پچھلے دنوں شعبہ رابطہ برائے تاجران(دعوتِ اسلامی)کی تحت نرسری فرنیچر مارکیٹ شوروم کے اونرز نےعالمی مدنی مرکز فیضانِ مدینہ کراچی کا وزٹ کیاجہاں ذمہ داران ِ دعوتِ اسلامی نے انہیں مختلف شعبہ جات کے حوالےسے بریفنگ دی اوراسلامک ریسرچ سینٹر(المدینۃالعلمیہ) ،فیضان آن لائن اکیڈمی سمیت مختلف شعبہ جات کاوزٹ بھی کروایا۔

اس موقع پراونرز نے دعوتِ اسلامی کی دینی وفلاحی خدمات کوخوب سراہتے ہوئے مارکیٹ میں درس و بیان کروانے کی نیتیں کیں۔(رپورٹ: شعبہ رابطہ برائے تاجران ،کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ دعوتِ اسلامی کے زیرِ اہتمام مدنی مرکز فیضانِ مدینہ کوٹلی کشمیر میں سنتوں بھرے اجتماع کا انعقاد کیا گیا۔

نگرانِ زون کشمیر سید ریاض عطاری نےسنتوں بھرا بیان کرتے ہوئے اسپیشل پرسنز کی تربیت کی نیز رکنِ زون سکھرمحمد زاہد عطاری نے اس بیان کی اشاروں کی زبان میں ترجمانی کی۔بعدازاں رکنِ ریجن اسلام آباد سیّد عمیر عطاری نے دعا کروائی۔

دوسری جانب اورنگی کابینہ طیبہ مسجد میں جاری فیضان نمازکورس میں رکنِ ریجن اسپیشل پرسنز ڈیپارٹمنٹ کراچی محمدعمران عطاری کی آمد ہوئی جہاں انہوں نے شرکا کی تربیت کی اورشعبے کا تعارف پیش کرتے ہوئے چند اشارے بھی سکھائے۔

اسی طرح مدرسۃالمدینہ برائے نابینا افراد ملتان کا ذمہ داران ِ دعوتِ اسلامی نےوزٹ کیا ،اس دوران نگرانِ شعبہ پروفیشنل محمد ثوبان عطاری کی بھی آمد ہوئی جس میں انہوں نے نابینا بچوں سے ملاقات کرتے ہوئے ان کی تربیت اور ان کے لئے دعائے خیر کی ۔

مزید انہوں نےنابینا افراد کے لئےاسپیشل پرسنز ڈیپارٹمنٹ دعوت اسلامی کی طرف سے بریل لینگویج میں لکھے گئے رسائل کو خوب سراہا۔ (رپورٹ: محمدسمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)

دعوتِ اسلامی کے شعبہ جامعۃالمدینہ کے تحت 28ستمبر2021ءبروزمنگل چوبارہ سیالکوٹ میں مدنی مشورے کا انعقاد ہوا جس میں ذمہ دار اسلامی بھائیوں سے 12دینی کاموں کا فالواپ کیا گیا۔

مبلغِ دعوتِ اسلامی نے دینی کاموں کا جائزہ لیتے ہوئے مزید بہتری لانے کا ذہن دیا نیز اسلامی بھائیو ں کے مدرسۃ المدینہ کاآغازکرنے کے حوالے سے تربیت کی۔

اس کے علاوہ ربیع الاول کی آمد کے سلسلے میں سنتوں بھرے اجتماع،چراغاں اور جلوسِ میلاد پر کلام کیاگیا۔ (رپورٹ: حافظ رضوان علی عطاری مدنی ناظم جدول جامعۃ المدینہ چوبارہ سیالکوٹ ،کانٹینٹ:غیاث الدین عطاری)

مدنی چینل کے ناظرین  کے پسندیدہ پروگراموں میں سے ایک پروگرام ”ذوقِ نعت سیزن 09“ اپنے اختتام کو پہنچ گیا۔ گزشتہ رات عالمی مدنی مرکز فیضانِ مدینہ کراچی میں ذوقِ نعت کا فائنل ہوا جس میں ”ٹیم اورنج “ اور ”ٹیم براؤن“ نے حصہ لیا۔

پروگرام کے دوران بانیِ دعوتِ اسلامی امیرِ اہل سنت حضرت علامہ مولانا الیاس عطار قادری دَامَتْ بَرَکَاتُہُمُ الْعَالِیَہ کا ذوقِ نعت کے فائنل کے لئے محبت بھرا خصوصی پیغام بھی حاضرین کو سنایا گیا جبکہ نعت خواں حضرات نے ماہِ ربیع الاول کے استقبال کے سلسلے میں نعتیں اور پُرجوش نعرے لگاکر حاضرین کے عشقِ رسول میں اضافہ کیا۔

دلچسپ مقابلے کے بعد”ذوقِ نعت سیزن 09“ کا ٹائٹل ”ٹیم اورنج“ نے اپنے نام کرلیا۔ جیتنے والی ٹیم کو ترجمان دعوتِ اسلامی و رکنِ شوریٰ مولانا حاجی عبدالحبیب عطاری کے ہاتھوں ایک لاکھ اور رَنر اَپ ٹیم کو 50 ہزار کا چیک پیش کیا گیا۔

پروگرام میں دعوتِ اسلامی کی مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی، مبلغِ دعوتِ اسلامی محمد سلمان عطاری مدنی (پروگرام کھلے آنکھ صلے علیٰ کہتے کہتے کے ہوسٹ)، H.O.D ماہنامہ فیضانِ مدینہ محمد مہروز عطاری مدنی سمیت بڑی تعداد میں عاشقانِ رسول نے شرکت کی ، اختتام پر اعلیٰ حضرت امام اہل سنت ،الشاہ امام احمد رضا خان رحمۃ اللہ علیہ کے ایصال ثواب کے لئے فاتحہ خوانی کی گئی جبکہ لنگر کا اہتمام بھی کیا گیا۔

علمائے اہلسنت اور طلبۂ کرام کے درمیان تحریر و تصنیف میں معاون جدید ٹیکنالوجی کے استعمال کے بارے میں 26 ستمبر 2021ء کو کراچی کے علاقے نشتر بستی میں آن لائن ٹریننگ سیشن کا اہتمام کیا گیا جس میں پاک و ہند کے 36 سے زائد علما اور طلبہ نے شرکت کی۔

سیشن میں جن چیزوں کے متعلق ٹریننگ دی گئی ان کی تفصیلات ملاحظہ کیجئے:

٭ تحریر و تصنیف کی اہمیت اور جدید ٹیکنالوجی کی ضرورت و استعمال مع موضوع کے انتخاب کا طریقہ، حدبندی، اہمیت وغیرہ

٭ قرآن، حدیث، سیرت و دیگر ہزاروں عنوانات سے آگاہی اور اپنی ضرورت کے لئے استعمال (باحوالہ مواد)

٭ قرآن پاک کا کون سا لفظ ، کس صیغہ کے طور پر قرآن پاک میں کتنی بار ذکر ہوا ، ثلاثی مجرد سے ہے یا مزید فیہ سے وغیرہ، صرف ایک سیکنڈ میں

٭ عاشقانِ رسول مفسرین کی17ضخیم تفاسیر، کاپی، سرچ، پیسٹ کی سہولت کے ساتھ (صراط الجنان، نورالعرفان، خزائن العرفان، تفسیر الحسنات، ضیاء القران، تبیان القران، درمنثور، تفسیر قرطبی، تفسیرات احمدیہ، جلالین، بغوی، برہان القران، اور دیگر کئی تفاسیر، سب اردو میں)

٭ صحاح ستہ سمیت معتبر 19امہات کتب کی دو لاکھ احادیث اردو ترجمہ کے ساتھ ، کاپی ، پیسٹ اور سرچ

٭ قرآن کریم کے 8700 موضوعات ، ان کے متعلقہ آیات ، کاپی اور پیسٹ کی سہولت کے ساتھ

٭ لمبی لمبی عربی عبارات پر 80 فیصد درست اعراب لگائیں صرف 5 سیکنڈ میں

٭ احادیث مبارکہ کے 8600 موضوعات ، ان کے متعلقہ احادیث مبارکہ ، سرچ، کاپی، پیسٹ

٭ آڈیو میسج کو کمپوز فائل میں تبدیل صرف 10 سیکنڈ میں

٭ کتاب کا صفحہ صرف 10سیکنڈ میں کمپوز

٭50 صفحات کی پی ڈی ایف 5 منٹ میں کمپوز 

نگران پاکستان مشاورت حاجی محمد شاہد عطاری نے کراچی کے علاقے کلفٹن میں دو شخصیتوں سے ان کی رہائش گاہ پر ملاقات کی۔

نگران پاکستان نے اسلامی بھائیوں کو نیکی کی دعوت دی اور بیان فرمایا۔ بیان میں علاقے کے اسلامی بھائی بھی شریک تھے۔حاجی شاہد عطاری نے شرکا کو نیکی کے کاموں میں حصہ لینے کی ترغیب دلائی جبکہ آخر میں دعا کا سلسلہ بھی ہوا۔

بعد ازاں نگران پاکستان مشاورت حاجی شاہد عطاری نے جامع مسجد فیضان بسم اللہ کا دورہ بھی کیا۔ 

پاک و ہند کے عظیم بزرگ حضرت سیدنا داتا علی ہجویری رحمۃ اللہ علیہ کا 978 واں عرس شریف 26 ستمبر 2021ء سے جاری ہے جس میں ملک و بیرون ملک سےہزاروں زائرین مزار شریف پر حاضری دے کر فیوض و برکات سے مستفیض ہورہے ہیں۔

اسی سلسلے میں دعوت اسلامی کی مرکزی مجلس شوریٰ کے رکن حاجی یعفور رضا عطاری نے داتا صاحب علیہ الرحمہ کے مزار شریف پر حاضری دی اور ایصالِ ثواب کے لئے فاتحہ خوانی کرتے ہوئے دعائیں کیں۔

دعوتِ اسلامی کے 80 شعبہ جات میں ایک شعبہ المدینۃ العلمیہ( اسلامک ریسرچ سینٹر ،دعوتِ اسلامی) بھی ہے جس کے 18 ذیلی شعبہ جات میں 100 سے زائد اسلامک اسکالرز اپنی علمی اور تحریری خدمات انجام دے رہے ہیں۔ المدینۃ العلمیہ کے ان شعبہ جات میں دینی اور تنظیمی کتب و رسائل لکھے جاتے ہیں جسے مکتبۃ المدینہ حسنِ صوری سے مزین کرکے شائع کررہا ہے۔

المدینۃ العلمیہ کی جانب سے علمائے کرام کو کتاب ” اسلامی مہینوں کے فضائل“ تحفتاً پیش کی گئی جس پر انہوں نے اپنا تحریری پیغام کے ذریعے المدینۃ العلمیہ کی خدمات کو سراہا اور اس کی مزید ترقی کے لئے دعائیں کیں۔

اس حوالے سے شمس العلوم جامعہ رضویہ کراچی کے صدر و ناظم اعلیٰ مفتی محمد طاہر رضوی صاحب اپنے تاثرات کا اظہار کچھ یوں کیا ہے۔

تاثرات:

آپ کی ارسال کردہ کتاب ”اسلامی مہینوں کے فضائل“ موصول ہوئی جو کہ تالیف رشید ہے محمد عدنان چشتی عطاری مدنی صاحب کی اور الحمد للہ عمدہ کاوش ہےاور عوام و خواص کے لئے یکساں مفید ہے۔ اللہ رب العزت سے دعا ہے کہ اللہ جل و شانہ اس کتاب کے ذریعے عوام کی دکھ درد میں معاونت فرمائے اور اس کار خیر پر تمام متعلقین کو اجر دارین نصیب فرمائے۔

دعوتِ اسلامی کے 80 شعبہ جات میں ایک شعبہ المدینۃ العلمیہ( اسلامک ریسرچ سینٹر ،دعوتِ اسلامی) بھی ہے جس کے 18 ذیلی شعبہ جات میں 100 سے زائد اسلامک اسکالرز اپنی علمی اور تحریری خدمات انجام دے رہے ہیں۔ المدینۃ العلمیہ کے ان شعبہ جات میں دینی اور تنظیمی کتب و رسائل لکھے جاتے ہیں جسے مکتبۃ المدینہ حسنِ صوری سے مزین کرکے شائع کررہا ہے۔

المدینۃ العلمیہ کی جانب سے علمائے کرام کو کتاب ” اسلامی مہینوں کے فضائل“ تحفتاً پیش کی گئی جس پر انہوں نے اپنا تحریری پیغام کے ذریعے المدینۃ العلمیہ کی خدمات کو سراہا اور اس کی مزید ترقی کے لئے دعائیں کیں۔

اس حوالے سے دار العلوم کریمیہ رضویہ دار السلام ٹوبہ کے صاحبزادہ محمد منعم حسنین صدیقی صاحب نے اپنے تاثرات کا اظہار کچھ یوں کیا ہے۔

تاثرات:

اسلامی مہینوں کے فضائل کتاب کا مطالعہ کرنے کا موقع ملا، کتاب کو انتہائی خوبصوت انداز میں ترتیب دیا گیاہے۔ اس سے قبل اسلامی مہینوں اور ایام کی بابت کتابوں کا مطالعہ کا موقع ملا مگر مجلس المدینۃ العلمیہ کی اشاعت کردہ کتاب مواد اور حوالہ جات کی وجہ سے سب سے منفرد ہےاور بالخصوص ہر ماہ میں بزرگوں کے ایام کا حوالہ تو کمال ہے۔ اللہ پاک اور کامیابیاں عطافرمائے۔ اٰمین 

دعوت اسلامی کے شعبہ تعلیم کی جانب سے آسٹن یونیورسٹی برمنگھم میں ” Leave your Mark “ کے عنوان پر ایک تقریب منعقد ہوئی جس میں مختلف کالجز اور یونیورسٹیز کے اسٹوڈنٹس سمیت دیگر شعبے کے وابستہ افراد نے شرکت کی۔

اس پریزنٹیشن نے شرکا کو کسی بھی پیشے یا شعبے میں سفیر اسلام بننے میں تحریک حاصل کرنے میں مدددی۔ لیکچر کے دوران پوائنٹس کا ذکر بھی کیا گیا کہ اچھے کردار کے ذریعے دوسروں کی مدد کرنے میں ان کا کردار کس طرح اہم ہے۔

حاضرین کی طرف سے شاندار رائے کا اظہار کیا گیا جس میں انہوں نے کہا کہ یہ لیکچر بہت مددگار تھا جو مستقبل میں ان کی مدد کرے گا۔

عاشقان رسول کی عالمگیر مذہبی تحریک دعوت اسلامی کے زیر اہتمام ہر جمعرات بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جاتا ہے جن میں اراکین شوریٰ و مبلغین دعوت اسلامی سنتوں بھرے بیانات فرماتے ہیں۔اجتماعات کے اختتام پر اسلامی بھائی نیکی کی دعوت کی دھومیں مچانے کے لئے مدنی قافلے میں بھی سفر کرتے ہیں۔

اسی سلسلے میں آج  30 ستمبر 2021ء کو دنیا بھر میں ہفتہ وار اجتماعات منعقد کئے جائینگے۔ عالمی مدنی مرکز فیضان مدینہ کراچی سے رات 9:00 بجے براہ راست مدنی چینل پر نشر ہونے والے ہفتہ وار سنتوں بھرے اجتماع میں بانی دعوت اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہسنتوں بھرا بیان فرمائیں گے جبکہ مدنی مرکز فیضان مدینہ اسلام آباد G-11میں رکن شوریٰ حاجی محمد علی عطاری، عثمانیہ مسجد عبد اللہ گوٹھ کراچی میں رکن شوریٰ حاجی ابو ماجد محمد شاہد عطاری مدنی اور مدنی مرکز فیضان مدینہ محبوب ٹاؤن اوکاڑہ میں ابو البنتین حاجی محمد حسان عطاری مدنی سنتوں بھرا بیان فرمائیں گے۔

عاشقان رسول سے گزارش ہے کہ اپنے اپنے علاقوں میں ہونے والے ہفتہ وار اجتماع میں ضرور شرکت کریں۔

دعوتِ اسلامی کے تحت کراچی ایسٹ زون 1 ملیر کابینہ کی ڈویژن  سعودآباد میں قائم سٹی گرامر اسکول میں شعبہ تعلیم کے تحت تربیتی سیشن کاانعقادہواجس میں اسکول ٹیچرز و طالبات نے شرکت کی ۔

مبلغہ دعوت اسلامی نے’’ فرض علوم‘‘ کےموضوع پر بیان کیااور ماہنامہ فیضان مدینہ اور دعوت اسلامی کے بارے میں بریفنگ دی نیز اس سیشن میں رسائل بھی تقسیم کئے۔ اسکول کےعملے نے دعوت اسلامی کے اقدامات کو سراہتے ہوئے دینی ماحول سے وابستہ ہونے کی نیت کی اور فرض علوم سیکھ کر اپنے ادارے میں بھی سکھانے کی نیت کی۔