گزشتہ دنوں ڈسٹرکٹ کوآرڈینیٹر کلین اینڈ گرین پاکستان PM رائے حسن کھرل صاحب نے جمعہ حافظ آباد فیضان مدینہ میں ادا کیا ۔ نگران زون سے ملاقات کی اور شجر کاری مہم کے حوالے سے گفتگو کرتے ہوئے جلد ضلعی انتظامیہ کے تعاون سے حافظ آباد میں شروع کرنے کا عندیہ دیا۔ (رپورٹ: مجلس رابطہ ڈسٹرکٹ حافظ آباد)

شعبہ رابطہ برائے شخصیات دعوتِ اسلامی کے زیر اہتمام گزشتہ دنوں کہروڑپکا میں ملک اللہ بخش کےبیٹے ملک راشدکے ولیمہ پر منعقد ہونے والے اجتماع ذکر و نعت میں اطراف نگران کابینہ واطراف زون ذمہ دار اسلامی بھائیوں نے شرکت کی۔مبلغ دعوتِ اسلامی نے سنتوں بھرا بیان کرتے ہوئے شرکا کو نیکی کی دعوت دی۔ (رپورٹ: مجلس رابطہ لودھراں، ملتان ریجن)

شعبہ رابطہ برائے شخصیات دعوتِ اسلامی کے زیر اہتمام 04 مارچ 2021ء بروز اتوار ذمہ دارانِ دعوتِ اسلامی نے  اسسٹنٹ کمشنر بھیرہ شریف محمد غلام مرتضیٰ ہاشمی، سینئر سیاستدان راجہ مجاہد عباس بکھر، تحصیلدار بھیرہ شریف چوہدری محمد اکبر جاوید، چیئرمین مڈھ پرگنہ چوہدری محمد حیات گوندل، سیاسی و سماجی شخصیت رانا سجاد غفور سے ملاقات کی۔

دعوتِ اسلامی کا تعارف کرواتے ہوئے نیکی کی دعوت میں دعوت اسلامی کے کردار پر روشنی ڈالی نیز شخصیات کو دعوتِ اسلامی کے دینی کاموں میں حصہ لینے کی ترغیب دلائی۔مزید اس موقع پر شخصیات میں تحفۃً مختلف رسائل پیش کئے ۔ (رپورٹ: شعبہ رابطہ برائے شخصیات، تحصیل بھیرہ، سرگودھا ڈویژن)

شعبہ رابطہ برائے شخصیات دعوتِ اسلامی کے زیر اہتمام گزشتہ دنوں اسسٹنٹ کمشنر بھیرہ شریف محمد غلام مرتضی ہاشمی کے ہمراہ   ذمہ دارانِ دعوتِ اسلامی نے اہم سیاسی و سماجی شخصیت سینئر صحافی سلیم اختر سلیمی صاحب سے ان کے گھر پر ملاقات کی جس میں ان کی والدہ مُحترمہ کے انتقال پر تعزیت کی۔ فاتحہ خوانی کرتے ہوئے دعائے مغفرت کی اور اہل خانہ کو صبر کی تلقین کی۔(رپورٹ: شعبہ رابطہ برائے شخصیات، تحصیل بھیرہ، سرگودھا ڈویژن)

شعبہ رابطہ برائے شخصیات دعوتِ اسلامی کے زیر اہتمام گزشتہ دنوں ذمہ داران دعوتِ اسلامی نے  منڈی بہاوالدین میں ڈپٹی کمشنر طارق بسرا، علی رضا ڈی پی او منڈی، عرفان اعوان ڈی ایس پی سٹی منڈی، اسد اسحاق ڈی ایس پی پھالیہ سے ملاقات کی ۔

دعوتِ اسلامی کا تعارف کرواتے ہوئے مختلف شعبہ جات کے حوالے معلومات دیں۔ اس موقع پر شخصیات کو دو کتابیں عجائب القران اور مدنی پنچ سورہ تحفے میں پیش کی گئیں۔ (مجلس رابطہ برائے شخصیات سیالکوٹ زون)

پنجاب جتوئی  میں دعوت اسلامی کی مجلس رابطہ کےذمہ داران نے سابق ایم پی اے سردارضیاءاللہ خان،ڈی ایس پی نصراللہ خان،چیف آف غزلانی سابق چیئرمین سردارمحمد اعظم خان غزلانی،چیئرمین سردارسلیم خان سلہانی ودیگر شخصیات سےملاقات کی۔ نیکی کی دعوت دیتے ہوئے شبِ برات کےاجتماع میں شرکت کی دعوت پیش کی۔

دعوت اسلامی کی عالمی سطح پر دینی خدمات اور دعوت اسلامی کےمختلف شعبہ جات کےحوالےسےانہیں بریف کیااورمکتبۃ المدینہ کی کتابیں انہیں تحفےمیں پیش کیں نیز آخر میں مدنی مرکزفیضان مدینہ وزٹ کی دعوت پیش کی۔(رپورٹ: مجلس رابطہ ڈسٹرکٹ مظفرگڑھ ملتان ریجن)

پچھلے دنوں صاحبزادہ سائیں محمد عمر جان نقشبندی رئیسانی کی زوجہ رضائے الہی سے انتقال کرگئیں۔

اسی سلسلے میں شعبہ رابطہ برائے شخصیات کے ذمہ داران نے سجادہ نشین دربار عالیہ نور پور شریف سبی صاحبزادہ خواجہ سائیں فقیر اللہ جان نقشبندی اور صاحبزادہ سائیں منیر احمد جان نقشبندی سے ان کی بھائی کے انتقال پر تعزیت کی۔ اس موقع پر ذمہ داران نے مرحومہ کے ایصالِ ثواب کے لئے فاتحہ خوانی کی اور لواحقین کو دعوت اسلامی کے دینی کاموں شرکت کرنے اور تعاون کرنے کی ترغیب دلائی۔

پچھلے دنوں محمد رفیق سیلاچی سینئر کلرک ہیڈ آفس ایف سی کوئٹہ کے چھوٹے بھائی F.C کے جوان سردار حسین سیلاچی جوکہ قلعہ سیف اللہ میں وطن کی حفاظت کرتے ہوئے شہید ہوگئے۔

اسی سلسلے میں شعبہ رابطہ برائے شخصیات کے ذمہ داران نے ان کی رہائش گاہ پہنچ کر ان کے اہلِ خانہ سے تعزیت کی اور مرحوم کے ایصالِ ثواب کےلئے فاتحہ خوانی کی۔اس موقع پر مختلف شخصیات کو نیکی کی دعوت بھی پیش کی گئی۔

عالمی مدنی مرکز فیضان مدینہ کراچی میں کوئٹہ بلوچستان کے معروف سوشل ایکٹوسٹ کامران بلوچ کی آمد ہوئی۔

شعبہ رابطہ برائے شخصیات کراچی ریجن کے ذمہ دار حاجی یعقوب عطاری اور پبلک ریلیشن منیجر ذمہ دار سید عبد الرزاق شاہ نے انہیں خوش آمدید کہا۔ ذمہ داران نے کامران بلوچ کو دعوت اسلامی کا تعارف پیش کیا اور فیضان مدینہ کراچی سے عالمی سطح پر ہونے والےدینی و فلاحی کاموں پر بریفنگ دی۔

کامران بلوچ کو فیضان مدینہ میں قائم مختلف شعبہ جات کا وزٹ بھی کروایا گیا۔

دعوت اسلامی کے شعبہ رابطہ برائے شخصیات کے ذمہ دار غلام محبوب عطاری نے اسسٹنٹ کمشنر کورنگی امتیاز منگی، مختیار کار کورنگی ایڈیشنل ڈپٹی کمشنر ارباب علی شاہ، اسسٹنٹ کمشنر ریوینوں گلزار کلور اور دیگر اسٹاف سے ملاقات کی۔

غلام محبوب عطاری نے انہیں نیکی کی دعوت پیش کی اور دعوت اسلامی کے تحت دنیا بھر میں ہونے والے دینی کاموں کا تعارف پیش کرتے ہوئے فیضان مدینہ کراچی کے وزٹ کی دعوت دی۔

پچھلے دنوں دعوت اسلامی کے شعبہ رابطہ برائے شخصیات کے ذمہ دار عرفان حسین عطاری نے راشد محمود عطاری کے ہمراہ راولپنڈی میں اعجاز خان M.P.A، ان کے بھائیوں ممتاز خان اور ندیم خان سے ملاقات کی۔ عرفان عطاری نے انہیں دعوت اسلامی کے شعبہ جات تعارف پیش کیا اور فیضان مدینہ آنے کی دعوت دی۔

شخصیات کو مکتبۃ المدینہ کی کتابیں بھی تحفے میں پیش کی گئیں۔

پچھلے دنوں مہر شہزاد احمد علیانہ  D.S.Pلیگل فیصل آباد کے بڑے بھائی کی برسی پر علیانہ گاؤں جھنگ میں ختم شریف کا اہتمام کیا گیا جس میں اہلِ خانہ، عزیز و اقارب اور مقامی اسلامی بھائیوں سمیت کثیر شخصیات نے شرکت کی۔

ریجن ذمہ دار و مبلغ دعوت اسلامی قاری مبارک علی عطاری نے سنتوں بھرا بیان کیا اور شرکاکو دعوت اسلامی کے دینی کاموں میں شرکت کرنے اور اپنے مرحومین کے لئے ایصالِ ثواب کرنے کا ذہن دیا۔