واہ کینٹ زون کی واہ کینٹ کابینہ میں مجلس اسپیشل افراد دعوت اسلامی کے تحت مدنی حلقہ ہوا جس میں رکن زون واہ کینٹ محمد بدر عطاری اور نگران واہ کینٹ کابینہ محمد یوسف عطاری نے گونگے بہرے اسپیشل افراد کی تربیت فرماتے ہوئے ان کو اپنے مدنی پھولوں سے نوازا۔  اس بیان کی اشاروں کی زبان میں ترجمانی بھی کی گی۔ (محمد سمیر عطاری،میڈیا ڈیپارٹمنٹ اسپیشل افراد دعوت اسلامی)

مجلس اسپیشل افراد  کے تحت پچھلے دنوں لانڈھی کابینہ میں محمد شاہد عطاری مجلس اسپیشل افراد نے ڈیف اسلامی بھائیوں سے ملاقاتیں کیں اور مدنی حلقہ لگایا ۔

مدنی حلقے میں محمد شاہد عطاری نے اشاروں کی زبان میں ڈیف اسلامی بھائیوں کے درمیان غسل کے ضروری مسائل رسالے سے بیان کیا اور شرکا کو نیکی کی دعوت دیتے ہوئے ہفتہ وار سنتوں بھرے اجتماع کی دعوت دی جبکہ اختتام پر دعا ئے خیر کا اہتمام بھی ہوا ۔(رپورٹ:محمدسمیر عطاری میڈیا ڈیپارٹمنٹ اسپیشل افراد دعوت اسلامی)

دعوت اسلامی کی مجلس اسپیشل افراد کے  زیر اہتمام مزنگ داتاصاحب کابینہ میں ایک ہوٹل پر مدنی حلقہ ہوا جس میں اسپیشل افراد نے شرکت کی۔ رکن شوریٰ حاجی یعفور رضا عطاری نے شرکا سے ملاقات کی اور انہیں نیکی کی دعوت پیش کرتے ہوئے مدنی مرکز فیضان مدینہ جوہر ٹاؤن لاہور آنے کی دعوت دی۔(رپورٹ: محمد سمیر عطاری، میڈیا ڈیپارٹمنٹ اسپیشل افراد)

دعوت اسلامی کی مجلس اسپیشل افراد کے تحت 19 ستمبر 2020ء کو مدنی مرکز فیضان مدینہ ملتان میں مدنی مشورہ ہوا جس میں نگران مجلس محمد حنیف عطاری اور پاکستان بھر سے زون اور ریجن ذمہ داران نے شرکت کی۔ رکن شوریٰ حاجی فضیل رضا عطاری نے ذمہ داران کی کارکردگی کا جائزہ لیتے ہوئے ان کی تربیت کی اور انہیں مدنی کاموں میں مزید بہتری لانے کے متعلق نکات بیان کئے۔(رپورٹ: محمد سمیر عطاری، میڈیا ڈیپارٹمنٹ اسپیشل افراد)

دعوت اسلامی کی مجلس اسپیشل افراد اسلام آباد ریجن کے رکن سید عمیر عطاری نے جہلم چکوال زون کا وزٹ کیا جہاں انہوں نے رکن زون جہلم محمد بدر عطاری کے ہمراہ دینہ شہر میں ڈیف اسپیشل افراد سے ملاقات کی اور نیکی کی دعوت دی۔ ذمہ داران نے اسی مقام پر ایک ڈیف اسلامی بھائی کے والد محترم سے ملاقات کی اور انہیں شعبے کا تعارف پیش کرتے ہوئے مکتبۃ المدینہ سے شائع ہونے والی کتاب تحفے میں پیش کی۔

اسی طرح مجلس اسپیشل افراد کے تحت سوہاوہ شہر کے بازار میں رکن ریجن اسلام آباد سید عمیر عطاری اور رکن زون جہلم محمد بدر عطاری نے مدنی حلقے کا سلسلہ کیا جس میں انہوں نے ڈیف اسلامی بھائیوں کا مدنی مشورہ فرمایا۔

مجلس اسپیشل افراد کے تحت رکن ریجن اسلام آباد سید عمیر عطاری نے رکن زون جہلم محمد بدر عطاری کے ہمراہ دولتالہ شہر میں قائم گورنمنٹ اسپیشل ایجوکیشن سینٹر اور گوجر خان میں اسپیشل افراد کے اسکول کا وزٹ کیا۔ ذمہ داران نے اسکولز میں ٹیچرز سے ملاقاتیں کیں اور انہیں مجلس اسپیشل افراد کا تعارف پیش کرتے ہوئے دعوت اسلامی کی دینی و سماجی خدمات کے بارے میں بریفنگ دی۔

دعوت اسلامی کی مجلس اسپیشل افراد پاکستان کے نگران محمد حنیف عطاری اور رکن ریجن عبد الوارث عطاری نے لاہور  میں حضرت داتا صاحب رحمۃ اللہ علیہ کے مزار شریف حاضری دی۔

بعد ازاں لاہور شمالی زون کے اسلامی بھائیوں کا مدنی مشورہ ہوا جس میں رکن زون محمد علی عطاری اور کابینہ ذمہ داران نے شرکت کی۔ نگران مجلس اسپیشل افراد نے انہیں مزید اچھے انداز میں مدنی کام کرنے کا ذہن دیا اور داتا صاحب کے عرس کے موقع پر اسپیشل اسلامی بھائیوں کے لئے زیادہ سے زیادہ مدنی حلقے لگانے کی ترغیب دلائی۔ (رپورٹ: محمد سمیر عطاری، میڈیا ڈیپارٹمنٹ اسپیشل افراد)

دعوت اسلامی کی مجلس اسپیشل افراد کے زیر اہتمام محمود آباد کابینہ میں مدنی مشورہ ہوا جس میں محمود آباد کے نابینہ افراد نے شرکت کی۔ کراچی ریجن نابینا افراد کے ذمہ دار محمد جمیل عطاری نے شرکا کو مدنی کام کرنے کی ترغیب دلائی اور انہیں فیضان نماز کورس کرنے کا ذہن دیا جس پر تین افراد نے فیضان نماز کورس کرنے کے لئے اپنا نام پیش کیا۔ مدنی مشورے کے اختتام پر کراچی ریجن کے ذمہ دار نے اسپیشل افراد کے سرپرستوں سے ملاقات کی اور انہیں نیکی کی دعوت پیش کرتے ہوئے ہفتہ وار اجتماع میں شرکت کرنے کی ترغیب دلائی۔

بعد ازاں کراچی ریجن نابینا افراد کے ذمہ دار محمد جمیل عطاری نے ڈویژن ذمہ داران کا مدنی مشورہ کیا جس میں شعبے کا تعارف پیش کرتے ہوئے انہیں اشاروں کی زبان کا کورس کرنے کی نیت بھی کروائی۔(رپورٹ: محمد سمیر عطاری، میڈیا ڈیپارٹمنٹ اسپیشل افراد)

دعوت اسلامی کی مجلس اسپیشل افراد کے تحت واہگہ ٹاؤن کابینہ میں بعد فجر مدنی حلقہ ہوا جس میں کثیر تعداد میں اسپیشل افراد نے شرکت کی۔ رکن زون مجلس اسپیشل افراد محمد علی عطاری نے ”شان فاروق اعظم“ کے موضوع پر سنتوں بھرابیان کیااور شرکا کو 8، 9 اور 10 محرم الحرام 1442ھ کو قافلے میں سفر کرنے کی ترغیب دلائی۔

اسی طرح دعوت اسلامی کے تحت ساندہ داتا صاحب کابینہ ڈیف ریچ ٹریننگ اسکول کے پروفیسر کی رہائش گاہ پر مدنی حلقہ ہوا جس میں ڈیف کلب کے صدر، جنرل سیکرٹری اور دیگر عہدیداران نے شرکت کی۔ مبلغ دعوت اسلامی نے سنتوں بھرا بیان کیا۔

دعوت اسلامی کی مجلس اسپیشل افراد کے تحت نگران مجلس نابینا افراد قاری محمد خالد عطاری اور رکن ریجن نے ہری پور مین بازار میں ڈیف اسلامی بھائیوں سے ملاقاتیں کیں۔  نگران مجلس نے ان کے درمیان مدنی حلقہ لگایا جس میں نماز کی پابندی کرنے، والدین کی خدمت اور احترام کرنے، قرآن پاک کی تلاوت کرنےاور سنتوں پر عمل کرنے کی ترغیب دلائی۔

اسی طرح اسپیشل افراد دعوت اسلامی کے رکن زون محمد احسان عطاری اور ریجن ذمہ دار لاہورعبد الوارث عطاری نے ایک اسپیشل اسلامی بھائی صدر وزیر آباد ڈیف ایسوسی ایشن کی ٹانگ کی ہڈی ٹوٹنے پر ان کے گھر جاکر ان سے عیادت کی اور ان کی صحت یابی کے لئے دعا بھی فرمائی۔ (رپورٹ: محمد سمیر عطاری، سوشل میڈیا اسپیشل افراد دعوت اسلامی)

دعوت اسلامی کی مجلس اسپیشل افراد کے تحت رکن ریجن ملتان محمد آصف عطاری مدنی نے ڈسٹرکٹ ایمر جنسی آفیسر ڈاکٹر سید ماجد ریسکیو 1122 لودھراں سے ملاقات کی۔ رکن ریجن نے انہیں شعبہ جات تعارف پیش کیااور دعوت اسلامی کی دینی اور فلاحی خدمات کی بھی آگاہی فراہم کی جس پر ڈاکٹر صاحب نے اسپیشل افراد کے شعبے اور دعوت اسلامی کی خدمات کو سراہااور مزید اپنے ماتحت افسران کو دعوت اسلامی کے تحت سائن لینگویج کورس کرنے کے حوالے سے بریفنگ دی۔

19 اگست 2020ء کو مجلس اسپیشل افراد کے نگران محمد حنیف عطاری ، زون ذمہ دار وسیم احمد عطاری اور رکن کابینہ کا گڈاپ اطراف کابینہ شیڈول رہا جہاں مسجد درس اور اسپیشل افراد کے مدنی حلقوں کا سلسلہ ہوا ۔ ذمہ داران نے گڈاپ کابینہ میں نیکی کی دعوت دی اور اسلامی بھائیوں پر انفرادی کوشش کی جبکہ اسی مقام پر چوک درس کا سلسلہ بھی ہوا۔

نگران مجلس نے نگران کابینہ سے ملاقات کی اور مدنی کاموں کے حوالے سے مشاورت کرتے ہوئے اسپیشل افراد کا جمع شدہ ڈیٹا کے متعلق معلومات فراہم کیں۔

نگران مجلس محمد حنیف عطاری نے نابینا افراد کے سرپرستوں سے ملاقاتیں کیں۔ نگران مجلس نے انہیں اپنے نابینا بیٹوں کو قافلے میں سفر کروانے، درس نظامی کروانے اور قرآن مجید حفظ کروانے کی ترغیب دلائی۔

دعوت اسلامی کی مجلس اسپیشل افراد کے نگران مجلس محمد حنیف عطاری  اور ریجن ذمہ دار محمد جمیل عطاری کا بن قاسم زون کابینہ، میمن گوٹھ اور ڈرگ کالونی کابینہ کا شیڈول رہا جہاں نگران مجلس نے رکن کابینہ کےسوئم میں سنتوں بھرا بیان کیا۔اسپیشل افراد کے لئے اس بیان کی اشاروں کی زبان میں ترجمانی بھی کی گئی۔

بن قاسم زون میں مختلف مقامات پر اسپیشل افراد اور سرپرست میں نیکی کی دعوت کا سلسلہ ہوا ۔ نگران مجلس نے ڈیف اور نابینہ افراد میں الگ الگ ہفتہ وار مدنی کام کرنے کا ذہن دیا۔ بن قاسم زون میں نگران مجلس محمدحنیف عطاری نےحلقہ نگران اور اراکین کابینہ سے ملاقاتیں کیں۔ ملاقات کے بعد آن لائن کورس، محرم الحرام کے قافلے میں سفر کرنے کی ترغیبات اور انفرادی کوششو ں کا سلسلہ ہوا۔