دعوتِ اسلامی  کے شعبہ فیضان آن لائن اکیڈمی کی جانب سے 14جولائی 2023ء بروز جمعہ فیضان آن لائن اکیڈمی بوائز وگرلز کے شعبہ ذمہ داران اور اراکین شعبہ نے فیضان آن لائن اکیڈمی کی بہاولنگر پنجاب میں بننے والی نئی برانچ کا دورہ کیا۔

اس موقع پر ذمہ داران نے وہاں کے تعمیراتی کام کا جائزہ لیا اور مقامی ذمہ داران( حاجی محمد افضل عطاری ، تحصیل نگران عبدالحکیم عطاری)کے ساتھ میٹنگ کی جس میں تعمیرات جلد مکمل کروانے کا ذہن دیا اور مزید اہداف طے کئے۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری) 

12 جولائی 2023ء بروز بدھ مدنی مرکز فیضانِ مدینہ خانپور میں دعوتِ اسلامی کے تحت  شعبہ فیضان آن لائن اکیڈمی بوائز بہاولپور ڈویژن کے مدنی عملے کا سنتوں بھرا اجتماع منعقد کیا گیا۔

اس اجتماعِ پاک میں رکنِ شعبہ مولانا عرفان عطاری مدنی اور معاون رکنِ شعبہ تعلیمی امور سیّد انس رضا شاہ عطاری نے شرکا کی تربیت کرتے ہوئے تجوید و قرأت کی اہمیت پر گفتگو کی۔

اس کے علاوہ ذمہ دار اسلامی بھائیوں نے علمِ تجوید کے متعلق شرکا اسلامی بھائیوں کو معلومات فراہم کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری) 

12جولائی2023ء کو فیضان آن لائن اکیڈمی  بوائز کے تحت مدنی مرکز فیضانِ مدینہ خانپور برانچ میں ٹریننگ سیشن منعقد ہوا جس میں بہاولپور ڈویژن کے مدنی عملے نے شرکت کی ۔

ٹریننگ سیشن کا آغاز تلاوت قرآن پاک اور نعتِ رسول صلی اللہ علیہ وآلہ وسلم سے کیا گیا۔ اس کے بعد رکنِ شعبہ سلمان عطاری نے’’ کامیابی حاصل کرنے کے طریقے‘‘ کے موضوع پر بیان کیا جس میں شرکا کی تربیت کرتے ہوئے انہیں کامیابی حاصل کرنے کے بنیادی اصول بتائے ۔ اس کے علاوہ شعبے میں استعمال ہونے والے اسٹوڈنٹ پورٹل اور LMSسافٹ وئیرز کے فوائد بتائے اور ان کے استعمال کرنے کی تربیت دی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

9جولائی2023ءبروز اتوار دعوت اسلامی کے تعلیمی شعبہ  فیضان آن لائن اکیڈمی کے ذیلی شعبے ایڈمیشن ڈیپارٹمنٹ کے مدنی عملے کا ستیانہ روڈ فیصل آباد برانچ میں مدنی مشورہ ہوا ۔

نگران شعبہ یاسر عطاری مدنی ، سید غلام الیاس عطاری مدنی اور علی ہاشمی عطاری مدنی نے مدنی مشورے میں شریک اسلامی بھائیوں کی سابقہ اہداف کی کارکردگی کا جائزہ لیا اور انہیں مزید شعبے میں بہتری لانے کے لئے نکات بتاتے ہوئے اہداف دیئے ۔علاوہ ازیں شرکا کی جانب سے کئے گئے سوالات کے جوابات بھی دیئے ۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری) 

06 جولائی 2023ء بروز جمعرات دعوتِ  اسلامی کے شعبہ فیضان آن لائن اکیڈمی فیضانِ مدینہ حیدرآباد برانچ کا ڈاکٹر منیر احمد، شیخ اے ایم ایس پیڈز سول اسپتال حیدرآباد اور محمد اکرم عطاری حیدرآباد سٹی میڈیکل ڈیپارٹمنٹ ذمہ دارنے وزٹ کیا۔

اس وزٹ میں ڈویژن آئی ٹی ذمہ دار محمد سفیر عطاری نےشخصیات کو برانچ کا وزٹ کروایا اور اس میں ہونے والے دینی کاموں کے بارے میں بتایا نیز انہیں آن لائن فرض علوم کورسز میں ایڈمیشن لینے کی دعوت بھی دی جس پر انہوں نے خوشی کا اظہار کرتے ہوئے اچھی اچھی نیتیں کیں ۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت شعبہ فیضان آن لائن اکیڈمی بوائز کی  برانچ فیضانِ مدینہ حیدرآباد میں ایک مشورہ ہوا جس میں شفٹ بغدادی کے مدنی عملے نے شرکت کی۔

تفصیلات کے مطابق اس مدنی مشورے میں ڈویژن ذمہ دار مولانا عابد حسین عطاری مدنی اور برانچ ناظم مولانا سیّدعامر شاہ عطاری مدنی نے عملے کی تربیت و رہنمائی کرتے ہوئے انہیں نظم و ضبط کی اہمیت و ضرورت سمجھائی نیز شفٹ میں بھر پور انداز سے نظم و ضبط قائم کرنے کا ذہن دیا اور مدنی عملے کے تعلیمی و انتظامی معاملات پر کئے گئے سوالات کے جوابات دیئے۔

شعبہ فیضان آن لائن اکیڈمی بوائز دعوتِ اسلامی کے تحت پچھلے دنوں  کلاتھ مارکیٹ حیدر آباد برانچ میں میٹنگ ہوئی جس میں شفٹ عطاری کے اسٹاف نے شرکت کی۔

دورانِ میٹنگ ڈویژن ذمہ دار مولانا عابد حسین عطاری مدنی نے شرکا سے اجتماعی قربانی اور ڈونیٹ قربانی کا فالو اپ لیانیز دعوتِ اسلامی کے 12 دینی کاموں سمیت مدرسین کے مسائل پر تبادلۂ خیال کیا۔

ڈویژن ذمہ دار نے مختلف موضوعات پر گفتگو کرتے ہوئے مدرسین کو آئندہ کے اہداف دیئے جس پر انہوں نے اچھی اچھی نیتیں کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی بوائز، کانٹینٹ:غیاث الدین عطاری)

19جون 2023ء بروز پیر فیضان آن لائن اکیڈمی  بوائز کے طلبہ و سرپرست کا بذریعہ انٹرنیٹ سنتوں بھرا اجتماع ہوا جس میں دعوت ِاسلامی کی مرکزی مجلس شوریٰ کے رکن مولاناحاجی عبدالحبیب عطاری نے سنتوں بھرا بیان کیا جس میں طلبہ کو قربانی جیسی عظیم سنت ابراہیمی کی ادائیگی کے فضائل بیان کئے ۔

ساتھ ہی ساتھ دعوت اسلامی کی اجتماعی قربانی اور ڈونیٹ قربانی میں حصہ لینے نیز قربانی کی کھالیں جمع کرنے کے حوالے سے ترغیب ارشاد فرمائی ۔بعد ازاں رکنِ شوریٰ نے طلبہ و سرپرست کو فیضان آن لائن اکیڈمی میں نئے ایڈمیشن کروانے کے حوالے سے اہداف دیئے ۔

اس کے بعد نگران شعبہ فیضان آن لائن اکیڈمی بوائز مولانا یاسر عطاری مدنی و نگران شعبہ فیضان آن لائن اکیڈمی گرلز سید غلام الیاس عطاری نے مدنی عملے کا مدنی مشورہ لیا جس میں رکنِ شوری ٰکی طرف سے ملنے والے اہداف کو پورا کرنے کے لئے کوشش تیز کرنے کی ترغیب دلائی۔ واضح رہے کہ! اس اجتماع میں فیضان آن لائن اکیڈمی کے پاکستان بھر کی برانچز کے مدنی عملے نے آن لائن شرکت کی۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

لوگوں کو آن لائن قراٰن و حدیث کی تعلیم اور انہیں فرض علوم سکھانے والی عاشقانِ رسول کی دینی تحریک  دعوتِ اسلامی کے تحت گزشتہ روز فیضان آن لائن اکیڈمی بوائز، برانچ فیضانِ مدینہ کراچی آفس میں مدنی مشورہ ہوا جس میں یوسی ذمہ دار اسلامی بھائیوں نے شرکت کی۔

اس مدنی مشورے میں ڈونیٹ قربانی کے ذمہ دار مولانا سیّد غلام الیاس عطاری مدنی (نگرانِ شعبہ فیضان آن لائن اکیڈمی گرلز)نے شرکا اسلامی بھائیوں سے گفتگو کرتے ہوئے ڈونیٹ قربانی کی اہمیت بیان کی نیز اس کی بکنگ کا طریقۂ کار اور اس کی حاجت پر کلام کیا۔

18 جون 2023ء بروز اتوار دعوتِ اسلامی کے مدنی مرکز فیضانِ مدینہ ملتان میں شعبہ فیضان آن لائن اکیڈمی بوائز کے ملتان برانچ کا مدنی مشورہ ہوا جس میں اساتذہ و ذمہ دار اسلامی بھائیوں کی شرکت رہی۔

اس موقع پر ڈویژن تعلیمی ذمہ دار مولانا حامد عطاری مدنی نے اساتذہ کی تربیت و رہنمائی کرتے ہوئےانہیں جدید تقاضوں کے مطابق تدریس کرنے کے مختلف انداز بتائے نیز اساتذہ کی جانب سےتعلیمی نظام کے متعلق ہونےوالے سوالات کے جوابات دیئے۔

علاوہ ازیں رکنِ شعبہ مولانا غلام عباس عطاری مدنی نے شرکا سے دینی کاموں کی کارکردگی کا جائزہ لیا اور ان میں مزید بہتری لانے کے حوالے سے شرکا کی ذہن سازی کی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی بوائز، کانٹینٹ:غیاث الدین عطاری)

14 جون  2023ء بروز بدھ فیضان آن لائن اکیڈمی بوائز کی نیوکراچی برانچ میں مدنی مشورہ ہوا جس میں نیوکراچی برانچ کے مدنی عملے نے شرکت کی ۔

رکنِ مجلس محمد تبریز حسین عطاری مدنی اور ڈویژن ذمہ دار محمد وقاص عطاری مدنی نے مدنی عملے کا مدنی مشورہ لیا جس میں آن لائن اجتماعی قربانی کے حوالے سے پیشگی تیاری اور ذمہ داریوں سے متعلق مفید مدنی پھول دیئے نیز مدرسین کی طرف سے کئے گئے سولات کے جوابات بھی دیئے۔آخر میں اچھی کارکردگی کے حامل اسلامی بھائیوں کے درمیان تحائف تقسیم کئے۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

تعلیمی  شعبہ فیضان آن لائن اکیڈمی بوائز دعوتِ اسلامی کی جانب سے16جون2023ء بروز جمعہ ملتان ڈویژن کے ناظمین کا مدنی مشورہ ہوا جس میں ملتان ڈویژن کے شفٹ و برانچ ناظمین نے شرکت کی ۔

نگران مجلس مولانا یاسر عطاری مدنی نے اسلامی بھائیوں کے سابقہ دینی کاموں کی کارکردگی کا جائزہ لیا اور انھیں آئندہ کارکردگی کو مزید بڑھانے کے حوالے سے نکات فراہم کئے ۔ اس کے علاوہ رکن مجلس و صوبائی ذمہ دار عامر سلیم عطاری مدنی نے ناظمین کی جانب سے کئے گئے سوالوں کے جوابات بھی دیئے ۔(رپورٹ : محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)