چغل خوری ظاہری امراض میں سے انتہائی خطرناک مرض ہے اس کا شرعی حکم یہ ہے کہ چغل خوری ناجائز حرام اور نہایت ہی قبیح اور جہنم میں لے جانے والا کام ہے آئیے چغل خوری کی مذمت میں چند احادیث ملاحظہ کرتے ہیں

حدیث نمبر:-1 حضرت حذیفہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : چغل خور

جنت میں نہیں جائے گا۔ ( صحیح بخاری، کتاب الادب، باب ما يكره من النميمة)

حدیث نمبر:-2 رسول اللہ صلی علیم نے فرمایا: میرے نزدیک سب سے زیادہ برے لوگ وہ ہیں جو چغل خور ہیں، اور وہ لوگ جو آپس میں محبت کرنے والوں کے درمیان جدائی ڈلواتے ہیں اور وہ لوگ جو بے گناہ لوگوں پر الزام تراشی کرتے ہیں۔(المعجم الصغير للطبرانی: 7/350، السلسلة الصحيحة: 2/379)

حدیث نمبر:-3حضور نبی کریم صلی اللہ علیہ وسلم نے ارشاد فرمایا لوگوں سے لوگوں کی چغلی کھانے والا صحیح النسب نہیں( یعنی وہ حلال کی اولاد نہیں ہے) احیاء العلوم جلد(3) صفحہ (475)

حدیث نمبر:-4حضرت ابن مسعود رضی اللہ عنہ سے روایت ہے کہ نبیِّ کریم صلی اللہ علیہ وسلم نے فرمایا کہ میں تمہیں نہ بتلاوں کہ غصہ کیا چیز ہے ؟ وہ چغلی ہے لوگوں کے درمیان ( کسی کی ) بات کرنا۔ ( صحیح مسلم ، کتاب البر ، باب تحريم النميمة)

حدیث نمبر:-5 حضرت سیدنا ابوہریرہ رضی اللہ تعالی عنہ بیان فرماتے ہیں کہ حضور نبی کریم صلی اللہ علیہ وسلم نے ارشاد فرمایا اللہ عزوجل کے نزدیک تم میں سے سب سے زیادہ محبوب وہ لوگ ہیں جو تم میں سب سے زیادہ خوش اخلاق ہیں جن کے ساتھ رہنے والا ان سے اذیت نہیں پاتا جو لوگوں سے اور لوگ ان سے محبت کرتے ہیں اور تم میں سب سے زیادہ ناپسندیدہ لوگ وہ ہیں جو چغلیاں کھاتے دوسروں کے درمیان جدائی ڈالتے اور پاک باز لوگوں کے عیب تلاش کرتے ہیں۔ المعجم الاوسط 5(387 حدیث 7697

چوری سے بچ اللہ تبارک و تعالی سے دعا ہے کہ اللہ پاک ہمیں چغل خوری جیسی باطنی بیماریوں سے بچنے کی توفیق عطا فرمائے آمین بجاہ خاتم النبیین صلی اللہ علیہ وسلم