بنگلہ دیش کے عاشقان رسول کے لئے انتظار کی گھڑیاں ختم

خلیفہ امیر اہلسنت مولانا حاجی عبید رضا عطاری مدنی بنگلہ دیش پہنچ گئے

تفصیلات:

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی 6اکتوبر 2022ء کو انٹر نیشنل ایئر پورٹ کراچی پاکستان سے سفر کرکے ڈھاکہ ایئر پورٹ بنگلہ دیش پہنچ گئے۔

خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی ڈھاکہ ایئر پورٹ سے فرہاد اسکول، ہتھ ہزاری چٹاگانگ پہنچے جہاں انہوں نے سنتوں بھرے اجتماع میں بیان فرمایا۔حاجی عبید رضا عطاری نے شرکا کو نیکی کی دعوت کی دھومیں مچاتے ہوئے جشن میلاد النبی ﷺ منانے اور سیرت رسول ﷺ کو اپنانے کی ترغیب دلائی۔

واضح رہے کہ خلیفہ امیر اہلسنت حاجی مولانا عبید رضا عطاری مدنی مُدَّ ظِلُّہُ العالی بارہویں شریف کو ہونے والے اجتماع میلاد میں خصوصی طور پر شرکت کرنے کے لئے بنگلہ دیش پہنچے ہیں جبکہ اس سفر کے دوران تنظیمی کاموں کا جائزہ لینا، ذمہ داران اور شخصیات سے ملاقات کرنا آپ کے شیڈول میں شامل ہے۔

دعوت اسلامی کے زیر اہتمام 30 ستمبر 2022ء کو بنگلہ دیش، کھل گاؤں، سپاہی باغ ڈھاکہ میں استقبال میلاد النبی ﷺ کے سلسلے میں جلوس میلاد کا انعقاد کیا گیا جس میں کثیر تعداد میں عاشقان رسول نے شرکت کی۔

جلوس میلاد میں مرحبا یا مصطفٰے ﷺ کی صدائیں بلند کی گئیں جبکہ شرکائے جلوس نے جھوم جھوم کر سرکار ﷺکی آمد مرحبا کے نعرے لگائے۔ جلوس میلاد میں عاشقان رسول کو مقصد میلاد مصطفٰے ﷺ کو سمجھنے اور اس عمل کرنے کی ترغیب دلائی گئی۔

پچھلے دنوں دعوت اسلامی بنگلہ دیش کے ذمہ داران نے بنگلہ دیش میں حضرت مولانا ابو سفیان صاحب دامت بَرَکَاتُہمُ العالیہ سے ملاقات کی۔

ذمہ داران نے انہیں دعوت اسلامی کے تحت دنیا بھر میں ہونے والی دینی و فلاحی خدمات کے متعلق بریفنگ دی اور 6 اکتوبر 2022ء کو پاکستان سے تشریف لانے والے خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی سے ملاقات کی دعوت پیش کی۔

مولانا صاحب نے دعوت اسلامی کی دینی و فلاحی کاوشوں کو سراہا اور جانشین امیر اہلسنت سے ملاقات کی دعوت کو قبول کرتے ہوئے دعوت اسلامی کی مزید ترقی کے لئے دعائیں کیں۔

عرسِ اعلیٰ حضرت رحمۃ اللہ علیہ اور استقبال ماہ میلاد کے سلسلے میں دعوت اسلامی کے زیر اہتمام23 ستمبر 2022ء بروز جمعہ بنگلہ دیش کے شہر کومیلا، جگناتھ پور میں موجود حضرت سید کرم شاہ علیہ الرحمہ کے مزار شریف کے احاطے میں محفلِ نعت کا انعقاد کیا گیا جس میں مقامی عاشقان رسول نے شرکت کی۔

محفل نعت کا آغاز تلاوت قرآنِ مجید اور نعت رسول ﷺ سے کیا گیا جبکہ مبلغ دعوت اسلامی نے ” سیرت اعلیٰ حضرت رحمۃ اللہ علیہ“ کے موضوع پر سنتوں بھرا بیان کیا اور شرکا کو ہر دم مسلک اعلیٰ حضرت سے وابستہ رہنے، آپ رحمۃ اللہ علیہ کی تعلیمات سے استفادہ حاصل کرنے کی ترغیب دلائی۔

آخر میں ماہ ربیع النور کی آمد کی خوشی میں ”مرحبا یا مصطفےٰ ﷺ“ کے نعرے بھی لگائے گئے۔

6اکتوبر 2022ء کو جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی اپنے تبلیغی دورے پر بنگلہ دیشBangladeshروانہ ہونگے۔

جانشینِ امیر اہل عیدمیلاد النبیﷺ کے سلسلے میں بنگلہ دیش میں ہونے والے مرکزی اجتماعِ میلاد میں سنتوں بھرا بیان فرمائیں گے ۔

جانشین امیر اہلسنت دامت بَرَکَاتُہمُ العالیہ کے شیڈول میں دینی کاموں کا جائزہ لینا، ذمہ داران و شخصیات سے ملاقات کرنا اور مدنی مراکز، مساجد و مدارس کا وزٹ کرنا شامل ہے۔ 

عرسِ اعلیٰ حضرت رحمۃ اللہ علیہ اور استقبال ماہ میلاد کے سلسلے میں دعوت اسلامی کے زیر اہتمام21 ستمبر 2022ء کو بنگلہ دیش کے علاقے نرائن گنج شیخ رسل پارک، پیکپارہ پول جم خانہ، صدر میں محفلِ نعت کا انعقاد کیا گیا جس میں عاشقان رسول کی بڑی تعداد نے شرکت کی۔

محفل نعت کا آغاز تلاوت قرآنِ مجید اور نعت رسول ﷺ سے کیا گیا جبکہ مبلغین دعوت اسلامی نے سیرت ”اعلیٰ حضرت رحمۃ اللہ علیہ“ کے موضوع پر سنتوں بھرا بیان کیا اور شرکا کو ہر دم مسلک اعلیٰ حضرت سے وابستہ رہنے، آپ رحمۃ اللہ علیہ کی تعلیمات سے استفادہ حاصل کرنے کی ترغیب دلائی۔

آخر میں ماہ ربیع النور کی آمد کی خوشی میں ”مرحبا یا مصطفےٰ ﷺ“ کے نعرے بھی لگائے گئے۔

عرسِ اعلیٰ حضرت رحمۃ اللہ علیہ اور استقبال ماہ میلاد کے سلسلے میں دعوت اسلامی کے زیر اہتمام21 ستمبر 2022ء کو بنگلہ دیش کے شہر سید پور کی مقامی مسجد میں سنتوں بھرے اجتماع کا انعقاد کیا گیا جس میں علاقے کے اسلامی بھائیوں کی بڑی تعداد نے شرکت کی۔

مبلغ دعوت اسلامی نے سیرتِ ”اعلیٰ حضرت رحمۃ اللہ علیہ“ کے موضوع پر سنتوں بھرا بیان کیا اور شرکا کو دامن رضا کے ساتھ جڑے رہنے اور آپ رحمۃ اللہ علیہ کی تعلیمات سے استفادہ حاصل کرنے کی ترغیب دلائی۔

آخر میں ماہ ربیع النور کی آمد کی خوشی میں ”مرحبا یا مصطفےٰ ﷺ“ کے نعرے بھی لگائے گئے۔

”پودا لگانا ہے درخت بنانا ہے“ کے عزم پر عمل کرتے ہوئے دعوتِ اسلامی کی مرکزی مجلسِ شوریٰ کے رکن ٰ حاجی محمد اظہر عطاری نے مدینہ منورہ زادھَا اللہُ شرفاً وَّ تعظیماً  کے باغ میں پودے لگائے۔

دورانِ شجر کاری ترکی کے نگران ڈاکٹر زوہیب عطاری، حاجی نصر عطاری اور دیگر عاشقان رسول بھی رکن شوریٰ کے ہمراہ موجود تھے۔اس موقع پر سنت رسول ﷺ کو زندہ کرتے ہوئے رکنِ شوریٰ نے خیر و برکت کے لئے دعائیں بھی کیں۔(کانٹینٹ:غیاث الدین عطاری)

خوشخبری!

امریکہ میں دعوت اسلامی کے جامعۃ المدینہ میں طلبہ کرام کے پہلے بیج کا فائنل ایئر Final Yearشروع ہونے جارہا ہےجس کے سلسلے میں پہلے دورۃ الحدیث شریف کا قیام کیا جائیگا۔

اس سلسلے میں 18 ستمبر 2022ء کو فیضانِ مدینہ شوگر لینڈ، ٹیکساس امریکہ میں سنتوں بھرے اجتماع کا اہتمام کیا جائے گا۔

اس پروقار تقریب میں خصوصی طور پر شرکت کے لئے جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی اور دعوت اسلامی کی مرکزی مجلس شوریٰ کے رکن حاجی مولانا عبد الحبیب عطاری پاکستان سے امریکہ پہنچیں گے۔

تفصیلات کے مطابق اجتماع کا آغاز دوپہر2:30 پر ہوگا جس میں تلاوت و نعت کے بعد ترجمان دعوتِ اسلامی مولانا حاجی عبدالحبیب عطاری سنتوں بھرا بیان فرمائیں گے اور اس کے بعد جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی بخاری شریف کی پہلی حدیثِ پاک کا درس دیں گے۔ 

دنیا بھر میں ہونے والے  دعوتِ اسلامی کے دینی کاموں کا فالو اپ لینے کے لئے13 ستمبر 2022ء بروز منگل بذریعہ انٹرنیٹ ایک میٹنگ ہوئی جس میں ویسٹ افریقہ کے ان 9 ممالک (نائجیریا، نائجیر،بینین، گھانا،سرالیون، گنی کناکری ،لائبیریا 8،گامبیا اور سنی گال) سے ذمہ دار اسلامی بھائی شریک ہوئے۔

اس میٹنگ میں نگرانِ ویسٹ افریقہ مولانا عمیر عطاری مدنی نے میٹنگ میں شریک اسلامی بھائیوں سے گفتگو کرتے ہوئے مدنی قافلوں کی کارکردگی کا جائزہ لیا نیز بیرونِ ملک میں قائم مدرسۃالمدینہ بالغان کے متعلق اہم امور پر مشاورت کی۔

بعدازاں نگرانِ ویسٹ افریقہ نے 12 ربیع الاول کی رات ہونے والے اجتماعِ میلاد کے بارے میں کلام کیا جس پر ذمہ داران نے اپنی اپنی رائے پیش کی۔(رپورٹ:محمد ندیم عطاری ویسٹ افریقہ ریجن آفس ذمہ درار ، کانٹینٹ:غیاث الدین عطاری)

یوٹالی گاؤں، ملاوی میں 103 افراد کا قبول اسلام

دعوت اسلامی دنیائے اسلام کی واحد دینی تحریک ہے جو دنیا بھر میں 80 سے زائد شعبہ جات کے ذریعے فلاح انسانیت اور فروغ دین کا کام نہایت منظم انداز میں بخوبی سر انجام دے رہی ہے۔ ایک طرف تو دعوت اسلامی کے ذمہ داران پاکستان میں بارش و سیلاب سے متاثرہ علاقوں میں آقا صلَّی اللہ علیہ واٰلہٖ وسلَّم کی دُکھیاری امت کی خیر خواہی کرنے میں مصروف ہیں تو دوسری طرف مبلغین دعوت اسلامی 175 سے زائد ممالک میں مسلمانوں کو علم دین سے سیراب کرنے اور غیر مسلموں کو ان کے سابقہ مذہب سے تائب کرواکر ” دین اسلام “ میں داخل کررہے ہیں۔

مبلغین دعوت اسلامی میں سے ایک مبلغ مولانا عثمان عطاری مدنی بھی ہیں جو دیگر ذمہ داران کے ہمراہ ملاوی Malawi میں دینی کاموں کی دھومیں مچارہے ہیں۔ کچھ روز قبل مولانا عثمان عطاری مدنی کی دینی کاوشوں اور محنتوں کا نتیجہ یہ ظاہر ہواکہ الحمد للہ عزوجل ملاوی کے گاؤں اٹالی میں 2 گاؤں کے سربراہان سمیت 103 افراد نے اسلام قبول کرلیا۔

یہ خوشائندواقعہ کچھ اس طرح کے پیش آیا کہ اٹالی گاؤں میں سنتوں بھرے اجتماع کا سلسلہ جاری تھا جس میں کئی گاؤں کے عاشقان رسول شریک تھے۔ اجتماع میں مبلغ دعوت اسلامی مولانا عثمان عطاری مدنی سنتوں بھرا بیان فرمارہے تھے۔ بیان کے اختتام پر اسلامی تعلیمات سے متاثر ہوکر گاؤں کے 2 سربراہان سمیت 103 افراد نے اپنے سابقہ مذہب سے توبہ کی اور مولانا عثمان عطاری مدنی کے ہاتھ پر کلمہ طیبہ پڑھتے ہوئے دائر اسلام میں داخل ہوگئے۔الحمد للہ عزوجل اب تک ملاوی میں 2600 سے زائد افراد دعوت اسلامی کے ذریعے دائرہ اسلام میں داخل ہوچکے ہیں۔

ان شاء اللہ عزوجل اسلام قبول کرنے والے عاشقان رسول کی تربیت کے لئے وقتاً فوقتاً اجتماعات منعقد کئے جائیں گے جبکہ انہیں علم دین سے آراستہ کرنے اور عبادت کی ادائیگی کے لئے ان کے علاقوں میں بہت جلد مساجد و مدارس قائم کی جائیں گی۔

29 اگست 2022ء کو جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی سے کینیا نیروبی میں قائم پاکستانی ایمبیسی کے ڈپٹی کمشنر محمد جنید خان نے ملاقات کی۔

جانشین امیر اہلسنت نے نیکی کی دعوت پیش کی اور دعوت اسلامی کے تحت دنیا بھر میں ہونے والے دینی و فلاحی کاموں کا تعارف پیش کرتے ہوئے انہیں بھی تعاون کرنے کی ترغیب دلائی۔

اس موقع پر اراکین شوریٰ حاجی امین قافلہ عطاری اور حاجی فاروق جیلانی عطاری بھی موجود تھے۔