ کنز الایمان:اور اللہ نے حلال کیا بیع کو اور حرام کیا سود۔

سود زنا سے بھی بدتر ہے سود اللہ سے اعلانِ جنگ ہے،سود حرام اور جہنم میں لے جانے والا کام ہے، جس طرح سود لینا حرام ہے دینا بھی حرام ہے۔(فرض علوم سیکھیے،ص 584)

سود کی تعریف:عقدِ معاوضہ یعنی لین دین کے کسی معاملے میں جب دونوں طرف مال ہو اور ایک طرف زیادتی ہو کہ اس کے بدلے میں دوسری طرف کچھ نہ ہو یہ سود ہے۔(فرض علوم سیکھیے،ص 584) اسی طرح حدیث میں ہے:کل قرض جر منفعۃ فھو ربا یعنی قرض کے ذریعہ جو نفع ہو وہ بھی سود ہے۔(فرض علوم سیکھیے،ص 592)

احادیث طیبہ:

1۔اللہ نے سود لینے اور دینے والے پر لعنت فرمائی ہے۔(76 کبیرہ گناہ،ص 78)

2۔چار شخص ایسے ہیں جن کے لیے اللہ پاک نے لازم کر دیا کہ انہیں جنت میں داخل نہیں کرے گا اور نہ ہی وہ اس کی نعمتوں سے لطف اندوز ہوں گے؛شرابی، سود خور،ناحق یتیم کا مال کھانے والا اور والدین کا نافرمان۔(مکاشفۃ القلوب، ص 479)

3۔حضور ﷺ نے صحابہ کرام کو خطبہ دیا اور سود اور اس کی برائیاں بیان کرتے ہوئے فرمایا کہ ایک ایسا درہم جسے آدمی بطور سود لیتا ہے اللہ کے ہاں 33 مرتبہ زنا کرنے سے زیادہ برا ہے اور سب سے بڑا سود مسلمان کے مال میں سے کچھ لینا ہے۔(مکاشفۃ القلوب، ص 481)

4۔سود میں 70 گناہ ہیں سب سے ادنیٰ گناہ یہ ہے کہ جیسے آدمی اپنی ماں سے نکاح کر لے۔(مکاشفۃ القلوب،ص 481)

5۔پیارے آقا ﷺ نے پھلوں کو بڑا ہونے سے پہلے بیچنے سے منع فرمایا، جب کسی شہر میں زنا اور سود عام ہو جائے تو انہوں نے گویا خود ہی اللہ کے عذاب کو دعوت دے دی ہے۔(مکاشفۃ القلوب،ص 482)

معاشرتی نقصانات:سود کے جہاں اخروی نقصانات ہیں وہیں دنیاوی نقصانات بھی ہیں،سود سے مال میں برکت ختم ہو جاتی ہے آخر کار وہ تنگدستی کا شکار ہو جاتا ہے،معاشرے میں سودی آدمی کی کوئی عزت نہیں ہوتی۔

خلاصۂ کلام:آئیے اس برے فعل سے جان چھڑائیے ہمت کیجیے توبہ کرلیں کہ سود دنیا میں تو ہمیں بظاہر فائدہ دے اور اس سے ہماری آخرت قبر و حشر خراب ہوں اللہ ناراض ہو دنیا کا یہ معمولی فائدہ اللہ اور اس کے رسول کے احکام سے بڑھ کر تو نہیں جبکہ اس میں نہ دنیا کی بھلائی ہے نہ آخرت کی۔

اللہ سے دعا ہے ہمیں سچی توبہ نصیب ہو جائے۔

سود حرام اور جہنم میں لے جانے والا کام ہے۔

سود کی تعریف: ربا یعنی سود حرام قطعی ہے اس کی حرمت کا منکر کافر ہے اور حرام سمجھ کر جو اس کا مرتکب ہے فاسق مردود الشہادہ ہے، عقدِ معاوضہ میں جب دونوں طرف مال ہو اور ایک طرف زیادتی ہو کہ اس کے مقابل میں دوسری طرف کچھ نہ ہو یہ سود ہے۔

آیت مبارکہ: اللہ پاک فرماتا ہے: یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ذَرُوْا مَا بَقِیَ مِنَ الرِّبٰۤوا اِنْ كُنْتُمْ مُّؤْمِنِیْنَ(۲۷۸) فَاِنْ لَّمْ تَفْعَلُوْا فَاْذَنُوْا بِحَرْبٍ مِّنَ اللّٰهِ وَ رَسُوْلِهٖۚ-وَ اِنْ تُبْتُمْ فَلَكُمْ رُءُوْسُ اَمْوَالِكُمْۚ-لَا تَظْلِمُوْنَ وَ لَا تُظْلَمُوْنَ(۲۷۹) (پ 3، البقرۃ: 278-279) ترجمہ: اے ایمان والو! اللہ سے ڈرو جو کچھ تمہارا سود باقی رہ گیا ہے چھوڑ دو اگر تم مومن ہو اور اگر تم نے ایسا نہ کیا تو تم کو اللہ اور رسول ﷺ کی طرف سے لڑائی کا اعلان ہے اور اگر تم توبہ کر لو تو تمہیں تمہارا اصل مال ملے گا نہ دوسروں پر تم ظلم کرو اور نہ دوسرا تم پر ظلم کرے۔

احادیث مبارکہ:

1۔رسول اللہ ﷺ نے سود لینے والے اور سود دینے والے اور سود لکھنے والے اور اس کے گواہوں پر لعنت فرمائی اور یہ فرمایا کہ وہ سب برابر ہیں۔(مسلم، ص 862، حدیث: 1097)

2۔ نبی کریم ﷺ نے فرمایا: شب معراج میرا گزر ایک قوم پر ہوا جس کے پیٹ گھر کی طرح (بڑے بڑے) ہیں ان پیٹوں میں سانپ ہیں جو باہر سے دکھائی دیتے ہیں، میں نے پوچھا: اے جبرائیل یہ کون لوگ ہیں؟ انہوں نے کہا: یہ سود خوار ہیں۔(سنن ابن ماجہ، 3/72، حدیث: 2273)

3۔ سود (کا گناہ) 70 حصہ ہے ان میں سب سے کم درجہ یہ ہے کہ کوئی شخص اپنی ماں سے زنا کرے۔(سنن ابن ماجہ، 8/223، حدیث: 2274)

4۔سونا بدلے سونے کے اور چاندی بدلے چاندی کے، گیہوں بدلے گیہوں کے اور جو بدلے جو کے اور کھجور بدلے کھجور کے، نمک بدلے نمک کے برابر برابر دست بدست بیع کرو اور جب اصناف میں اختلاف ہو تو جیسے چاہو بیچو (یعنی کمی و بیشی کا) اختیار ہے جبکہ دست بدست ہوں، اوراسی کی مثل ابو سعید خدری رضی اللہ عنہ سے مروی، اس میں اتنا زیادہ ہے کہ جس نے زیادہ لیا اس نے سود کا معاملہ کیا، لینے والا اور دینے والا دونوں برابر ہیں اور صحیحین میں حضرت عمر سے بھی اسی کے مثل مروی ہے۔(مسلم، ص 856، حدیث: 1587)

5۔سود کو چھوڑو اور جس میں سود کا شبہ ہو اسے بھی چھوڑ دو۔(ابن ماجہ، 2/73، حدیث: 2276)

قرآن کریم میں جس گناہ پر اللہ اور اس کے رسول سے جنگ کرنے کی دھمکی دی گئی وہ سود خوری کا گناہ اور بڑا جرم ہے،ایسے شدید الفاظ کسی اور اعمال پر نہیں جو سود خوری کے بارے میں آئے۔

تعریف:عقد معاوضہ یعنی لین دین کے کسی معاملے میں جب دونوں طرف مال ہو اور ایک طرف زیادتی ہو کہ اس کے مقابل میں دوسری طرف کچھ نہ ہو یہ سود ہے۔(ظاہری گناہوں کی معلومات) جس طرح سود لینا حرام ہے سود دینا بھی حرام ہے۔آئیے سود کی مذمت پر احادیث سنتے ہیں؛

فرامین مصطفیٰ:

1۔صحیح مسلم میں حضرت جابر رضی اللہ عنہ سے مروی کہ رسول اللہ ﷺ نے سود لینے والے اور سود دینے والے اور سود لکھنے والے اور اس کے گواہوں پر لعنت فرمائی اور یہ فرمایا کہ وہ سب برابر ہیں۔

2۔ابن ماجہ و دارمی میں حضرت عمر بن خطاب رضی اللہ عنہ سے مروی کہ حضور ﷺ نے فرمایا: سود کو چھوڑ دو اور جس میں سود کا شبہ ہو اسے بھی چھوڑ دو۔(بہار شریعت، 2/448)

3۔امام احمد و ابو داود و نسائی ابن ماجہ حضرت ابو ہریرہ رضی اللہ عنہ سے راوی کہ حضور ﷺ نے فرمایا:لوگوں پر ایک زمانہ ایسا آئے گا کہ سود کھانے سے کوئی نہیں بچے گا اور اگر سود نہ کھائے گا تو اس کے بخارات پہنچیں گے (یعنی سود دےگا یا اس کی گواہی کرےگا یا دستاویز لکھے گا یا سودی روپیہ کسی کو دلانے کی کوشش کرے گا یا سود خوار کے یہاں دعوت کھائے گا یا اس کا ہدیہ قبول کرے گا۔)

4۔امام احمد و ابن ماجہ و بیہقی حضرت عبد اللہ بن مسعود رضی اللہ عنہ سے راوی کہ رسول اللہ ﷺ نے فرمایا: سود سے بظاہر اگرچہ مال زیادہ ہو مگر نتیجہ یہ ہے کہ مال کم ہوگا۔(بہار شریعت،2/447)

5۔ حضرت ابو ہریرہ رضی اللہ عنہ سے روایت ہےکہ رسول اللہ ﷺ نے فرمایا: شب معراج میرا گزر ایک قوم پر ہوا جس کے پیٹ گھر کی طرح بڑے بڑے ہیں ان پیٹوں میں سانپ ہیں جو باہر سے دکھائی دیتے ہیں، میں نے پوچھا:اے جبرائیل یہ کون لوگ ہیں؟ انہوں نے کہا: یہ سود خوار ہیں۔(سنن ابن ماجہ)

اللہ پاک نے قرآن مجید میں ارشاد فردمایا: وَ اَحَلَّ اللّٰهُ الْبَیْعَ وَ حَرَّمَ الرِّبٰواؕ- (پ 3، البقرۃ:275)ترجمہ کنز الایمان:اور اللہ نے حلال کیا بیع کو اور حرام کیا سود۔

ذرا سوچئے! کہ جب ہم اللہ سے بغاوت اور اس کی نافرمانی کریں گے تو رزق اور کاروبار میں برکت کیسے ہوگی؟ سود کا کاروبار کرنے والوں کی نیند،سکون، سب ختم و برباد ہو جاتا ہے،آج ہر کسی نے فی زمانہ Saving account کھولے ہوئے ہیں کہ پیسے زیادہ ہوں گے،لوگوں نے اپنی خواہشات اتنی بڑھالیں کہ حلال اور حرام کی پہچان ہی بھول گئے، ایسی خواہشات کا کیا فائدہ جو دنیا و آخرت برباد کرے،حرام، سود سے کمایا ہوا پیسہ آخر ہسپتال، ڈاکٹرز بلکہ جہاں خرچ نہیں ہونا چاہیے وہاں خرچ ہوتا ہے۔

پیاری اسلامی بہنو! جب ہم سود کے عذابات دنیاوی نقصانات کو پڑھیں گے غور کریں گے یہ کس قدر تباہی و بربادی کا سبب ہے جہنم کے ہولناک عذاب یاد کرنے سے ہی خوف ہوگا تو حلال مال کیوں نہ کھائیں جس سے اللہ بھی راضی ہوگا اور برکت بھی ہوگی، ہمارا ذہن یہ ہوگا کہ دنیا فانی ہے اور آخر موت ہے تو ہم پھر بچ پائیں گے۔

اللہ پاک ہمیں حرام چیزوں سے بچائے اور حلال روزی کمانے کی توفیق عطا فرمائے۔آمین