دنیا بھر کے پریشان حال مسلمانوں کی امداد کرنے والے دعوتِ اسلامی کے فلاحی شعبے FGRF کے تحت برمنگھم UK کے مقامی کمیونٹی سینٹر میں ایک پروگرام کا انعقاد کیا گیا جس میں بزنس کمیونٹی اور پروفیشنز سے تعلق رکھنے والے عاشقانِ رسول سمیت ذمہ داران و مبلغینِ دعوتِ اسلامی شریک ہوئے۔

تفصیلات کے مطابق اس پروگرام میں نگرانِ ویلز UK حاجی سیّد فضیل رضا عطاری سمیت دیگر مبلغینِ دعوتِ اسلامی نے بیان کیا جس میں انہوں نے Video documentary کے ذریعے دکھیاری امت کی خیرخواہی کے لئے UK سمیت دیگر ممالک کے عاشقانِ رسول کے ذریعے عالمی سطح پر ہونے والی شعبہ FGRF دعوتِ اسلامی کی فلاحی خدمات کے بارے میں بریفنگ دی جبکہ وہاں موجود شرکا اسلامی بھائیوں کو FGRF کے تحت ہونے والے فلاحی کاموں میں اپنا حصہ ملانے کا ذہن بھی دیا۔

اسی دوران شعبہ FGRF کے فلاحی کام سرانجام دینے والے مبلغینِ دعوتِ اسلامی اور دیگر عاشقانِ رسول کے درمیان شیلڈ پیش کی گئیں جبکہ پروگرام میں شریک مختلف شعبہ ہائے زندگی سے تعلق رکھنے والے عاشقانِ رسول نے دعوتِ اسلامی کے بارے میں اپنی نیک خواہشات کا اظہار کیا اور دعوتِ اسلامی کی کاوشوں کو سراہا۔بعدازاں صلوٰۃ و سلام پڑھا گیا اور نگرانِ ویسٹ مڈلینڈز یوکے ریجن نے اختتامی دعا کروائی۔(کانٹینٹ:غیاث الدین عطاری)

امتِ مسلمہ کی امداد اور اُن کی خیرخواہی کا جذبہ لئے ہوئے عاشقانِ رسول کی دینی تحریک دعوتِ اسلامی کے تحت افریقی ملک ملاوی کے اطراف گاؤں پھلومبے (Phalombe) میں ایک پروگرام منعقد ہوا جس میں مقامی اسلامی بھائیوں نے شرکت کی۔

تلاوتِ قراٰن سے پروگرام کی ابتدا کی گئی اور نعت خواں اسلامی بھائی نے حضور سرورِ کائنات صلی اللہ علیہ و سلم کی بارگاہ میں نذرانۂ عقیدت پیش کیا جبکہ نگرانِ ملاوی مشاورت مولانا محمد عثمان عطاری مدنی نے سنتوں بھرا بیان کیا۔

دورانِ بیان نگرانِ ملاوی مشاورت نے حاضرین کو مشکلات اور پریشانیوں کے مواقع پر صبر و دعا کرتے رہنے کی ترغیب دلائی نیز رمضانُ المبارک کی برکات کے حاصل کرنے کے لئے اسلامی بھائیوں کی ذہن سازی کی۔

امریکی ریاست الینوائے (Illinois)کے سٹی شکاگو (Chicago) اور نیویارک (New York)کے سٹی بروکلین (Brooklyn) میں قائم مدنی مرکز فیضانِ مدینہ میں لوگوں کو دینِ اسلام کی تعلیمات سکھانے کے لئے شعبہ مدنی کورسز دعوتِ اسلامی کے تحت مختلف مواقع پر فیضانِ نماز کورس منعقد کئے گئے۔

ان کورسز میں مبلغینِ دعوتِ اسلامی نے نماز کے شرائط و فرائض کے علاوہ دیگر امور پر شرکا اسلامی بھائیوں کی رہنمائی کی اور انہیں دعوتِ اسلامی کے دینی کاموں میں حصہ لیتے رہنے کی ترغیب دلائی جس پر شرکا نے اچھی اچھی نیتوں کا اظہار کیا۔(کانٹینٹ:غیاث الدین عطاری)

جنکپور شہر، نیپال  میں دعوتِ اسلامی نے ترقی کی راہ ہموار کرتے ہوئے مقیم عاشقانِ رسول کے لئے جامعۃ المدینہ کی برانچ فیضانِ اعلی ٰحضرت کا افتتاح کردیا جس کے لئے ایک تقریب منعقد ہوئی۔

معلومات کے مطابق اس افتتاحی تقریب میں علمائے کرام، ذمہ داران، مبلغینِ دعوتِ اسلامی اور قرب و جوار کے عاشقانِ رسول کی کثیر تعداد نے شرکت کی۔

تقریب کے آغاز میں تلاوتِ قراٰن اور نعتِ رسولِ مقبول صلی اللہ علیہ و سلم کے بعد نگرانِ نیپال مشاورت نے سنتوں بھرا بیان کیا جس میں انہوں نے حاضرین کی دینی و اخلاقی اعتبار سے تربیت کرتے ہوئے انہیں دعوتِ اسلامی کے دینی و فلاحی کاموں میں حصہ لینے کی ترغیب دلائی جس پر حاضرین نے اچھی اچھی نیتیں کیں ۔(کانٹینٹ:غیاث الدین عطاری)

ہزاروں مسلمانوں کی خیرخواہی کرتے ہوئے پچھلے دنوں عاشقانِ رسول کی عالمی تحریک دعوتِ اسلامی نے ترکی کنٹرول سیریا میں کثیر بے گھر عاشقانِ رسول کے لئے نئے  گھروں کی تعمیرات کروائی تھی ۔

اسی سلسلے میں دعوتِ اسلامی کے فلاحی شعبے FGRF کے تحت ترکیہ کے دارالحکومت انقرہ (Ankara)میں موجود ” وقف دیانت“ (DIYANET VAKFI)کےعہدیداران سے شہاب الدین عطاری (نگرانِ سینٹرل ایشیاو افریقن عرب ریجنز) اور حاجی سیّد فضیل رضا عطاری (نگرانِ ویلز UK اینڈ FGRF UK) کی ملاقات ہوئی۔

اس ملاقات میں ذمہ دار اسلامی بھائیوں نے تمام عہدیداران کو دعوتِ اسلامی کی عالمی سطح پر ہونے والی دینی اور بالخصوص فلاحی خدمات کے متعلق بتایا اور سیریا میں96 ہاؤسز کے بعد آفرین شہر میں مزید 84 ہاؤسز بنانے کے لئے MOUسائن کیا گیاجو کہ بےگھر مسلمانوں کے لئے تعمیرکیا جائے گا۔

آخر میں ” وقف دیانت“ کے عہدیداران نے سریا کے شہر آفرین میں ہاؤسز بنانے کے لئے جگہیں دیں اور MOU سائن کیا جس پر بہت جلد دعوتِ اسلامی کے شعبے FGRF کے تحت نئے گھروں کی تعمیرات کا سلسلہ کیا جائے گا۔(کانٹینٹ:غیاث الدین عطاری)

ملائیشیا کی ریاست سلنگور (Selangor)میں عاشقانِ رسول کی دینی تحریک دعوتِ اسلامی کے تحت نیکی کی دعوت اور سنتوں بھرے اجتماع کا انعقاد کیا گیا جس میں قرب و جوار سے مختلف شعبہ ہائے زندگی سے تعلق رکھنے اسلامی بھائیوں نے شرکت کی۔

تلاوتِ قراٰن اور نعت شریف کے بعد نگرانِ ملائیشیا مشاورت محمد عمران عطاری سمیت دیگر مبلغینِ دعوتِ اسلامی نے سنتوں بھرے بیانات کئے جس میں انہوں نے شرکا کو نمازوں کی پابندی کرنے، نیک اعمال کرنے اور گناہوں سے بچتے ہوئے دعوتِ اسلامی کے دینی کاموں میں حصہ لینے کا ذہن دیا۔بعدازاں مبلغِ دعوتِ اسلامی نے اختتامی دعا کروائی اور حاضرین نے حضور پُر نور حضرت محمد صلی اللہ علیہ و سلم کی بارگاہ میں صلوٰۃ و سلام کا نذرانہ پیش کیا۔

دوسری جانب نگرانِ ملائیشیا مشاورت محمد عمران عطاری کی دیگر ذمہ داران کے ہمراہ مجلسِ افتاء ملائیشیا کے رکن مولانا استاد اینکو احمد فاضل صاحب سے ملاقات ہوئی اور دعوتِ اسلامی کی عالمی سطح پر ہونے والی خدمات کے بارے میں تبادلۂ خیال کیا گیا۔(کانٹینٹ:غیاث الدین عطاری)

دعوتِ اسلامی کے شعبہ جات کے لئے ہونے والے سالانہ ڈونیشن کے سلسلے میں26 جنوری 2024ء کو فارایسٹ ریجن نگران ، فنانس ڈیپارٹمنٹ ذمہ دار،  انٹرنیشنل افیئرز ذمہ دار اور مختلف سطح کی ذمہ دار اسلامی بہنوں نے شرکت کی۔

پاکستان سے بذریعہ انٹرنیٹ دعوتِ اسلامی کی نگرانِ عالمی مجلسِ مشاورت اسلامی بہن نےاسلامی بہنوں سے گفتگو کرتے ہوئےانہیں زیادہ سے زیادہ ڈونیشن جمع کرنے اور دینی ماحول سے منسلک اسلامی بہنوں کو ترغیب دلانے کا ذہن دیا۔

علاوہ ازیں نگرانِ عالمی مجلسِ مشاورت نے اسلامی بہنوں کو آئندہ کے اہداف دیئے جس پر انہوں نے اچھی اچھی نیتوں کا اظہار کیا۔ 

بیرونِ ممالک کی خواتین   میں نیکی کی دعوت کا جذبہ بڑھانے والی عاشقانِ رسول کی دینی تحریک دعوتِ اسلامی کے تحت 20 جنوری 2024ء کو میلبرن نگران اسلامی بہنوں کا مدنی مشورہ ہوا۔

اسلامی بہنوں کے 8 دینی کاموں کے حوالے سے گفتگو کرتے ہوئے ذمہ دار اسلامی بہنوں نے میلبرن کاؤنسل سمیت دیگر مختلف اہم نکات پر مشاورت کی نیز اسلامی بہنوں کی تقرری مکمل کرنے کا ذہن دیا گیا۔

عالمی مجلسِ مشاورت کے مدنی پھولوں کے حوالے سے 16 جنوری 2024ء کو دعوتِ اسلامی کے تحت اسٹیٹ اور کاؤنسل نگران اسلامی بہنوں کا مدنی مشورہ منعقد ہوا۔

رمضانُ المبارک کے عطیات کے حوالے سے گفتگو کرتے ہوئے ذمہ دار اسلامی بہنوں نے سابقہ سال کے عطیات اور آئندہ سال کے اہداف پر کلام کیا نیز دعوتِ اسلامی کے دینی کاموں میں مزید بہتری لانے کے لئے دیگر مختلف موضوعات پر تبادلۂ خیال کیا۔بعدازاں تمام ذمہ دار اسلامی بہنوں نے دینی کاموں میں ترقی کے لئے اپنی اپنی رائے پیش کی۔

13  جنوری 2024ء کو دینی کاموں کے سلسلے میں دعوتِ اسلامی کے تحت کینٹربری کونسل نگران اور ذمہ دار اسلامی بہنوں کا مدنی مشورہ منعقد کیا گیا جس میں دیگر اسلامی بہنوں کی بھی شرکت ہوئی۔

دینی کاموں کے متعلق گفتگو کرتے ہوئے ذمہ دار اسلامی بہنوں نے اجتماعات کی تعداد بڑھانے، ڈیلی کلاسز کا اجتماعی طور پر جائزہ لینےاور فنانس ڈیپارٹمنٹ کا ٹیسٹ دلوانے کے حوالے سے تبادلۂ خیال کیا۔

علاوہ ازیں ذمہ دار اسلامی بہنوں نے ماہنامہ فیضانِ مدینہ کی بکنگ کروانے، فیملی اجتماعات اور اجتماعات میں لنگرِ رضویہ کا اہتمام کرنے پر کلام کیا۔

عاشقانِ رسول کی دینی تحریک دعوتِ اسلامی کے تحت 10 جنوری 2024ء کو بلیک ٹاؤن نگران اور شعبہ مشاورت کی ذمہ دار اسلامی بہنوں کا مدنی مشورہ ہوا جس میں دیگر اسلامی بہنوں کی بھی شرکت ہوئی۔

دینی کاموں کی کارکردگی کا جائزہ لیتے ہوئے ذمہ دار اسلامی بہنوں نے اسلامی بہنوں کے درمیان ہونے والے اجتماعات کی تعداد بڑھانے، ڈیلی کلاسز میں اجتماعی طور پر جائزہ لینے اور فنانس ڈیپارٹمنٹ کا ٹیسٹ دلوانے کے بارے میں مشاورت کی۔

ذمہ دار اسلامی بہنوں نے ماہنامہ فیضانِ مدینہ کی بکنگ کروانے، فیملی اجتماعات منعقد کرنے، اجتماعات کی ٹائمنگ اوران کے ایام کے حوالے سے مختلف امور پر گفتگو کی۔

نیکی کی دعوت عام کرنے کا جذبہ لئے ہوئے عالمی تحریک دعوتِ اسلامی کے تحت 10 جنوری 2024ء کو مدنی مشورے کا انعقاد کیا گیا جس میں میلبرن نگران سمیت شعبہ ذمہ دار اسلامی بہنوں نے شرکت کی۔

مدنی مشورے کی ابتدا میں ذمہ دار اسلامی بہنوں نے دینی کاموں کے حوالے سے کلام کرتے ہوئے علاقائی دورہ برائے نیکی کی دعوت کے شعبے پر مشاورت کی۔

بعدازاں دینی کاموں میں پیش آنے والے مسائل کو حل کرنے اور بیرونِ ممالک میں دینی کام کیسے بڑھائیں؟ اس کے متعلق تبادلۂ خیال کیا گیا نیز تمام ذمہ دار اسلامی بہنوں نے اپنی اپنی نیتیں ظاہر کیں۔