شعبہ مدنی کورسز دعوتِ اسلامی کے تحت 21،22،23 نومبر 2023 بروز منگل، بدھ اور جمعرات عالمی مدنی مرکز فیضان مدینہ کراچی میں پاکستان بھر سے آنے والے رہائشی مدنی کورسز کے معلمین کرام کا سنتوں بھرا اجتماع ہوا ۔

تفصیلات کے مطابق اجتماع کے تینوں دن نگرانِ مرکزی مجلس شوریٰ مولانا حاجی محمد عمران عطاری، اراکینِ شوریٰ مولانا حاجی محمد عقیل عطاری مدنی، حاجی فضیل رضا عطاری، حاجی محمد اطہر عطاری، حاجی سید لقمان عطاری، حاجی محمد امین عطاری، نگرانِ شعبہ مدنی چینل مولانا اسد عطاری مدنی ، رکنِ اسلامک ریسرچ سینٹر (المدینۃ العلمیۃ) مولانا محمد آصف عطاری مدنی ، نگران شعبہ مدنی کورسز قاری محمد سعید عطاری اور اراکینِ شعبہ(مولانا اعجازاحمدعطاری مدنی، مولانا محمداحمد سیالوی عطاری مدنی ، حافظ محمد اویس عطاری اور قاری محمد ندیم عطاری) نے مختلف تنظیمی و اصلاحی موضوعات پر شرکا کی تربیت و رہنمائی کی۔

علاوہ ازیں معلمین کو اپنی اسکلز ڈیویلپمنٹ مزید بہتر بنانے، زیادہ سے زیادہ مطالعہ کرنے اورآئندہ کے مدنی کورسز میں نمایاں کارکردگی لانے کا ذہن دیا۔ (رپورٹ: شعبہ مدنی کورسز، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں شعبہ مدنی کورسز کا مدنی مشورہ منعقد ہوا جس میں اراکین اور صوبائی ذمہ دار اسلامی بھائیوں نے شرکت کی۔

عاشقانِ رسول کی دینی تحریک دعوتِ اسلامی کے شعبہ مدنی کورسز کے تحت  سیلانی ویلفیئر انٹرنیشنل ٹرسٹ کے ہیڈ آفس کراچی میں چیئرمین مولانا بشیر فاروق قادری کے بیٹے مولانا مدنی رضا اور ٹریننگ ڈیپارٹمنٹ ٹیم کی شعبہ مدنی کورسز کے اراکین کے ساتھ میٹنگ ہوئی جس میں پاکستان و کراچی سطح کے ذمہ داران شریک تھے۔

میٹنگ کے دوران نگرانِ شعبہ قاری محمد سعید عطاری نے دعوتِ اسلامی کے تحت ہونے والے کورسز کا تعارف کروایا اور شعبے کی دینی خدمات پر بریفنگ دی نیز سیلانی ویلفیئر کے ورکرز، عملہ، وابستگان کو مدنی کورسز بالخصوص رہائشی فیضانِ نماز کورس،اصلاحِ اعمال کورس اور 12 دینی کام کورس کروانے کے حوالے سے چند اہم نکات پر مشاورت کی۔

میٹنگ میں طے شدہ مدنی پھولوں کے مطابق سیلانی ویلفیئر کے ورکرز کا رہائشی فیضانِ نماز کورس مدنی مرکز فیضان مدینہ صحرائےمدینہ ٹول پلازہ کراچی میں منعقد کیا جائے گا جبکہ ماہانہ کورسز پاکستان بھر کے مختلف مقامات پر ہوں گے ۔

اس موقع پر پاکستان وکراچی سٹی کے ذمہ داران محمدصابرعطاری، مولانا محمدحاشرعطاری مدنی، قاری محمد ندیم عطاری، حافظ محمد اویس عطاری اور مولانا محمداحمدسیالوی عطاری مدنی بھی موجود تھے ۔(رپورٹ:محمداحمدسیالوی عطاری رکن شعبہ مدنی کورسزواعتکاف، کانٹینٹ:غیاث الدین عطاری)

24 نومبر2023ء بروز جمعہ پتوکی کے اطراف گاؤں ھلہ Hallah میں ایک پرائیویٹ سکول (The Savvy School) میں شعبہ کورسز کے تحت اسٹوڈنٹس کے درمیان 07 دن کا فیضان نماز کورس کا اہتمام ہوا ۔

فیضان نماز کورس میں مبلغ دعوت اسلامی ساجد عطاری نے حاضرین کو نماز کے احکام سیکھاتے ہوئے نماز کا عملی طریقہ (پریکٹیکل) بھی سکھایا اس موقع پر نگران ڈسٹرکٹ مشاورت (قصور) محمد منہال عطاری نے بھی طلباء کی تربیت فرمائی اور کورس کرنے والے طلباء میں اسناد بھی پیش کیں ۔آخر میں ا سکول کے پرنسپل اور دیگر اساتذہ نے کورس مکمل ہونے پر اپنی نیک خواہشات کا اظہار کیا اور مدنی خبروں کو اپنے بھلےتاثرات بھی پیش کیے۔( رپورٹ:علی ریاض عطاری تحصیل ذمہ دار شعبہ سیکیورٹی ڈیپارٹمنٹ ،کانٹینٹ:شعیب شاہ عطاری)

 عاشقانِ رسول کی دینی تحریک دعوتِ اسلامی کے تحت 15 ستمبر 2023ء کو عالمی مدنی مرکز فیضانِ مدینہ کراچی میں 63 دن کے کورس کا آغاز ہوا جس کا اختتام 16 نومبر 2023ء کو ہوا۔

دورانِ کورس مختلف دینی ایکٹیویٹیز کا سلسلہ ہوا جن میں سیکھنے سکھانے کے حلقے لگانا، درس و بیان اور ہفتہ وار اجتماع میں شرکت کرنا،چوک درس دینا، علاقائی دورہ برائے نیکی کی دعوت میں شرکت کرنا، مدنی قافلے میں سفر کرنے کی نیت کرنا اور دعوتِ اسلامی کے 12 دینی کاموں میں بڑھ چڑھ کر حصہ لینا شامل تھا۔

علاوہ ازیں کورس میں شرکا کے درمیان ہونے والے دینی کاموں کی کارکردگی درج ذیل ہے:

٭شرکائے کورس نے 5 مرتبہ ختمِ قراٰن کیا٭دورانِ کورس تقریباً 4 لاکھ 23 ہزار مرتبہ دورودِ پاک پڑھا گیا٭700 درس و بیانات کئے گئے٭80 مقامات پر علاقائی دورہ برائے نیکی کی دعوت ہوئی جن میں تقریباً 780 عاشقانِ رسول شریک ہوئے ٭12 ماہ مدنی قافلے کے لئے 3 اسلامی بھائی٭مدرس کورس کے لئے 4 اسلامی بھائی٭قاعدہ و ناظرہ کورس کے لئے 8 اسلامی بھائی ٭اورجامعۃ المدینہ بوائز میں داخلہ لینے کے لئے 4 اسلامی بھائی تیار ہوئے جبکہ 18 اسلامی بھائیوں نے 3 دن کےلئے ہر ماہ مدنی قافلے میں سفر کرنے کی نیت کی۔

عاشقان رسول کی دینی تحریک  دعوت اسلامی کے تحت 16 نومبر 2023ء کو نگران تحصیل مشاورت محمد کاشف عطاری نے دوماٹی ٹھٹھہ میں زیرِ تعمیر مدرسۃ المدینہ بوائز کا دورہ کیا۔

اس موقع پر نگران تحصیل مشاورت نے وہاں ہونے والے تعمیراتی کاموں کاجائزہ لیا اور انہیں وقت پر مکمل کرنے اور اچھے مٹریل لگانے کا ذہن دیا نیز سارے کام شرعی اور تنظیمی اصول کےساتھ سر انجام دینے کی ترغیب دلائی جس پر ذمہ داران نے اچھے جذبات کا اظہار کیا۔ (کانٹینٹ:رمضان رضا عطاری)

15 نومبر 2023ء  کو تحصیل نگران محمد کاشف عطاری نے ٹھٹہ تحصیل میں قائم فیضان اسلامک اسکول سسٹم کیمپس کا دورہ کیا اور وہاں اسکول ایڈمن سے ملاقات کی ۔

دورانِ ملاقات تحصیل نگران محمد کاشف عطاری نے اسکول ایڈمن کو داخلے بڑھانے کے حوالے سے نکات بتائے اوراہداف دیئے جس پر انہوں نے عمل کرنے کی اچھی نیت کی ۔

واضح رہے کہ !اسکول میں دنیاوی تعلیمات کیساتھ دینی علوم بھی سکھائے جاتے ہیں جبکہ یہاں ہر ہفتے اسلامی بہنوں کا پردے میں رہتے ہوئے ہفتہ وار اجتماع بھی ہوتا ہے اور اسلامی بھائی ہر ہفتے اجتماعی مدنی مذاکرہ دیکھنے کی سعادت حاصل کرتے ہیں۔) کانٹینٹ:رمضان رضا عطاری )

مختلف کورسز کے ذریعے لوگوں کو دینی مسائل سکھانے والے دعوتِ اسلامی کے شعبہ مدنی کورسز کے تحت 5 نومبر 2023ء کو ملتان ڈویژن میں جزوقتی معلمین کے لئے ایک نشست منعقد ہوئی ۔

اس نشست میں جزوقتی معلمین کے پنجاب سطح کے ذمہ دار مولانا محمد ابوبکر عطاری مدنی نے شرکا کو شعبہ مدنی کورسز کی ایپلی کیشن کے بارے میں بتایا اور اُن کی دینی و اخلاقی اعتبار سے تربیت کی۔

ابن سینا اکیڈمی چوک شاہ عباس ملتان، پنجاب میں 6 نومبر 2023ء بروز پیر ہفتہ وار  مدنی کورس کا انعقاد کیا گیا جس میں اکیڈمی کے اسٹوڈنٹس سمیت اسٹاف کے دیگر اسلامی بھائیوں کی شرکت کی۔

تفصیلات کے مطابق پنجاب سطح کے ذمہ دارو معلم کورس مولانا محمد ابوبکر عطاری مدنی نے اسٹوڈنٹس کو غسل کورس کرواتے ہوئے غسل کے فرائض بتائے نیز سنت کے مطابق غسل کرنے پر شرکا کی تربیت کی اور انہیں غسل کے بارے میں چند اہم باتیں بتائیں۔

6 نومبر 2023ء بروز پیر اکیڈمک اسکول چوک شاہ عباس ملتان، پنجاب میں ہفتہ وار  مدنی کورس کا انعقاد کیا گیا جس میں اسکول کے اسٹوڈنٹس سمیت اسٹاف کے دیگر اسلامی بھائیوں نے شرکت کی۔

دورانِ کورس پنجاب سطح کے ذمہ دارو معلم کورس مولانا محمد ابوبکر عطاری مدنی نے اسٹوڈنٹس کو غسل کورس کروایا نیز سنت کے مطابق غسل کرنے پر شرکا کی تربیت اور انہیں غسل کے بارے میں چند اہم باتیں بتائیں۔

بعدازاں کورس میں شریک اسٹوڈنٹس نے اپنے سروں پر عمامہ شریف سجانے اور دعوتِ اسلامی کے ہفتہ وار سنتوں بھرے اجتماع میں شرکت کرنے کی نیتیں کیں۔(رپورٹ: شعبہ مدنی کورسز ، کانٹینٹ:غیاث الدین عطاری)

6 نومبر 2023ء بروز پیر شیخ منظور علی اینڈ کمپنی غلہ منڈی ملتان پنجاب میں ہفتہ وار  مدنی کورس کا انعقاد کیا گیا جس میں کمپنی کے منیجرز اور اسٹاف نے شرکت کی۔

اس کورس میں پنجاب سطح کے ذمہ دارو معلم کورس محمد ابوبکر عطاری مدنی نے نماز کی شرائط و فرائض اور واجبات کے بارے میں شرکا کی تربیت نیز انہیں شرائطِ نماز بھی یاد کروائی۔

بعدازاں کورس میں شریک منیجرز اور اسٹاف کے اسلامی بھائیوں نے فرض و شرائط اور واجبات کے مطابق درست طریقے سے نماز پڑھنے جبکہ مدرسۃ المدینہ بالغان میں بھی شرکت کرنے کی نیتیں کیں۔(رپورٹ: شعبہ مدنی کورسز ، کانٹینٹ:غیاث الدین عطاری)

پچھلے دنوں دعوتِ اسلامی کے تحت لاہور منصورہ مین بازار نزد برکت چوک اقبال ٹاؤن کے مختلف مقامات پر کورسز کا انعقاد کیا گیا جس میں مختلف اسکولوں کے اسٹوڈنٹس اور ملٹری کے ملازم سمیت دیگر عاشقانِ رسول شریک تھے۔

مبلغِ دعوتِ اسلامی نے شرکا کو وضو کورس، غسل کورس، طہارت کورس اور فیضانِ نماز کورس کروائے نیز انہیں دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ: محمد وقاص عطاری سب ٹاون ذمہ دار ، کانٹینٹ:غیاث الدین عطاری)