جامعات المدینہ (دعوت اسلامی)کی زیرِ نگرانی ہر سال سینکڑوں اسلامی بھائی درس نظامی(عالم کورس) مکمل کرنے کی سعادت حاصل کرتے ہیں جس میں ان اسلامی بھائیوں کی دستار بندی بھی کی جاتی ہے۔

اسی سلسلے میں رواں سال درسِ نظامی مکمل کرنےوالے اسلامی بھائیوں کی دستارِ فضیلت 3 اکتوبر 2021ءبروز اتوارکی جائےگی جس میں تقریباً 1040 اسلامی بھائیوں کی دستار فضیلت ہوگی ،یہ دستار فضیلت پاکستان بھر کے مختلف شہروں میں کی جائےگی جس میں ملتان ریجن کے کم وبیش 124 اسلامی بھائیوں کی دستار بندی مدنی مرکز فیضانِ مدینہ ملتان میں ہوگی ۔

اس موقع پر شعبہ رابطہ بالعلماء کے نگران محمد افضل عطاری مدنی ، ملتان دارالافتاء اہلسنت کےمولانا محمد سرفراز عطاری اور رکن زون رابطہ بالعلماء سلیم بلالی عطاری نے مدرسہ و جامعہ انوار العلوم کے مولانا غلام مصطفی رضوی صاحب سے ملاقات کرتے ہوئے انہیں مدنی مرکز فیضان مدینہ میں منعقد ہونے والے دستار فضیلت اجتماع میں شرکت کرنے کی دعوت دی ۔

مولانا غلام مصطفی رضوی صاحب نے دعوتِ اسلامی کی کاوشوں کوخوب سراہتے ہوئے مدنی چینل کو اپنے تأثرات بھی دیئے۔ (رپورٹ: رابطہ بالعلماء،کانٹینٹ:غیاث الدین عطاری)

دعوتِ اسلامی کے تحت گزشتہ دنوں حیدرآباد زون حیدرآباد کابینہ کی ڈویژن آفندی ٹاؤن میں مدنی مشورےکاانعقادہواجس میں  2 علاقے گجراتی پاڑہ اور اسلام آباد کی کابینہ تا ذیلی مشاورتوں کی اسلامی بہنوں نے شرکت کی ۔

کابینہ نگران اسلامی بہن نے ذمہ داراسلامی بہنوں کو ذیلی سطح کا فارم سمجھایا ،کابینہ مشاورت ذمہ دار اسلامی بہنوں کوان کی سطح کے مطابق تقرری کےحوالےسے پوچھ گچھ کرتے ہوئےانہیں تکمیل کے لئےا ہداف دیئے۔ اس کے علاوہ ذمہ دار اسلامی بہنوں کو شرعی پردہ کرنے کا ذہن دیتے ہوئے ان سے دینی کام کرنے کاہدف لیا گیا۔ مزید دینی کام کرنے کا ذہن دیا اور ان کی حوصلہ افزائی بھی کی ۔

دعوتِ اسلامی کے شعبہ ڈونیشن بکس  للبنات کے تحت پچھلے دنوں پاکستان ڈونیشن بکس ذمہ دار اسلامی بہنوں کا ماہانہ مدنی مشورہ منعقد کیا گیاجس میں تمام ریجن ڈونیشن بکس ذمہ داراسلامی بہنوں نے شرکت کی۔

اس مدنی مشورے میں ماہانہ کارکردگی شیڈول اور ماہانہ مدنی مشورےماتحت کےساتھ منعقد کرنےپرکلام ہوانیزذمہ داراسلامی بہنوں کو ان کی انفرادی کارکردگی بتائی گئی اور آئندہ شعبے کےدینی کام کرنےکےحوالےسے اہداف دیئے۔اس کےعلاوہ تقرریاں مکمل کرنےکاذہن دیا جس پراسلامی بہنوں نے اچھی اچھی نیتوں کے ساتھ شعبے کےدینی کام میں بہتری لانے کا اظہار کیا ۔

٭دوسری جانب آن لائن نظام کے حوالے سے پاکستان ڈونیشن بکس ذمہ دار اسلامی بہنوں کا بذریعہ انٹر نیٹ مدنی مشورہ ہوا جس میں ریجن ذمہ داراسلامی بہن نے سابقہ کارکردگی کا جائزہ لیتےہوئےاسلامی بہنوں کو ہفتہ وار سنتوں بھرے اجتماع میں شرکت کرنےا ور مدنی مذاکرہ دیکھنےکاذہن دیا نیز کارکردگی میں مزید بہتری لانےکی ترغیب دلائی ۔

دعوت اسلامی کے شعبہ رابطہ برائے شخصیات کے تحت رکن شوریٰ مولانا حاجی عبد الحبیب عطاری نے شعبہ رابطہ برائے شخصیات کراچی ریجن کے ذمہ دار حاجی یعقوب عطاری کے ہمراہ ڈاکٹر مرزا اختیار بیگ (Former Advisor to the Prime Minister on Textiles &

Honorary Consul Genral of Republic of Yemen in Pakinstan)سے ملاقات کی۔

رکن شوریٰ نے انہیں دعوت اسلامی کے تحت دنیا بھر میں ہونے والی دینی و فلاحی خدمات کے متعلق بریفنگ دی اور عالمی مدنی مرکز فیضان مدینہ کراچی کے وزٹ کی دعوت پیش کی۔

دعوتِ اسلامی کےتحت شعبہ رابطہ بالعلماء کے ذمہ داراسلامی بھائیوں نے پچھلے دنوں مہتمم جامعہ اسلام آبادمولانا پروفیسرڈاکٹر محمد ظفر اقبال جلالی صاحب سے ملاقات کی اور اُنہیں عرسِ اعلیٰ حضرت رحمۃاللہ علیہ کے موقع پر مدنی مرکز فیضانِ مدینہ اسلام آباد میں منعقد ہونےوالے دستارفضیلت اجتماع میں شرکت کرنے کی دعوت پیش کی۔

اس موقع پر شعبہ رابطہ بالعلماءکے ریجن ذمہ دارمحمدظہیرعطاری مدنی، واہ کینٹ زون ذمہ دارمحمدخالدعطاری مدنی، مولانا صداقت عطاری مدنی ، مولانا وسیم عطاری مدنی اورسیدابوبکرعطاری موجود تھے۔

بعدازاں ذمہ داران نے انہیں مکتبۃالمدینہ العربیہ اور درسی کُتُب کا تعارف پیش کرتے ہوئے بیروت کی عربی کُتُب تحفے میں دی جس پر انہوں نے دعوتِ اسلامی کی کاوشوں کو خوب سراہا۔(رپورٹ: رابطہ بالعلماء،کانٹینٹ:غیاث الدین عطاری)

دعوت اسلامی کے شعبہ مکتبۃالمدینہ  للبنات کے تحت گزشتہ دنوں کوئٹہ زون کی 3 کابینہ (خضدار، جناح اور کوئٹہ ) کافیصل آباداور ملتان ریجنز میں مدنی مشوروں کاسلسلہ ہوا جن میں ریجن و زون ذمہ داراسلامی بہنوں نے شرکت کی۔

پاکستان سطح کی ذمہ داراسلامی بہن نےاسلامی بہنوں کوہفتہ وار سنتوں بھرے اجتماعات میں مکتبۃالمدینہ کے بستے(اسٹال) لگانے، تقسیم رسائل کرنےاور ماہنامہ فیضان مدینہ کی بکنگ بڑھانے کےحوالےسے اہداف دیئے۔مکتبۃالمدینہ کا اسٹال لگانے والی اسلامی بہنوں کواہم نکات سمجھائے جس پراسلامی بہنوں نے اچھی اچھی نیتو ں کا اظہار کیا۔

اسی طرح دعوت اسلامی کے شعبہ مکتبۃالمدینہ کے تحت پاکستان ذمہ دار اسلامی بہن نے بذریعہ انٹر نیٹ مدنی مشورہ منعقد کیا جس میں ریجن مکتبۃالمدینہ ذمہ دار اور آرڈر بُکرز اسلامی بہنوں نے شرکت کی۔ پاکستان سطح کی ذمہ دار اسلامی بہن نےذمہ داراسلامی بہنو ں کو ان کی انفرادی کارکردگی بتاتے ہوئےانہیں تقرریاں مکمل کرنے کی ترغیب دلائی نیزاسلامی بیانات کتاب جلد 7 کے اسٹاک کو بروقت اٹھوانے پر بھی کلام ہوا۔اس کےعلاوہ ماہ ربیع الاول میں تقسیم رسائل کرنے کے اہداف دیئےگئے جس پر ذمہ داراسلامی بہنوں نے اچھی اچھی نیتوں کا اظہار کیا۔

پچھلے دنوں دعوتِ اسلامی کے شعبہ رابطہ بالعلماء کےذمہ دار اسلامی بھائیوں کا مختلف علمائے کرام سے ملاقات کا سلسلہ رہا جس میں ذمہ داران نے انہیں دعوتِ اسلامی کی دینی وفلاحی خدمات سے آگاہی فراہم کی۔

اس کے علاوہ علمائے کرام کو دعوتِ اسلامی کے تحت ہونے والے دستار فضیلت اجتماع میں شرکت کرنے کی دعوت پیش کی گئی جن میں حسنات احمد چشتی، دارالعلوم محمدیہ غوثیہ چک شہزاد کے پرنسپل مولانا پیرمختاراحمد نظامی، مولانا صاحبزادہ فاروق بہاؤالحق، مولاناارسلان جلالی،مولانا رفاقت حسین جلالی،مولاناپیرخورشیداحمدقادری،مولانا سعیداحمد نقشبندی، معین تبسم، مولانا پروفیسرعبدالغفورنجم صاحب اور مولانا حافظ مشتاق حسین نعیمی صاحب سمیت طلبۂ کرام بھی شامل تھے،اس کے علاوہ ذمہ داران نےمولانا سعیداحمد نقشبندی صاحب کے صاحبزادے سے عیادت کی۔

دوسری جانب مولانا پیر نویدالحسن مشہدی صاحب نے دعوتِ اسلامی کی مرکزی مجلسِ شوریٰ کے رکن حاجی جنید عطاری سے ملاقات کی ، رکنِ شوریٰ نے انہیں دعوتِ اسلامی کی دینی وفلاحی خدمات کے حوالے سے بریفنگ دیتے ہوئے دستار فضیلت اجتماع میں شرکت کرنےکی دعوت دی۔(رپورٹ: رابطہ بالعلماء،کانٹینٹ:غیاث الدین عطاری)

دعوتِ اسلامی کے شعبہ تقسیمِ رسائل کے تحت پچھلے دنوں لاہور میں عرس ِ حضرت سیدنا داتا  علی ہجویری رحمۃاللہ علیہ کے سلسلے میں مدنی مشورے کا انعقاد ہوا جس میں ریجن و زون ذمہ داران نے شرکت کی۔

اس مشورے میں مبلغِ دعوتِ اسلامی و نگران شعبہ تقسیم رسائل سید محمد حسنین عطاری نے ذمہ داران کی تربیت کرتے ہوئے انہیں دعوتِ اسلامی کے12دینی کاموں سمیت شعبہ تقسیم رسائل کےدینی کاموں میں شمولیت اختیار کرنے کی ترغیب دلائی جس پر ذمہ داران نے اچھی اچھی نیتوں کا اظہار کیا۔

بعدازاں ذمہ داران نے حضرت سیدنا داتا علی ہجویری رحمۃاللہ علیہ کےمزار پر حاضری بھی دی اور وہاں موجود اسلامی بھائیوں میں مکتبۃ المدینہ کا رسالہ فیضانِ داتا علی ہجویری رحمۃاللہ علیہ تقسیم کئے۔(رپورٹ: احمد رضا عطاری قادری آفس اسسٹنٹ تقسیم رسائل،کانٹینٹ:غیاث الدین عطاری)

دعوت اسلامی کے مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی ان دنوں کے پنجاب کے شیڈول پر ہیں۔

دوران شیڈول نگران شوریٰ نے لاہور میں داتا علی ہجویری رحمۃ اللہ علیہ کے مزار شریف پر حاضری دی اور ایصال ثواب کرتے ہوئے فاتحہ خوانی کی اور دعائیں کیں۔

اس موقع پر نگران پاکستان مشاورت حاجی محمد شاہد عطاری اور رکن شوریٰ حاجی یعفور رضا عطاری بھی موجود تھے۔

S.Pگلشن ڈاکٹر عبد الخالق نے عالمی مدنی مرکز فیضان مدینہ کراچی کا دورہ کیا جہاں انہوں نے سیکورٹی انتطامات کا جائزہ لیتے ہوئے مختلف شعبہ جات کا وزٹ کیا۔ S.Pگلشن ڈاکٹر عبد الخالق نےرکن شوریٰ حاجی محمد امین عطاری سے ملاقات کی جبکہ رکن شوریٰ نے انہیں دعوت اسلامی کے تحت ہونے والے دینی و فلاحی خدمات سے آگاہ کیا۔

اس موقع پر D.S.P ظہور الرحمن گجر، S.H.Oشفیق آفریدی، T.I.Bانچارج عبد الرحمن بھی موجود تھے۔

دعوت اسلامی کے شعبہ رابطہ برائے شخصیات کے تحت نگران زون نے ٹوبہ سٹی وکلاء بار میں وکلاء سے ملاقاتیں کیں۔

نگران نے انہیں نیکی کی دعوت پیش کی اور دعوت اسلامی کےمختلف شعبہ جات کے ذریعے ہونے والے دینی کاموں پر بریفنگ دی۔ نگران زون نے انہیں اپنا وقت دنیاوی کاموں کے ساتھ ساتھ دینی کاموں میں بھی صرف کرنے کی ترغیب دلائی۔

آخر میں نگران زون وکلاء کومکتبۃ المدینہ کا شائع کردہ رسالہ ”نور کا کھلونا “اور ”امام مالک کا عشقِ مدینہ“ تحفے میں دیا۔

پچھلے دنوں حافظ آباد پنجاب کے مقامی میرین گولڈ مارکی میں دعوتِ اسلامی  کی زیرنگرانی تاجر اجتماع کا اہتمام کیا گیا جس میں نگران شعبہ پاکستان شعبہ تعلیم عبدالوہاب عطاری نے سنتوں بھرا بیان کیا۔

اس موقع پر کثیر تعداد میں تاجران کے ساتھ ساتھ دیگر شعبہ ہائے زندگی سے تعلق رکھنے والےعاشقانِ رسول نے بھی شرکت کی ،مبلغِ دعوتِ اسلامی نے بیان کےدوران ’’تاجر کو کیسا ہونا چاہیے‘‘کےموضوع پر بیان کیا،نگرانِ شعبہ کا مزید کہنا تھا کہ ہمیں تجارت کرنے سے پہلے تجارت کے شرعی اصولوں کو سیکھنا چاہیے تاکہ ہم عین شریعت کے مطابق تجارت کر سکیں ،اس دوران نگرانِ شعبہ نے انہیں شعبہ فیضان آن لائن اکیڈمی میں داخلہ لینے کی ترغیب بھی دلائی۔

اس کے علاوہ دعوتِ اسلامی جن شعبہ جات کے ذریعے دین کی خدمت کررہی ہے اُن میں سے چند شعبہ جات کی پریزنٹیشن بھی دکھائی گئی، اس کےبعد نگران شعبہ نے صلوۃ و سلام پڑھااور دعا کروائی۔(رپورٹ: محمد ذوالفقار عطاری نگران کابینہ علی پور چٹھہ،کانٹینٹ:غیاث الدین عطاری)