دعوتِ اسلامی کے زیرِ اہتمام 17 دسمبر 2021 ءبروز جمعہ میمن گوٹھ کابینہ ڈویژن جام گوٹھ کے علاقہ شورو محلہ میں شعبہ کفن دفن کا تربیتی اجتماع ہوا جس میں کم و بیش 18 اسلامی بہنوں نے شرکت کی۔  اس اجتماع کا باقاعدہ آغاز تلاوتِ قرآنِ پاک اور نعت شریف سے ہوا ،اجتماع میں کفن دفن کے تعلق سے تربیت دی گئی جس میں کفن کا طریقہ اور میت کو غسل دینے کا طریقہ بھی سکھایا گیا۔ اسلامی بہنوں کو ٹیسٹ دینے کی ترغیب دلائی گئی جس پر انہوں نے اچھی اچھی نیتیں کیں۔

دعوتِ اسلامی کے رابطہ برائےمیڈیکل ڈیپارٹمنٹ کے تحت ایک ڈاکٹر نے پچھلے دنوں شعبہ ایف جی آر ایف دعوتِ اسلامی کے زیرِ انتظام چلنے والے فیضانِ ریہیبلی ٹیشن سینٹر کا وزٹ کیاجہاں شعبہ ذمہ دار شفاعت علی عطاری نے انہیں اس شعبے کے ذریعے دعوتِ اسلامی کی طرف سے کی جانے والی خدمات کے بارے میں بتایا۔

اس کے علاوہ ذمہ داراسلامی بھائیوں نے لیاقت نیشنل ہسپتال میں عاشقانِ رسول کو چوک درس دیتے ہوئے نیکی کی دعوت پیش کی۔

اسی طرح عالمی مدنی مرکز فیضانِ مدینہ کراچی میں رابطہ برئے میڈیکل ڈیپارٹمنٹ کے تحت بستہ(اسٹال) لگا جس میں شعبے کے دینی کام کرنے کے حوالے سے بریفنگ دی گئی۔(رپورٹ:امید علی عطاری ریجن ذمہ دار، کانٹینٹ:غیاث الدین عطاری)

دعوتِ اسلامی کے شعبہ کفن دفن کےتحت  18 دسمبر 2021ءبروز ہفتہ سخی حسن کراچی میں کابینہ مشاورت اسلامی بہن نے 33 اسلامی بہنوں کو غسلِ میت و کفن کا طریقہ تفصیلاً بتایا، غسل میں اسراف اور مستعمل پانی کے مسائل بھی بتائے ، کورس میں شریک 14 اسلامی بہنوں نے ٹیسٹ دینے کی نیت کی۔

دعوتِ اسلامی کے زیرِ اہتمام 16دسمبر 2021 ءبروز جمعرات کراچی بن قاسم زون قائد آباد  کابینہ ڈویژن مجید کالونی میں سیکھنے سکھانے کے ماہانہ حلقے کا انعقاد ہوا جس میں مختلف شعبہ جات کی ذیلی تا زون مشاورت سمیت کم و بیش 27 اسلامی بہنوں نے شرکت کی۔

دینی حلقے کا باقاعدہ آغاز تلاوتِ قرآنِ پاک اورنعت شریف سے ہوا جس کے بعد اجتماعی فکرِ مدینہ کی گئی اورشجرہ شریف بھی پڑھا گیا ، فقہ میں غسل کا طریقہ سکھایا گیا اورجھوٹ بولنے کی مذمت کے موضوع پر بھی بیان کیا گیا ، پچھلے ماہ میں ہونے والے دینی حلقہ کی دہرائی کروائی گئی ، اسکے بعد شیڈول کے مطابق عطار کی باتیں اور پھر نیکی کی دعوت پر مبنی اعلانات کئے گئے۔ اس دینی حلقے کا اختتام دعا و سلام پر کیاگیا۔

گزشتہ دنوں رابطہ برائے ایگری کلچر اینڈ لائیو اسٹاک ڈیپارٹمنٹ دعوتِ اسلامی کے تحت سکھر ڈویژن ضلع خیرپور میں سیکھنے سکھانے کا حلقہ لگایا گیا جس میں مقامی اسلامی بھائیوں سمیت مختلف شخصیات نے شرکت کی۔

اس دوران ریجن ذمہ دار امید علی عطاری نے وہاں موجود اسلامی بھائیوں کے درمیان شعبے کے دینی کام کرنے کے متعلق گفتگو کرتے ہوئے انہیں 28، 29، 30 جنوری 2022ء کو تین دن کے مدنی قافلے میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:امید علی عطاری ریجن ذمہ دار، کانٹینٹ:غیاث الدین عطاری)

Under the supervision of the Department Shab-o-Roz (Islamic sisters), an online Madani Mashwarah was conducted in European Union in the previous days. The responsible Islamic sisters of Denmark, Spain, Holland, Austria, Belgium, France and Germany had the privilege of attending it.

The Shab-o-Roz responsible Islamic sister analyzed the performance of the attendees (Islamic sisters) and did their Tarbiyyah. Moreover, she gave them the mindset to submit their schedules every month. Moreover, she discussed to improve the performance of monthly magazine Faizan-e-Madinah and persuaded them to visit the Shab-o-Roz website.

گزشتہ دنوں رابطہ برائے ایگری کلچر اینڈ لائیو اسٹاک ڈیپارٹمنٹ دعوتِ اسلامی کے زیرِ اہتمام گلشن معمار کراچی میں ایک شخصیت کے گھر پر سیکھنے سکھانے کا حلقہ لگایا گیا جس میں دعوتِ اسلامی کے ذمہ داران سمیت مختلف شخصیات نے شرکت کی۔

اس دوران نگران شعبہ ڈاکٹر ناصر عطاری نے وہاں موجود اسلامی بھائیوں کے درمیان صدقے کے فضائل اور فکر آخرت کے حوالے سے گفتگو کرتے ہوئے انہیں اپنے بچوں کو دعوتِ اسلامی کے مدرسۃ المدینہ و جامعۃ المدینہ بوائز میں داخلہ دلوانے کا ذہن دیا جس پر شخصیات نے اچھی اچھی نیتوں کا اظہار کیا۔(رپورٹ:عارف عطار ی ریجن ذمہ دار، کانٹینٹ:غیاث الدین عطاری)

دعوتِ اسلامی کے شعبہ روحانی علاج کے تحت 26، 27، 28 دسمبر 2021ء کو ضلع میاں والی میں قائم مدنی مرکز فیضانِ مدینہ میں تین دن کا روحانی علاج کورس منعقد ہوا جس میں فیصل آباد ریجن کے مختلف ذمہ داران نے شرکت کی۔

گزشتہ دنوں حضرت سیّدنا سخی سلطان شاہ بخاری المعروف پیر عمر شاہ بخاری علیہ الرحمہ کے سالانہ عرس کے موقع پر کراچی میں دعوتِ اسلامی کے شعبہ مزاراتِ اولیاء کے ذمہ داران نے سنتوں بھرے اجتماع کا انعقاد کیا جس میں کثیر اسلامی بھائیوں نے شرکت کی۔

اس اجتماعِ پاک میں مبلغِ دعوتِ اسلامی و نگرانِ ملیر ٹاؤن محمد عرفان عطاری نے سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی۔

اس موقع پر شعبے کے ذمہ داران سمیت ڈویژن نگران ومشاورت موجود تھے۔بعدازاں ذمہ داران نے قراٰن خوانی کا اہتمام کیا۔(رپورٹ:شہزاد احمد عطاری شعبہ مزارات اولیاء کراچی، کانٹینٹ:غیاث الدین عطاری)

دعوتِ اسلامی کے شعبہ کفن دفن کے زیرِ اہتمام پچھلے دنوں اندرونِ سندھ کے علاقے میروہ گورچانی  کی ایک جامع مسجد میں تین دن کا مدنی قافلہ سفر پر گیا۔

دورانِ مدنی قافلہ 26 دسمبر 2021ء بروزاتور رکنِ کابینہ میلاد رضا عطاری نے شرکائے قافلہ سمیت مقامی اسلامی بھائیوں کے درمیان سیکھنے سکھانے کا حلقہ لگایا جس میں انہیں میت کو غسل دینے کی فضیلت و اہمیت کے بارے میں بتاتے ہوئے غسلِ میت، کفن کاٹنے اور پہنانے کا طریقہ سکھایا گیا۔(رپورٹ:عزیر عطاری رکن شعبہ کفن دفن، کانٹینٹ:غیاث الدین عطاری)

پچھلے دنوں دعوتِ اسلامی کے رابطہ برائے ٹرانسپورٹ ڈیپارٹمنٹ  کے تحت کراچی بس ٹرمینل سہراب گوٹھ میں سیکھنے سکھانے کا حلقہ لگایا گیا جس میں انجینئرنگ ورکس شخصیات نے شرکت کی۔

اس دوران نگرانِ شعبہ محمد اسماعیل عطاری نے وہاں موجود اسلامی بھائیوں کو شعبے کا تعارف پیش کرتے ہوئے دعوتِ اسلامی کے 12 دینی کاموں کے حوالے گفتگو کی۔بعدازاں ذمہ داران نے شخصیات سے ملاقات کی جس پر انہوں نے اظہارِ مسرت کیا۔(رپورٹ:عبد الوہاب عطاری رابطہ برائے ٹرانسپورٹ ڈیپارٹمنٹ، کانٹینٹ:غیاث الدین عطاری)