پچھلے دنوں کونسلر اخلاق احمد (ہال گرین ، برمنگھم وارڈ)  نے فیضان مدینہ ، اسٹچفورڈ برمنگھم یوکے کا دورہ کیا جہاں یوکے مدنی قافلہ ذمہ دار عبدالحنان عطاری اور FGRF ویسٹ مڈلینڈز یوکے ذمہ دار محمد وسیم عطاری نے ان سے ملاقات کی اور انہیں دعوت اسلامی کے دینی، اصلاحی اور فلاحی کاموں کا ایک جائزہ پیش کیا۔ کونسلر اخلاق احمد کو مرکز میں قائم مختلف شعبہ جات کا دورہ بھی کروایا گیا۔

اس موقع پر کونسلر اخلاق احمد نے کہا کہ وہ مقامی ، قومی اور عالمی سطح پر ہونے والے دعوتِ اسلامی کے کاموں سے بہت متاثر ہیں۔ یہاں معاشرے میں مسائل سے نمٹنے کے لئے بھی خوب کام ہو رہا ہے۔ انہوں نے کہا کہ وہ آئندہ بھی دعوتِ اسلامی کے کاموں میں ممکنہ تعاون کریں گے۔ 

ویسٹ مڈلینڈ پولیس کی جانب سے انسپکٹر عامر عابد نے مدنی مرکز فیضان مدینہ اسٹچفورڈ یوکے کا دورہ کیاجہاں انہیں دعوت اسلامی کے دینی و فلاحی کاموں کا تعارف پیش کیا گیا۔انسپکٹر عامر عابد نے دعوت اسلامی کے ذریعے جرائم کو کم کرنے کے منصوبوں پر تبادلۂ خیال کیا جبکہ دعوت اسلامی کی جانب سے جرائم کو کم کرنے اور ہمارے معاشرے کو بہتر بنانے کی خدمات کو سراہا۔

نگران انڈونیشیا ریجن مولانا  غلام یاسین عطاری مدنی نے انڈونیشا کے شہر بندہ آچے میں یمن سے تشریف لائے ہوئے عالم دین حضرت مولانا الشیخ یاسر الشحیری العدلی الشافعی حفظہ اللہ سے ملاقات کی۔

نگران ریجن نے انہیں دعوت اسلامی کے مختلف شعبہ جات کا تعارف پیش کیا جبکہ عالمی سطح پر ہونے والے دینی و فلاحی کاموں کے حوالے سے بریفنگ بھی دی جس پر انہوں نے دینِ متین کے لئے ہونے والی خدمات کو سراہا اور مثبت تاثرات کا اظہار کیا۔

دعوت اسلامی کے زیر اہتمام 15 جون 2021ء کو شعبہ جامعۃالمدینہ کے تحت انگلینڈ میں ٹریننگ سیشن کا سلسلہ ہوا جس میں انگلینڈ کے مختلف شہروں میں قائم جامعۃ المدینہ اسٹوڈنٹس نے بذریعہ زوم شرکت کی۔

نگران شعبہ پروفیشنلز و موٹیویشنل اسپیکر محمد ثوبان عطاری نے ” Self confidence “ کے موضوع پر گفتگو فرمائی۔

پچھلے دنوں برمنگھم سٹی کونسل کے سابق معاون رہنما انصر علی خان نے دعوت اسلامی کے مدنی مرکز فیضان مدینہ اسٹچفورڈ برمنگھم کا دورہ کیا جہاں انہیں دینی کاموں کا تعارف، حالیہ دنوں میں ہونے والے دینی و فلاحی کام اور آئندہ کے منصوبوں پر بریفنگ دی گئی۔

انصر علی خان نے دعوت اسلامی کی خدمات کو سراہا اور نہایت خوشی کا اظہار کرتے ہوئے مکمل تعاون کی یقین دہانی کروائی۔ اس موقع پر سابق برمنگھم سٹی کونسل کا کہناتھا کہ میری ایک خواہش تھی کہ برمنگھم میں ایسا دینی ادارہ قائم ہو جو معاشرتی اعتبار سے مؤثر خدمات سرانجام دے،اَلْحَمْدُ لِلّٰہ اس خواہش کو دعوت اسلامی پورا کررہی ہے ۔ 

4جون 2021ء کو دعوت اسلامی کے مدنی مرکز فیضان مدینہ مڈلینڈ برطانیہ میں سنتوں بھرا اجتماع ہوا جس میں مقامی اسلامی بھائیوں نے شرکت کی۔

مبلغ دعوت اسلامی نے ”کاؤنٹی الائنز اور منشیات رنر“ کےموضوع پر گفتگو کرتے ہوئے مقامی برادریوں کو ایک سنگین مسئلے کے متعلق شعور اجاگر کیاجس میں انہیں بتایا گیا کہ کس نوجوان اورکمزور بچوں کو منشیات اسٹور / ٹرانسپورٹ کرنے کے لئے استعمال کیا جاتا ہے۔

مبلغ دعوت اسلامی نے مزید کہا کہ مجرموں کے ذریعہ 8 سال سے کم عمر کے بچوں کو منشیات لے جانے کے لئے رابطہ کیا جارہا ہے جس کی وجہ سے بچوں کے اہلِ خانہ پر منفی اثرات مرتب ہورہے ہیں۔مبلغ دعوت اسلامی نے حقیقی زندگی کے نقصان دہ واقعات کا تذکرہ کیا اور قرآن مجید کے متعدد نکات بیان کرتے ہوئے حدیث پاک بیان کی۔

بیان کے اختتام پر والدین اور سرپرستوں کو اس بات سے آگاہ کرنے کے لئے متعدد نشانات بتائے گئے کہ انہیں اپنے بچوں میں کیا تلاش کرنے کی ضرورت ہے جو اس قسم کے جرائم میں ملوث ہوسکتے ہیں اور اس طرح کی پریشان کن مجرمانہ سرگرمیوں سے کیسے بچا جائے۔

یوکے میں لاک ڈاؤن کی صورتحال ختم ہونے کے بعد 15 ماہ کے بعد 5جون 2021ء کو دعوت اسلامی کا مدنی قافلہ والسال برطانیہ  سے فیضان مدینہ برسٹل یوکے پہنچا جس میں ذمہ داران دعوت اسلامی اور دیگر عاشقان رسول نے شرکت کی۔

شرکائے قافلہ نے برسٹل میں مدنی قافلے کے شیڈول پر عمل کرتے ہوئے مقامی اسلامی بھائیوں کو نیکی کی دعوت پیش کی۔