دعوت اسلامی کے ذمہ دار اسلامی بھائی نے سوئی میں قبائلی و سیاسی رہنما موسم خان بگٹی سے ملاقات کی۔ ذمہ دار اسلامی بھائی نے انہیں نیکی کی دعوت پیش کی اور شعبہ جات کا تعارف پیش کرتے ہوئے دعوت اسلامی ویلفیئر کے فلاحی کاموں سے آگاہ کیا۔ موسم خان نے دعوت اسلامی کی عالمی سطح پر ہونے والی دینی خدمات کو خوب سراہا جبکہ ذمہ دار اسلامی بھائی نے انہیں مکتبۃ المدینہ کی کتاب تحفے میں پیش کی۔ 

14 ستمبر2020ء کو دعوت اسلامی کی مجلس پروفیشنلز کے نگران محمد ثوبان عطاری بہاولپور میں مختلف مقامات پر سنتوں بھرے بیانات  فرمائیں گے۔

بیانات کی تفصیلات :

٭لنکن کارنرمین لائبریری اسلامیہ یونیورسٹی بہاولپور میں دن 11:00 بجے

٭حسینی چوک سیٹلائٹ ٹاؤن میں ہونے والے انجینئرز اجتماع میں دوپہر 3:00 بجے

٭احمد پور شرقیہ زون فیضان مدینہ خانقاہ شریف میں شام 6:00 بجے

٭گلیکسی ہائیٹس ماڈل ٹاؤن میں ہونے والے پروفیشنلز اجتماع میں رات 9:00 بجے

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی آج اتوارکی شب 7:00 بجے اپنےFacebook پیج پر لائیو سلسلہ فرمائیں گے جس میں عاشقان رسول کی جانب سے ہونے والے سوالات کے جوابات اشاد فرمائیں گے۔

سلسلے میں شامل ہونے کے لئے نیچے دیئے گئےلنک پر کلک کیجئے:

https://www.facebook.com/maulanaimranattari

پچھلے دنوں محسن گورائیہ سابق صدر پریس کلب کے والد مرحوم کے قُل شریف کے سلسلے میں ان کی رہائش گاہ پر ایصال ثواب اجتماع منعقد کیا گیاجس میں سینئر صحافی سہیل وڑائچ، سینئر تجزیہ کارحفیظ اللہ نیازی، سینئر صحافی کالم نگار عطاالحق قاسمی، سینئر تجزیہ کار ذوالفقار احمد، گروپ ایڈیٹر سینئرصحافی ایثار رانا سمیت دیگر سیاسی و سماجی شخصیات نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا ۔

اجتماع کے اختتام پر شخصیات نے رکن شوری سے ملاقات بھی کی۔

دعوت اسلامی ویلفیئر کے زیر اہتمام پاکستان بھر میں بارش اور سیلاب سے متاثرہ خاندانوں میں امدادی کاموں کا سلسلہ جاری ہے۔

اسی سلسلے میں رکن شوریٰ حاجی محمد رفیع العطاری نے ویلفیئر کے ذمہ داران کے ہمراہ ضلع خوشاب قصبہ مٹھہ ٹوانہ پہنچے جہاں انہوں نے متاثرین میں پکے ہوئے کھانے اور مالی امداد تقسیم کیں۔

اسی طرح رکن شوریٰ پنجاب کے علاقے قائد آباد کے اطراف لکھلہ منڈی بھی گئےجہاں انہوں نے بارش اور سیلاب سے متاثرین خاندانوں کی امداد کی۔ رکن شوریٰ حاجی محمد رفیع العطاری نے لکھلہ میں موجود حضرت پیر سید امام علی شاہ بخاری رحمۃ اللہ علیہ کے مزار شریف حاضری دی اور ایصالِ ثواب کے لئے فاتحہ خوانی کی۔

واضح رہے کہ دعوت اسلامی ویلفیئر ہری پور خیبر پختونخواہ میں تقریباایک ہزار متاثرہ خاندانوں میں راشن تقسیم کرچکی ہے۔

تفصیلات کے مطابق کراچی میں کورنگی کے علاقے اللہ والا ٹاؤن میں چار منزلہ رہائشی عمارت گر گئی۔ عمارت 80 گز کے پلاٹ پر تعمیر کی گئی تھی۔ ملبے سے بچوں سمیت 7 افراد کو زخمی حالت میں نکال لیا گیاجبکہ حادثے سے دو افراد انتقال کرگئے۔ عمارت میں 15 سے 20 خاندان رہائش پذیر تھے۔ ذرائع کے مطابق ابھی بھی 20 سے25 افراد کے ملبے تلے دَبے ہونے کا خدشہ ہے۔

S.B.C.A حکام نے کہا کہ عمارت گرنے سے اطراف کی دو عمارتوں کو بھی نقصان کا خدشہ ہے اور تکنیکی ٹیم معائنہ کرکے کلیئرنس دے گی، فی الوقت عمارتوں کے مکینوں کو عمارت خالی کرنے کی ہدایت جاری کردی گئی ہے۔

دعوت اسلامی ویلفیئر کی ٹیم نے جائے وقوعہ پر پہنچ کر امدادی کام کا آغاز کردیااورمتاثرین سے غمخواری کرتے ہوئے ان میں کھانے، پینے کی اشیاء اور دیگر امدادی سامان فراہم کیا۔

ملتان کے علاقے الفلاح کمرشل سینٹر میں ایک شخصیت فلاح الدین قریشی نے جامع مسجد فیضان عمر فاروق تعمیر کرواکر دعوت اسلامی کو پیش کی۔

اس موقع پر مجلس آئمہ مساجد کے تحت افتتاحی تقریب کا انعقاد کیاگیا۔ جس میں مجلس آئمہ مسا جد گلگشت کابینہ کے نگران، نگران کابینہ شاہ رکن، رکن زون، ذمہ داران تاجر اسلامی بھائیوں اور اہل علاقہ نے شرکت کی۔ رکن شوریٰ حاجی قاری محمد سلیم عطاری نے مسجد میں سنتوں بھرا بیان کیا اور نماز بھی پڑھائی جبکہ مسجد عطیہ کرنے والے اسلامی بھائی کیلئے دعا بھی کرائی گئی۔

اس حوالے سے نگران کابینہ کا کہنا تھا کہ ایک کروڑ سے زائد رقم سے اس مسجد کی تعمیرات کو مکمل کی گئی جس میں بیک وقت 300 سے افراد نماز ادا کرسکیں گے۔ نگران کابینہ کا مزید کہنا تھا کہ بچوں کو قرآن پاک کی تعلیمات سے آراستہ کرنے کے لئے مدرسۃ المدینہ کا بھی آغاز ہوا۔

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ کےفرمان پر صوبہ پنجاب اورکراچی سمیت اندرون سندھ میں بارش اورسیلاب سےہونےوالے نقصانات کے بعددعوت اسلامی ویلفیئر کےتحت امدادی کاموں کا سلسلہ جاری ہے۔

تفصیلات:

پنجاب کے شہر بھلوال کے اطراف میں سیلاب سے متاثرہ علاقوں میں عاشقان رسول میں راشن تقسیم کیاگیا۔رکن شوریٰ حاجی محمد رفیع عطاری، رکن شوریٰ حاجی جنیدعطاری مدنی اور رکن شوریٰ حاجی عقیل عطاری مدنی نے ویلفیئر کے اسلامی بھائیوں کےہمراہ متاثرین میں راشن تقسیم کیا۔ متاثرین نے دعوت اسلامی کی کاوشوں کو سراہا ۔

اسی طرح ہیڈمحمدوالابستی پپلی والا مظفر گڑھ پنجاب میں سیلاب سے متاثرہ افراد میں امدادی کاموں کا سلسلہ ہوا۔ دعوت اسلامی ویلفیئر کے ذمہ داران نے سیلابی علاقوں میں گھر گھر جاکر راشن تقسیم کیا۔ ذمہ دار اسلامی بھائیوں نے متاثرین میں نیکی کی دعوت بھی عام کی اور بچوں کو دینی تعلیم سے آراستہ کرنے کا ذہن بھی دیا۔ جس پر متاثرین نے اپنی نیک خواہشات کااظہار کرتے ہوئے دعوت اسلامی ویلفیئر کا شکریہ ادا کیا۔

کراچی کے علاقے ملیر میمن گوٹھ میں بھی دعوت اسلامی ویلفیئر کی جانب سے متاثرین میں پکا ہوا کھانا اور پانی کی تقسیم کا سلسلہ جاری ہے۔ ذمہ دار اسلامی بھائیوں نے متاثرین کی مشکلات کو دیکھتے ہوئے کھانے کے ساتھ ناشتے کی بھی ترکیب کی۔ اس سلسلے میں پاپے،بسکٹ، چینی،پتی اورخشک دودھ کے پیکٹ بناکر تقسیم کیا گیا۔

دعوت اسلامی یلفیئر کی جانب سے سندھ کے ہی شہرجوہی میں بھی پکا ہوا کھانا اور پانی تقسیم کیاگیا نیز نگران لاڑکانہ زون نےدیگر ذمہ داروں کے ہمراہ اندرون سندھ جوہی کے علاقے واہی باندی میں سیلاب سے مکمل طور پر گرجانے والے گھروں کا سروے کیا جبکہ عالمی مدنی مرکز فیضان مدینہ کراچی سے سندھ کے شہر میرپورساکرو میں سیلاب متاثرین میں راشن تقسیم کے سلسلے میں ایک راشن سے بھری گاڑی بھی روانہ کی گئی۔

دعو ت اسلامی کے تحت 7ستمبر 2020ء بروز پیر لاہور ریجن میں 535مقامات پر سحری اجتماعات کا انعقاد کیا گیا جن میں 2706 عاشقانِ رسول نے شرکت کی۔ اس موقع پرمبلغین دعوت اسلامی نے سنّتوں بھرے بیانات کئے۔ اجتماع کے اختتام عاشقان رسول نے نماز تہجد بھی اداکی۔

ہل ٹاؤن نزد عوامی چوک، منظور کالونی کراچی میں18 ستمبر 2020ءبروز جمعۃ المبارک بعد نماز عشاء افتتاحِ مسجد فیضان اعلیٰ حضرت رحمۃ اللہ علیہ اور مولانا عبد الحبیب عطاری کے والد مرحوم حاجی یعقوب گنگ کے ایصالِ ثواب کے لئے سنتوں بھرے اجتماع کا انعقاد کیا جائیگا۔ اس اجتماع پاک میں خصوصی بیان مرکزی مجلس شوریٰ کے رکن مولاناحاجی عبد الحبیب عطاری فرمائیں گے۔

تمام عاشقان رسول سے اس اجتماع پاک میں شرکت کرنے کی درخواست ہے۔

(کراچی اسٹاف رپورٹر) دعوتِ اسلامی کے زیر اہتمام ہر جمعرات کو ہفتہ وار سنتوں بھرے اجتماع کا انعقاد کیا جاتا ہے۔

اسی سلسلے میں آج بروز جمعرات رات 9:30 بجے مدنی مرکز فیضان مدینہ فیصل آباد میں ہفتہ وارسنتوں بھرے اجتماع کا انعقاد کیا جائے گا جس میں نگران پاکستان انتظامی کابینہ حاجی محمد شاہد عطاری ”حضرت بلال حبشی رضی اللہ عنہ کی اعلیٰ صفات“ کے موضوع پر سنتوں بھرا بیان فرمائیں گے۔واضح رہے کہ یہ اجتماع مدنی چینل پر براہ راست نشر کیا جائیگا۔

تمام عاشقان رسولSocial distanceکا خیال رکھتے ہوئے اس اجتماع پاک میں ضرور شرکت کریں۔

حالیہ بارشوں میں جہاں مختلف علاقے تباہی کے زد میں آگئے وہیں کراچی کے علاقے لانڈھی، کورنگی،ملیر اور نشتر بستی  میں بھی شدید نقصان ہوا۔ ان علاقوں میں کثیر مکانات گرنےکے ساتھ ساتھ کئی لوگو ں کو موت نے آغوش میں لے لیا۔

دعوت اسلامی کی مجلس ویلفیئر کے تحت اراکین شوریٰ حاجی محمد امین عطاری، حاجی محمد علی عطاری، سید لقمان عطاری اور حاجی امین قافلہ عطاری نے مختلف ذمہ داران کے ہمراہ اس علاقے کا دورہ کیا اور پریشان زدہ لوگوں سے غمخواری کی۔ مجلس ویلفیئر کی جانب سے مقامی لوگوں میں پکے ہوئے کھانے اور نقد رقم بھی تقسیم کیا گیا۔