27جنوری 2021ء کو دعوت اسلامی کے مدنی چینل بنگلہ کے مبلغ محمد ساجد عطاری (نگران زون کاکس بازار) رضائے الہی سے انتقال کرگئے۔ اِنَّا لِلہِ وَاِنَّا اِلَیْہِ رٰجِعُوْن

رکن شوریٰ حاجی ابو ماجد محمد شاہد عطاری مدنی اور مجلس دعوت اسلامی کے شب و روز کے اراکین ان کے اہل خانہ سے تعزیت کرتے ہیں اور دعا گو ہیں کہ اللہ عَزَّوَجَلَّ ان کی بے حساب مغفرت فرمائے اور جنت الفردوس اعلیٰ مقام عطا فرمائے۔

دعوت اسلامی کے زیرا ہتمام 23جنوری 2021ء کو ویسٹ مڈلینڈز میں بذریعہ زوم مدنی مشورہ ہوا جس میں ویسٹ مڈلینڈز یوکے مشاورت کے اسلامی بھائیوں نےشرکت کی۔

نگران ریجن یوکے سید فضیل رضا عطاری نے شرکا کو 12 دینی کاموں کے حوالے سے متحرک ہونے کا ذہن دیا جبکہ اسلامی بھائیوں نے اپنے اپنے شعبے کی کارکردگی پیش کی۔

 دعوت اسلامی کے فلاحی ادارے F.G.R.Fویلفیئر کے زیر اہتمام 20جنوری 2021ء کو یوکے برمنگھم ریجن میں بذریعہ ویڈیو لنک مدنی مشورہ ہوا جس میں F.G.R.F ویلفیئر یوکے برمنگھم ریجن کے پروجیکٹس میں اسپانسر کرنے والے اسلامی بھائیوں نے شرکت کی۔

نگران ریجن برمنگھم سید فضیل رضا عطاری نے موجودہ منصوبوں کی پیشرفت اور Updateپر تبادلہ خیال کیا اور مزید منصوبے شروع کرنے کے حوالے سے گفتگو کرتے ہوئے انہیں تعاون کرنے کی ترغیب دلائی۔

دعوت اسلامی کے تحت 19 جنوری 2021ءکو ویلز کابینہ یوکے میں مدنی مشورہ ہوا جس میں نگران ریجن برمنگھم سید فضیل رضا عطاری اور ویلز کابینہ کے ذمہ داران نے شرکت کی۔

مدنی مشورے دعوت اسلامی کے دینی کاموں کے حوالے سے گفتگو ہوئی اور 12 دینی کاموں کو بڑھانے کا ذہن دیا گیا۔

دعوت اسلامی  کے زیر اہتمام ایسٹ مڈلینڈیوکے میں 16 جنوری 2021ءکو بذریعہ زوم مدنی مشورہ ہوا جس میں مڈلینڈ کے ذمہ دار اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے 12 دینی کاموں کے حوالے سے کارکردگی کا جائزہ لیا اور شرکا کو 12 دینی کاموں بڑھانے اور ان میں مزید بہتری پر کلام کیا۔

دعوتِ اسلامی کے زیرِ اہتمام آسٹریلیا کے شہر سڈنی میں اسلامی بھائیوں نے مدنی قافلے میں سفر کی سعادت  پائی اور سنتوں کی خوب خوب دھومیں مچائیں۔ان اسلامی بھائیوں کے درمیان مدنی حلقے بھی لگائے گئےجہاں درس و بیان کے ساتھ ساتھ مدنی قافلے کے مسافر عاشقان رسول کو سنتیں اور دعائیں بھی سکھائیں گئیں۔

اسی طرح اٹلی کے شہر Busto Arsizio میں بھی عاشقان رسول نے مدنی قافلے میں سفر کرنے کی سعادت حاصل کی جس میں نگران اٹلی کابینہ اور دیگر ذمہ داران بھی شامل تھے۔ دوران مدنی قافلہ سنتیں و آداب اور دعائیں سیکھنے اور سکھانے کا سلسلہ ہوا۔ نگران اٹلی کابینہ اور دیگر مبلغین دعوت اسلامی نے مدنی قافلے کے شرکا عاشقان رسول کو نیکی کی دعوت عام کرنے اور دعوت اسلامی کے 12 دینی کاموں کو مزید بہتر بنانے کے حوالے سے ذہن دیا۔

دعوت اسلامی کے زیر اہتمام لیسٹر برطانیہ میں دار المدینہ کے قیام کے لئے تعمیراتی کام جاری ہے۔

اسی سلسلے میں نگران برمنگھم یوکے ریجن سید فضیل رضا عطاری نے اس ادارے کا دورہ کیا اور وہاں جاری تعمیراتی کاموں کا جائزہ لیتے ہوئے کام کے متعلق اپڈیٹ حاصل کی۔

عاشقان رسول سے درخواست ہے کہ اس ادارے کےتعمیراتی کاموں میں بڑھ چڑھ کر حصہ لیں۔

تعاون کرنے کے لئے اس نمبر پر رابطہ کریں

447886023575+

مبلغ دعوت اسلامی کی انفرادی کوشش سے ساؤتھ افریقہ کے شہر کیپ ٹاؤن میں ایک غیر مسلم نے اسلام قبول کرلیا اور اپنے پچھلے مذہب سے توبہ بھی کی۔مبلغ دعوت اسلامی نے اس نو مسلم کا اسلامی نام ”محمد یوسف “رکھا جبکہ دینِ اسلام کے متعلق ضروری معلومات بھی فراہم کی گئیں۔

پچھلے دنوں دعوت اسلامی کے شعبہ رابطہ برائے شخصیات یوکے کے تحت مدنی مشورہ ہوا جس میں شعبہ رابطہ برائے شخصیات یوکے برمنگھم ریجن کے اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے شعبے کی کارکردگی کا جائزہ لیا اور یوکے کی شخصیات میں دینی کام کرنے کے حوالے سے گفتگو کی۔

دعوت اسلامی  کے تحت یوکے برمنگھم میں 30 دسمبر 2020ء کو شعبہ دار المدینہ کا مدنی مشورہ ہواجس میں دارالمدینہ یوکے برمنگھم ریجن کے اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے شعبے کے تعلیمی و انتظامی کارکردگی کا جائزہ لیا اور ان میں مزید بہتری لانے کے حوالے سے گفتگو کی۔ 

دعوت اسلامی کی مجلس جامعات المدینہ یوکے برمنگھم کے زیر اہتمام مدنی مشورہ ہوا جس میں جامعات المدینہ یوکے کے ذمہ داران نے شرکت کی۔

نگران ریجن برمنگھم یوکے سید فضیل رضا عطاری نےتعلیمی اور تنظیمی کارکردگی کا جائزہ لیا اور اس میں مزید بہتری لانے کے حوالے سے گفتگو کی۔

موزمبیق کے شہر ماپوتو میں پاک ٹاور بلڈنگ میں نیکی کی دعوت کا سلسلہ ہواجس میں مختلف شخصیات اور تاجر اسلامی بھائیوں نے شرکت کی۔نگران ساؤدرن افریقہ ریجن نے ”حقوق العباد“ کے موضوع پر سنتوں بھرا بیان کیا جبکہ اختتام پر صلوٰ ۃ و سلام بھی پڑھا گیا۔

اسی طرح نگران ساؤدرن افریقہ ریجن نے ماپوتو کے علاقےماتولا میں ایک شخصیت محمد رفیق کی رہائش گاہ جاکر ان کی عیادت کی اور ان کی جلد صحت یابی کے لئے دعائیں کیں۔

بعد ازاں اسی مقام پر تاجر اسلامی بھائیوں کے درمیان نیکی کی دعوت کا سلسلہ بھی ہوا جس میں نگران ساؤدرن افریقہ ریجن نے بسم اللہ کی فضیلت پر سنتوں بھرا بیان کیا۔