عاشقانِ رسول کی دینی تحریک دعوتِ اسلامی کے تحت 14 اگست 2023ء بروز پیر کینٹربری کونسل نگران اور شعبہ مشاورتوں کی اسلامی بہنوں کا مدنی مشورہ ہوا۔

دورانِ مدنی مشورہ کابینہ سطح پر طے کئے جانے والے ماہانہ مدنی پھولوں، یومِ دعوتِ اسلامی کے متعلق مدنی پھولوں اور ربیع الاول کے اہداف پر کلام کیا۔

ذمہ دار اسلامی بہنوں نےکونسل میں دعوتِ اسلامی کے تحت نئے مدرسۃ المدینہ گرلز کھولنے، کفن دفن ٹیسٹ ، مسائلِ نماز ٹیسٹ اور اذکارِ نماز ٹیسٹ کے حوالے سے تبادلۂ خیال کیا۔

10 اگست 2023ء بروز جمعرات ریجن سطح کی مختلف شعبہ مشاورت اسلامی بہنوں کا مدنی مشورہ ہوا جس میں شعبہ مدرسۃ المدینہ بالغات، شعبہ اصلاحِ اعمال للبنات اور فنانس ڈیپارٹمنٹ  للبنات کی ذمہ داران شریک ہوئیں۔

تفصیلات کے مطابق شعبہ مدرسۃ المدینہ بالغات کی ذمہ دار اسلامی بہن نے ابتداءً اپنے شعبے کے تحت ہونے والے دینی کاموں کے متعلق گفتگو کی جس میں انہوں نے ریجن سطح پرون ڈے لرننگ سیشن کا انعقاد کرنےکے حوالے سے مشاورت کی نیز سیشن کے لئے جگہ، ٹائمنگ، شیڈول اور فوڈ ڈسٹریبیوشن کے متعلق تبادلۂ خیال کیا۔

بعدازاں شعبہ اصلاحِ اعمال للبنات کی ذمہ دار اسلامی بہن نے ہر ہر اسٹیٹ میں اسلامی بہنوں کے درمیان اصلاحِ اعمال سیشن منعقد کرنے جبکہ آسٹریلیا ریجن کی تمام اسٹیٹس میں ذریعہ انٹرنیٹ سیشن کروانے کی ترغیب دلائی۔علاوہ ازیں ذمہ دا ر اسلامی بہنوں نے جن اسٹیٹ پر تقرر نہیں ہے اُن اسٹیٹ پر تقرری کرنے کے متعلق شرکا کی ذہن سازی کی۔

10 اگست 2023ء بروز جمعرات دعوتِ اسلامی کے زیرِ اہتمام میٹنگ ہوئی جس میں نگرانِ اسٹیٹ اور نگرانِ کاؤنسل اسلامی بہنوں سمیت دیگر ذمہ داران نے شرکت کی۔

مدنی مشورے کی ابتدا میں مبلغۂ دعوتِ اسلامی نے نگران اسلامی بہنوں سے مختلف امور پر گفتگو کرتے ہوئے ”مدنی پھول برائے یومِ دعوتِ اسلامی“ کے حوالے سے کلام کیا جس پر تمام ذمہ داران نے اپنی اپنی رائے پیش کی۔

دعوتِ اسلامی  کے تحت ساؤتھ کوریا کے شہر کمہے کی مارکیٹ میں قائم ایک ریسٹورنٹ میں سنتوں بھرا اجتماع منعقد ہوا جس میں ریسٹورنٹ کے عملے سمیت دیگر قریبی دکانداروں نے شرکت کی ۔

اس موقع پر رُکن شوریٰ حاجی محمد امین عطاری نے’’ مسلمان بھائی کی خیر خواہی‘‘ کے موضوع پر سنتوں بھرا بیان فرمایا اور نیکی کی دعوت دیتے ہوئے شرکا کو دعوت اسلامی کے دینی ماحول سے وابستہ ہونے اور ہفتہ وار سنتوں بھرے اجتماع میں شرکت کرنے کا ذہن دیا جس پر سامعین نے اچھی اچھی نیتیں کیں ۔ (کانٹینٹ:رمضان رضا عطاری) 

دعوتِ  اسلامی کے تحت ساؤتھ کوریا کے شہر تھیگو کے علاقے نونگ کونگ میں سیکھنے سکھانے کے حلقے کا ا نعقاد کیا گیا جس میں مقامی لوگوں نے شرکت کی ۔

مرکزی مجلسِ شوریٰ کے رُکن حاجی محمد امین عطاری نے ’’اللہ پاک جو کرتا ہے بہتر فرماتا ہے ‘‘ کے موضوع پر بیان کیا جس میں شرکا کو نعمتوں پر شکر کرنے اور مشکلات پر صبر کرنے کا ذہن دیا ۔ بعدازاں حاضرین کو سلسلہ عالیہ قادریہ عطاریہ میں بیعت بھی کروایا۔ ( کانٹینٹ:رمضان رضا عطاری)

عاشقانِ رسول کی  دینی تحریک دعوتِ اسلامی کی طرف سے ساؤتھ کوریا کے شہر تھیگو کے علاقے بک بو میں مقامی اسلامی بھائی کے گھر میں سیکھنے سکھانے کے حلقے کا انعقاد ہوا جس میں قرب و جوار کے عاشقانِ رسول نے شرکت کی ۔

مرکزی مجلس ِ شوریٰ کے رُکن حاجی محمد امین عطاری نے ’’ اپنے آپ کو گناہوں بھرے ماحول سے کیسے بچایا جائے‘‘ کے موضوع پر بیان کیا اور شرکا کو ہفتہ و ار اجتماع میں شرکت کرنے اور مدنی مذاکرہ دیکھنے کی ترغیب دلائی جس پر انہوں نے اچھی اچھی نیتوں کا اظہار کیا۔ (کانٹینٹ: رمضان رضا عطاری )

دعوتِ  اسلامی کے تحت ساؤتھ کوریا کے شہر انچن کی ایک فیکٹری میں سیکھنے سکھانے کے حلقے کا انعقاد ہوا جس میں بنگلادیشی اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ’’اللہ پاک کی شکرگزاری‘‘ کے موضوع پر بیان کیا جس میں اسلامی بھائیوں کو 12 دینی کاموں کے حوالے سے مدنی پھول دیئے اور آخر میں دعا ئے خیر کروائی۔ بعدازاں عاشقانِ رسول سے ملاقات بھی کی ۔ (کانٹینٹ: رمضان رضا عطاری )

21 اگست 2023ء بروز پیر دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے دورۂ آسٹریلیا کے دوران اوبرن شہر کے 7 ایورلی روڈ پر واقع دعوتِ اسلامی کے ذمہ داران کی کوشش سے حاصل کی گئی پراپرٹی کا وزٹ کیا۔

اس موقع پر دعوتِ اسلامی کے مقامی ذمہ دار اسلامی بھائی نے رکنِ شوریٰ مولانا حاجی عبد الحبیب عطاری کو پراپرٹی کے حوالے سے بریفنگ دی جبکہ رکنِ شوریٰ نے پراپرٹی کے مختلف حصوں کا جائزہ لیا اور چند اہم نکات پر گفتگو کی۔ (کانٹینٹ:غیاث الدین عطاری)

بیرونِ ملک  میں دینِ اسلام کی تعلیمات عام کرنے اور وہاں موجود لوگوں کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کے تحت 20 اگست 2023ء بروز اتوار سڈنی شہر، آسٹریلیا کی جامع مسجد لکیمبا(علی ابن ابو طالب مسجد) میں عظیم الشان اجتماع کا انعقاد ہوا جس میں مقامی لوگوں کی کثیر تعداد نے شرکت کی۔

اس اجتماعِ پاک کی ابتدا قراٰنِ کریم کی تلاوت سے کی گئی اور نعت خواں اسلامی بھائی نے پیارے آقا، مکی مدنی مصطفیٰ حضرت محمد صلی اللہ علیہ و سلم کی بارگاہ میں نعت شریف کا نذرانہ پیش کر کے لوگوں کے دلوں کو منور کیا۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا اور وہاں موجود لوگوں کو دینِ اسلام کی تعلیمات کے مطابق زندگی گزارنے کا ذہن دیا۔بعدِ اجتماع رکنِ شوریٰ مولانا حاجی عبد الحبیب عطاری نے رقت انگیز دعا کروائی۔ (کانٹینٹ:غیاث الدین عطاری)

نیوزی لینڈ شہر میں دعوتِ اسلامی کے تحت اسلامی بہنوں کے درمیان ہونے والے مختلف دینی ایکٹیویٹیز کے سلسلے میں 9 اگست 2023ء  بروز بدھ نیوزی لینڈ کی نگران اسلامی بہنوں کا مشورہ ہوا۔

نگران اسلامی بہن نے نیوزی لینڈ میں دعوتِ اسلامی کے تحت ہونے والے دینی کاموں کا جائزہ لیا اور دینی کاموں میں درپیش مسائل کا حل بتایا نیز شعبہ مکتبۃ المدینہ للبنات کی کارکردگی، اس کے بستوں، جامعۃ المدینہ گرلز کا آغاز کرنے،نیوزی لینڈ کے شہر آکلینڈ (Auckland)اور پامسٹرن نارتھ (Palmerston North) میں مزید دینی کام کس انداز میں بڑھائیں اس پر کلام کیا گیا۔

اس کے علاوہ نگران اسلامی بہن نے پامسٹرن نارتھ (Palmerston North) کی ایک خاص کمیونیٹی میں دینی کام کرنے ، مدرسۃ المدینہ بالغات میں اسلامی بہنوں کی تقرری کرنے اور ان کی کلاسوں میں تقرری کے حوالے سے مشاورت کی۔

آسٹریلیا کے سب سے بڑے شہر میلبرن میں دعوتِ اسلامی کے تحت اسلامی بہنوں کے درمیان ہونے والے مختلف دینی کاموں کے سلسلے میں 9 اگست 2023ء  بروز بدھ مدنی مشورہ ہوا۔

اس موقع پر مبلغۂ دعوتِ اسلامی نے میلبرن آسٹریلیا میں فیضانِ ویک اینڈ اسلامک اسکول کی تقرری اور فیضانِ ویک اینڈ اکیڈمی میں نیو ٹیچرز کی تقرری، شعبہ فیضانِ اسلام للبنات کی کارکردگی اور اس شعبے پر ذمہ دار کی تقرری کرنے کے حوالے سے ذمہ دار اسلامی بہنوں کی تربیت کی۔

بیرونِ ملک میں دینی کام کرنے والی  ذمہ دار اسلامی بہنوں سے دینی کاموں کا فالو اپ لینے اور اُن کی ذہن سازی کرنے کے لئے 07 اگست 2023ء بروز پیر اوبن یوکے (Oban, UK) کی نگران اسلامی بہن سمیت دیگر ذمہ داران کی میٹنگ ہوئی۔

نگرانِ اوبن یوکے اسلامی بہن نے ماہانہ مدنی مشورے کے مدنی پھولوں کے بارے میں کلام کرتے ہوئے جامعۃ المدینہ گرلز کے متعلق چند اہم امور پر گفتگو کی۔