دنیا بھر میں تبلیغ قرآن و سنت کا اہم فریضہ انجام دینے والی عالمی مذہبی تحریک دعوتِ اسلامی  دنیا کے کونے کونے میں دینِ متین کی سربلندی کے لئے شب و روز کوشاں ہے، بے شمار لوگ دین کے قریب آرہے ہیں اور صوم و صلوۃ کے پابند بنتے جارہے ہیں۔ مبلغینِ دعوتِ اسلامی کی کاوشوں سے دنیابھر میں کئی غیر مسلم بھی کلمہ پڑھ کر مسلمان ہورہے ہیں۔

گزشتہ روز ایسی ہی ایک مدنی بہار پُرتگال میں دیکھنے میں آئی جہاں مبلغِ دعوتِ اسلامی و نگران پرتگال احمد رضا عطاری کے ہاتھوں ایک پرتگالی نوجوان کلمہ پڑھ کر دائرۂ اسلام میں داخل ہوگیا۔ مبلغِ دعوتِ اسلامی نے اس نومسلم کو اسلام کی بنیادی معلومات سے آگاہ کیا جبکہ مزید تربیت کے لئے کورسز کا ذہن دیا۔

واضح رہے کہ اس سے قبل 18 نومبر کے روز بھی ایک یوکرینین خاتون نے پرتگا ل میں اسلام قبول کیا تھا۔

بیرونِ ملک میں موجود عاشقانِ رسول کو دینِ اسلام کی تعلیمات سے آگاہ کرنے کے لئے دعوتِ اسلامی کے تحت وقتاً فوقتاً مختلف دینی ایکٹیویٹیز کا انعقاد کیا جاتا ہے۔

اسی سلسلے میں پچھلے دنوں Belgium Brussels کے علاقے Anderlechtمیں واقع مین ہول سیل مارکیٹ میں نوید شیخ عطاری کی دکان پر سیکھنے سکھانے کا حلقہ لگایا گیا جس میں بزنس مین، Brussels کے تاجران، Ghent اور Verviers کے ذمہ داران نے شرکت کی۔

حلقے کا آغاز حافظ امیر سلیم عطاری نے تلاوتِ قران سے کیا جبکہ نوید عطاری نے نعت شریف اور منقبت پڑھ کر حاضرین کے دلوں کو معطر کیا۔

ملکی نگران حاجی علی قریشی عطاری نے شرکائے حلقہ کو غوثِ پاک رحمۃاللہ علیہ کی سیرت سے متعلق ایمان افروز حکایتیں بیان کیں نیز غوثِ پاک رحمۃاللہ علیہ کی زندگی کے مقاصد بیان کرتے ہوئے شرکا کو علمِ دین حاصل کر کے اسے عام کرنے کا ذہن دیا۔

علاوہ ازیں ملکی نگران نے عالمی سطح پر ہونے والی دعوتِ اسلامی کی دینی و فلاحی خدمات کے بارے میں شرکا کو آگاہی دی اور ٹیلی تھون میں اپنا حصہ ملانے کا ذہن دیا۔حلقے کے اختتام صلاۃ و سلام پڑھا گیا اور حاجی علی قریشی عطاری نے دعا کروائی۔

13 نومبر 2022ء کو دعوتِ اسلامی کے شعبے  انٹرنیشنل افئیر کے تحت نائجیریا کے علاقے ڈیسو میں محفلِ میلاد النبیصلَّی اللہ علیہ واٰلہٖ وسلَّم کا اہتمام کیا گیا ، اس محفلِ پاک میں نگران ملکی مشاورت نے دعوتِ اسلامی کا تعارف کروایا اور شرکا کو نیکی کی دعوت پیش کی۔ ( رپورٹ: محمد ندیم عطاری نگران نائجیریا مشاورت / کانٹینٹ: محمد مصطفی انیس) 

دعوتِ  اسلامی کے تحت 15 نومبر 2022ء کو یوکے،اسپین اور اٹلی کے جامعات المدینہ بوائز میں آن لائن ٹریننگ سیشن ہواجس میں طلبہ ٔکرام، اساتذہ اور دیگر مدنی عملے نے شرکت کی ۔

مرکزی مجلسِ شوری ٰ کے رکن حاجی یعفور رضا عطاری نے’’ مبلغ کے اوصاف کیسے ہوں؟‘‘ کے موضوع پر سنتوں بھرا بیان فرمایا اور طلبہ کو پڑھائی کے ساتھ ساتھ نفلی عبادات کرنے اور دینی کام کرنے کا ذہن دیا نیز ٹیلی تھون کے حوالے سے بات چیت کرتے ہوئے انہیں مدنی مذاکرہ دیکھنے کا ذہن بھی دیاجس پر طلبہ نے اچھی اچھی نیتوں کا اظہار کیا۔( کانٹینٹ: رمضان رضا عطاری)

عالمی سطح پر نیکی کی دعوت عام کرنے اور لوگوں کو دینِ اسلام کی تعلیمات کے بارے میں آگاہی دینے کے لئے دعوتِ اسلامی کے تحت وقتاً فوقتاً دینی کاموں کے حوالے سے مرکزی مجلسِ شوریٰ کے اراکین اور دعوتِ اسلامی کے مبلغین ملک و بیرونِ ملک سفر کرتے رہتے ہیں۔

اسی سلسلے میں جانشینِ امیرِ اہلِ سنت مولانا حاجی عبید رضا عطاری مدنی مُدَّ ظِلُّہُ العالی دینی کاموں کے حوالے سے دسمبر 2022ء میں یورپ (Europe) کے مختلف ممالک کا دورہ کریں گے جس کی تفصیل درج ذیل ہے:

یکم دسمبر 2022ء بروز جمعرات پرتگال (Portugal)۔

2 اور 3 دسمبر 2022ء بروز جمعہ، ہفتہ اسپین (Spain)۔

4 اور 5 دسمبر 2022ء بروز اتوار، پیر جرمنی (Germany)۔

6، 7 اور 8 دسمبر 2022ء بروز منگل، بدھ، جمعرات اٹلی (Italy)۔

9 دسمبر 2022ء بروز جمعہ نیدر لینڈز (Netherlands)۔

10دسمبر 2022ء بروز ہفتہ بیلجیئم (Belgium) ۔

11 دسمبر 2022ء بروز اتوار سویڈن(Sweden)۔

12 نومبر 2022ء کو دعوت اسلامی کے زیر اہتمام جنوبی کوریا کے سٹی انچیون (Incheon) میں ہفتہ وار سنتوں بھرے اجتماع کا انعقاد کیا گیا جس میں مقامی سطح کے اسلامی بھائیوں نے شرکت کی۔

مبلغ دعوت اسلامی نے سنتوں بھرا بیان کرتے ہوئے شرکا کو مدنی قافلے میں سفر کرنے، رسالہ اعمال کا عامل بننے اور پابندی کے ساتھ ہفتہ وار اجتماع میں شرکت کرنے کی ترغیب دلائی۔

13 نومبر 2022ء دعوت اسلامی کے تحت جنوبی کوریا انچیون کے شہر بوپیونگ (Bopyeong, Incheon) کی مقامی مسجد میں بعد فجر دینی حلقے کا انعقاد کیا گیا جس میں مقامی اسلامی بھائیوں نے شرکت کی۔

دینی حلقے میں ترجمہ کے ساتھ قرآن پاک کی تلاوت کی گئی جبکہ مبلغ دعوت اسلامی نے شرکا کو نیکی کی دعوت دیتے ہوئے انہیں دینی کاموں میں شرکت کرنے کی ترغیب دلائی۔

12 نومبر 2022ء کو دعوت اسلامی کے تحت برمنگھم یوکے میں ویسٹ مڈلینڈز یوکے ریجن کے ذمہ داران کا مدنی مشورہ ہوا جس میں نگران ویسٹ مڈلینڈز یوکے ریجن سید عمار عطاری،نگران برمنگھم یوکے مولانا طارق عطاری مدنی اور  ویسٹ مڈلینڈز یوکے ریجن کے اسلامی بھائیوں نے شرکت کی۔

نگران ویلز کابینہ حاجی سید فضیل عطاری نے ٹیلی تھون، نگران شوریٰ کا یوکے کا جدول، مدرسۃ المدینہ، جامعۃ المدینہ، مدرسۃ المدینہ بالغان، مدنی قافلہ، نیک اعمال اور دار المدینہ کے حوالے سے کلام کیا اور دینی کاموں کے حوالے سے گفتگو ہوئی۔

13 نومبر 2022ءدعوت اسلامی کے زیر اہتمام بنگلہ دیش کے شہر چٹا گانگ کے علاقے پٹیا اور بنش کھلی میں بڑی گیارہویں شریف کے سلسلے میں اجتماعات ذکر و نعت کا انعقاد کیا گیا جس میں کثیر تعداد میں عاشقان رسول نے بڑی تعداد میں شرکت کی۔

مبلغین دعوت اسلامی نے ”سیرت غوث اعظم رحمۃ اللہ علیہ“ کے موضوع پر سنتوں بھرا بیان کیا اور شرکا کو اولیائے کرام کی سیرت کے مطابق زندگی گزارنے کی ترغیب دلائی۔

6 نومبر 2022ء کو دعوت اسلامی کے زیر اہتمام ضلع نیلفماری بنگلہ دیش کےشہر سید پور اور رنگ پور صدر میں بڑی گیارہویں کے موقع پر اجتماع ذکرو نعت کا انعقاد کیا گیا جس میں کثیر تعداد میں عاشقان رسول نے شرکت کی۔

مبلغین دعوت اسلامی نے ”سیرت غوث اعظم رحمۃُ اللہِ علیہ“ کے موضوع پر سنتوں بھرے بیانات کئے اور شرکا کو اولیائے کرام کی سیرت کے مطابق زندگی گزارنے کی ترغیب دلائی۔

8 نومبر 2022ء کو دعوت اسلامی کے زیر اہتمام  نیدر لینڈز کی غوثیہ مسجد میں سرکار بغداد غوث پاک رحمۃ اللہُ عنہ کے ایصالِ ثواب کے لئے اجتماع غوثیہ کا انعقاد کیا گیا جس میں مقامی اسلامی بھائیوں نے شرکت کی۔

نگران نیدرلینڈز دعوت اسلامی حاجی سرفراز عطاری نے ”سیرت غوث پاک رحمۃ اللہُ عنہ “ کےموضوع پر سنتوں بھرا بیان کرتے ہوئے شرکا کو اولیائے کرام سے محبت کرنے اور سیرت غوث پاک رحمۃ اللہُ عنہ سے مستفیض ہوکر اس کے مطابق زندگی گزارنے کی ترغیب دلائی۔

دعوت اسلامی کے تحت نیدر لینڈز کے سٹی The Hague میں قائم مدنی مرکز فیضان مدینہ میں ہفتہ وار دینی حلقے کا انعقاد کیا گیا جس میں مقامی عاشقان رسول نے شرکت کی۔ دینی حلقے میں اسلامی بھائیوں کو نماز کورس کروایا گیا۔

مدنی کورسز کے معلم اسلامی بھائی نے شرکا کو غسل و وضو کی سنتیں اور فرائض، نماز کی شرائط، فرائض اور عملی طریقہ بھی بتایا گیا۔ آخر میں شرکا نے اپنے دوستوں کو نماز کورس کرنے اور ہفتہ وار اجتماع میں شرکت کرنے کی دعوت دینے کی نیت کی۔