دعوت اسلامی کے زیر اہتمام 11 صفر المظفر 1443ھ بمطابق 18 ستمبر 2021ء کو عالمی مدنی مرکز فیضان مدینہ کراچی سے براہ راست مدنی چینل پر ہفتہ وار مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

بانی دعوت اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےعاشقان رسول کی جانب سے ہونے والے سے سوالات کے جوابات ارشاد فرمائیں۔

مدنی مذاکرے کےمزید مدنی پھول ملاحظہ کیجئے

سوال : علم کی چابی کیا ہے ؟

جواب : علم کی چابی سوال ہے مگر فضول سوال نہیں کرنا چاہئے ۔

سوال : بچے کا نام کب رکھنا چاہئے ؟

جواب:افضل یہ ہے کہ ساتویں دن بچے کا عقیقہ کیا جائے اور نام رکھا جائے ، عقیقہ کرنے سے پہلے بھی نام رکھنا جائز ہے ۔ (نزھۃ القاری، 5  430/)۔ (عقیقہ کے بارے میں مزید معلومات جاننے کے لیے مکتبۃ المدینہ کے رِسالے"عقیقے کے بارے میں سوال جواب"کا مطالعہ کیجئے)

سوال: کیا بچوں کو میٹھا پان اورمیٹھا چھالیہ کھاناچاہیئے؟

جواب: میٹھا پان اورمیٹھا چھالیہ بچوں اوربڑوں سب کو نہیں کھانا چاہئے ،اس سےمعدہ خراب ہوتاہے،اپنی صحت کا خیال رکھیں ،بچوں کو تو یہ دکھائیں بھی نہیں کیونکہ ان کا گلااورمنہ نازک ہوتےہیں۔

سوال:گیارہویں شریف(محفل،لنگر،ایصالِ ثواب اجتماع وغیرہ) کرنے کے کیافوائدہیں ؟

جواب:گیارہویں شریف کرنے سے غوث ِپاک کی محبت بڑھے گی ،بزرگوں کی برکتیں ملیں گی ،اسلامی تاریخیں بھی یا درہیں گی ،میرامشورہ ہے ہرماہ گیارہویں شریف کیا کریں ۔

سوال : سانپ(Snake) سے بچنے کا طریقہ بتادیجئے ؟

جواب: ایک پاؤنوشادرکو پانچ سیر(5Kg)پانی میں گھول کرگھرکے تمام بِلّوں سوراخوں اورکونوں میں چھڑک دیں،اگرگھرمیں سانپ ہوگاتو بھاگ جائے گااورکبھی کبھی یہ پانی چھڑکتے رہیں تو اس مکان میں سانپ نہیں آئے گا،ان شآء اللہ الکریم ،دوسری ترکیب یہ ہے کہ گھرکے بِلّوں اوردوسرے سب سوراخوں میں رائی ڈال دیں ان شآءاللہ الکریم سانپ فوراًمرجائے گااوراگراپنے آس پاس رائی ڈال کرسوئیں تو ان شآء اللہُ الکریم سانپ قریب نہیں آئے گا۔(مدنی پنج سورہ ،صفحہ نمبر373)

سوال: اِس ہفتے کےرِسالے ”امیر اہلسنت سے بچوں کے بارے میں سوالات “پڑھنے یاسُننے والوں کوجانشینِ امیرِاہلِ ِسُنّت دامت برکاتہم العالیہنے کیا دُعا دی ؟

جواب: یااللہ کریم جو کوئی 17 صفحات کا رسالہ ”امیر اہلسنت سے بچوں کے بارے میں سوالات“ پڑھ یا سن لے اسے دین و دنیا کی برکات سے مالا مال فرماکر دینی مسائل پر عمل کرنے کی توفیق عطا فرما اور اسے بے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم ۔

امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کو موقع مناسبت سے ہر ہفتے پابندی سے رسالہ پڑھنے کی ترغیب دلارہے ہیں تاکہ ہر اسلامی بھائی اور اسلامی بہن ان رسالوں کو پڑھ کردینی معلومات حاصل کرے اور اپنی روز مرہ کی زندگی بہتر طریقے سے گزارنے کے ساتھ ساتھ معاشرے میں بہترین انسان بن سکے۔

اسی سلسلے میں امیر اہلسنت دَامَتْ بَرَکَاتُہُمُ الْعَالِیَہ نے اس ہفتے عاشقان رسول کو رسالہ ”بابا جی اور گھر کے جھگڑے“ پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یا ربَّ المصطفٰے! جو کوئی 17 صفحات کا رسالہ ”بابا جی اور گھر کے جھگڑے“ پڑھ یا سن لے اُسے ایمان اور عافیت کے ساتھ سبز سبز گنبد کے زیرِ سایہ جلوۂ محبوب میں شہادت عطا فرما۔ اٰمِیْن بِجَاہِ خَاتمِ النَّبِیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

گزشتہ دنوں ظاہر پیر پنجاب میں صاحبزادہ ٔعطار مولانا حاجی عبید رضاعطاری مدنی مُدَّظِلَّہُ الْعَالِیْ کی آمد کا سلسلہ ہواجہاں انہوں نے مرکزی مجلسِ شوریٰ کے رکن ونگرانِ ملتان ریجن حاجی محمد اسلم عطاری اور دیگر ذمہ داران کے ہمراہ شجرکاری کرتے ہوئے پودا لگایا۔

مزید صاحبزادہ ٔعطار نے اسلام آباد میں ایک شخصیت کی ہمشیرہ کے انتقال پر اُن سے تعزیت کرتے ہوئے فاتحہ خوانی اور دعائے مغفرت فرمائی جس پر شخصیت نے اظہار تشکر کیا۔( کانٹینٹ:غیاث الدین عطاری)

ضرورت کی قدرعلم دین حاصل کرنا یقینا ہر مسلمان مرد و عورت پر فرض ہے جیسا کہ حدیث پاک میں فرمایا گیا : طَلَبُ الْعِلْمِ فَرِیْضَۃٌ عَلٰی کُلِّ مُسلِمٍ ” یعنی علم طلب کرنا ہر مسلمان پر فرض ہے“۔ (سُنَنِ اِبن ماجہ ج۱ ص۱۴۶ حدیث ۲۲۴)

عاشقان رسول کو علم دین سے سیراب کرنے کے لئے ہر ہفتے کی طرح آج 18 ستمبر 2021ء کو عالمی مدنی مرکز فیضان مدینہ کراچی میں مدنی مذاکرے کا سلسلہ ہوگا جس میں شیخ طریقت رہبر شریعت امیر اہلسنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے علم و حکمت سے بھر پورجوابات ارشاد فرمائیں گے۔ یہ مدنی مذاکرہ مدنی چینل پر بھی براہ راست نشر کیا جائیگا۔

تمام عاشقانِ رسول سے گزارش کی جاتی ہے کہ اس مدنی مذاکرے میں شرکت کرکے علمِ دین کے نور سے اپنے سینوں کو منور فرمائیں۔

دینِ اسلام جہاں بڑوں کے لئے مشعل راہ ہے وہاں بچوں کے لئے بھی نصیحت و تربیت کا ذریعہ ہے۔ آقا کریم ﷺ بڑوں کی تربیت کرنےکے ساتھ ساتھ بچوں پر بھی شفقت فرماتے ہیں۔ دین اسلام نے جہاں والدین کے حقوق بیان کئے ہیں وہاں والدین پر اولاد کے حقوق کو بھی بیان فرمایا ہے، جس طرح اولاد پر ماں باپ کی عزت و تکریم ضروری ہے ویسے ہی ماں باپ کے لئے ضروری ہے کہ اپنے بچوں کی اچھے طریقے سے پرورش کریں اور جس طرح ممکن ہو اس میں کوتاہی نہ کریں۔

امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے بچوں کی تربیت اور دیگر امور کے حوالے سے اس ہفتے رسالہ ”امیر اہلسنت سے بچوں کے بارے میں سوالات“پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یااللہ کریم جو کوئی 17 صفحات کا رسالہ ”امیر اہلسنت سے بچوں کے بارے میں سوالات“ پڑھ یا سن لے اسے دین و دنیا کی برکات سے مالا مال فرماکر دینی مسائل پر عمل کرنے کی توفیق عطا فرما اور اسے بے حساب بخش دے۔ اٰمِیْن بِجَاہِ خَاتمِ النَّبِیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

عاشقان رسول کی دینی تحریک دعوت اسلامی نوجوانوں میں عشق رسول کو بیدار کرنے، دینی تعلیم سے آراستہ کرنے اور  ان کی اصلاح کرتے ہوئے ان کے دلوں میں گناہوں کی نفرت پیدا کرنے کے لئے رات دن کوشاں رہتی ہے جبکہ مبلغین دعوت اسلامی اپنے بیانات میں اُن اولیائے کرام رحمہم اللہ المبین کے واقعات بھی بیان کرتے رہتے ہیں جنہوں نے اپنی جوانی عبادات میں گزاری ، اس کے ساتھ ساتھ ایسے افراد کے واقعات بھی بیان کئے جاتے ہیں جو اپنی جوانی کی حالت میں گناہ سے تائب ہوکر نیکیوں بھری زندگی گزارنے لگے۔

نوجوانوں میں مزید انفرادی کوشش کرنے اور ان کی اصلاح کے لئے امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اس ہفتے رسالہ ”نوجوان کی توبہ“ پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یارب المصطفٰے ! جو کوئی 17 صفحات کا رسالہ ”نوجوان کی توبہ“ پڑھ یا سُن لے، اُسے اپنا اور اپنے پیارے پیارے آخری نبی کا فرماں بردار بناکر بے حساب مغفرت سے نواز دے۔ اٰمِیْن بِجَاہِ خَاتم ِالنَّبِیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

4ستمبر  2021ء کو بمطابق 27 محرم الحرام 1443ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات پر ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔ یوم دعوت اسلامی کے حوالے سے اس مدنی مذاکرے کے لئے خاص انتظامات کئے گئے جسے دنیا بھر میں لاکھوں عاشقان رسول نے اجتماعی طور دیکھنے کی سعادت حاصل کی۔

مدنی مذاکرے کےمزید مدنی پھول ملاحظہ کیجئے

سوال : جامعۃ المدینہ کے بارے میں آپ کی کیا رائے ہے، آپ جامعۃ المدینہ کے طلبۂ کرام اوردیگراسلامی بھائیوں کو کیا فرمائیں گے ؟

جواب :جامعۃ المدینہ کے طلبۂ کرام ہمارااثاثہ اورسرمایہ ہیں ،یہ عشقِ رسول رکھنے والے،دین سے محبت کرنے والےاوردیوانے ہوتے ہیں، دین سے محبت ہے تو انہوں نے جامعۃ المدینہ میں داخلہ لیا ہے ،طلبۂ کرام اگرسنتوں بھرالباس پہنیں ،عمامہ شریف سجائیں،ان کا اندازسنجیدہ ہوگا تو دعوت ِاسلامی کی بھی نیک نامی ہوگی ،حُسنِ اخلاق مومن کا زیورہے ،جارحانہ اندازاختیارنہ کیا جائے ،ہمارے کردارسے بھی دعوتِ اسلامی جھلکنی چاہئے ،ہمیں کردارسے بھی نیکی کی دعوت دینی چاہئے ،ہمیں دیکھنے والوں کو کاش !آقاصلی اللہ علیہ والہ وسلم یاد آجائیں ،شیطان یادنہ آئے ،ہمارے اخلاق گھر ،باہر،محلے اورجامعۃ المدینہ میں اچھے ہونے چاہئیں،ہمیں دوسروں کو راحت پہنچانی ہے ،تکلیف نہیں دینی ،کاش جس چیز کی اپنے کو ضرورت ہو،ہم دوسروں کی ضرورت پوری کرنے کے لیے دے دیں ۔

سوال : بنگلہ بھاشی اوربنگلہ دیشی میں کیا فرق ہے ،بنگلادیش والے دین سے کس طرح محبت کرتے ہیں ؟

جواب: بنگلہ بھاشی وہ ہیں جوہیں تو بنگلہ دیش کے لیکن ابھی دُوسرے ملکوں میں رہائش پذیر ہیں اورجو بنگلہ دیش میں موجودہیں ان کو ہم بنگلہ دیشی کہتے ہیں ،بنگلہ دیش کے لوگ دِین سے بہت محبت کرتے ہیں ،بنگلہ دیش دنیا کا واحدملک ہے جہاں حضورغوثِ اعظم رحمۃ اللہ علیہ کے عرس(بڑی گیارہویں شریف) کے موقع پر11 ربیع الاخرکوسرکاری(Officially) چھٹی ہوتی ہے ،میں انہیں فقرائے مدینہ کہتاہوں ۔

سوال: گناہوں سے بچنابہت مشکل ہے، اس کے لیےکیا کریں ؟

جواب: گناہوں کی ہلاکت خیزیاں یعنی نقصانات کا مطالعہ کریں ،گناہوں سے بچنے کے فضائل پڑھیں ،گناہوں سےبچنے کے فوائد پر نظررکھیں، عاشقانِ رسول کی صحبت اختیارکریں ،اُٹھتے بیٹھتے ’’یَاخَبِیْرُ‘‘کا ذکرکرتے رہیں ،اِنْ شَاۤءَ اللہُ الْکَرِیم گناہوں سے نفرت اورنیکیوں سے محبت ہوگی ۔

سوال: بدشگونی لینا کیسا؟

جواب:بدشگونی اسلام میں نہیں ہے ،یہ ناجائز وحرام ہے ،بدشگونی آجائے تو وہ جائز کام کرگزرے ، بدگمانی دینی علم نہ ہونے کی وجہ سے پیداہوتی ہے ، اس کے بارے میں معلومات کے لیے مکتبۃ المدینہ کی کتاب’’بدشگونی ‘‘کا مطالعہ کریں ،یہ بہترین کتاب ہے، ایسی کتاب نہ کبھی دیکھی نہ سُنی ۔

سوال : مفتی شریف الحق امجدی اورمفتی عبدالحلیم رضوی رحمۃ اللہ علیہما کے بارے میں آپ کیافرماتے ہیں ؟

جواب: شارح ِبخاری مفتی محمدشریف الحق امجدی استاذالعلمااورالجامعۃ الاشرفیہ مبارکپورہندکےاستاذ اوردعوتِ اسلامی سے بہت محبت کرتے تھے ،فرمایا کرتے تھے میری یہ ذمہ داریاں نہ ہوتیں تو میں دعوتِ اسلامی کا مبلغ ہوتااورمفتی عبدالحلیم رضوی ہندکے مشہورعالم تھے، انھوں نے دعو تِ اسلامی کابہت کام کیا ہے ،ایک دورمیں تو ہمارابہت ساتھ دیا ،سرپرستی کی اورآخری وقت تک دعوتِ اسلامی سے وابستہ رہے، میں نے ان کی بہت صحبت پائی ہے ،یہ رودیا کرتے تھے کہ کا ش !دعوتِ اسلامی مجھےجوانی میں مل جاتی مگراب مَیں بوڑھا ہوگیا ہوں ، اگرچہ آپ دعوت ِاسلامی کے لیے کافی کام کرتے تھے ،اس کے باجوداس طرح کہاکرتے تھے ، ان کی یادیں ہمارے دل کی دھڑکنوں میں ہیں۔

سوال : آپ نے پہلابیان کب فرمایا؟

جواب:مَیں نے انجمن خادمانِ اسلام کراچی کے تحت مبارک مسجدمیں ہونے والے اجتماع میں پہلا مذہبی بیان فضول خرچی کی مذمت پر کیا تھا ۔

سوال: اِس ہفتے کارِسالے”دعوتِ اسلامی کے بارے میں دلچسپ معلومات“ پڑھنے یاسُننے والوں کو امیرِاہلِ ِسُنّت دامت برکاتہم العالیہنے کیا دُعا دی؟

جواب: یااللہ پاک ! جو کوئی 51 صفحات کا رسالہ ”دعوتِ اسلامی کے بارے میں دلچسپ معلومات“ پڑھ یا سُن لے، اُسےدینِ اسلام کی خدمت کا سچّادرددےاوراُس کی بے حساب مغفرت فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم ۔

2ستمبر 2021ء کو دعوت اسلامی کا یومِ تاسیس گزرا ہے جس میں دعوت اسلامی کو بنے چالیس سال مکمل ہوگئے۔

اسی مناسبت سے نیکی کی دعوت کو دنیا بھر میں عام کرنے والی عالمگیر تحریک دعوت اسلامی کی پہچان کروانے کے لئے امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کو اس ہفتے رسالہ ”دعوت اسلامی کے بارے میں دلچسپ معلومات“پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یااللہ پاک! جو کوئی رسالہ ”دعوتِ اسلامی کے بارے میں دلچسپ معلومات “ کے 51 صفحات پڑھ یا سن لے اُسے دینِ اسلام کی خدمت کا سچا درد دے اور اس کی بےحساب مغفرت فرما۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

آج 28 اگست 2021ء  کی شب تقریباً 9:15 بجے مدنی چینل پر براہ راست ہفتہ وار مدنی مذاکرے کا سلسلہ ہوگا جس میں امیرِ اہلِ سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات بھی ارشاد فرمائیں گے۔مدنی مذاکرے میں شریعت اور طریقت کی رہنمائی، طبی اور روحانی علاج کے ساتھ ساتھ بہت سی مفید باتیں بیان کی جاتی ہیں۔ 

جانشین امیر اہلسنت مولانا حاجی عبید رضا عطاری مَدَّظِلُّہُ الْعَالِی ان دنوں دینی کاموں کے سلسلے میں خیبر پختونخواہ کے دورے پر ہیں۔

دوران دورہ 23 اگست 2021ء کو جانشین امیر اہلسنت نے شرکائے قافلہ کے درمیان سنتوں بھرا بیان فرمایا اور انہیں آئندہ بھی مدنی قافلے میں سفر کرنے، ہفتہ وارسنتوں بھرے اجتماع اور مدنی مذاکر ے میں شرکت کرنے کا ذہن دیا۔

اس موقع پر رکن شوریٰ حاجی یعفور رضا عطاری بھی موجود تھے۔ (Content: Mohammad Hussain Attari)

21 اگست 2021ء کو بمطابق 13 محرم الحرام 1443ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات پر ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ کیجئے

سوال : ماضی کی تلخ یادوں کو کیسے بُھلایا جائے ؟

جواب : اس طرح کی یادیں بعض اوقات نہیں بھُولتی مثلاً کسی نے سخت دل آزاری کردی ،ظلم کیا ،مارا،سخت جملہ کہہ دیا تووہ یادرہ جاتاہے، اس کا حل یہ ہے کہ بندہ اپنے آپ کونیک کاموں میں مصروف کرلے ،اچھی یادوں کو اپنے ذہن میں جگہ دے ،مدینے کی یادوں میں کھوجائے ،جنت اورآخرت کے بارے میں سوچے ،یہ بھی ہوسکتاہے کہ جس نے ظلم وغیرہ کیا ہواسے معاف کردے ،اس طرح بھی ان یادوں کا بھُلایا جاسکتاہے ۔

سوال : نظرِبدکتنی دیررہتی ہے ؟

جواب: نظرِبد کے وقت کی کوئی مدّت(Time Period) نہیں ،کبھی تو فوراً ختم ہو جاتی ہے مثلاً دم کردیا ،روحانی علاج کرلیااورکبھی تو لگتی بھی نہیں،کبھی سخت لگتی ہے تو بسترپرڈال دیتی ہے۔بہرحال اس کے وقت کی مدت(Time Period) کا کہیں پڑھا نہیں ۔

(یہ دونوں سورتیں" قُلْ اَعُوْذُبِرَبِّ الْفَلَقْ اورقُلْ اَعُوْذُ بِرَبِّ النَّاس جنّ و شیاطین اور نظر ِبد و آسیب اور تمام امراض خصوصاً جادو ٹُونے کا مجرب علاج ہیں۔ ان کو لکھ کر تعویذ بنائیں اور گلے میں پہنائیں۔ ان کو بار بار پڑھ کر مریض پردم کریں اور کھانے پانی اور دواؤں پر پڑھ کر پھونک ماریں اور مریض کو کھلائیں پلائیں۔ ان شاء اللہ الکریم ہر مرض خصوصاً جادو ٹُونا دفع ہو جائے گا اور مریض شفایاب ہوجائے گا۔)۔ بخاری و مسلم کی حدیث میں ہے کہ حضور ِاکرم صلی اللہ علیہ وسلم رات کو جب بستر مبارک پر تشریف لاتے تو اپنے دونوں ہاتھوں پر دم فرمایا کرتے اور اپنے سر سے پاؤں تک پورے جسم مبارک پر اپنے دونوں ہاتھوں کو پھرایا کرتے تھے جہاں تک دست ِمبارک پہنچ سکتے، یہ عمل 3 مرتبہ فرماتے۔ بحوالہ:عجائب القرآن مع غرائب القرآن)

سوال: خوش نصیب کون ہے ؟

جواب: خوش نصیب وہ ہے جو ایمان سلامت لے کر قبرمیں جائے ،قبرمیں بھی مؤمن ہو۔

سوال: کیا چڑچڑاپن اورغُصّہ ایک ہی چیز ہے یا جداجدا؟

جواب: چڑچڑاپن اورغُصّہ ایک جیسے ہی لگتےہیں ۔

سوال : نیک اعمال پر عمل کرنے والوں کے بارے میں آپ کے کیاجذبات ہیں ؟

جواب: میں جب نیک اعمال پرعمل کرنے والوں کودیکھتاہوں تو خوشی ہوتی ہے ،اللہ کرے کہ ہمارابچہ بچہ نیک اعمال کا عامل بن جائے ۔

سوال : 2ستمبریومِ دعوتِ اسلامی کیسے منایا جائے ؟

جواب : بچے کی سالگرہ پر خوشی منائی جاتی ہے ،عاشقانِ رسول کی دینی تحریک دعوتِ اسلامی کے 40 سال مکمل ہورہے ہیں تو ہمیں بھی خوشی منانی چاہئے ،ایک باریک نقطہ بھی ہے کہ بچے کی قسمت میں جوعمرلکھی گئی ہے ایک سال مکمل ہونے پراس کی زندگی کا ایک سال کم ہوجاتاہے جبکہ دعوتِ اسلامی کا تو ایک سال بڑھ جاتاہے ،میں نے نئے کپڑے پہننے کی نیت کی ہے ،آپ بھی پہن سکتے ہیں ،2ستمبرکو شکرانے کے دونوافل اداکیجئے،ائمہ کرام2ستمبر کو عشاء کی نماز کے بعد شکرانے کے 2نوافل با جماعت اداکرنے کا اہتمام فرمائیں،2ستمبر(2021ء) کے ہفتہ واراجتماع میں شرکت کیجئے ، میری خواہش ہے کہ ہفتے (4ستمبر2021) کو ہونے والے مدنی مذاکرہ اجتماعات میں اسلامی بھائی سفیدلباس اورسفیدعمامے میں شرکت کریں ،جامعۃ المدینہ کے طلبۂ کرام بھی سفیدلباس اورسفیدعمامے میں بھرپورشرکت کریں ۔اس موقع پر اپنی گاڑیوں پر مکتبۃ المدینہ سے جاری ہونے والے اسٹیکرزلگائیے۔

سوال: اِس ہفتے کےرِسالے ” امام حسین کے واقعات ‘‘پڑھنے یاسُننے والوں کو امیرِاہلِ ِسُنّت دامت برکاتہم العالیہنے کیا دُعا دی ؟

جواب: یاربَّ المصطفٰے! جو کوئی 17 صفحات کا رسالہ ”امام حسین کے واقعات“ پڑھ یا سُن لے، اُسے حضرت امام حسین رضی اللہ عنہ کی مبارک سیرت پر چلنے کی توفیق عطا کر اور جنت الفردوس میں بے حساب داخلہ نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم ۔

14 اگست 2021ء بمطابق 9 محرم الحرام 1443ھ کی  شب عالمی مدنی مذاکرے فیضان مدینہ کراچی میں ہفتہ وار مدنی مذاکرےکا سلسلہ ہوا جس میں کثیر تعداد میں عاشقان رسول نے فیضان مدینہ آکر جبکہ دیگر شہروں اسلامی بھائیوں نے بذریعہ مدنی چینل شرکت کی۔

اس مدنی مذاکرے میں شیخ طریقت امیر اہلسنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ علم سے بھر پور مدنی پھول ارشاد فرمائے۔

مدنی مذاکرے کےمزید مدنی پھول ملاحظہ کیجئے

سوال: حضرت عباس علمبرداررحمۃ اللہ علیہ کی سیرت سے متعلق کچھ مدنی پھول عنایت فرمادیجئے۔

جواب : حضرت عباس علمبرداررحمۃا للہ علیہ،اسلام کے چوتھے خلیفہ مولائے کائنات ، شیرِخدا حضرت علی المرتضیٰ رضی اللہ عنہ کے بیٹے اورحضرت امام حسین رضی اللہ عنہ علاتی بھائی تھے،علاتی بھائی وہ ہوتے ہیں جن کے والدصاحب ایک ہوں مگروالدہ جداجداہوں ،حضرت عباس علمبرداررحمۃا للہ علیہ 26ہجری میں پیدا ہوئے، واقعۂ کربلا کے وقت ان کی عمر 35 سال عمر تھی ، اللہ پاک ان کی بہادری کے صدقے ہمیں بھی ہمت عطا فرمائے۔

سوال : آنکھ پھڑکے تو کیا کریں ؟

جواب:آنکھ کو پھڑکنے دیاجائے،بعض نادان لوگ ا س سے بدشگونی لیتے ہیں، یادرہے!!!دینِ اسلام میں بدشگونی کی اجازت نہیں ۔(بدشگونی کی تفصیلی معلومات جاننے کے لیے مکتبۃ المدینہ کی کتاب"بدشگونی"کامطالعہ کیجئے)

سوال: ہچکی کیوں آتی ہے؟

جواب:کہا جاتا ہے کہ جب کوئی یاد کرتا ہے تو ہچکی آتی ہے، مگر یہ ضروری نہیں، البتہ مکی مدنی آقا صلی اللہ علیہ وآلہ وسلم اپنے مزارِاقدس میں اپنے غلاموں کو یاد فرماتے ہیں۔

سوال: استاد کا ادب کس طرح کریں اور اس کے کیا کیا فوائد ہیں؟

جواب:باادب بانصیب، قابلِ تعظیم استاد آئے تو کھڑے ہوجاناچاہئے، ان کی نشست(بیٹھنے کی جگہ) پر نہ بیٹھا جائے، اُن کی غیر موجودگی میں بھی ادب کرے، امام اعظم ابوحنیفہ رحمۃ اللہ علیہ کے استادِ محترم شیخ حماد رحمۃ اللہ علیہ کا گھر، امام اعظم ابوحنیفہ رحمۃ اللہ علیہ کے گھر سے 7 گلیوں کے بعد تھا، مگر آپ ان کے گھر کی طرف پاؤں نہیں کرتے تھے۔

سوال : کیا عقل خطا کرتی ہے؟

جواب: انسان خطا کر جاتا ہے اور عقل دب جاتی ہے ، سلیمُ العَقْل ، سلیمُ الفِطرت مسلمان ہی ہوتا ہے، غیرمسلم اس سے محروم ہے ۔

سوال:بیٹا، والد کا ادب کیسے کرے؟

جواب:بیٹا خوب اطاعت کرے،"والد صاحب آئیں تو آتا دیکھ کر کھڑا ہوجائے،ان کے سامنے آواز بلند نہ کرے، ان سےجھگڑ انہ کرے، ان کی خوب خدمت کرے، ان سے آنکھ میں آنکھ ڈال کر بات نہ کرے"وغیرہ ۔

سوال : کہا جاتاہے کہ مکتبہ المدینہ سے ہدیۃً طلب فرمائیں،کیا یہ مشکل نہیں ہے ؟

جواب :جی ہاں !یہ مشکل ہے، اسلامی کتابوں کی قیمت کو ادب کی وجہ سے ہدیہ کہا جاتاہے اوراس طرح کہنا اچھا ہے مگرلوگ ہدیہ سے تحفہ(Gift)مرادلیتے ہوں گے ،اس لیے کتب و رسائل وغیرہ کا اعلان کرتے ہوئے یہ کہاجائے کہ ’’ مکتبۃ المدینہ سے قیمتاً خرید فرمائیں۔‘‘

سوال : اسلامی بہنیں کس طرح علمِ دین حاصل کریں؟

جواب: اسلامی بہنیں بھی حسبِ موقع علم ِ دین حاصل کریں، دعوتِ اسلامی کے اسلامی بہنوں میں ہونے والے ہفتہ وار اجتماعات میں شرکت کریں، مکتبۃ المدینہ سے شائع ہونے والے دینی کتب و رسائل کا مطالعہ کریں ۔

سوال: کیا بداخلاقی نقصان دہ ہے ؟

جواب:جی ہاں ! بداخلاقی کرونا وائرس سے بھی زیادہ نقصان دہ ہے، اوریہ مرض ہمارے معاشرے میں عام ہے ،معمولی سی بات پر جھاڑدیاجاتاہے ،لڑائی جھگڑاشروع ہوجاتاہے ،اپنے اخلاق کو بہتربنانے کے لیے دعوتِ اسلامی کے عاشقانِ رسول کے ہمراہ مدنی قافلے میں سفرکریں،اِنْ شاۤءَاللہُ الْکریم اَخلاق بہترہوں گے ۔

سوال: اِس ہفتے کےرِسالے ”فیضانِ اہلِ بیت ‘‘پڑھنے یاسُننے والوں کو امیرِاہلِ ِسُنّت دامت برکاتہم العالیہنے کیا دُعا دی ؟

جواب: یااللہ پاک ! جو کوئی 35 صفحات کا رسالہ ”فیضانِ اہل بیت ‘‘پڑھ یا سُن لے اُسےاوراس کی آنے والی نسلوں کو اہلِ بیت کِرام علیہم الرضوان کی سچیّ غلامی نصیب فرما اوراس کی بے حساب مغفرت کر ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم ۔