محمد ارشد کے بھائی جان غلام علی عطاری ہارٹ اٹیک کے سبب 11 ربیع الاٰخر 1442ھ کو 50سال کی عمر میں لاہور میں انتقال کرگئے۔

وفات کی خبر ملنے پر شیخ طریقت امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےغلام علی عطاری بھائی محمد ارشد اور دیگر لواحقین سے تعزیت کی۔ امیر اہل سنت دَامَتْ بَرَکَاتُہُمُ الْعَالِیَہ نےمرحوم کے لئے دعائے مغفرت کرتے ہوئے لواحقین کو اپنے مرحومین کے ایصالِ ثواب کے لئے ٹیلی تھون میں یونٹس جمع کروانے، گناہوں سے پاک زندگی گزارنے اور دعوت اسلامی کے مدنی ماحول سے وابستہ رہنے کی ترغیب دلائی۔

اللہ عَزَّوَجَلَّ کے فضل وکرم سےمحمد عادل عطاری کو بیٹی کی نعمت عطا ہوئی۔ ولادت کی خبر ملنے پر شیخ طریقت امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے محمد عادل عطاری سمیت سارے خاندان والوں کو مبارکباد دی۔ امیر اہل سنت دَامَتْ بَرَکَاتُہُمُ الْعَالِیَہ نے مدنی منی کا نام صحابیہ کی نسبت سے صائبہ رکھا۔ امیر اہل سنت نے مدنی منی کے لئے صحت و عافیت اور نیکیوں سے بھری طویل زندگی کے لئے دعائیں کیں۔

ظہور احمد صاحب کافی دنوں سے علیل ہیں۔ بیماری کی خبر ملنے پر امیر علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےاپنے آڈیو پیغام کے ذریعے ان کی عیادت کی اور جلد صحت یابی کے لئے دعائیں کیں۔ امیر اہل سنت نے انہیں رب عَزَّوَجَلَّ کی رضا پر راضی رہتے ہوئے صبر کرنے کی ترغیب دلائی اور نیکیوں سے بھری زندگی گزارنے کا ذہن دیا۔

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے شعیب عطاری اور جمشید کے والد محترم جعفر صاحب کے انتقال پر لواحقین سے تعزیت اور صبر کی تلقین کی فرمائی۔امیر اہل سنت دَامَتْ بَرَکَاتُہُمُ الْعَالِیَہ نے مرحوم کو ایصالِ ثواب کرتے ہوئے دعائے مغفرت کی اور لواحقین کو دعوت اسلامی کے دینی ماحول سے وابستہ ہونے، مدنی قافلے میں سفر کرنےاور ہفتہ وار رسالہ پڑھنے کی ترغیب دلائی۔

واضح رہے کہ جعفر صاحب سانس کی بیماری کے سبب 11 ربیع الاٰخر 1442ھ کو 55سال کی عمر میں لاہور میں انتقال کرگئے تھے۔

28نومبر 2020ء  کی شب عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں عاشقان رسول کی جانب سے کئے گئے سوال (کیا چھوٹے بھی بڑو ں کی اِصلاح کرسکتے ہیں؟اگرکرنا چاہیں تو کس طرح کریں؟) کہ جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہموقع محل کے مطابق،حکمتِ عملی سے اصلاح کی جائے،ایک دم چڑھائی نہ کی جائے ۔علماکو نہ سمجھائیں ،غیرعالم یعنی عوام کو انہیں سمجھانا منع ہے۔

مدنی مذاکرے کے چند مدنی پھول ملاحظہ کیجئے

سوال:مباح کام یعنی وہ کام جس پر نہ ثواب اورنہ گناہ ہے،یہ کام ثواب والاکام کس طرح بن سکتاہے؟

جواب:مباح کام میں ثواب کی نیّت کرلی جائے اوراس نیّت کا مقام ومحل بھی ہوتو یہ ثواب کا کام بن سکتاہے ۔

سوال:قُوتُ القُلوب کتاب کس نےلکھی ہے ؟

جواب:اپنے زمانے کے مجتہدیعنی بہت بڑے عالمِ دین حضرتِ امام ابوطالب مکی رَحْمَۃُ اللہِ عَلَیْہنے لکھی ہے ،یہ امام غزالیرَحْمَۃُ اللہِ عَلَیْہ سے پہلے کے بُزرگ ہیں،امام غزالی رَحْمَۃُ اللہِ عَلَیْہنے قُوتُ القُلوب سے استفادہ یعنی فائدہ حاصل کیاہے ۔

سوال: جس مقصدکے لیے دُعاکی جائے اوروہ پورانہ ہوتو کیاکرنا چاہئے ؟

جواب دُعامانگتےرہنا چاہئے کیونکہ دُعامانگنا عبادت اورکارِثواب ہے ۔

سوال: حضرت ِآصف بن بَرخَیارَحْمَۃُ اللہِ عَلَیْہ ولی تھے یا نبی ؟

جواب:یہ ولی تھے،حضرتِ سلیمان علیہِ السلام کےوزیرتھے،انھوں نے ملکۂ سبا کے تخت کو کرامت دِکھاتے ہوئے پلک جھپکنےمیں یمن سے حضرت ِسلیمان علیہ ِالسلام کےدربارمیں حاضرکیا تھا۔

سوال:کیا آسیب زدہ (جس پر جنّات کے اثرات ہوں)کے سامنےآیۃُ الْکُرْسی نہیں پڑھنی چاہئے ؟

جواب:ضرورپڑھنی چاہئے ،اس سے جِنّ بھاگ جائے گا۔

سوال: سب سے بڑاوظیفہ کیا ہے ؟

جواب:سب سے بڑاوظیفہ پانچ وقت نمازپڑھنا ہے۔

سوال:کیا نابیناؤں(Blinds) کی خدمت کرنی چاہئےاوران کی خدمت کی کیا فضیلت ہے؟

جواب:جی ہاں !نابینا(Blind)کی خدمت کرنا بہت ثواب کا کام ہے، بچپن میں میری بھی نابیناؤں سے دوستی تھی ،انہیں گھرمیں چھوڑکر آتارہا ،یہ کام کافی عرصہ جاری رہا۔(֍)فرمانِ مصطفیٰ(صلی اللہ علیہ والہ وسلم):جس نے کسی نابیناکوایک مِیل تک چلایاتواُسےمِیل کے ہرذِراع(یعنی گز)کےبدلےایک غُلام آزادکرنے کا ثواب ملے گا۔جب تم نابیناکوچلاؤتواُس کااُلٹاہاتھ اپنے سیدھےہاتھ سے تھام لوکہ یہ بھی صدقہ ہے۔ (مسندالفردوس،5/350،حدیث8397) (֍)فرمانِ حضرتِ انس(رضی اللہ عنہ) :جوکسی نابیناکوچالیس(40) قدم ہاتھ پکڑکرچلائےگااُس کے چہرےکوجہنم کی آگ نہیں چُھوئے گی۔(تاریخ مدینہ دمشق لابن عساکر،3/48)

سوال:صبرکے بارے میں آپ کیا فرماتےہیں ؟

جواب: صبر کرنے والوں کے لیے جنّت کی بِشارت ہے اورصبراوّل صدمے میں ہے،بعدمیں تو صبرآہی جاتاہے غم آہستہ آہستہ مدھم ہوجاتاہے پھر اِدھراُدھرخیال لگ جاتاہے ۔

سوال: اِس ہفتے کارِسالہ” اللہ پاک کے 99 ناموں کی برکتیں‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا اللہ پاک! جو کوئی 16صفحات کا رسالہ ” اللہ پاک کے 99 ناموں کی برکتیں “ پڑھ یا سُن لے،اُس کی روزی میں برکت دے، اُس پر دنیا و آخرت میں اپنا خاص فضل و کرم فرما اور اسے بے حساب بخش دے ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ہر ہفتے کی طرح آج رات  8:30 بجےمدنی چینل پر براہ راست ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

جانشین امیر اہل سنت حاجی مولانا عبید رضا عطاری مدنی نے 25 نومبر2020ء کو حیدر آباد آفنڈی ٹاؤن میں حاجی اقبال عطاری کی انتقال پر ان کی رہائش گاہ پہنچے جہاں انہوں نے مرحوم کے بھائیوں اور ان کے صاحبزادے حافظ بلال عطاری سے تعزیت کی اور صبر کی تلقین فرمائی۔ جانشین امیر اہل سنت نے انہیں صبر کی تلقین کرتے ہوئے مرحوم کے ایصالِ ثواب کے فاتحہ خوانی اور دعائیں کیں۔

25نومبر 2020ء کو جانشین امیر اہل سنت حاجی مولانا عبید رضا عطاری مدنی نے حیدر آباد یونیک موٹر بائیک کمپنی کے مالک حاجی زبیر گھانگھرا  کی رہائش گاہ جاکر ان کے والد حاجی عبد الکریم کے انتقال پر تعزیت کی۔ جانشین امیر اہل سنت نے انہیں صبر کی تلقین کرتے ہوئے مرحوم کے ایصالِ ثواب کے لئے فاتحہ خوانی اور دعائیں کیں۔

25نومبر 2020ء کو جانشین امیر اہل سنت حاجی مولانا  عبیدرضا عطاری مدنی مَدَّظِلُّہُ الْعَالِی نے گڈاپ کابینہ کے ذمہ دار محمد عدنان عطاری کی رہائش گاہ جاکر عیادت کی ۔جانشین امیر اہل سنت نے انہیں صبر کی تلقین کی اور ان کی جلد صحت یابی کے لئے دعائیں کیں۔

امیرِ اہلِ سنت دَامَتْ بَرَکَاتُہُمُ الْعَالِیَہ ہر ہفتے ایک رسالے کے مطالعے کی ترغیب دلاتے ہیں اور رسالہ پڑھنےیاسننے والوں کو اپنی دعاؤں سے بھی نوازتے ہیں۔

اس ہفتے امیرِ اہلِ سنت نے عاشقان رسول کو رسالہ ” اللہ پاک کے 99 ناموں کی برکتیں “ پڑھنے / سننے کی ترغیب دلائی ہے اور پڑھنے /سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک! جو کوئی 16صفحات کا رسالہ ” اللہ پاک کے 99 ناموں کی برکتیں “ پڑھ یا سُن لےاُس کی روزی میں برکت دے، اُس پر دنیا و آخرت میں اپنا خاص فضل و کرم فرما اور اسے بے حساب بخش دے۔ اٰمین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

دعوت اسلامی کے زیر اہتمام 24نومبر 2020ء کو نشتر کالونی لاہور میں اجتماع میلاد کا انعقاد کیا گیا جس میں شعبہ تعلیم اور دیگر سیاسی و سماجی شخصیات  نے شرکت کی۔

موٹیویشنل اسپیکر محمد ثوبان عطاری نے سنتوں بھرا بیان کیا اور شرکا کو دعوت اسلامی کے مدنی کاموں میں شرکت کرنے اور سنتِ رسول صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

22نومبر 2020ء بروز اتوار عالمی مدنی مرکز فیضان مدینہ کراچی میں تین اسلامی بھائیوں کے نکاح کی تقریب کا انعقاد ہوا۔ جانشین امیر اہل سنت مولانا عبید رضا عطاری مدنی مَدَّظِلُّہُ الْعَالِی نےان اسلامی بھائیوں کا نکاح پڑھایا۔

اس تقریب میں دولہوں کے خاندان والے بھی شریک تھے۔ اختتام پر جانشینِ امیرِ اہلِ سنت مَدَّظِلُّہُ الْعَالِی نے دعافرماتے ہوئے خاندانوں میں خیرو برکت کی دعا فرمائی۔