پچھلے دنوں   ایم پی اے رانا محمد ارشد(نائب صدر پنجاب مسلم لیگ ن)کے بہنوئی رانا خورشید کا انتقال ہوگیا۔اِنَّا لِلہِ وَاِنَّا اِلَیْہِ رٰجِعُوْن

مرحوم کی نمازِ جنازہ شاہ کوٹ میں ادا کی گئی ۔نمازِ جنازہ میں مختلف سیاسی و سماجی اور اہم شخصیات سمیت ذمہ دارانِ دعوتِ اسلامی نے شرکت کی۔

مرحوم کی نماز جنازہ مبلغِ دعوتِ اسلامی نے پڑھائی اور عاشقانِ رسول کو مدنی پھول دیتے ہوئے لواحقین سے تعزیت کی اور انہیں صبر کی تلقین کی۔ بعد ازاں اسلامی بھائیوں تدفین کے موقع پر قبرستان میں فاتحہ و دعا کا سلسلہ کیا اور وہاں موجود شخصیات سے ملاقات کی۔

پچھلے دنوں ڈی ایس پی سیالکوٹ قیصر امین بٹ کے والدصاحب کے سالانہ ختم کے موقع پر قرآن  خوانی کاسلسلہ ہوا۔

اس موقع پر ذمہ دارانِ دعوتِ اسلامی نے ان کے گھر پر قرآن خوانی میں شرکت کی ۔ قرآن خوانی کے بعد نعت خوانی و دعا کا سلسلہ بھی ہوا جس میں ذمہ داران نے مرحوم کی مغفرت اور بلندیٔ درجات کے لئے دعائیں کیں۔ (رپورٹ: رابطہ برائے شخصیات ڈویژن گوجرانوالہ)

21 اپریل 2024  کو دعوتِ اسلامی کے شعبہ رابطہ برائے شخصیات کے ذمہ داران نے ایس ایچ او تھانہ کالیکی منڈی حافظ احمد جمال اعوان اور محر ر تھانہ فیصل اعجاز سے ملاقات کی۔

ذمہ داران نے انہیں دعوت اسلامی کےفلاحی شعبے FGRF کا تعارف پیش کیا اور فیضانِ مدینہ کا وزٹ کرنے کی دعوت دی جس پر انہوں نے جلد وہاں کا وزٹ کرنے کی نیت کا اظہار کیا۔ا س موقع پر تھانے کے اندرشجرکاری پر بھی بات ہوئی، ان شاء اللہ 26 اپریل کو تھانے میں شجرکاری کی جائے گی۔ (رپورٹ: محمد مدثر عطاری ، مجلس رابطہ برائے شخصیات ڈسٹرکٹ حافظ آباد)

پچھلے دنوں  دعوتِ اسلامی کے شعبہ رابطہ برائے شخصیات کے ذمہ داران نے سرگودھا میں ایڈیشنل کمشنر سرگودھا ڈویژن رائے محمد یاسر بھٹی، اسسٹنٹ کمشنر ریونیو سرگودھا ڈویژن ملک محمد اشرف اعوان، ڈی ایس پی سرگودھا صدر مہر اختر علی وینس، ریڈر ڈی پی او سرگودھاملک محمد وقاص اعوان،انچارج سیکورٹی سرگودھا چوہدری محمد آذر ندیم، سیاسی شخصیت ایڈووکیٹ ملک ربنواز فروکہ ، ایس ایچ او تھانہ سرگودھا صدر رانا محمد شاہد اقبال،ایس ایچ او تھانہ کینٹ سرگودھا رانا محمد اسد اویس، ایس ایچ او تھانہ ساجد شہید ملک انصر اقبال جوڑا،ایس ایچ او تھانہ سیٹلائٹ ٹاؤن ملک عمر عبداللہ اعوان، ترجمان سرگودھا پولیس شیخ صفدر اقبال، پی آر او ٹو ڈی پی او محمد خرم شہزاد اور دیگر شخصیات سے ملاقات کی ۔

ذمہ داران نے ان شخصیات کو دعوتِ اسلامی کی دینی ، اصلاحی اور فلاحی خدمات کا تعارف پیش کیا اور بالخصوص آئی ٹی کی خدمات سے متعلق آگاہی فراہم کرتے ہوئے دعوتِ اسلامی کی جانب سے بنائی گئی چند ایپلی کیشنز کا تعارف پیش کیا۔ ذمہ داران نے ان شخصیات کو فیضان مدینہ سرگودھا کے وزٹ کی دعوت دی جس پر انہوں نے جلد وزٹ کرنے کی نیت کا اظہار کیا۔( رپورٹ: شان حسنین عطاری، شعبہ رابطہ برائے شخصیات سرگودھا) 

20 اپریل بروز ہفتہ خان پور ڈسٹرکٹ رحیم یار خان  میں قائم فیضان مدینہ میں تقریبِ افتتاحِ بخاری شریف کا انعقاد کیا گیا جس میں دورۃ الحدیث شریف کے طلبہ ، اساتذہ ، ذمہ دارانِ دعوتِ اسلامی اور دیگر اہم شخصیات نے شرکت کی۔

اس موقع پر فیضان مدینہ خان پور میں ہونے والی اس تقریب میں سابق MPA میاں محمد شفیع ، MNA میاں غوث، سابق MPA چوہدری ارشد، MPA ڈاکٹر فیصل جمیل، اسسٹنٹ کمشنر شبیر احمد ڈوگر، MPA چوہدری اعجاز شفیع اور SHO سٹی ہدایت اللہ اور دیگر شخصیات نے شرکت کی اور امیر اہل سنت کے براہ ِ راست مدنی مذاکرے میں شرکت کی اور مدنی پھول سماعت کئے۔

تقریب میں رکن شوریٰ و پنجاب مشاورت کے نگران حاجی محمد اسلم عطاری نے ان شخصیات سے ملاقات کی اور انہیں امیر اہل سنت کی لکھی ہوئی کتابیں تحفے میں پیش کیں۔ (رپورٹ: محمد بلال عطاری مجلس رابطہ خان پور ) 

20 اپریل2024ء کو صوبائی اسمبلی سندھ، افتخار پیرزادہ اور ان کے بیٹے محمد علی  کنٹری منیجر سیمینس کمپنی اور آن اسپیشل ڈیوٹی آفیسرز نے دعوتِ اسلامی کے عالمی مدنی مرکز فیضانِ مدینہ کراچی کا وزٹ کیا۔

اس موقع پر دعوتِ اسلامی کے شعبہ رابطہ برائے شخصیات کے ذمہ داران نے ان کو مدنی مرکز میں موجود چند شعبہ جات اور ان کے آفسز کا دورہ کروایا اور پریزنٹیشن دی۔ شخصیات نے دورانِ دورہ رکنِ شوریٰ حاجی ابوماجد مولانا شاہد عطاری مدنی اور رکنِ شوریٰ حاجی فضیل عطاری سے ملاقات بھی کی۔

شخصیات نے وزٹ کرنے کے بعد مدنی چینل کو تاثرات دیتے ہوئے کہا کہ دعوتِ اسلامی کے مدنی مرکز کا وزٹ کرکے اور آپ لوگوں کا کام دیکھ کر خوشی ہوئی۔ (رپورٹ: شعبہ رابطہ برائے شخصیات عطاری مجلس کراچی)

پچھلے دنوں  دعوتِ اسلامی کے شعبہ رابطہ برائے شخصیات کے ذمہ دار آصف علی عطاری نے ٹنڈومحمد خان میں چیف جسٹس فیصل عرب سے ملاقات کی اور انہیں دعوتِ اسلامی کی دینی ، اصلاحی اور فلاحی خدمات کا تعارف پیش کیا۔ ذمہ داران نے چیف جسٹس فیصل عرب کو بتایا کہ دعوتِ اسلامی کس طرح دنیا بھر میں مختلف شعبہ جات کے ذریعے دینِ متین کی خدمات سرانجام دے رہی ہے اور دنیا بھر سے لوگ تیزی کے ساتھ دعوتِ اسلامی کے قریب آرہے ہیں۔ ذمہ داران نے جسٹس فیصل عرب کو عالمی مدنی مرکز فیضان مدینہ وزٹ کی دعوت بھی پیش کی۔(رپورٹ: شعبہ رابطہ برائے شخصیات عطاری مجلس کراچی)

18 اپریل 2024 ء کو دعوتِ اسلامی کے شعبہ  رابطہ برائے شخصیات کے صوبائی ذمہ دار محمد لیاقت عطاری نے فیصل آباد میں کئی اہم شخصیات ٭آر پی او فیصل آباد ڈی آئی جی ڈاکٹر عابد خان ٭ریجنل آفیسر سپیشل برانچ ایس پی مہر محمد سعید ٭ڈسٹرکٹ آفیسر سپیشل برانچ ڈی ایس پی جاوید اقبال ٭ایم پی اے میاں اجمل آصف ٭صدر ڈسٹرکٹ بار کونسل فیصل آباد میاں انوار الحق اور ٭پی ایس او ٹو آر پی او محمد شبیر سے ملاقات کی ۔

دوران ملاقات کئی امور پر تبادلۂ خیال ہوا ۔ صوبائی ذمہ دار محمد لیاقت عطاری نے ان شخصیات کو دعوتِ اسلامی کی دینی اور فلاحی خدمات کا تعارف کروایا اور دعوتِ اسلامی کے دینی کاموں میں تعاون کرنے کی درخواست کی۔ شخصیات نے دعوت اسلامی کی خدمات کو سراہا اور ممکنہ تعاون کی یقین دہانی کروائی۔ (رپورٹ: شعبہ رابطہ برائے شخصیات عطاری مجلس کراچی) 

عاشقانِ رسول کی دینی تحریک دعوتِ اسلامی کے زیر اہتمام 25 اپریل 2024ء بعد نماز مغرب دنیابھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماع میں تلاوت کلامِ پاک، نعت شریف، بیان، ذکر و اذکار اور رقت انگیز دعا کا سلسلہ ہوتا ہے جس میں ہزاروں عاشقانِ رسول شریک ہوکر اپنی اصلاح کرتے ہیں۔

تفصیلات کے مطابق شیخ الحدیث والتفسیر مفتی محمد قاسم عطاری مُدَّ ظِلُّہُ العالی عالمی مدنی مرکز فیضان مدینہ کراچی سے مدنی چینل پر براہِ راست سنتوں بھرا بیان فرمائیں گے۔

اس کے علاوہ غوثیہ مسجد بلدیہ ٹاؤن کراچی میں رکنِ شوریٰ مولانا حاجی عبد الحبیب عطاری، جامع مسجد نورانی نشتر اسکوائر ماڈل ٹاؤن ملیر میں رکن شوریٰ حاجی محمد امین عطاری، مدنی مرکز فیضان مدینہ گوجرانوالہ میں رکن شوریٰ حاجی محمد اظہر عطاری، فیضان اسلام مسجد خیابان سحر فیز 7 ڈیفنس کراچی میں رکن شوریٰ حاجی محمد علی عطاری،کلثوم مسجد شاہ فیصل کالونی نمبر 03 میں رکنِ شوریٰ حاجی فضیل عطاری، میانوالی میں رکن شوریٰ مولانا حاجی ابو ماجد محمد شاہد عطاری مدنی اور مدنی مرکز فیضان مدینہ حیدر آباد لطیف آباد میں نگران مجلس شعبہ پروفیشنلز فورم محمد ثوبان عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

اٹلی، یورپ کے شہر مولینیلا (Molinella) میں موجود دعوتِ اسلامی کے مدنی مرکز فیضانِ مدینہ میں ایصالِ ثواب اجتماع کا انعقاد کیا گیا جس میں مختلف شعبہ جات کے عاشقانِ رسول سمیت ذمہ دار اسلامی بھائیوں کی شرکت ہوئی۔

اجتماع کے آغاز میں تلاوتِ قراٰن و نعتِ رسولِ مقبول صلی اللہ علیہ و سلم پڑھی گئی جبکہ مبلغِ دعوتِ اسلامی نے سنتوں بھرا بیان کرتے ہوئے شرکائے اجتماع کو اپنے مرحومین کے لئے زیادہ سے زیادہ ایصالِ ثواب کرنے کا ذہن دیا۔

آخر میں مرحومین کے لئے دعا و فاتحہ خوانی کا سلسلہ ہوا اور مبلغِ دعوتِ اسلامی نے حاضرین سمیت دیگر عاشقانِ رسول کے مرحومین کے لئے دعائے مغفرت کروائی۔(کانٹینٹ:غیاث الدین عطاری)

ساؤتھ کوریا کے شہر  تھیگو میں قائم عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ میں عاشقانِ رسول کے مرحومین کے لئے ایصالِ ثواب اجتماع کا انعقاد کیا گیا جس میں بزنس کمیونٹی سمیت مختلف شعبہ جات سے تعلق رکھنے والے افراد نے شرکت کی۔

تلاوت و نعت کے بعد مبلغِ دعوتِ اسلامی نے سنتوں بھرا بیان کرتے ہوئے حاضرین کی مختلف امور پر تربیت کی جبکہ وہاں موجود اسلامی بھائیوں سمیت دیگر عاشقانِ رسول کے مرحومین کے لئے دعا و فاتحہ خوانی کا بھی سلسلہ ہوا۔(کانٹینٹ:غیاث الدین عطاری)

ماپوتو شہر، موزمبیق میں قائم دعوتِ اسلامی کے جامعۃ المدینہ فیضانِ صحابہ و اہلِ بیت میں شعبہ مدنی کورسز کے تحت 12 دینی کام کورس اور معلم کورس منعقد ہوا جس میں طلبۂ کرام نے شرکت کی۔

مقامی مبلغینِ دعوتِ اسلامی سمیت بذریعہ ویڈیو لنک ذمہ دار اسلامی بھائیوں نے کورس میں شریک طلبۂ کرام کو کورس کروایا اور انہیں 12 دینی کاموں کے حوالے سے مختلف امور پر رہنمائی کی۔