لوگوں کو قراٰن و حدیث کی تعلیمات سے آگاہ کرنے اور اُن کی دینی و اخلاقی تربیت کرنے کے لئے ملک و بیرونِ ملک راہِ خدا عزوجل میں سفر کرنا پیارے آقا صلی اللہ علیہ و سلم، اُن کے اصحاب رضی اللہ عنہم اور بزرگانِ دین رحمہم اللہ علیہم کی سنت میں سے ہے۔

اسی سنت پر عمل کرتے ہوئے پچھلے دنوں انگلینڈ (England) کے شہر برمنگھم اور والسال (Walsall and Birmingham) سے 3 دن (25، 26 اور 27 نومبر 2022ء) کا مدنی قافلہ نیوپورٹ ویلز (Newport Wales) پہنچا۔

معلومات کے مطابق دورانِ مدنی قافلہ دعوتِ اسلامی کے تحت مختلف دینی ایکٹیویٹیز کا سلسلہ رہا جن میں سیکھنے سکھانے کے حلقے، درس و بیان اور نیکی کی دعوت شامل تھی۔

اسی طرح ذمہ دار اسلامی بھائیوں نے سیکھنے سکھانے کے حلقوں میں شرکائے مدنی قافلہ سمیت دیگر عاشقانِ رسول کو نماز، وضو اور غسل سمیت دیگر ضروریاتِ دین کے بارے میں بتایا۔

اس مدنی قافلے میں نگرانِ ویلز سیّد فضیل رضا عطاری، نگرانِ ویسٹ مڈلینڈز یو کے ریجن سیّد عمار شاہ عطاری اور نگرانِ ایسٹ برمنگھم یوکے عتیق عطاری کے علاوہ دیگر اسلامی بھائی موجود تھے۔(کانٹینٹ:غیاث الدین عطاری)

دعوتِ اسلامی لوگوں کو نیکی کی دعوت دینے، انہیں دینِ اسلام کی تعلیمات سے آگاہ کرنے اور دنیا بھر میں اسلام کے پیغام کو عام کرنے والی عاشقانِ رسول کی دینی تحریک ہے جو دن بہ دن ترقی کے منازل طے کرتے جارہی ہے۔

اسی سلسلے میں ترقی کی راہ پر گامزن دعوتِ اسلامی نے سمتھ وِک برمنگھم ویسٹ مڈلینڈز یوکےمیں کم و بیش 90 سال پرانی غیر مسلموں کی عبادت گاہ کو خرید لیا جوکہ بہت جلد ایک خوبصورت مسجد اور دعوتِ اسلامی کامدنی مرکز فیضانِ مدینہ بنے گی۔

گزشتہ روز مذکورہ جگہ کی چابیاں ذمہ دارانِ دعوتِ اسلامی کے سپرد کی گئیں تو ان کی خوشی کا کوئی ٹھکانہ نہ تھا، اس موقع پر اسلامی بھائیوں میں مٹھائی بھی تقسیم کی گئی۔

خوشی کے اس موقع پر نگرانِ ویلز یوکے (Wales UK) حاجی سیّد فضیل رضا عطاری سمیت بیرونِ ملک کے اہم ذمہ دار اسلامی بھائی بھی موجود تھے۔(کانٹینٹ:غیاث الدین عطاری)

پچھلے دنوں معروف ثناخواں سیّد فرقان قادری نے عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ برمنگھم UK کا وزٹ کیا جہاں اُن کی ملاقات ذمہ داران سے ہوئی۔

اس دوران ذمہ دار اسلامی بھائیوں نے ثناخواں سیّد فرقان قادری کو فیضانِ مدینہ برمنگھم میں واقع دعوتِ اسلامی کے مختلف ڈیپارٹمنٹس کا وزٹ کروایانیز جامعۃالمدینہ بوائز کے طلبۂ کرام کو دی جانے والی تعلیم سمیت دیگر سہولیات کے بارے میں آگاہی فراہم کی۔

بعدازاں ثناخوان سیّد فرقان قادری نے دعوتِ اسلامی کی کاوشوں کو سراہتے ہوئے اپنی نیک خواہشات کا اظہار کیا۔(کانٹینٹ:غیاث الدین عطاری)

گزشتہ روز بیرونِ ملک کے عاشقانِ رسول کے لئے والسال یوکے (Walsall UK) کی جامع مسجد فیضانِ عطار میں دعوتِ اسلامی کے تحت محفلِ میلاد النبی صلی اللہ علیہ و سلم کا انعقاد کیا گیا جس میں کثیر اسلامی بھائیوں کی شرکت ہوئی۔

تلاوتِ قراٰن سے محفل کا آغاز کرنے کے بعد نعت خواں اسلامی بھائی نے حضور پر نور صلی اللہ علیہ و سلم کی نعت پڑھ کر حاضرین کے دلوں کو منور کیا۔

پاکستان سمیت دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے زیرِ اہتمام نیوپورٹ ویلز UK میں ایک اسلامی بھائی کی رہائش گاہ پر محفلِ میلاد کا انعقاد کیا گیا۔

محفلِ میلاد کا آغاز تلاوتِ کلامِ پاک سے کیا گیا جبکہ وہاں موجود اسلامی بھائیوں نے حضور خاتم النبین صلی اللہ علیہ و سلم کی بارگاہ میں نعت شریف کا نذرانہ پیش کیا۔

مبلغِ دعوتِ اسلامی نے شرکائے محفل کے درمیان سنتوں بھرا بیان کرتے ہوئے انہیں نیکی کے کاموں میں حصہ لینے کا ذہن دیانیز دعوتِ اسلامی کی عالمی سطح پر ہونے والی دینی و فلاحی خدمات کے بارے میں بریفنگ دی۔

اس کے علاوہ مبلغِ دعوتِ اسلامی نے شرکا کو دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا جبکہ صلوٰۃ و سلام اور دعا پر اس محفلِ میلاد کا اختتام کیا گیا۔(کانٹینٹ:غیاث الدین عطاری)

عالمی سطح پر دینی و فلاحی کام کرنے والی عاشقانِ رسول کی دینی تحریک دعوتِ اسلامی کے وفد نے 23 نومبر 2022ء بروز بدھ یو کے پارلیمنٹ ہاؤس کا دورہ کیا۔

تفصیلات کے مطابق وفد میں موجود دعوتِ اسلامی کے ذمہ دار اسلامی بھائیوں نے اس دوران واجد خان (ممبر آف ہاؤس آف لارڈز، سابق ممبر یورپین پارلیمنٹ اور برنلے کے سابق میئر)، MP خالد حسین، MP افضل خان، MP محمد یاسین اور MP طاہر علی سمیت کئی اراکینِ پارلیمنٹ سے ملاقات کی۔

عاشقانِ رسول کی دینی تحریک دعوتِ اسلامی کے تحت بیرونِ ملک نیدرلینڈ (Nederland) میں سنتوں بھرے اجتماع کا انعقاد کیا گیا جس میں مقامی عاشقانِ رسول کی شرکت رہی۔

اس اجتماعِ پاک کا آغاز معمول کے مطابق تلاوتِ قراٰن و نعتِ رسولِ مقبول صلی اللہ علیہ و سلم سے کیا گیا جبکہ مبلغِ دعوتِ اسلامی مولانا شرجیل عطاری مدنی نے ”صبر“ کے موضوع پر سنتوں بھرا بیان کرتے ہوئے  قراٰن و حدیث اور سائنس کی روشنی میں چھینک کے بارے میں سنتیں و آداب بتائے۔

دنیا بھر کے عاشقانِ رسول کو دینِ اسلام کی تعلیمات سے آگاہ کرنے، اُن کی دینی و اخلاقی تربیت کرنے اور انہیں ضروریاتِ دین کے مسائل سکھانے کے لئے 23 نومبر 2022ء بروز بدھ Australia (آسٹریلیا)کے شہر Adelaide (ایڈیلیڈ) سے راہِ خدا عزوجل کا مدنی قافلہ Melbourne (ملبورن) میں پہنچا۔

دورانِ مدنی قافلہ سیکھنے سکھانے کا حلقہ لگایا گیا جس میں مبلغِ دعوتِ اسلامی نے شرکا کو نماز، وضو اور غسل کے چند ضروری مسائل سکھائے نیز انہیں دعوتِ اسلامی کے دینی کاموں میں بڑھ چڑھ کر حصہ لینے اور دینی ماحول سے ہر وابستہ رہنے کی ترغیب دلائی جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

گزشتہ روز انگلینڈ کے شہر Walsall ایک مقامی مسجد میں ہفتہ وار سنتوں بھرا اجتماع منعقد کیا گیا جس میں مقامی عاشقانِ رسول نے شرکت کی ، اجتماعِ پاک میں نگران ویلز محمد فضیل عطاری نے شرکا کو دینِ اسلام کی تعلیمات سے آگاہ کیا اور انہیں دعوتِ اسلامی کے دینی ماحول سے وابستہ رہنے کی ترغیب دی ۔(کانٹینٹ: محمد مصطفیٰ انیس)

گزشتہ روز دعوتِ اسلامی کے شعبہ تعلیم کے تحت بنگلہ دیش جگناتھ یونیورسٹی  سینٹرل مسجد میں اجتماعِ ذکرو نعت کا اہتمام کیا گیا جس میں یونیورسٹی کے اسسٹنٹ پروفیسر جناب عتیق الرحمٰن ، مختلف شعبہ جات کے طلبۂ کرام سمیت عاشقانِ رسول نے شرکت کی ۔

مبلغ دعوتِ اسلامی نے سنتوں بھرا بیان کیا اور شرکا کو دعوتِ اسلامی کے دینی کاموں میں حصہ لینے کا ذہن دیا نیز اجتماعات و مدنی مذاکروں میں شرکت کرنے کی بھی دعوت دی ۔(کانٹینٹ: محمد مصطفیٰ انیس) 

افریقی ملک ماریشس میں موجود دعوتِ اسلامی کے جامعۃ المدینہ بوائز اور مدرسۃالمدینہ بوائز سے فارغ التحصیل ہونے والے طلبۂ کرام کی پہلی بار دستار بندی ہوئی۔

اس موقع پر شیخ الحدیث والتفسیر مفتی عبد النبی حمیدی حفظہ اللہ اور دعوتِ اسلامی کی مرکزی مجلسِ شوریٰ کے رکن مولانا محمد جنید عطاری مدنی کے ہاتھوں جامعۃالمدینہ بوائز سے درسِ نظامی(عالم کورس) مکمل کرنے والے 4 اسلامی بھائیوں اور مدرسۃالمدینہ بوائز سے قراٰنِ پاک حفظ مکمل کرنے والے 2 طلبۂ کرام کی دستار بندی کی گئی جبکہ فارغ التحصیل ہونے والوں کے سرپرستوں کو بھی تحائف پیش کئے گئے۔

پچھلے دنوں فیضانِ مدینہ میامی فلوریڈا ، یو ۔ ایس۔ اے میں شعبہ مدنی کورسز کے تحت ”نماز کورس “کا اہتمام کیا گیا جس میں مقامی لوگوں نے شرکت کی ۔

کورس میں فلوریڈا اسٹیٹ کے نگران اور فیضانِ مدینہ کے اما م محمد ذیشان عطاری نے شرکا کو نماز کے بنیادی مسائل ، فرائض ، واجبات و سُنن بتائے نیز انہیں دعوتِ اسلامی کی دینی و فلاحی خدمات کا تعارف بھی پیش کیا ۔(رپورٹ: فلوریڈا اسٹیٹ کے نگران و امام محمد ذیشان عطاری / کانٹینٹ: محمد مصطفی انیس)