بچوں  میں قرآن پاک کی تعلیم عام کرنے والا دعوت اسلامی کا شعبہ بنام مدرسۃ المدینہ شارٹ ٹائم کے تحت 25 جولائی 2023ء کو فیضان عطار مسجد پی آئی بی کالونی ایسٹ کراچی سٹی میں مدنی مشورہ منعقد ہوا جس میں ڈسٹرکٹ ایسٹ ناظمین نے شرکت کی۔

مدرسۃ المدینہ شارٹ ٹائم کراچی سٹی ذمہ دار قاری شہروز عطاری نے مدرسہ جائزہ کے حوالے سے مدنی پھول بتائے نیز ناظمین کو 12 دینی کاموں کو مضبوط کرنے اور مدارس کے اسٹاف اور بچوں میں مدنی مذاکرے کی کارکردگی میں اضافہ کرنے کا ہدف دیا اور ہفتہ وار رسالہ مطالعہ کارکردگی کو بہتر کرنے کی ترغیب بھی دلائی ۔

مزید بچوں کی اخلاقی تربیت اور تعلیم کو بہتر سے ممتاز بنانے کیلئے ہر ممکن کوشش کرنے کا ذہن دیا جس پر ناظمین نے مدارس کے نظام کو بہتر بنانے کے لئے اچھی اچھی نیتوں کا اظہار کیا۔ مجلس اجارہ کے اسلامی بھائی فراز عطاری نے ess حاضری اپلیکیشن کے حوالےسے تربیت کی اور اپڈیٹ کیا ۔ (رپورٹ: فہیم عطاری ڈسٹرکٹ ذمہ دار ایسٹ ڈسٹرکٹ،کانٹینٹ:رمضان رضا عطاری)

رواں سال 2023ء میں حجِ بیت اللہ کی سعادت حاصل کرنے والے حاجیوں کے لئے عاشقانِ رسول کی دینی تحریک دعوتِ اسلامی کے تحت 6 اگست 2023ء بروز اتوار استقبالِ حجاج اجتماع کا انعقاد کیا جائے گا۔

معلومات کے مطابق یہ اجتماعِ پاک دعوتِ اسلامی کے عالمی مدنی مرکز فیضانِ مدینہ کراچی میں بعد نمازِ عشا رات تقریباً 9:00 شروع کیا جائے جس کا آغاز تلاوتِ قراٰنِ پاک اور نعت شریف سے ہو گا۔

تلاوت و نعت کے بعد بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہاجتماع میں شریک حجاج سمیت دیگر عاشقانِ رسول کی دینی، اخلاقی، شرعی اور تنظیمی اعتبار سے تربیت فرمائیں گے۔

مختلف شعبہ ہائے زندگی سے تعلق رکھنے والے افراد کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت سیالکوٹ پولیس لائن میں ایک سیشن کا انعقاد کیا گیا جس میں ایلیٹ فورس اور پولیس کے جوانوں نے شرکت کی۔

اس سیشن میں مرکزی مجلسِ شوریٰ کے رکن حاجی محمد اظہر عطاری نے ”رزقِ حلال“ اور ”عشقِ رسول“ کے موضوعات پر سنتوں بھرا بیان کیااور وہاں موجود عاشقانِ رسول کو دینِ اسلام کی تعلیمات کے مطابق زندگی گزارنے کا ذہن دیا۔

پاکستان کو سرسبز و شاداب بنانے کے لئےعاشقانِ رسول کی دینی تحریک دعوتِ اسلامی کے بانی حضرت علامہ مولانا محمد الیاس عطار قادری دامت بَرَکَاتُہمُ العالیہ نے نعرہ لگایا ہے ”پودا لگانا ہے درخت بنانے ہے“۔

اسی نعرے پر عمل کرتے ہوئے پچھلے دنوں مرکزی مجلسِ شوریٰ کے رکن حاجی محمد اظہر عطاری نے سیالکوٹ میں DPO حسن اقبال کے ہمراہ اُن کے دفتر میں شجرکاری کی۔

بعدازاں رکنِ شوریٰ حاجی محمد اظہر عطاری نے ملکِ پاکستان کی خوشحالی اور قوم کی سلامتی کے لئے دعا کروائی نیز DPO کو دعوتِ اسلامی کے دینی کاموں کے بارے میں آگاہی بھی دی۔(رپورٹ: ارسلان منیر معاون رکنِ شوریٰ حاجی محمد اظہر عطاری، کانٹینٹ:غیاث الدین عطاری)

پاکستان کے وفاقی دارالحکومت اسلام آباد میں واقع دعوتِ اسلامی کے مدنی مرکز فیضانِ مدینہ میں گزشتہ روز ایک میٹنگ ہوئی جس میں زون نگران اور مختلف شعبہ جات (جن میں شعبہ ایف جی آر ایف، شعبہ رابطہ برائے شخصیات، نیوسوسائٹیز ڈیپارٹمنٹ، شعبہ مدنی چینل عام کریں، فنانس ڈیپارٹمنٹ، مجلس فیضانِ مدینہ، شعبہ رابطہ برائے تاجران اور سیکورٹی ڈیپارٹمنٹ شامل تھے) کے صوبائی ذمہ دار اسلامی بھائیوں نے شرکت کی۔

تفصیلات کے مطابق دورانِ مدنی مشورہ رکنِ مرکزی مجلسِ شوریٰ حاجی وقار المدینہ عطاری نے 01 اگست 2023ء کو ہونے والی شجرکاری مہم، محرم الحرام کے مدنی قافلےاور یومِ دعوتِ اسلامی کی تیاریوں کے حوالے سے شرکا کی تربیت کی ۔

علاوہ ازیں رکنِ شوریٰ حاجی وقار المدینہ عطاری نے ذمہ دار اسلامی بھائیوں کو اخلاص کے ساتھ دعوتِ اسلامی کے دینی کاموں میں عملی طور پر حصہ لینے کی ترغیب دلائی۔واضح رہے اس سال 2023ء اسلام آباد میں 10 ہزار پودے لگانے کا ہدف دیا گیا ہے۔(رپورٹ: محمد دانش عطاری ، کانٹینٹ:غیاث الدین عطاری)

لوگوں کے دلوں میں علمِ دین حاصل کرنے کا شوق پیدا کرنے والی عاشقانِ رسول کی دینی تحریک دعوتِ اسلامی کے تحت G-11 اسلام آباد میں قائم مدنی مرکز فیضانِ مدینہ میں اسلام آباد سٹی مشاورت کا مدنی مشورہ ہو اجس میں زون نگران اسلامی بھائیوں کی بھی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے اس مدنی مشورے میں اسلامی بھائیوں کے 12 دینی کاموں کے حوالے سے گفتگو کی اور ان میں مزید بہتری لانے کا ذہن دیا۔

رکنِ شوریٰ حاجی وقار المدینہ عطاری نے ہفتہ وار سنتوں بھرے اجتماعات و مدنی مذاکرے محرم الحرام کے مدنی قافلوں کے متعلق زون نگران اسلامی بھائیوں کی ذہن سازی کی اور اہداف دیئے۔

بیرونِ ملک یوکے  میں اسلامی بہنوں کے درمیان ہونے والے دینی کاموں کے حوالے سے گزشتہ روزبنگالی لینگویج کی ذمہ دار اسلامی بہنوں کا ماہانہ مدنی مشورہ ہوا۔

اس موقع پر مبلغۂ دعوتِ اسلامی نے نیکی کی دعوت کے فضائل بیان کئے اور دیگر اسلامی بہنوں کو نیکی کی دعوت دینے کی ترغیب دلائی نیز ذمہ دار اسلامی بہنوں کو ”جنت اور دوزخ“ کورس کرنے کا ذہن دیا جس پر انہوں نے اچھی اچھی نیتوں کا اظہار کیا۔

نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں ذمہ دار اسلامی بہنوں کا مدنی مشورہ ہواجس میں اسٹیٹ و ڈویژن نگران اسلامی بہنوں کی شرکت رہی۔

عاشقانِ رسول کی دینی تحریک دعوتِ اسلامی کے تحت ایڈیلیڈ نگران اسلامی بہن سمیت دیگر اسلامی بہنوں کا 8 دینی کاموں کے حوالے سے  مدنی مشورہ ہوا ۔

معلومات کے مطابق ذمہ دار اسلامی بہنوں نے مدرسۃ المدینہ گرلز کے آغاز، ذمہ داران کی تقرری، اصلاحِ اعمال سیشن اور شارٹ کورسز کے حوالے سے گفتگو کی۔

پچھلے دنوں عاشقانِ رسول کی دینی تحریک دعوتِ اسلامی کے تحت ریجن سطح کی شعبہ مشاورت اسلامی بہنوں کا مدنی مشورہ ہوا جس میں شعبہ مدرسۃالمدینہ بالغات اور فنانس ڈیپارٹمنٹ کی ریجن ذمہ دار اسلامی بہنوں کی شرکت رہی۔

اس مدنی مشورے میں دعوتِ اسلامی کے مختلف موضوعات پر کلام کیا گیا نیز ذمہ دار اسلامی بہنوں کو دینی کاموں میں مزید بہتری لانے کا ذہن دیا گیا۔جن موضوعات پر مشاورت ہوئی اُن میں سے بعض درج ذیل ہیں:

٭شعبہ مدرسۃ المدینہ بالغات کے تحت رہائشی کورس اور لرننگ سیشن٭سفر کے مدنی پھول٭دینی کاموں کے حوالے سے مختلف اسٹیٹس میں سفر٭فنانس ڈیپارٹمنٹ کی ذمہ دار ڈونیشن کارکردگی اور ای رسید کا فالو اپ٭ڈونیشن بکس اور فنانس ڈیپارٹمنٹ کے اپڈیٹ پدنی پھول٭اصلاحِ اعمال للبنات کی ذمہ دار اسلامی بہن سے نئے رسائل کی تقسیم٭دعوتِ اسلامی کے تحت اسپیشل ایونٹ پر اسپیشل اجتماعات شروع کروانے٭مکتبۃ المدینہ کی کتاب ”اے ایمان والو“اور نگرانِ شوریٰ کے مدنی پھول۔

راولپنڈی کے سٹلائٹ ٹاؤن میں گزشتہ روز دعوتِ اسلامی کے تحت اسلامی بہنوں کے لئے کفن دفن اجتماع کا انعقاد کیا گیا جس میں قرب و جوار کی اسلامی بہنوں نے شرکت کی جن کی تعداد کم و بیش 26 تھی۔

مبلغۂ دعوتِ اسلامی نے کفن دفن کے حوالے سے بیان کرتے ہوئے شرکا اسلامی بہنوں کو سنت طریقے سے کفن دفن کا عملی طریقہ سکھایا نیز انہیں دعوتِ اسلامی کے دینی کاموں میں حصہ لینے کی ترغیب دلائی جس پر اسلامی بہنوں نے کفن دفن کا ٹیسٹ دینے کی اچھی اچھی نیتیں کیں۔

شعبہ کفن دفن للبنات دعوتِ اسلامی کے تحت ایک میٹنگ ہوئی جس میں موزمبیق کے صوبہ شموئی کی نیو شعبہ کفن دفن للبنات ذمہ دار سمیت دیگر اسلامی بہنوں نے شرکت کی۔