ڈسٹرکٹ قصور تحصیل کوٹ رادھاکشن لاہور میں دعوتِ اسلامی کے تحت محمد منہال عطاری نے مختلف ذمہ داران کےہمراہ مدنی مرکز فیضان مدینہ میں امیرِاہلِ سنت دامت برکاتہم العالیہ کےفرمان’’ پودا لگانا ہےدرخت بنانا ہے‘‘ پر عمل کرتے ہوئےشجرکای کی اور پودے لگائے۔

اسی طرح ڈسٹرکٹ ڈی جی خان میں اسسٹنٹ کمشنر فاروق ملکان نے آفس میں اپنےہاتھوں سے پودے لگائے۔(رپوٹ: شعبہ رابطہ برائے شخصیات، کانٹینٹ: غیاث الدین عطاری مدنی)

دعوتِ اسلامی کے تحت ڈسٹرکٹ بہاولنگرمیں 8اگست2021ءبروزاتوارشجرکاری مہم کا سلسلہ ہوا اس موقع پر   نگرانِ کابینہ نے دیگرذمہ داراسلامی بھائیوں سمیت صوبائی وزیرعشروزکٰوۃ میاں شوکت لالیکا سے ملاقات کرتے ہوئے ان کے ہمراہ مقامی پارک میں پودےبھی لگائے جس پر انہوں نے دعوتِ اسلامی کی اس کاوش کو خوب سراہا۔(رپوٹ: شعبہ رابطہ برائے شخصیات) 

خانبیلہ ڈسٹرکٹ رحیم یارخان میں دعوتِ اسلامی کے شعبہ رابطہ برائے شخصیات کے تحت 8اگست2021ءبروز اتوارڈویژن نگران نے دیگر ذمہ داران کے ہمراہ ایم پی اےعامرنوازخان چانڈیہ سےملاقات کی جس میں انہوں نے دعوتِ اسلامی کی دینی خدمات اورشعبہ ایف جی آرایف کے تحت ہونیوالی شجرکاری مہم کےحوالےسےانہیں آگاہی دیتے ہوئے ان کےڈیرےپر پودے بھی لگائے۔(رپوٹ: شعبہ رابطہ برائے شخصیات)

دعوتِ اسلامی کےتحت ڈیرہ اڈہ ملتان میں قائم صلاح الدین پارک میں 8اگست2021ءبروزاتوارشجر کاری مہم کے حوالے سےایک تقریب ہوئی جس میں  شعبہ رابطہ برائے شخصیات نے FGRF، شوبزاورسوشل میڈیا کے اسلامی بھائیوں کے ہمراہ وزیر مملکت ومعاون خصوصی برائےسیاسی امور وزیر اعظم پاکستان ملک محمد عامر ڈوگر کےساتھ اس تقریب میں شرکت کی۔اس موقع پر شعبہ ایف جی آر ایف کے ذمہ داراسلامی بھائی نے دعوتِ اسلامی کے زیر اہتمام ہونےوالےدینی وفلاحی کاموں کا تعارف پیش کیاجس پر ملک محمد عامر ڈوگرنے مختلف میڈیا چینلز کو انٹرویو دیتے ہوئے دعوت اسلامی کےتحت ہونے والی شجر کاری مہم کو خوب سراہا ۔بعد ازاں انہیں مدنی مرکز فیضانِ مدینہ ملتان وزٹ کی دعوت پیش کی جس پر انہوں نے جلد وزٹ کرنے کی یقین دہانی کروائی۔(رپوٹ: شعبہ رابطہ برائے شخصیات)

7اگست2021ءبروز ہفتہ دعوتِ اسلامی کے شعبہ FGRF کے تحت ڈسٹرکٹ حافظہ آباد جلال پور روڈمیں شجرکاری مہم کا سلسلہ ہواجس میں نگرانِ زون محمد وسیم عطاری نے ایڈیشنل ڈپٹی کمشنر حامد ناصر گورائیہ ، اسسٹنٹ کمشنر ہیڈ کوارٹر محسن عالم ، سی او میونسپل کارپوریشن حیدر علی چٹھہ اور ڈسٹرکٹ کوآرڈینیٹر کلین اینڈ گرین رائے حسن علی کھرل کے ہمراہ شجرکاری مہم کا آغازکیا۔اس موقع پر مدرسۃ المدینہ اور جامعۃالمدینہ کے طلبۂ کرام نے بھی شرکت کرتے ہوئے 300پودے لگائے ۔(رپوٹ: محمد مدثر عطاری مجلس رابطہ برائے شخصیات)

دعوتِ اسلامی کےتحت یکم  اگست 2021ءسے پورے پاکستان میں پودے لگانے کا سلسلہ جاری ہے جس میں وقتاًفوقتاً اسلامی بھائی اپنے اپنے شہروں میں شجرکاری کر رہے ہیں ۔یکم اگست 2021ءکو راوالپنڈی گوجرانوالہ عزیز کراس میں شجرکاری مہم کا آغاز کیا گیاجہاں تقریبا ً5ہزار پودےلگائے گئے۔

اسی طرح پچھلے دنوں ذمہ دار اسلامی بھائیوں نے ضلعی کوآرڈینیٹر کلین گرین پاکستان چوہدری محمد شیراز مہر کے ہمراہ اُس مقام کا وزٹ کرتےہوئےپودوں کو پانی ڈالنے اور مزیددیکھ بھال کےحوالےسےگفتگو کی۔اس موقع پر شعبہ رابط برائےشخصیات نے اسسٹنٹ کمشنر شاہد عباس جوتہ کے آفس میں مدنی حلقہ لگایا جس میں صدر PTIضلع گوجرانوالہ رانا ساجد سمیت دیگراہم سیاسی وسماجی شخصیات نے شرکت کی نیز ذمہ دار نے دعوتِ اسلامی کےاصلاحی و فلاحی کاموں پر کلام کرتے ہوئے مدنی مرکز فیضانِ مدینہ گوجرانوالہ وزٹ کی دعوت دی ۔اس پر انہوں نے دعوتِ اسلامی کی دینی خدمات پر اظہارِمسرت کرتے ہوئے دعوت قبول کی۔(رپوٹ: محمد احسان عطاری شعبہ رابط برائےشخصیات )

دعوتِ اسلامی کے شعبہ رابطہ برائے شخصیات کے تحت پچھلے دنوں کوئٹہ میں ایف جی آر ایف کے ذمہ دار ان کے ہمراہ پروجیکٹ ڈائریکٹر فاریسٹ علی عمران شاہ اور ڈپٹی پروجیکٹ ڈائریکٹر نصراللہ مندوخیل سے شجر کاری مہم کے حوالے سے میٹنگ ہوئی جس میں دعوتِ اسلامی کے تحت چلنے والی شجرکاری مہم کے سلسلےمیں بلوچستان میں 52ہزار پودے لگانے کا ایگری منٹ کیا گیا۔) رپوٹ:شعبہ رابط برائےشخصیات بلوچستان)

پچھلے دنوں مدنی مرکزفیضانِ مدینہ جوہر ٹاؤن لاہور میں معاون ِخصوصی وزیرِاعلیٰ پنجاب ملک عمرفاروق کے والدین کے ایصالِ ثواب کے لئے قراٰن خوانی کا اہتمام کیا گیا۔اس موقع پر دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری کی خصوصی شرکت ہوئی جس میں رکنِ شوریٰ نے مرحومین کےلئے خصوصی دعا بھی کروائی۔

دعوتِ اسلامی کے شعبہ رابطہ برائے شخصیات کے تحت پچھلے دنوں شجر کاری مہم کے سلسلےمیں ایک تقریب رکھی گئی جس میں فیصل آباد کمشنر ثاقب منان، ڈپٹی کمشنر محمد علی، MNAفیض اللہ کموکا، MNAشیخ خرم شہزاد ،MPA و چیئرمین PHAمیاں وارث عزیز، MPAو چیئرمین FDAلطیف نذر، ڈائریکٹر PHAعبداللہ نثار چیمہ، بزنس کمیونٹی اور میڈیا سے وابستہ اسلامی بھائیوں نے شرکت کی۔انہوں نے دعوتِ اسلامی کے اس کام کو خوب سراہتے ہوئےاپنی نیک خواہشات کا اظہار کیا ۔اس موقع پر دعوتِ اسلامی کی طرف سے PHA کو3ہزار پودے فراہم کئے گئے۔

دعوتِ اسلامی کےتحت 7اگست2021ءبروز ہفتہ شعبہ رابطہ برائے شخصیات کے ذمہ داران کا ضلع لودھراں میں محکمہ پبلک ہیلتھ انجینئرنگ کےریسرچ آفیسرعرفان نذیر سےملاقات  کا سلسلہ ہوا۔اس موقع پر ذمہ دار اسلامی بھائیوں نے دعوتِ اسلامی کےتحت ہونیوالی شجرکاری مہم کےحوالےسےانہیں بریفنگ دی اور دعوتِ اسلامی کی دینی وفلاحی کاموں سے آگاہ کیا ۔ ساتھ ہی ان کے آفس کےاحاطہ میں پودا بھی لگایا۔

دعوتِ اسلامی کے شعبہ رابطہ برائے شخصیات  کے ریجن ذمہ دار نے کوئٹہ میں قبائلی سیاسی و سماجی شخصیت میر مٹھا خان حاجیجہ اور ان کے صاحبزادے گورنمنٹ کنٹریکٹر میر جہانزیب خان حاجیجہ سےملاقات کی۔ریجن ذمہ دارنے دعوتِ اسلامی کی دینی وفلاحی خدمات کے حوالے سے آگاہی دی، ساتھ ہی انہیں عالمی مدنی مرکز فیضان مدینہ کراچی کے وزٹ کی دعوت دی جس پر انہوں نےدعوت قبول کرتے ہوئے دعوت اسلامی کی عالمی سطح پر ہونے والی دینی و فلاحی خدمات کوخوب سراہا۔

اس موقع پر جعفر آباد کے رابطہ ذمہ دار غلام حسین عطاری اور مجیب الرحمٰن عطاری بھی ریجن ذمہ دار کے ہمراہ تھے۔آخر میں ذمہ دار اسلامی بھائیوں نے ملک کی ترقی و سلامتی کے لئے خصوصی دعا کی۔(رپوٹ:شعبہ رابطہ برائے شخصیات)

پچھلے دنوں   بلوچستان کی سرزمین لسبیلہ کے ساحلی علاقے ڈام بندرگاہ میں دعوتِ اسلامی کےشعبہ ایف جی آر ایف کے تحت ڈام کے جزیرے میں مرکزی تقریب کاانعقاد کیا گیا جس میں تاجران اورسیاسی و سماجی شخصیات نے شرکت کی۔اس موقع پر ترجمان دعوتِ اسلامی اور مرکزی مجلس ِشوریٰ کے رکن مولانا حاجی عبدالحبیب عطاری اور رکنِ شوریٰ ونگران ِکراچی ریجن حاجی محمد امین عطاری کی آمد کا سلسلہ ہوا جس پر نگران زون لیاقت عطاری نے دیگر ذمہ دار ان سمیت اراکینِ شوریٰ کا استقبال کیا۔

اراکینِ شوریٰ نے ذمہ داران کے ہمراہ شجر کاری مہم کا آغاز کیا اور پودےلگائے ۔ اس موقع پر ترجما نِ دعوت ِاسلامی مولانا حاجی عبدالحبیب عطاری کا کہنا تھا کہ ہمیں صرف پودا نہیں لگانا بلکہ اس کی دیکھ بھال کر کے اس کو درخت بنانا ہے اس لئے ایف جی آر ایف کی شجرکاری مہم کا سلوگن ’’پودا لگانا ہے درخت بنانا ہے‘‘ رکھا گیا ہے۔

رکنِ شوریٰ کا مزید کہنا تھا کہ ہم اس انداز سےشجرکاری کریں کہ پودوں کی دیکھ بھال درخت بننے تک کرتے رہیں اس سے ہمارا وطنِ عزیز مزیدسرسبز و شاداب بنے گا۔ شعبہ ایف جی آر ایف کے تحت پودے لگانے کے حوالے سے ذمہ دار ان کو ضروری ہدایات بھی دی گئیں۔

اس شجرکاری مہم میں ڈام کی شخصیات میں سیٹھ انور موندرہ، سیٹھ عبدالعزیز ،سیٹھ راشد، سیٹھ کریم بخش، عرفان مانڈرا قادری، زینل قریشی اورغلام سرور قریشی بھی شریک تھے۔(رپوٹ:شعبہ ایف جی آرایف)