دعوت اسلامی کے شعبہ مدنی کورسز کے زیر اہتمام مدنی مرکز فیضان مدینہ سکھر میں 63 دن کا مدنی تربیتی کورس جاری ہے۔

دوران کورس 26 اگست 2021ء کو مدنی حلقے کا سلسلہ ہوا جس میں کورس کرنے والے اسلامی بھائیوں نے شرکت کی۔ رکن زون شعبہ مدنی کورسز جنید رضا عطاری مدنی نے ”فضائل درود اور استقامت “کے موضوع پر سنتوں بھرا بیان کیا اور شرکا کو استقامت کے ساتھ کورس کرنے کی ترغیب دلائی۔ (رپورٹ: جنید رضا عطاری مدنی، رکن زون شعبہ مدنی کورسز سکھر، Content: Mohammad Hussain Attari)

دعوتِ اسلامی کےتحت اسلامی تتحت تتتتتتتتئتفےردتھتاسلامی بھائیوں کی تربیت کا سلسلہ ہوتا رہتا ہے پچھلے دنوں دعوتِ اسلامی کے شعبہ مدنی کورسز کے زیرِ اہتمام بن قاسم زون کابینہ ٹھٹھہ کے ڈویژن دھابیجی کے علاقے بہار کالونی کی جامع مسجد عثمانیہ میں فیضانِ نماز کورس شروع کیا گیاجس میں کثیر اسلامی بھائیوں نے داخلہ لیا۔ 22اگست2021ءکو رکنِ زون مدنی کورسز ،نگرانِ کابینہ سمیت دیگر ذمہ داران نے شرکت کی ۔

اس موقع پر ذمہ دار نے مسجد کے آداب و شیطانی وسوسوں کے متعلق تربیت کرتے ہوئے دینی ماحول میں استقامت کا ذہن دیا۔ اس وقت فیضانِ نماز کورس (رہائشی) کا سلسلہ جاری ہے ۔

26اگست 2021ءبروزجمعرات ہفتہ وار اجتماع کے بعد دھابیجی اُمِّ عطار مسجد میں اس کورس کا اختتام ہوگا جس میں سیاسی وسماجی کاروباری شخصیات شرکت کریں گے۔(رپوٹ: معلم مدنی کورسز محمد صادق مدنی عطاری، کانٹینٹ:غیاث الدین عطاری )

پچھلے دنوں دعوتِ اسلامی کے شعبے مدنی کورسز کے تحت  مدنی مرکز فیضانِ مدینہ سوساں روڈ مدینہ ٹاؤن فیصل آباد میں مدنی حلقے کا سلسلہ ہوا جس میں نگران شعبہ مدنی کورسز محمد طارق عطاری نے’’ جھوٹ‘‘ کے موضوع پر بیان کرتے ہوئےشرکا کو اپنے اعمال کی اصلاح کا جائزہ لینےاور جھوٹ سے بچنے کے حوالے سے مدنی پھول دیئے۔(رپوٹ: محمد احمد سیالوی عطاری رکن شعبہ مدنی کورسز، کانٹینٹ:غیاث الدین عطاری )

دعوت اسلامی کے شعبہ مدنی کورسز کے زیر اہتمام 11 اگست 2021ء کو عارف والا پنجاب میں علاقائی دورہ کا سلسلہ ہوا جس میں نگران شعبہ مدنی کورسز محمد طارق عطاری نے63 دن کے مدنی تربیتی کورس کے شرکا کے ہمراہ  مقامی اسلامی بھائیوں کو نیکی کی دعوت دی۔

علاقائی دورہ سے قبل محمد طارق عطاری نے شرکائے کورس کے درمیان علاقائی دورہ کے آداب بھی بیان کئے۔ (رپورٹ: محمد احمد سیالوی عطاری، رکن شعبہ مدنی کورسز، Content: محمد حسین عطاری مدنی)

دعوتِ اسلامی کے شعبہ مدنی کورسز کےتحت اسلامی بھائیوں کے نمازکی درستگی کےلئے فیضانِ نماز کورس ہونے جا رہا ہے جس میں شرکا کو نماز کے فرائض،واجبات ،سنتیں اور دیگر مسائل سکھائے جائیں گے۔

یہ کورس20اگست2021ءبروزجمعہ سے ڈویژن دھابیجی بہار کالونی عثمانیہ مسجد اور ڈویژن گھارو خیرالنساء مسجد میں شروع ہو جائے گا۔

داخلوں کے لئے جلداز جلد مقامی ذمہ داران سے رابطہ کریں۔(رپوٹ: قاری محمد ناصر رضا عطاری رکنِ زون، کانٹینٹ:غیاث الدین عطاری مدنی)

دعوت اسلامی کے شعبہ مدنی کورسز کے زیر اہتمام 6 اگست 2021ء سے جامع مسجد شاہ عباس المعروف درباروالی مسجد پتوکی ضلع قصور میں  7دن کے ”فیضان نماز کورس“ کا آغاز ہوا۔ ا س کورس میں جامعۃ المدینہ ومدرسۃ المدینہ کے طلبہ، اسکول و کالج کے اسٹوڈنٹس اور ٹیچرز سمیت مختلف شعبے سے وابستہ کم و بیش 450 اسلامی بھائی شرکت کررہے ہیں۔

دورانِ کورس نگران زون حاجی منیر عطاری، نگران کابینہ محمد بلال عطاری مدنی اور نگران ڈویژن مشاورت پتوکی محمد نصیر عطاری مدنی وقتاً فوقتاً شرکا درمیان نماز کے مسائل، نماز کے فضائل اور نماز کا عملی طریقہ بیان کررہے ہیں۔ (رپورٹ: علی ریاض عطاری، شعبہ سیکورٹی ڈیپارٹمنٹ)

دعوتِ اسلامی کے شعبہ مدنی کورسز کے زیر اہتمام 7 اگست 2021ء کو مدنی مرکز فیضان مدینہ نکیال میں 7 دن کے ”فیضان نماز کورس“ کا اختتام ہوا جس میں مقامی اسلامی بھائیوں نے شرکت کی۔

کورس کے اختتام پر مرکزی مجلس شوریٰ کے رکن حاجی فاروق جیلانی عطاری نے ”راہ خدا میں سفر کرنا عبادت ہے“ کے موضوع پر بیان کیا اور شرکا کو مساجد آباد کرنے اور گھریلو صدقہ بکس رکھنے کی ترغیب دلائی۔ (رپورٹ: محمد احمد سیالوی عطاری، رکن شعبہ مدنی کورسز)

دعوت اسلامی کے شعبہ مدنی کورسز کے زیر اہتمام 8 اگست 2021ء کو نوری آباد دادا بھائی سپر ہائی وےجامع مسجدفیضان عطار میں ہونے والے 7 دن کے ”فیضان نماز کورس“ کا اختتام ہوا جس میں 16 اسلامی بھائیوں نے شرکت کی۔

کورس کے اختتام پر رکن زون قاری محمد ناصر رضا عطاری نے ”وقت کی اہمیت“ کے موضوع پر بیان کیااور شرکا کو دینی کاموں میں عملی طور پر شرکت کرنے کی ترغیب دلائی۔ آخر میں ریجن ذمہ دار نے اسلامی بھائیوں کی تربیت فرمائی۔ (رپورٹ:قاری محمد ناصر رضا عطاری، رکنِ زون)

گزشتہ دنوں دعوت اسلامی کے شعبہ مدنی کورسز کے زیر اہتمام مدنی مرکز فیضان مدینہ قبولہ شریف میں ہونے والے 12 دینی کام کورس کا اختتام ہوا جس میں امامت کورس کے 14 اسلامی بھائیوں نے شرکت کی۔

دوران کورس شرکا نے فرائض کی ادائیگی کے ساتھ ساتھ نوافل ادا کی اور 34 ہزار 620 مرتبہ بارگا ہ رسالت ﷺ میں درود شریف کاہدیہ پیش کیا۔ شرکا نے دوران کورس دینی کاموں میں حصہ بھی لیا جن میں 63 مقامات پر 226 چوک درس دئیے گئے، 25 مقامات پر 92 عاشقان رسول کو نیکی کی دعوت پیش کی گئی اور 111عاشقان رسول کو ہفتہ وار اجتماع کی دعوت پیش کی گئی۔کورس کے دوران مارکیٹ میں 9 مقامات پر اسلامی بھائیوں کے لئے مدرسۃ المدینہ شروع کروایا گیا جن میں شرکائے کورس قرآن پاک پڑھانے کی سعادت حاصل کریں گے۔

آخر میں متعلقہ ذمہ داران سے رابطہ اور مشاورت کرکے اسلامی بھائیوں میں ذمہ داریاں بھی تقسیم کی گئیں۔ (رپورٹ: محمد احمد سیالوی عطاری، رکن شعبہ مدنی کورسز)

دعوت اسلامی کے شعبہ مدنی کورسز کےزیر اہتمام مدنی مرکز فیضان مدینہ فیصل آباد مدینہ ٹاؤن میں ہونے والے 7 دن کے اصلاح اعمال کورس رہائشی کا6 اگست 2021ء کو  اختتام ہوا جس میں امامت کورس کے اسلامی بھائیوں نے شرکت کی۔

کورس کے اختتام پر مدنی حلقے کا انعقاد کیا گیا جس میں رکن شعبہ مدنی کورسز محمد اویس عطاری نے شرکا کو اچھی صحبت اختیار کرنے، کورس میں جو کچھ سیکھا ہے اس پر کورس کے بعد بھی عمل جاری رکھنے، پانچوں نمازیں مسجد کی پہلی صف میں ادا کرنے اور درود پاک کی کثرت کرنے کا ذہن دیا۔

آخر میں شرکا کورس میں سے پوزیشن لینے والوں کو تحائف بھی پیش کئے گئے۔ (رپورٹ: محمد احمد سیالوی عطاری، رکن شعبہ مدنی کورسز)

دعوت اسلامی کے شعبہ مدنی کورسز کے زیر اہتمام 12 جولائی 2021ء کو جامع مسجد تلوی کُھوڑہ وادیِ سون ضلع خوشاب میں 12 دن کا معلم کورس ہوا جس میں جامعۃ المدینہ کے مدنی اسلامی بھائی، قاری صاحبان، ٹیچر اور دیگر عاشقان رسول نے شرکت کی۔

رکن مجلس مدنی کورسز حافظ اویس عطاری نے دعوت اسلامی کی تنظیمی اپڈیٹس، شعبہ جات کی تفصیل اور 12 دینی کاموں کے حوالے سے شرکا کی تربیت کی۔حافظ اویس عطاری نے شرکا سے دینی کام کیسے کروانا ہے؟، انفرادی کوشش کیسے سکھانی ہے؟، فیضان نماز کورس کیسے کروانا ہے؟ اس حوالےسے اہم نکات بیان کئے۔