صوبائی دارالحکومت لاہور میں قائم گورنر ہاؤس میں  گورنر پنجاب چوہدری محمد سرور سے دعوت اسلامی کے وفد نے ملاقات کی۔ دعوت اسلامی کے وفد میں نگران مجلس پروفیشنلز محمد ثوبان عطاری، ریجن ذمہ دارمجلس لاہور کے ذمہ دار اور دیگر اسلامی بھائی موجود تھے۔ دعوت اسلامی کے وفد نے گورنر پنجاب کو دعوت اسلامی کے تحت عالمی وبا میں ہونے والی کاوشوں ، تھیلیسیمیااور دیگر امراض میں مبتلا مریضوں اور بچوں کو خون کی فراہمی کی سلسلے میں ملک بھر میں چلائے جانے والی بلڈ کمپین ، فلاحی کاموں اور دیگر مدنی کاموں کے حوالے سے بریفنگ دی۔ گورنر پنجاب نے دعوت اسلامی اور امیر اہل سنت دَامَتْ بَرَکَاتُہُمُ الْعَالِیَہ کی کاوشوں کا سراہا اور دعوت اسلامی کے وفد کو اپنے تعاون کی یقین دہانی بھی کروائی۔دعوت اسلامی کے وفد نے گورنر پنجاب کو ”صراط الجنان فی تفسیر القران“ تحفے میں دی اور تعارف بھی پیش کیا۔

پچھلے دنوں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ملک بھر شجر کاری کرنے کی ترغیب دلائی تھی۔

اسی سلسلے میں شیخوپورہ کابینہ میں مجلس مدرسۃ المدینہ بالغان کے ڈویژن ذمہ دار محمد احمد رضا عطاری نے پودے لگاکر شجر کاری مہم کا آغاز کیاجبکہ ڈویژن نگران نے علاقہ کھاریانوالہ میں مختلف اقسام کے پودے لگائےاور دعائے خیر کی۔ اس موقع پر کھاریانوالہ کے ذمہ داران اور دیگر عاشقان رسول بھی موجود تھے۔ (رپورٹ: محمد منیر عطاری، مبلغ دعوت اسلامی)

دعوت اسلامی کی مجلس مدنی چینل عام کریں کے نگران انجم رضا عطاری نے سندس فاؤنڈیشن کا دورہ کیا جہاں انہوں نے فانڈیشن کے صدر اور انفارمیشن سیکرٹری تھیلیسیمیا پاکستان محمد یاسین خان سے ملاقات کی۔ نگران مجلس نے انہیں سندس فاؤنڈیشن کے تمام اداروں میں کِڈز مدنی چینل کا ڈیٹا انٹر کروانے کا ذہن دیا تاکہ فاؤنڈیشن میں آنے والے بچوں کی اخلاقی تربیت بھی ہو۔

8 اگست 2020ء کو رکن شوریٰ حاجی محمد امین عطاری نے اسلام آباد ریجن کے نگران زون کے ہمراہ شہر کے اطراف علاقوں میں مدنی کاموں کی مضبوطی کے لئے مدنی مشورہ فرمایا جس میں اطراف کے ذمہ داران نے شرکت کی۔ رکن شوریٰ نے  ذمہ داران کی تربیت کی اور اطراف میں مدنی کاموں کو مضبوط کرنے کے حوالے سے مدنی پھول دیئے۔ مدنی مشورے میں آئندہ کے اہداف بھی طے کئےگئے۔ اس موقع پرا راکین شوریٰ حاجی وقار المدینہ اور حاجی محمد اظہر عطاری بھی موجود تھے۔

دعوت اسلامی کی مجلس وقف مبلغ کے تحت 9 اگست 2020ء بروز  اتوار لاہور ریجن شمالی لاہور زون واہگہ ٹاؤن کابینہ ڈویژن داروغہ والا سلامت پورہ میں عید ملن اجتماع و مدنی مشورہ ہوا جس میں علاقہ اور حلقہ ذمہ داران نے شرکت کی۔

مبلغ دعوت اسلامی نگران کابینہ محمد ندیم عطاری نے احساس ذمہ داری کے موضوع پر سنتوں بھرا بیان کیا اور شرکا کو مل جل کر کام کرنے کے متعلق مدنی پھول دیئے ۔ اس موقع پرنگران کابینہ محمد ندیم عطاری نےدعوت اسلامی کے لئے کھالیں جمع کرنے میں نمایاں کار کردگی حاصل کرنے ولے اسلامی بھائیوں کو تحائف تقسیم کیے۔(رپورٹ:محمد عمیر عطاری ڈویژن داروغہ والا نگران)

دعوت اسلامی کی مرکزی مجلس شوریٰ کے رکن حاجی محمد اظہر عطاری نے5اگست 2020ء بروزبدھ اے ڈی سی (ایڈیشنل ڈپٹی کمشنر) احمد کمال سے ملاقات کی اور ننکانہ میں رکن کابینہ اور ڈویژن نگران ڈپٹی کمشنر ننکانہ کے درمیان مدنی حلقہ لگایا اورشعبہ جات کا تعارف کرواتے ہوئے حاضرین کو نیکی کی دعوت دی اور امیر اہلسنت دامت برکاتہم عالیہ کے طریقے کار کے مطابق مدنی کام کرنے کی ضرورت کے موضوع پر مدنی پھول دیئے۔(رپورٹ: رکن کابینہ حاجی نصر اقبال عطاری)

پچھلے دنوں نگران مجلس تاجران محمد ندیم عطاری اور ریجن ذمہ دار مجلس تاجران محمد سلیم عطاری نے رکن شوریٰ حاجی وقار المدینہ عطاری سے ملاقات کی۔ دوران ملاقات ذمہ داران نے مدنی کاموں کی کارکردگی پیش کی جس پر رکن شوریٰ نے  ذمہ داران کی تقرری کرنے پر مدنی پھول ارشاد فرمایا اور ان کی تربیت کی۔

پچھلے دنوں دعوت اسلامی کے تحت ایک اسلامی بھائی عبد الحمید عطاری کے کارخانے میں مدنی حلقے کا سلسلہ ہوا جس میں کارخانے کے مالک سمیت دیگر اسلامی بھائیوں شرکت کی۔ رکن شوریٰ حاجی وقار المدینہ عطاری نے ”شکر کے فضائل“ پر مدنی پھول ارشاد فرمائے اور مدنی کاموں میں شرکت کرنے کی ترغیب دلائی جس پر شرکا نے اپنی  اچھی اچھی نیتیں پیش کیں۔

دعوت اسلامی کے زیر انتظام ہر سال کی طرح اس سال بھی اسلام آباد ریجن میں قربانی کی کھالیں جمع کرنے کے لئے 32 گودام بنائے گئے ہیں۔ جن میں سے ایک گودام ضلع راولپنڈی روات کلر سیداں میں بھی قائم ہے۔

6 اگست 2020ء کو مرکزی مجلس شوریٰ رکن حاجی وقار المدینہ عطاری نے اس گودام کا وزٹ کیا جہاں انہوں نے کھالوں کی تعداد اور نمک لگانے کا جائزہ لیا۔ کھال گودام کے ذمہ دار محمد عمران عطاری نے رکن شوریٰ کو گودام کی تمام صورتحال کی اپڈیٹ دی جبکہ رکن شوریٰ نے کھال گودام میں خدمت سرانجام دینے والےعاشقان رسول کو کاؤنٹر تسبیح تحفے میں دی اور روزانہ درود پاک پڑھنے کی ترغیب بھی دلائی۔

آج 10اگست 2020ء  بروز پیر رات 9:15 بجےشیخ الحدیث والتفسیر مفتی محمد قاسم عطاری مَدَّظِلُّہُ الْعَالِی اپنے آفیشل Facebook پیج پرlive سلسلہ فرمائیں گے ۔ اس سلسلے میں عاشقان رسول اپنے سوالات کے جوابات جان سکیں گے۔

سلسلے میں شامل ہونے کے لئے نیچے دیئے گئے لنک پر کلک کیجئے:

https://www.facebook.com/MuftiQasimAttari

آج 9 اگست 2020ء بروز اتوار شام 5:30 بجےیوم خلیفہ ثالث امیر المومنین حضرت سیدناعثمان غنی رضی اللہ عنہ کے موقع پر مجلس ازدیاد حب

کے اہتمام Facebook پیج پر live ایصال ثواب اجتماع کا انعقاد کیا جائیگا۔اس اجتماع پاک میں رکن شوریٰ حاجی محمد اظہر عطاری خصوصی بیان فرمائیں گے۔

اس آن لائن اجتماع میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/HajiAzharAttari/

آج بروز اتواردوپہر 3:00 دعوت اسلامی کے زیر اہتمام ملک بھر میں موجود تعلیمی اداروں کے ٹیچرز کے لئے بذریعہ مدنی چینل سنتوں بھرے اجتماع کا انعقاد کیا جائیگا۔ اس اجتماع پاک میں خصوصی بیان مرکزی مجلس شوریٰ کے نگران مولانا محمد عمران عطاری سنتوں بھرا بیان فرمائیں گے۔

ملک بھر کے تمام ٹیچرز سے درخواست ہے کہ اس اجتماع پاک میں ضرور شرکت کریں۔