دعوتِ اسلامی کے شعبہ تعلیم کے  تحت تنزانیہ میں پرائمری کے اسٹوڈنٹس کے درمیان ون ڈے سیشن کروایا گیا جس میں کنیز فاطمہ اور رائقہ کے اینیمیٹڈ ویڈیو کلپ کے ذریعے بچوں کو سکھایا گیا کہ جو چیز اپنے لئے پسند کریں گے وہی دوسرے کے لئے بھی پسند کرنی چاہئے۔

اس کے علاوہ اذان کے وقت خاموش ہو کر اذان کا جواب دینا چاہئے نیز کوئی گر جائے تو اس پر ہنسنا نہیں چاہئے اور اسی طرح کے مُختلف تربیتی مدنی پھول بچوں کو پیش کئے گئے ۔

بچوں کی ماؤں نے اسے پسند کیا اور اس خواہش کا اظہار کیا کہ اس طرح کے سیشنز بار بار ہونے چاہئے ۔ آخر میں بچوں سے ویڈیو کلپ کے حوالے سے سوالات بھی پوچھے گئے۔

دعوتِ اسلامی کے شعبہ دارالمدینہ  کے تحت گزشتہ دنوں بنگلہ دیش میں بذریعہ انٹر نیٹ مدنی مشورے کا انعقاد ہوا جس میں تمام ٹیچرز کی عالمی مجلس کی رکن اسلامی بہن نے تربیت کی۔

مدنی مشورے میں تربیت کے مدنی پھولوں میں دارالمدینہ کے اصل مقصد اور طالب علم کے معیار کو بہتر بنانے کے بارے میں اسٹاف کی ذہن سازی کی گئی۔ اس کے علاوہ اسٹاف کو خود بھی علم دین حاصل کرنے کی ترغیب دلائی اور ایک بہترین معلمہ بننے کے لئے کتاب سیرت مصطفیٰ ﷺ پڑھنے کی ترغیب دلائی۔ 

دعوتِ اسلامی کے شعبہ اصلاح اعمال  (اسلامی بہنیں)کے تحت 17 فروری 2022ء بروز جمعرات یورپین یونین میں بذریعہ انٹر نیٹ ماہانہ مدنی مشورہ ہوا جس میں( ناروے،آسٹریا ، اسپین ، ڈنمارک، فرانس، اٹلی اور بیلجئیم) کی ذمہ داراسلامی بہنوں نے شرکت کی۔

اصلاح اعمال پر مقرر رکن عالمی مجلس مشاورت ذمہ دار اسلامی بہن نے شعبے کے دینی کام کو بہتر بنانے سے متعلق مدنی پھول دیئے، اس کے ساتھ ساتھ ماتحت شعبہ مدنی مذاکرہ کی ماہانہ کارکردگی بڑھانے نیز اس کی وصولی کو سو فیصدمکمل بنانے پر ذہن بناتے ہوئے اس کے لئے معاون نکات بتائے۔ متعلقہ ذمہ داراسلامی بہنوں کی جانب سے ملنے سوالات کے جوابات دیئے۔ علاوہ ازیں شعبے کےدینی کام کو بڑھانے کے لئے اہداف دیئے ۔

دعوتِ اسلامی کے زیر اہتمام 19 فروری  2022ء کو سری لنکا ریجن کی ذمہ داراسلامی بہنوں کے مدنی مشورے کا انعقاد ہوا جس میں شعبہ علاقائی دورہ اور محفل نعت کی ذمہ دار اسلامی بہنوں نے شرکت کی۔

مجلس بین الاقوامی اُمور کی اسلامی بہن نے دینی کام میں ترقی کے مدنی پھول دئیے اور ہم ہمت اور استقامت کے ساتھ دینی کام کرتے رہیں اس کا ذہن دیا۔محفل نعت اور علاقائی دورہ کے ذریعے گھر گھر نیکی کی دعوت عام کرنے کی ترغیب دلائی جس پر اسلامی بہنوں نے شرکت کی۔

دعوتِ اسلامی کے شعبہ علاقائی دورہ اور محفل نعت  کےتحت 19فروری 2022 ءکوسینٹرل افریقہ ریجن میں مدنی مشورے کا انعقاد ہوا جس میں تنزانیہ کی ذمہ داراسلامی بہنوں نے شرکت کی۔

مجلس بین الاقوامی اُمور کی اسلامی بہن نے شعبہ علاقائی دورہ اور محفلِ نعت کی ذمہ دار اسلامی بہنوں کو دینی کاموں کے حوالے سے تر بیتی نکات بتائے نیز تقرری کے اہداف بھی دئیے۔

شعبہ تعلیم کے تحت  گزشتہ دنوں ساؤتھ افریقہ کےشہر ڈربن میں پانچ مختلف ٹاؤنز میں براہِ راست اور آن لائن سیشنز بنام The Great Daughterکا انعقاد کیا گیا جس میں 27 اسلامی بہنوں نے شرکت کی۔

اس سیشن میں اسلامی بہنوں کو بیٹی کے کردار کے حوالے سے اسلامی معلومات فراہم کیں جسے انہوں نے بہت پسند کیا اور اس خواہش کا اظہار کیا کہ اس طرح کے سیشنز مزید ہونے چاہیے۔ 

دعوت اسلامی کے  شعبہ تعلیم (اسلامی بہنیں) کے تحت ہند ، یوکےاور ساؤتھ افریقہ میں ہونے والے دینی کاموں کی مجموعی کارکردگی ملاحظہ ہو:

نئے اداروں جن میں دینی کاموں کا سلسلہ ہوا ان کی تعداد:841

اداروں میں ہونے والے ماہانہ درس کی تعداد: 135

اداروں میں ہونے والے ہفتہ وار درس کی تعداد: 41

اداروں میں لگنے والے اسلامی بہنوں کے مدرسۃ المدینہ کی تعداد:46

نیو دینی ماحول سے منسلک ہونے والی شخصیات اسلامی بہنوں کی تعداد:46

خُصوصی ہفتہ وار سنتوں بھرے اجتماعات کی تعداد:95

ان میں شرکت کرنے والی شخصیات اسلامی بہنوں کی تعداد:936

سلسلہ عالیہ قادریہ عطاریہ میں بیعت ہونے والی شخصیات اسلامی بہنوں کی تعداد:52

مدرسۃ المدینہ آن لائن ( اسلامی بہنیں) میں داخلہ لینے والی اسلامی بہنوں کی تعداد:52

وُصول کئے گئے نیک اعمال کے رسائل کی تعداد:592

سیکھنے سکھانے کے دینی حلقوں کی تعداد:87

ماہنامہ فیضان مدینہ( میگزین )کی بکنگ کروانے والی شخصیات اسلامی بہنوں کی تعداد:66

دعوتِ  اسلامی کے زیر اہتمام 11فروری 2022ء کو افریقن ریجن اور ساؤدرن ریجن نگران اسلامی بہنوں کا بذریعہ انٹر نیٹ مدنی مشورے کاانعقاد ہوا جس میں نگران عالمی مجلس مشاورت ذمہ دار اسلامی بہن نے اسلامی بہنوں کو ماہانہ کارکردگی اور کارکردگی شیڈول سے متعلق مدنی پھول دیئے۔

نیکی کی دعوت کو عام کرنے کے جذبے کے تحت دعوتِ اسلامی کا شعبہ ’’محبتیں بڑھاؤ‘‘ کے تحت جنوری 2022ء میں  ہونے والے دینی کاموں کی چند جھلکیاں ملاحظہ فرمائیے۔

ہفتہ وار سنتوں بھرے اجتماعات میں شرکت کرنے والی اسلامی بہنوں کی تعداد: 778

ہفتہ وار مدنی مذاکرہ سننے والی اسلامی بہنوں کی تعداد: 537

مدرسۃ المدینہ (اسلامی بہنیں) میں پڑھنے/پڑھانے والی والی اسلامی بہنوں کی تعداد: 143

شارٹ کورسز کرنے/کروانے والی اسلامی بہنوں کی تعداد: 237

ہفتہ وار رسالہ پڑھنے/ سننے والی اسلامی بہنوں کی تعداد: 618

وصول ہونے والے نیک اعمال کے رسائل کی تعداد:358

دعوتِ اسلامی کے زیر اہتمام 6فروری 2022ء  کو نگران عالمی مجلس مشاورت و شارٹ کورسز ذمہ دار اسلامی بہن نے عربی لینگویج کورسز ذمہ دار اسلامی بہنوں کامدنی مشورہ لیاجس میں عربی لینگویج کورس کا نصاب کیا ہوگا ؟ نیز مدرسات کی اہلیت کیا ہو ؟اس پر مشاورت ہوئی ۔

٭دوسری طرف صاحبزادیِ عطار و نگران عالمی مجلس مشاورت ذمہ دار اسلامی بہن نے ترکی کی شارٹ کورسز ذمہ داراسلامی بہنوں سے ملاقات کرتے ہوئے انہیں ترکش سیکھنے، شعبہ ذمہ دار بنانے پر نکات اور اس سے متعلق اہداف دیئے۔

دعوتِ اسلامی کی جانب سے  3فروری 2022 ء کو عالمی مجلس مشاورت کی نگران اسلامی بہن نے کینیڈا اور نارتھ امریکہ سمیت عالمی سطح کی اصلاحِ اعمال ذمہ داراسلامی بہنوں کا مدنی مشورہ لیا جس میں کینیڈا میں اصلاحِ اعمال ذمہ دار اسلامی بہنوں کی تقرریاں مکمل کرنے اوراصلاحِ اعمال اجتماعات منعقد کرنے کی ترغیب دلائی۔ 

دعوت اسلامی کے زیر اہتمام  1فروری 2022ء کو سینٹرل اینڈ ساؤتھ امریکہ کی ریجن نگران اسلامی بہن نے اپنی کابینہ ذمہ داراسلامی بہنوں کا مدنی مشورہ لیا جس میں ماہانہ کارکردگی کا جائزہ لیا ۔

مزید مقامی زبان اسپینش میں سنتوں بھرا اجتماع کرنے اور رجب کے مقدس مہینے کے پہلے ہفتے میں فیضانِ زکوٰۃ کورس کرنے کا ذہن دیا ۔ اس کے ساتھ ساتھ مزید نفلی روزے رکھ کر امیر اہلسنت دامت برکاتھم العالیہ کی دعاؤں سے حصہ پانے کی ترغیب دلائی نیز منسلک اسلامی بہنوں کی کارکردگی 100٪ سافٹ وئیر میں انٹر کرنے کا ذہن دیا ۔