پچھلے دنوں  عالمی مدنی مرکز فیضانِ مدینہ کراچی میں دعوت اسلامی کے شعبہ حج و عمرہ کراچی سٹی کے ذمہ داران کے مدنی مشورے کا انعقاد کیا گیا جس میں مجلس فیضان مدینہ ،مجلس مدنی چینل،مجلس حفاظتی امور اورمجلس حج و عمرہ کے اراکین شریک ہوئے۔

مدنی مشورے میں ڈویژن نگران رضا عطاری ( ناظم آباد )نے 6 اگست 2023ء بروز اتوار کو فیضانِ مدینہ کراچی میں ہونے والے رواں سال 2023ء میں حجِ بیت اللہ کی سعادت حاصل کرنے والے حاجیوں کے لئے ہونے والے ’’استقبالِ حجاج اجتماع‘‘ کی تیاریوں سے متعلق اہم امور پر اسلامی بھائیوں سے تبادلۂ خیال کیا اور باہمی مشاورت سے مدنی پھول طے کئے ۔(رپورٹ: تسلیم رضا مجلس حج و عمرہ کراچی سٹی،کانٹینٹ: رمضان رضا عطاری)

رواں سال 2023ء میں حجِ بیت اللہ کی سعادت حاصل کرنے والے حاجیوں کے لئے عاشقانِ رسول کی دینی تحریک دعوتِ اسلامی کے تحت 6 اگست 2023ء بروز اتوار استقبالِ حجاج اجتماع کا انعقاد کیا جائے گا۔

معلومات کے مطابق یہ اجتماعِ پاک دعوتِ اسلامی کے عالمی مدنی مرکز فیضانِ مدینہ کراچی میں بعد نمازِ عشا رات تقریباً 9:00 شروع کیا جائے جس کا آغاز تلاوتِ قراٰنِ پاک اور نعت شریف سے ہو گا۔

تلاوت و نعت کے بعد بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہاجتماع میں شریک حجاج سمیت دیگر عاشقانِ رسول کی دینی، اخلاقی، شرعی اور تنظیمی اعتبار سے تربیت فرمائیں گے۔

دعوتِ اسلامی کے شعبہ حج و عمرہ کراچی سٹی کے زیرِا ہتمام کریم آباد کراچی پر واقع Orchid banquet میں پرائیویٹ کاروان کے ذریعے حج کی سعادت حاصل کرنے والے زائرین کے لئے حج تربیتی اجتماع کا انعقاد کیا گیا۔

ابتداءً مبلغِ دعوتِ اسلامی عابد عطاری نے اجتماع میں شریک اسلامی بھائیوں کو احرام باندھنے، عمرہ کرنے کا طریقہ اور اس کی چند ضروری احتیاطیں بتائیں۔

پچھلے دنوں دعوتِ اسلامی کے تحت فتح جنگ میں قائم مستقل حج و عمرہ تربیت گاہ میں حج تربیتی نشست کا انعقاد ہوا جس میں  ڈسٹرکٹ ذمہ دار نے عازمین حج کو مناسک حج سکھائے نیز حاضری مدینہ کے آداب بتائے اور کتاب رفیق الحرمین تحفے میں پیش کی۔ (رپورٹ:مبشر حسن عطاری مجلس حج و عمرہ ڈسٹرکٹ اٹک،کانٹینٹ:رمضان رضا عطاری)

14 مئی 2023ء  بروز اتوار بہادر آباد چار مینار چورنگی پر قائم سیلانی انٹرنیشنل ٹرسٹ کے تحت اس سال گورنمنٹ سطح سے سفر حج کی سعادت حاصل کرنے والے عازمین حج کے لئے تربیتی اجتماع ہوا۔

اس تربیتی اجتماع میں رکن شوریٰ حاجی سید ابراہیم عطاری نے شرکا کو حج و عمرہ کے فرائض اور واجبات سمجھائےنیز مکہ مکرمہ و مدینہ منورہ زادہما اللہ شرفا و تعظیما میں حاضری کے آداب نیز اپنے قیمتی لمحات میں زیادہ سے زیادہ نیکی کرنے کے طریقے و اوراد و وظائف بھی بتائے۔

اس کے علاوہ نگران شعبہ حج و عمرہ کراچی سٹی قاری محمد تسلیم رضا خان عطاری نے عازمین سفر حج کو احرام باندھنے کا عملی طریقہ بتایا اور اسکے ساتھ ساتھ حج و عمرہ کے دیگر احکامات بھی بیان کئے ۔

آخر میں عازمین حج کو رفیق الحرمین/ حج کے 30 واجبات اور عاشقانِ رسول کی 130 حکایات پر مشتمل مکتبۃ المدینہ کی مطبوعہ کتابیں تقسیم کی گئیں جبکہ خواتین کے لیے الگ سے پردے کا انتظام بھی کیا گیا تھا۔(کانٹینٹ:رمضان رضا عطاری)

3 مئی2023ء بروزبدھ بہاولپورمیں قائم  قائد اعظم میڈیکل آڈیٹوریم ہال میں حاجیوں کے لئے حج ٹرینگ سیشن کا سلسلہ ہواجس میں ملتان وزارت مذہبی امور کے ڈائریکٹر ریحان عباس کھوکھر ، PRO عمر سلیم، ڈسٹرکٹ مذہبی امور سمیت 626 حاجیوں کی شرکت ہوئی۔

مبلغ دعوت اسلامی حاجی مسعود عطاری نے حج کی سعادت حاصل کرنےوالےحجاج کرام کی تربیت کرتے ہوئے انھیں حج کرنے کے فضائل اور مسائل سمجھائے ۔( کانٹینٹ: رمضان رضا عطاری)

وزارت حج گورنمنٹ آف پاکستان کیجانب سے5 مئی 2023ء کو ضلع کونسل ہال لودھراں میں اس سال حج کی سعادت حاصل کرنےوالےحجاج کرام کی تربیت کااہتمام کیاگیا۔

اس موقع پر دعوت اسلامی کےشعبہ حج وعمرہ کےڈویژنل ذمہ دارحاجی سلیم عطاری نےحجاج کی تربیت کی،تربیتی سیشن میں حج منسٹری کےافسران،اسسٹنٹ کمشنرمیاں محمداشرف صالح،دعوت اسلامی شعبہ حج وعمرہ کےڈسٹرکٹ ذمہ دارقاری محمداسماعیل عطاری نے بھی شرکت کی۔(رپورٹ : شعبہ حج وعمرہ دعوت اسلامی لودہراں،کانٹینٹ:رمضان رضا عطاری)

مجلس حج و عمرہ  دعوتِ اسلامی کے ذمہ داران نے بیت الحجاج سلطان آباد کراچی میں قائم حاجی کیمپ کا دورہ کیا جہاں ڈائریکٹر حاجی کیمپ سجاد حیدر اور اسسٹنٹ ڈائریکٹر گلزار سومروسمیت دیگر اسٹاف سے ملاقات کی۔

دورانِ ملاقات ذمہ داران نے اتھارٹی پرسنز کو ملک و بیرون ملک میں دعوت اسلامی کی جانب سے کئے جانے والے دینی و امدادی کاموں پر مشتمل ڈاکیو منٹری دکھائی نیز انھیں عالمی مدنی مرکز فیضان مدینہ کا وزٹ کرنے اور یہاں ہونے والے مدنی مذاکرے میں شرکت کرنے کی دعوت جس پر انہوں نے دعوت اسلامی کے دینی کاموں کو سراہتے ہوئے مدنی مرکز آنے کی اچھی نیت کا اظہار کیا۔آخر میں اسلامی بھائیوں نے شخصیات کو مکتبۃ المدینہ کی مطبوعہ کتب و رسائل کے تحائف بھی پیش کئے ۔( رپورٹ :تسلیم رضاعطاری،کانٹینٹ: رمضان رضا عطاری)

تحصیل ٹھل ڈسٹرکٹ جیکب آباد کے قصبے گڑھی حسن میں عاشقانِ رسول کی دینی تحریک دعوتِ اسلامی کے تحت پچھلے دنوں عمرہ تربیتی اجتماع منعقد ہوا جس میں مقامی اسلامی بھائیوں نے شرکت کی۔

اس موقع پر شعبہ حج و عمرہ دعوتِ اسلامی کے ٹرینر حاجی عبد الرزاق عطاری نے وہاں موجود اسلامی بھائیوں کو عمرہ کرنے کا طریقہ اور اس کے چند ضروری مسائل سکھائے نیز انہیں احرام باندھنے کا پریکٹیکل کرکےبھی بتایا۔(رپورٹ: قاری عرفان عطاری ، کانٹینٹ:غیاث الدین عطاری)

شعبہ حج وعمرہ دعوتِ اسلامی  کی طرف سے 8 مارچ 2023ء بروز بدھ المدنی مسجد مفتی دالو (محلہ)شکارپور میں عمرہ ٹریننگ سیشن منعقد ہوا جس میں مقامی عمرہ زائرین نے شرکت کی۔

رکن شعبہ حج وعمرہ عبدالرزاق عطاری نے شرکا کو احرام باندھنے کا عملی طریقہ بتایا، اس کے ساتھ ہی حج و عمرہ کے دیگر احکامات سمجھائے۔علاوہ ازیں حاضری مدینہ کے آداب بھی سکھائے اور شرکا کو امیر اہلِ سنت دامت بَرَکَاتُہمُ العالیہ کی کتاب ”رفیق المعتمرین“ تحفتاً پیش کی۔( کانٹینٹ:رمضان رضا عطاری)

26 فروری 2023 ء بروز اتوار شعبہ حج و عمرہ (دعوت اسلامی) کے تحت ڈیرہ مراد جمالی بلوچستان میں عمرہ تربیت مدنی حلقہ کا اہتمام کیا گیا ۔ جس  میں مقامی زائرین سمیت مولانا عطاء اللہ قادری اور حافظ محمد امین قادری نے شرکت کی۔

مدنی حلقے میں عبدالرزاق عطاری (رکن شعبہ حج وعمرہ ڈویژن لاڑکانہ پاکستان) نے شرکا کو احرام باندھنے کا عملی طریقہ بتایا اسکے ساتھ ساتھ حج و عمرہ کے دیگر احکامات بیان کئے ۔

ذمہ دار اسلامی بھائی نے اس موقع پر شعبہ حج وعمرہ کا تعارف بھی بیان کیا اور حاضرین میں ”رفیق المعتمرین “کتاب بھی تحفے میں پیش کی ۔(رپورٹ: رکن ڈویژن لاڑکانہ عبدالرزاق عطاری / کانٹینٹ : محمد مصطفیٰ انیس) 

دنیا بھر میں دعوت اسلامی تبلیغِ دین کے100 سے زائد شعبہ جات میں نیکی کی دعوت کی دھومیں مچانے میں مصروف ہے،انہی شعبہ جات میں سے ایک شعبہ ’’مجلسِ حج وعُمرہ‘‘ بھی ہے جو حج و عُمرہ کے لئے جانے والے اسلامی بھائیوں اور اسلامی بہنوں کی باقاعدہ تربیت  کرنے،اُنہیں بارگاہِ خداوندی اور بارگاہِ مصطفوی کے آداب اور ضروری مسائل سکھانے کے لئے قائم کی گئی ہے۔اس مجلس میں شامل تربیت یافتہ مبلّغین اسلامی بھائی ہر سال حج کے موسم بہار میں حاجی کیمپوں میں جاکر حاجیوں کی تربیت کرتے ہیں۔

اسی سلسلے میں 05 مارچ 2023ء بروز اتوار عالمی مدنی مرکز فیضان مدینہ کراچی میں شعبہ حج وعمرہ کے تحت ”عمرہ تربیتی اجتماع “ کا اہتمام کیا گیا ہے ۔ اس تربیتی اجتماع میں مرکزی مجلس شوریٰ کے رکن مولاناحاجی عبد الحبیب عطاری شرکا کو حج و عمرہ کے فرائض و واجبات سے آگاہ کرینگے نیز مکہ مکرمہ و مدینہ منورہ زادہما اللہ شرفا و تعظیما میں حاضری کے آداب اور اپنے قیمتی لمحات میں زیادہ سے زیادہ نیکی کرنے کے طریقے و اوراد و وظائف پر بھی گفتگو کرینگے ۔

یادرہے !یہ تربیتی اجتماع پاکستانی وقت کے مطابق دوپہر 02:30 بجے مدنی چینل پر لائیو بھی دکھایا جائے گا۔ (رپورٹ: شعبہ حج و عمرہ / کانٹینٹ : محمد مصطفیٰ انیس)