بیرونِ ملک میں ہونے والی دعوتِ اسلامی کی دینی و فلاحی خدمات کی بریفنگ دینے کے لئے ذمہ دار اسلامی بھائیوں نے افریقی ملک گیمبیا میں ماحولیات، موسمیاتی تبدیلی اور قدرتی وسائل کے سیکرٹری وزیر علییو اینجی (Alieu Njie) سے ملاقات کی۔

دورانِ ملاقات نگرانِ شعبہ پبلک ریلیشن یوکے حاجی سیّد فضیل رضا عطاری نے سیکرٹری سے مختلف امور پر گفتگو کرتے ہوئے انہیں دعوتِ اسلامی کی عالمی سطح پر ہونے والی دینی و فلاحی خدمات سے آگاہ کیا جس پر سیکرٹری علییو اینجی نے دعوتِ اسلامی کی کاوشوں کو سراہا۔(کانٹینٹ:غیاث الدین عطاری)

24 اگست 2022ء کو دعوت اسلامی کے تحت یوگینڈا افریقہ میں اسلامی بہنوں کے لئے سنتوں بھرے اجتماع کا انعقاد کیا گیا جس میں مقامی اسلامی بہنوں سمیت ذمہ دار اسلامی بہنوں نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے پردے میں موجود اسلامی بہنوں میں بذریعہ آڈیو سنتوں بھرا بیان فرمایا۔ جانشین امیر اہلسنت نے اسلامی بہنوں کو دینی کاموں میں شرکت کرنے اور نماز، روزوں کی پابندی کرتے رہنے کی ترغیب دلائی۔

23 اگست 2022ء کو یوگینڈا کے سٹی کمپالا میں موجود پاکستان ہائی کمیشن میں جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی کی تشریف آوری ہوئی جہاں ہائی کمشنر حسن وزیر سے ملاقات کی اور دینی و فلاحی کاموں پر گفتگو کا سلسلہ ہوا۔

اس ملاقات میں جانشین امیر اہلسنت نے ہائی کمیشن کے وزیٹر رجسٹر کے پہلے صفحے پر ”فرمان مصطفےٰ ﷺ“ تحریر فرمایا اور ہائی کمشنر کو ”فیضان ڈیجیٹل قرآن پین“ تحفے میں پیش کیا۔آخر میں ملک و قوم کی سلامتی کے لئے دعائیں بھی کی گئیں۔

اس موقع پر رکن شوریٰ حاجی امین قافلہ عطاری بھی موجود تھے۔

دنیا بھرکے  مسلمانوں کو اسلامی تعلیمات اور بزرگانِ دین کی سیرتِ طیبہ سے آگاہ کرنےکے لئے عاشقانِ رسول کی دینی تحریک دعوتِ اسلامی کے زیرِا ہتمام مختلف پروگرامز کا انعقاد کیا جاتا ہے۔

اسی سلسلے میں پچھلے دنوں یورپی ملک سویڈن کے شہرمالمو میں محرم الحرام کی مناسبت سے خصوصی پروگرام بنام ” ہم کربلا سے کیا سیکھا“ کا اہتمام کیا گیا جس میں کاروباری، تعلیمی اور سرکاری و سیاسی شعبہ جات سے تعلق رکھنے والےکثیر لوگوں نے شرکت کی جن میں بالخصوص سویڈن کی سیاسی شخصیت زبیر حسین بھی شامل تھے۔

اس پروگرام میں یورپی یونین ریجن کے نگران مولانا اسید رضا عطاری نے سنتوں بھرا بیان کرتے ہوئے کربلا کے واقعے سےحاصل ہونے والے سبق اور اس کے فلسفۂ پر روشنی ڈالی۔

اس کے علاوہ مبلغِ دعوتِ اسلامی نے شرکا کو حضرت سیّدنا امام حسین رضی اللہ عنہ اور ان کے رفقاء کے نقش و قدم پر چلنے کا ذہن دیا نیز دعوتِ اسلامی کے دینی کاموں میں عملی طور پر حصہ لینے کی ترغیب دلائی۔ (رپورٹ:محمد رضوان حسین عطاری رکن یورپی یونین ریجن، کانٹینٹ:غیاث الدین عطاری)

رنگ و نسل میں بلا تفریق احیائے سنت اور دین اسلام کی تعلیمات کو عام کرنے والی عاشقان رسول کی دینی تحریک دعوتِ اسلامی کے زیرِ اہتمام پچھلے دنوں افریقی ملک گیمبیا میں ایک مقامی اسلامی بھائی کے گھر پر سیکھنے سکھانے کا حلقہ لگایا گیا۔

دورانِ حلقہ نگران شعبہ پبلک ریلیشن یوکے حاجی سیّد فضیل رضا عطاری نے سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی۔

مزید نگرانِ شعبہ نے حلقے میں شریک اسلامی بھائیوں کو دعوتِ اسلامی کے دینی ماحول میں رہتے ہوئے اسلامی تعلیمات کے مطابق زندگی گزارنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

18 اگست 2022ء کو دعوت اسلامی کے وفد نے گیمبیا، ویسٹ افریقہ میں  وزیر مذہبی امور، لینڈز اور ریجنل گورنمنٹ شیرف اباسانیانگ سے ملاقات کی۔ وفد میں نگران شعبہ پبلک ریلیشن یوکے حاجی سید فضیل رضا عطاری اور دیگر ذمہ داران شامل تھے۔

حاجی فضیل عطاری نے انہیں دعوت اسلامی کے دینی، تعلیمی و فلاحی سرگرمیوں کے بارے میں بریفنگ دی جس کو شیرف ابا سانیانگ نے خوب سراہا اور نیک خواہشات کا اظہار کیا۔

15 اگست 2022ء کو دعوت اسلامی کے شعبہ پبلک ریلیشن یوکے نگران حاجی سید فضیل رضا عطاری اور شعبہ FGRFلندن ریجن کے نگران رضوان رشید عطاری نے ویسٹ افریقہ کے شہر گیمبیا میں کنسلٹنٹ Consultant ڈاکٹر تیجان اور وزارت ماحولیات کے ڈپٹی مستقل سیکرٹری ابوبکر زیدی جلو سے ملاقات کی۔

حاجی فضیل رضا عطاری نے انہیں دعوت اسلامی کی مجموعی بین الاقوامی سرگرمیوں پر تبادلہ خیال کیا گیا جن میں دار المدینہ،اسلامی نظام تعلیم، مدرسۃ المدینہ، جامعۃ المدینہ اور آن لائن ایجوکیشن تھی۔

اس کے علاوہ ذمہ داران دعوت اسلامی نےشعبہ FGRFکی فلاحی اقدامات سے متعلق آگاہ کیا جس میں واٹر ویلز، واٹر ہینڈ پمپس، بورنگ، سولر پینلز اور ٹری پلانٹیشن پر روشنی ڈالی گئی جسے سن کر حکومتی حکام متاثر ہوئےاور دعوت اسلامی کے ساتھ ہرممکن تعاون کرنے کی یقین دہانی کروائی۔

پچھلے دنوں دعوت اسلامی کے زیر اہتمام نیو ٹاؤن گیمبیاویسٹ افریقہ میں ایک اسلامی بھائی سلمان قادری کی رہائش گاہ پر مدنی حلقے کا سلسلہ ہوا جس میں مقامی عاشقان رسول نے شرکت کی۔

نگران پبلک ریلیشن یوکے حاجی سید فضیل رضا عطاری نے سنتوں بھرا بیان کیا اور حاضرین کو علاقے میں مدرسۃالمدینہ بالغان شروع کرنے اور دعوت اسلامی کا مدنی مرکز بنانے کا ذہن دیا۔

پچھلے دنوں دعوت اسلامی کے شعبہ FGRFاینڈ پبلک ریلیشن یوکے کے نگران حاجی سید فضیل رضا عطاری نے دیگر عاشقان رسول و ذمہ داران کے ہمراہ برطانیہ سے گیمبیا Gambiaویسٹ افریقہ مدنی قافلے میں سفر کیا۔

شرکا ئے قافلہ نے مقامی لوگوں میں نیکی کی دعوت عام کی اور مسجد میں درس و بیان کا سلسلہ ہوا۔

مسجد الحرام مکہ مکرمہ میں غسل کعبہ کی سالانہ رسم گزشتہ رات  (15اگست 2022ء)پیر کو ادا کی گئی۔اسلامی ملکوں کے سفارتکاروں نے شرکت کی۔

غسلِ کعبہ عرقِ گلاب اور اعلیٰ درجے کے عود سے معطر آبِ زمزم سے دیا گیا۔ کعبہ کی اندرونی دیواروں کو کپڑے سے صاف کیا گیا۔

یاد رہے کہ غسل کعبہ کی رسم میں 45 لٹر آب زمزم استعمال کیا جاتا ہے جبکہ طائف کے گلاب کا عرق 50 تولہ اور اعلیٰ درجے کا عود آب زمزم میں ملاکر استعمال کیا جاتا ہے۔

مسجد الحرام میں صفائی کے اداروں کے مطابق غسل کعبہ میں استعمال ہونے والی تمام اشیا پر چاندی کی پرت چڑھی ہوتی ہے۔ اس کام کے لیے چاندی کے داندانوں والی 4 جھاڑو استعمال ہوتی ہیں۔ غسلِ کعبہ سے قبل جھاڑو سے خانہ کعبہ کی گرد صاف کی جاتی ہے۔

30 جولائی 2022ء کی شب غلاف کعبہ کو تبدیل کردیا گیا۔تقریب کا باقاعدہ آغاز نماز عشاء کی ادائیگی کے بعد ہوا جو طلوع سحر تک جاری رہا۔  خانہ کعبہ کے غلاف کو کئی دہائیوں سے ہر سال ذوالحجۃ الحرام میں حج کے موقع پر 9 تاریخ کو تبدیل کیا جاتا رہا ہے۔تاہم اس روایت میں تبدیلی لائی گئی اور رواں سال یہ تقریب نئے اسلامی سال کے آغاز پر یکم محرم الحرام 1444ھ کو منعقد کی گئی۔

مسجد الحرام میں موجود سینکڑوں عازمین نے غلاف کعبہ کی تبدیلی کا روح پرور منظردیکھا اوردعائیں کیں۔ غلاف کعبہ کی تبدیلی میں کلید بردار کعبہ، منتظمین ، حکام اعلیٰ اورغلاف ساز کسوہ فیکٹری کے منتظمین سمیت 200 سے زائد ماہرین اورتربیت یافتہ کارکنوں نے حصہ لیا۔

10 ذوالحجہ 1443ھ کو حکام اعلیٰ کی جانب سے غلاف کعبہ حرمین شریفین کی انتظامیہ کے حوالے کردیا گیا تھا۔

غلاف کعبہ کی تیاری کے مراحل:

کسوہ کمپلیکس کے شعبہ جات میں لانڈری اور آٹومیٹک ویونگ ڈیپارٹمنٹ، مینوئل ویونگ ڈیپارٹمنٹ، پرنٹنگ ڈیپارٹمنٹ، بیلٹ ڈیپارٹمنٹ اور گولڈ تھریڈ ڈیپارٹمنٹ، غلاف کی سلائی اوراسمبلنگ سیکشن شامل ہیں جہاں دنیا کی سب سے بڑی کمپیوٹرائزڈ سلائی مشین موجود ہے۔

غلاف کعبہ مجموعی طور پر16 ٹکڑوں پرمشتمل ہوتا ہے۔ کسوہ کی لمبائی 50 فٹ اور چوڑائی 35 سے 40 فٹ ہے۔ غلاف کعبہ کا وزن 850 کلو گرام ہے اور اس کی تیاری میں 25 ملین ریال لاگت آتی ہے جس کے بعد اس غلاف کو دنیا کا مہنگا ترین غلاف ہونے کا اعزاز حاصل ہے۔

غلاف کعبہ میں تقریباً 700 کلو گرام خالص ریشم، 300 کلو گرام کاٹن، 100 کلوگرام چاندی کا دھاگہ اور 120 کلوگرام چاندی کے تار کا استعمال کیا جاتا ہے۔

سونے اور چاندی کے دھاگوں سے کڑھائی کی جاتی ہے، جہاں کعبہ پر سونے کے ٹکڑوں کی تعداد 54 ٹکڑوں تک ہے، کمپلیکس میں ”سونے اور چاندی کی کڑھائی“ کہلانے والے خصوصی حصے میں استعمال کرتے ہوئے 120 کلو گرام سونا استعمال ہوتا ہے۔100 کلو گرام پینٹ شدہ چاندی استعمال کی جاتی ہے۔ اس کے ساتھ ساتھ غلاف کعبہ کے کپڑے میں 760 کلو گرام خالص ریشم استعمال کیا جاتا ہے۔

پچھلے دنوں پاکستانی کرکٹر شاداب خان نے اسٹچفورڈ برمنگھم یوکے میں قائم مدنی مرکز فیضان مدینہ کا دورہ کیا۔

نگران ویلز یوکے حاجی سید فضیل رضا عطاری نے ان کا استقبال کیا اور فیضان مدینہ کا وزٹ کروایا۔ سید فضیل رضا عطاری نے شاداب خان کو یوکے سمیت دنیا بھر میں دعوت اسلامی کے تحت ہونے والے دینی و فلاحی کاموں سے آگاہ کیا ۔

آخر میں شاداب خان کو دعوت اسلامی کی طرف سے مکتبۃ المدینہ کی کتابیں بھی تحفے میں دی گئیں۔