05فروری2021ء بروز  جمعۃ المبارک مدنی بلڈنگ کراچی میں بسلسلہ برسی والدہ محترمہ رکنِ شوری حاجی عقیل عطاری مدنی کے گھر یوم ِصدیق اکبر و ایصالِ ثواب اجتماع ہوا جس میں نگران کابینہ، ائمہ مساجد کے نگران ، پراپرٹی اینڈ کنسٹریکشن ڈیپارٹمنٹ کے نگران، ماہنامہ فیضان ِمدینہ کے چیف ایڈیٹر محمد آصف عطاری مدنی سمیت دیگر ذمہ داران و اہل خانہ نے شرکت کی ۔

ایصالِ ثواب اجتماع میں مفتی محمد فضیل رضا عطاری نے شانِ صدیق اکبر رضی اللہ عنہ کے موضوع پر بیان کرتے ہوئے حاضرین کو سیرت مصطفی و کردارِ صدیق اکبر کو اپنانے کی ترغیب دلائی۔

مفتی صاحب نے بیان میں فرمایا کہ’’ حضرت ابوبکر صدیق رضی اللہ عنہ کا ایمان ایسا ہے کہ ساری امت کا ایمان ایک ترازو کے پلڑے میں رکھ دیا جائے اورحضرت صدیق اکبر رضی اللہ عنہ کاایمان دوسرے پلڑے میں ہوتو حضرت صدیق اکبر کا ایمان بھاری ہوجائے گا۔حضرت ابوبکرصدیق رضی اللہ عنہ کی صداقت ایسی ہے کہ آپ کا لقب ہی’’ صدیق اکبر‘‘ یعنی سب سے بڑے تصدیق کرنے والےہیں۔انبیاء کرام علیہم السلام کے بعد تمام انسانوں میں افضل ہیں اور حضرت ابوبکر صدیق تمام صحابہ میں بھی سب سے افضل و اعلیٰ ہیں۔

یاد رہے! جو سب سے افضل ہوتا ہے وہ اللہ تعالی کے زیادہ قریب بھی ہوتا ہے۔ حضرت ابوبکر صدیق رضی اللہ عنہ کی نبی کریم صلی اللہ تعالی علیہ وسلم سے محبت کا عالم یہ ہے کہ آپ نے فرمایا’’مجھے تین باتیں بہت پسند ہیں،پہلی بات یہ کہ آپ صلی اللہ تعالی علیہ وآلہ سلم کے چہرہ ٔمبارکہ کی طرف دیکھتے رہنا، دوسری بات یہ ہے کہ نبی کریم علیہ الصلوۃوالسلام کی خدمت میں مال خرچ کرنا، اورتیسری بات: نبی کریم صلی اللہ تعالی علیہ وآلہ وسلم پر کثرت سے ’’دورد پاک پڑھنا‘‘۔

مفتی صاحب نے خصوصی دعا فرماتے ہوئے رکنِ شوری ٰحاجی عقیل عطاری مدنی کی والدہ محترمہ کی برسی کے موقع پر ہونےوالی قرآن خوانی،نعت خوانی اور دیگر نیک اعمال کا ثواب ان کی والدہ محترمہ کو ایصال کیااور انکے درجات کی بلندی کیلئے دعا فرمائی۔

گزشتہ روز  پنجاب کے علاقے وزیرآباد میں سید فضیل رضا عطاری نے ہائی کلاس بیکریوں کے اونرز سے ملاقات کرکے ان کے درمیان مدنی مشورہ فرمایا۔ انہیں دعوتِ اسلامی کے مدنی کاموں سے آگاہ فرما کر دعوتِ اسلامی کے ساتھ تعاون کرنے کا مدنی ذہن دیا۔

دعوتِ اسلامی کے تحت رحیم یارخان میں مسجد’’  فیضانِ امیر ِمعاویہ رضی اللہ تعالٰی عنہ‘‘ کا افتتاح ہوا۔اس موقع پر برمنگھم یوکے ریجن نگران سیّد فضیل رضا عطاری بھی وہاں موجود تھے۔انہوں نے مسجد کی جلد تعمیر اور وہاں موجود حاضرین کی لئے دعا بھی کروائی اور و ہاں موجود ذمّہ داران کا مدنی مشورہ بھی لیا۔

6 فروری 2021ء بروز جمعرات  کو دعوتِ اسلامی کے تحت پنجاب کے علاقہ وزیرآباد میں موجود مدنی مرکز فیضان ِمدینہ میں ہفتہ وار سنتوں بھرا اجتماع ہوا جس میں یوکے برمنگھم کے ریجن نگران سیّد فضیل رضا عطاری نےسنّتوں بیان فرمایا۔ اجتماعِ پاک میں کثیر عاشقان ِرسول نے شرکت کی۔ 

گزشتہ روز    د عوت ِاسلامی کی مرکزی مجلس شوریٰ کے رکن مولانا اسد عطاری مدنی پنجاب کے علاقہ’’ غاکہر منڈی ‘‘میں ایک اسلامی بھائی کے گھر ملاقات کے لئے تشریف لے گئے اور ان کے لئے دعا ئے صحت و برکت فرمائی۔اس موقع پر آپ کے ہمراہ برمنگھم یوکے کے ریجن نگران سیّد فضیل رضا عطاری بھی موجود تھے۔

دعوتِ اسلامی کے تحت پنجاب کے علاقہ وزیرآباد میں موجود  اسپائر کالج کے ٹریننگ سیکشن کے ’’تربیتی ِسیکشن ‘‘میں سید فضیل رضا عطاری نے اسٹوڈنٹس ،ٹیچرز اور وہاں موجود مینجمنٹ کرنے والے اسلامی بھائیوں سے ملاقات بھی کی اور ان کےدرمیان ’’ماں باپ ‘‘کے ساتھ اچھا سلوک کرنے اور انہیں اہمیت دینے پر چند روز پہلےسنّتوں بھرا بیان بھی فرمایا۔ اجتماع کے بعد مبلّغِ دعوتِ اسلامی نے اسٹوڈنٹس اور ٹیچر کے درمیان ایک میٹنگ بھی کی۔

برمنگھم  یوکے ریجن میں دعوتِ اسلامی کے نگران سید فضیل رضا عطاری نے حاصل پور پنجاب میں مختلف شعبوں سے تعلق رکھنے والی شخصیات اور حاصل پور پنجا ب کے دکان مالکان کے درمیان مدنی حلقہ لگایا اور انہیں دعوتِ اسلامی کے دینی کاموں سےآگاہی دیتے ہوئے انہیں دعوت ِاسلامی کے ساتھ تعاون کرنے کا ذہن بھی دیا۔

برمنگھم یوکے ریجن میں دعوتِ اسلامی کے نگران سید فضیل رضا عطاری نے حاصل پور پنجاب میں موجود "جامعۃ الفردوس "کا وزٹ فرمایااور وہاں مدنی حلقہ لگایا ۔ نگران برمنگھم ریجن نے وہاں کے بانی و پرنسپل مفتی محمد بشیراحمد فردوسی اور وہاں موجود طلبہ کرام سے ملاقات کی اور دعوتِ اسلامی کا تعارف پیش کیا۔

دعوتِ اسلامی کے تحت  کراچی کے علاقہ ڈیفنس میں اسلامی بہنوں میں اسلامی تعلیمات عام کرنے کے لئے دعوت ِاسلامی کے شعبہ فیضان ایجوکیشن کے تحت 13 فروری 2021 ء کو فیضان ایجوکیشن نیٹ ورک (برائے خواتین ) کا آغاز کیا جائے گا۔3 فروری بروز بدھ کو نگران ِشوریٰ مولانا محمد عمران عطاری مُدَّظِلُّہُ الْعَالِی، رکنِ شوریٰ حاجی محمد اطہر عطاری اور دیگر ذمّہ داران ِدعوت ِاسلامی نے اس جگہ کاوزٹ کیا۔ نگرانِ شوری ٰنےخوشی کا اظہار کرتے ہوئےوہاں موجود عملے کو مزید بہتری لانے کے حوالے سے اہم نکات بھی ارشاد فرمائے۔ 

گزشتہ روز (7 فروری2021ء کو)  ڈویژن فتح گڑھ کے علاقہ ہربنس پورہ لاہور میں مولانا حسنین مدنی کے والدین مرحومین کے چہلم کے موقع پر ایصالِ ثواب اجتماع کا اہتمام کیا گیا۔

اجتماعِ پاک میں رکن شوریٰ حاجی منصور عطاری نے سنتوں بھرا بیان فرمایا اور حاضرین کو اپنی موت کی تیاری کرنے کے متعلق مدنی پھول عطا فرماتے ہوئے دعوت اسلامی کے دینی ماحول سے وابستہ رہنے، مدنی قافلوں و ہفتہ وار اجتماع میں شرکت کی دعوت دی۔

اس موقع پر نگران کابینہ محمد ندیم عطاری سمیت دیگر عاشقانِ رسول تھے۔ 

15 دسمبر 2020ء سے شروع ہونے والا سلسلہ ”ذہنی آزمائش سیزن 12“ اپنے اختتام کو پہنچا۔

ذہنی آزمائش سیزن 12 کا گرینڈ فائنل5فروری 2021ء بروز جمعۃ المبارک جناح اسٹیڈیم سیالکوٹ میں منعقد ہوا جس میں سرگودھا اور گوجرانوالہ کی ٹیموں کے درمیان مقابلہ رہا۔ ہزاروں عاشقان رسول نےذہنی آزمائش کا گرینڈ فائنل دیکھنے کے لئے جناح اسٹیدیم کا رُخ کیا جبکہ پروگرام کی میزبانی مذہبی اسکالر رکن شوریٰ مولانا حاجی عبد الحبیب عطاری فرمارہے تھے۔دونوں ٹیموں کے درمیان انتہائی دلچسپ مقابلے کے بعد سرگودھا کی ٹیم میدان اپنے نام کرنے میں کامیاب ہوگئی۔

اختتام پر دونوں ٹیموں کی زبردست حوصلہ افزائی کی گئی اور انہیں عمرے کے ٹکٹس و دیگر تحائف پیش کئے گئے۔اس موقع پر اراکین شوریٰ حاجی محمد اظہر عطاری، حاجی وقار المدینہ عطاری، حاجی منصور رضا عطاری، نگران ریجن برمنگھم حاجی سید فضیل رضا عطاری اور نگران مجلس پروفیشنل محمد ثوبان عطاری سمیت سیاسی و سماجی شخصیات بڑی تعداد میں شریک تھیں۔

دعوتِ اسلامی کے عالمی مدنی مرکز فیضان مدینہ کراچی میں تین دن پر مشتمل مجلس وکلاء کا تربیتی اجتماع ہوا۔ دوران اجتماع31 جنوری 2021ء  کو شعبہ کفن دفن کے تحت مدنی حلقے کا سلسلہ ہوا ۔

رکن مجلس عزیر عطاری نے میت کو غسل دینے، کفن کاٹنے اور پہنانے کا طریقہ بیان کیا اور شرکا کو ایپلیکیشن ڈاؤن لوڈ کرنے کی ترغیب دلائی۔ (رپورٹ: عزیر عطاری، شعبہ کفن دفن)