صاحبزاۂ عطار و جانشینِ امیر اہلِ سنت مولانا عبید عطاری مدنی مَدَّظِلُّہُ الْعَالِی اور رکنِ شوریٰ حاجی اظہر عطاری کراچی کے جناح انٹرنیشنل ایئر پورٹ سے حج کے لئے روانہ ہوگئے، ذمہ داران نے انہیں الوداع کیا۔یادرہے کہ بانی ِ دعوتِ اسلامی مولانا الیاس عطار قادری دَامَتْ بَرَکَاتُہُمُ الْعَالِیَہ ، نگرانِ شوریٰ مولانا محمد عمران عطاری مَدَّظِلُّہُ الْعَالِی اور کئی اراکینِ شوری و ذمہ دارانِ دعوتِ اسلامی فریضۂ حج ادا کرنے پہلے سے ہی مکہ مکرمہ پہنچ چکے ہیں۔جانشینِ امیر اہلِ سنت وہاں پہنچ کر چل مدینہ کے قافلے کو جوائن کریں گے۔

صاحبزاۂ عطار و جانشینِ امیر اہلِ سنت مولانا عبید عطاری مدنی مَدَّظِلُّہُ الْعَالِی کراچی کے جناح انٹرنیشنل ایئر پورٹ سے حج کے لئے روانہ ہوگئے،رکنِ شوریٰ حاجی اظہر عطاری اور دیگر ذمہ داران نے انہیں الوداع کیا۔یادرہے کہ بانی ِ دعوتِ اسلامی مولانا الیاس عطار قادری دَامَتْ بَرَکَاتُہُمُ الْعَالِیَہ ، نگرانِ شوریٰ مولانا محمد عمران عطاری مَدَّظِلُّہُ الْعَالِی اور کئی اراکینِ شوری و ذمہ دارانِ دعوتِ اسلامی فریضۂ حج ادا کرنے پہلے سے ہی مکہ مکرمہ پہنچ چکے ہیں۔ جانشینِ امیر اہلِ سنت وہاں پہنچ کر چل مدینہ کے قافلے کو جوائن کریں گے۔

دعوتِ اسلامی کی مجلس اسپیشل افراد  کے تحت کشمیر میں عاشقانِ رسول نے12 دن کےمدنی قافلے میں سفر کیا۔ شرکا نے شیڈول کے مطابق مدنی حلقے لگائے اور مدنی کام کیا نیز نگرانِ زون اور رکنِ شوریٰ حاجی محمد اسد مدنی عطاری نے سنّتوں بھرا بیان کرتے ہوئے شرکا کی تربیت کی ۔

اسی طرح دعوتِ اسلامی کی مجلس آئی ٹی کے تحت لاہورمیں مدنی حلقہ ہوا جس میں آئی ٹی پروفیشنلز ،سافت وئیر انجینئر ڈیولپرز اور سی ایس کمپیوٹرسائنس سے وابستہ اسلامی بھائیوں نے شرکت کی ۔ مبلغ دعوتِ اسلامی نے سنّتوں بھرا بیان کرتے ہوئے دعوت ِاسلامی کا تعارف پیش کیا۔

دعوتِ اسلامی کی مجلس مدنی چینل عام کریں کے تحت اسلام آباد بھاولپور ،وہاڑی اور بورے والا میں ذمّہ داران نے مختلف کیبل نیٹ ورک آفسز  اور دکانوں کا دورہ کیا اور مالکان کو نیکی کی دعوت دیتے ہوئے مدنی چینل کے نشریات کے بارے میں معلومات فراہم کی اور ڈیٹا بھی دیا۔

اسی طرح دعوتِ اسلامی کی مجلس مدنی چینل عام کریں کےتحت وہاڑی کےمختلف علاقوں میں مدنی حلقے لگائے جس میں تاجروں،کسانوں اور دیگر عاشقانِِ رسول نے شرکت کی ۔ ذمّہ داران نے شرکا کی تر بیت کی اور دعوتِ اسلامی کے مدنی ماحول سے وابستہ ہونےکے ساتھ مدنی قافلے میں سفر کرنے کا ذہن دیا۔

دعوت اسلامی کی مجلس شعبہ تعلیم کے تحت خیبرپختونخواہ کے ضلع ایبٹ آبادمیں شعبہ تعلیم سے وابستہ افراد کے لئے 7 دن کا ”فیضان نماز کورس“ جاری ہے۔ دورانِ کورس سنّتوں بھرے اجتماع کا انعقاد کیا گیا  جس میں کورس کر نے والے پی ایچ ڈی ہولڈرز، پروفیسرز، ہیڈماسٹرز، اساتذہ، سرکاری اداروں کے ملازمین، آئی ٹی پروفیشنلز اور مختلف یونیورسٹیوں کے اسٹوڈنٹس نے شرکت کی ۔رکنِ شورٰی حاجی یعفور رضاعطاری نے سنتوں بھرا بیان فرماتے ہوئے عاشقانِ رسول کی تربیت کی اور دعوت ِاسلامی کا مدنی مقصد بیان کرتے ہوئے انہیں بھی مدنی ماحول سے وابستہ ہونے کا ذہن دیا اور نیکی کی دعوت کو عام کرنے کی ترغیب دلائی۔

دعوتِ اسلامی کی مجلس اطراف گاؤں کے تحت اسلام آباد میں مدنی حلقہ ہوا جس میں گاؤں کے نگران ،زون ذمّہ داران اور زون نگران سمیت دیگر ذمّہ داران نے شرکت کی ۔رکنِ شوریٰ حاجی وقار المدینہ عطاری نے کارکردگی کا جائزہ لیتے ہوئے شرکا کی تربیت کی اور مدنی مذاکرے کی کارکردگی مزید مضبوط کرنے کا ذہن دیانیز اس حلقے میں رکنِ شوریٰ حاجی محمد اظہر عطاری نے بھی شرکت کی ۔

انسانی جسم کا ہر عضو اپنی جگہ بہت ہی اہمیت اور قدر وقیمت کا حامل ہے، اللہ تعالیٰ کی بے شمار نعمتوں میں سے ایک نہایت ہی اہم نعمت آنکھ بھی ہے۔ انسانی اعضاء میں آنکھ بظاہر جسم کا بہت ہی چھوٹا عضو ہے مگر اپنی اہمیت وافادیت کے اعتبار سے نہایت ہی عظیم، اہم اور حساس ہے۔ لیکن آج کے سائنسی دور میں جہاں مختلف اقسام کی ٹیکنالوجی دنیا بھر میں متعارف کرائی گئی ہیں وہیں موبائل اور ٹیبلیٹ جہاں ضرورت ہے تو وہیں زحمت بھی بنی ہوئی ہے، ترقی یافتہ دور میں بڑے ہوں یا بچے موبائل فون کے نقصانات سے واقف ہونے کے باوجود گھنٹوں اس کو استعمال کرتے نظر آتے ہیں، موبائل فون اور ٹیبلیٹ بڑوں کی صحت کو تو نقصان پہنچاتا ہی ہے لیکن بچوں کی صحت پر بھی منفی اثر ڈالتا ہے، جس کے باعث ان کی جسمانی و ذہنی نشوونما کے ساتھ ساتھ آنکھیں بھی متاثر ہوتی ہیں، جو بچے بہت زیادہ موبائل فون استعمال کرتے ہیں، یا فون کو اپنی آنکھوں کے بہت قریب رکھتے ہیں، ان کی آنکھوں میں بھینگا پن آنے کے امکانات بہت زیادہ بڑھ جاتے ہیں۔ ماہر امراض چشم کا کہنا تھا کہ موبائل فون اور ٹیبلیٹ کے استعمال سے بچوں کی جسمانی اور ذہنی نشوونما کے ساتھ ساتھ ان کی آنکھوں پر بھی منفی اثرات مرتب ہوتے ہیں۔ لہٰذا والدین کو چاہئے کہ اپنے بچوں کو کم سے کم ان چیزوں کا استعمال کرنے دیں۔

آنکھ قدرت کا بہت بڑا انعام اور عظیم عطیہ ہے۔اس سے انسان کی ساری دنیا روشن رہتی ہے۔آنکھوں کی بینائی ختم ہوجانے اور آنکھوں سے محروم ہوجانے کی صورت میں انسان کی دنیا اندھیر ہوجاتی ہے، لہٰذا ہمیں چاہئے کہ ہم خود بھی موبائل کا کم سے کم استعمال کریں اور اپنے بچوں کو بھی اس کا استعمال کم سے کم کرائیں تاکہ آگے چل کر آپ کو اور آپ کے بچے کو کسی قسم کی تکالیف کا سامنا نہ کرنا پڑے۔