اللہ عزوجل نے حضرت یوسف علیہ السلام کو نبوت اور بادشاہت سے سرفراز فرمایا آپ علیہ السلام کو بہت سے علوم سے بھی سرفراز فرمایا اپ حسب و نسب دونوں میں بہت اعلی ہیں کہ خود بھی نبی ہیں اور ان کی تین پشتوں میں نبوت ہے کہ والد دادا اور پردادا تینوں منصب نبوت پر سرفراز تھے آپ خوابوں کی تعبیر کا علم بھی جانتے تھے اپ کی پاک دامنی کا عالم یہ ہے کہ خود رب غفار نے اپ کے پاک دامنی بیان فرمائی آپ نے کبھی سیر ہو کر نہیں کھایا اس لیے اس لیے نہ کھاتے کہ غریبوں کو بھول نہ جاؤں۔ آپ علیہ السلام کا مبارک تذکرہ قران پاک میں موجود ہے عمل کی نیت سے قرانی تذکرہ ملاحظہ فرمائیں۔ اللہ عز وجل کا آپ کو علم و حکمت عطا فرمانا :

آیت نمبر 1: وَ لَمَّا بَلَغَ اَشُدَّهٗۤ اٰتَیْنٰهُ حُكْمًا وَّ عِلْمًاؕ-وَ كَذٰلِكَ نَجْزِی الْمُحْسِنِیْنَ(22) ترجمہ کنز العرفان:اور جب یوسف بھرپور جوانی کی عمر کو پہنچے تو ہم نے اسے حکمت اور علم عطا فرمایا اور ہم نیکوں کو ایسا ہی صلہ دیتے ہیں۔

آیت نمبر:-2 : وَ رَاوَدَتْهُ الَّتِیْ هُوَ فِیْ بَیْتِهَا عَنْ نَّفْسِهٖ وَ غَلَّقَتِ الْاَبْوَابَ وَ قَالَتْ هَیْتَ لَكَؕ-قَالَ مَعَاذَ اللّٰهِ اِنَّهٗ رَبِّیْۤ اَحْسَنَ مَثْوَایَؕ-اِنَّهٗ لَا یُفْلِحُ الظّٰلِمُوْنَ(23) ترجمہ کنز العرفان: اور وہ جس عورت کے گھر میں تھے اس نے انہیں ان کے نفس کے خلاف پھسلانے کی کوشش کی اور سب دروازے بند کر دیے اور کہنے لگی اؤ یہ تم سے کہہ رہی ہوں یوسف نے جب جواب دیا ایسے کام سے اللہ کی پناہ بے شک وہ مجھے خریدنے والا شخص میری پرورش کرنے والا ہے اس نے مجھے اچھی طرح رکھا ہے بے شک زیادتی کرنے والے فلاح نہیں پاتے۔ (پارہ 12 سورہ یوسف ایت نمبر 23)

اللہ عزوجل کے پسندیدہ بندے: وَ لَقَدْ هَمَّتْ بِهٖۚ-وَ هَمَّ بِهَا لَوْ لَاۤ اَنْ رَّاٰ بُرْهَانَ رَبِّهٖؕ-كَذٰلِكَ لِنَصْرِفَ عَنْهُ السُّوْٓءَ وَ الْفَحْشَآءَؕ-اِنَّهٗ مِنْ عِبَادِنَا الْمُخْلَصِیْنَ(24) ترجمہ کنز العرفان: اور بے شک عورت نے یوسف کا ارادہ کیا اگر وہ اپنے رب کی دلیل نہ دیکھ لیتا تو وہ بھی عورت کا ارادہ کرتا ہم نے اسی طرح کیا تاکہ اس سے برائی اور بے حیائی کو پھیر دیں بے شک وہ ہمارے چنے ہوئے بندوں میں سے ہیں۔ (پارہ 12 سورہ یوسف ایت نمبر 24)

گناہ کی طرف مائل ہونے کے بجائے اپنے لیے قید خانے کو پسند کرنے والے: قَالَ رَبِّ السِّجْنُ اَحَبُّ اِلَیَّ مِمَّا یَدْعُوْنَنِیْۤ اِلَیْهِۚ-وَ اِلَّا تَصْرِفْ عَنِّیْ كَیْدَهُنَّ اَصْبُ اِلَیْهِنَّ وَ اَكُنْ مِّنَ الْجٰهِلِیْنَ(33) ترجمہ کنزو عرفان:-

یوسف نے عرض کی اے میرے رب مجھے اس کام کی بجائے قید خانہ پسند ہے جس کی طرف یہ مجھے بلا رہی ہے اور اگر تم مجھ سے ان کا مکر و فریب نہ پھیرے گا تو میں ان کی طرف مائل ہو جاؤں گا اور میں نہ دانوں میں سے ہو جاؤں گا۔ (پارہ12 سورہ یوسف ایت نمبر 33)

اللہ عزوجل کا آپ کو نبوت اور بادشاہت کی بشارت فرمانا: وَ كَذٰلِكَ یَجْتَبِیْكَ رَبُّكَ وَ یُعَلِّمُكَ مِنْ تَاْوِیْلِ الْاَحَادِیْثِ وَ یُتِمُّ نِعْمَتَهٗ عَلَیْكَ وَ عَلٰۤى اٰلِ یَعْقُوْبَ كَمَاۤ اَتَمَّهَا عَلٰۤى اَبَوَیْكَ مِنْ قَبْلُ اِبْرٰهِیْمَ وَ اِسْحٰقَؕ-اِنَّ رَبَّكَ عَلِیْمٌ حَكِیْمٌ(6) ترجمہ کنز العرفان : اور اسی طرح تیرا رب تمہیں منتخب فرمائے گا اور تجھے باتوں کا انجام نکالنا سکھائے گا اور تجھ پر اور یعقوب کے گھر والوں پر اپنا احسان مکمل فرمائے گا جس طرح اس نے پہلے تمہارے باپ دادا ابراہیم اور اسحاق پر اپنی نعمت مکمل فرمائی بے شک تیرا رب علم والا حکمت والا ہے ۔ (پارہ12 سورہ یوسف ایت نمبر6)

پیارے پیارے اسلامی بھائیو عورتوں کا آپ علیہ السلام کو اپنی طرف بلانا اور اپ کا ان کی طرف مائل نہ ہونا اور گناہوں سے دور رہنا اور اللہ عزوجل کی پناہ مانگنا بہت عظیم کام ہے اللہ پاک ہمیں بھی گناہوں سے دور رکھے اور ان کی طرف مائل نہ ہونے کی توفیق عطا فرمائے آمین بجاہ خاتم النبیین صلی اللہ تعالی علیہ وآلہ وصحبہ وبارک وسلم

اللہ تعالی نے بہت سے انبیاء کرام دنیا میں مبعوث فرمائے اور ان کو مختلف معجزات اور کمالات عطا فرمائے ان میں سے ایک اللہ تعالی کے نبی حضرت یوسف علیہ السلام بھی ہیں اللہ تعالی نے حضرت یوسف علیہ السلام کی شان اور اپ کی سیرت کے بارے میں قران کریم میں پوری ایک سورت نازل فرمائی تاکہ اپ کی سیرت میں جو حکمتیں ہیں ان پر غور و فکر کیا جا سکے اللہ تعالی قران مجید فرقان حمید میں ارشاد فرماتا ہے:

آیت: 1: اِذْ قَالَ یُوْسُفُ لِاَبِیْهِ یٰۤاَبَتِ اِنِّیْ رَاَیْتُ اَحَدَ عَشَرَ كَوْكَبًا وَّ الشَّمْسَ وَ الْقَمَرَ رَاَیْتُهُمْ لِیْ سٰجِدِیْنَ(4) ترجمہ کنز الایمان: یاد کرو جب یوسف نے اپنے باپ سے کہا اے میرے باپ میں نےگیارہ تارے اور سورج اور چاند دیکھے انہیں اپنے لیے سجدہ کرتے دیکھا۔ (پارہ 12 سورہ یوسف ایت نمبر4)

آیت نمبر2: وَ كَذٰلِكَ یَجْتَبِیْكَ رَبُّكَ وَ یُعَلِّمُكَ مِنْ تَاْوِیْلِ الْاَحَادِیْثِ وَ یُتِمُّ نِعْمَتَهٗ عَلَیْكَ وَ عَلٰۤى اٰلِ یَعْقُوْبَ كَمَاۤ اَتَمَّهَا عَلٰۤى اَبَوَیْكَ مِنْ قَبْلُ اِبْرٰهِیْمَ وَ اِسْحٰقَؕ-اِنَّ رَبَّكَ عَلِیْمٌ حَكِیْمٌ(6) ترجمہ کنزالعرفان: اور اسی طرح تیرا رب تمہیں منتخب فرمائے گا اور تجھے باتوں کا انجام نکالنا سکھائے گا اور تجھ پر اور یعقوب کے گھر والوں پر اپنا احسان مکمل فرمائے گا جس طرح اس نے پہلے تمہارے باپ دادا ابراہیم اور اسحاق پر اپنی نعمت مکمل فرمائی بے شک تیرا رب علم والا حکمت والا ہے ۔(پارہ 12 سورہ یوسف ایت نمبر6)

آیت نمبر3: لَقَدْ كَانَ فِیْ یُوْسُفَ وَ اِخْوَتِهٖۤ اٰیٰتٌ لِّلسَّآىٕلِیْنَ(7) ترجمہ کنزالایمان : بے شک یوسف اور اس کے بھائیوں اور پوچھنے والوں کے لیے نشانیاں ہیں۔(پارہ 12 یوسف آیت نمبر7)

آیت نمبر4:وَ لَمَّا بَلَغَ اَشُدَّهٗۤ اٰتَیْنٰهُ حُكْمًا وَّ عِلْمًاؕ-وَ كَذٰلِكَ نَجْزِی الْمُحْسِنِیْنَ(22) ترجمہ کنزالعرفان: اور جب یوسف بھرپور جوانی کی عمر کو پہنچے تو ہم نے اسے حکمت اور علم عطا فرمایا اور ہم نیکو کو ایسا ہی صلہ دیتے ہیں۔ (پارہ12 سورہ یوسف ایت نمبر 22)

آیت نمبر5:وَ لَقَدْ هَمَّتْ بِهٖۚ-وَ هَمَّ بِهَا لَوْ لَاۤ اَنْ رَّاٰ بُرْهَانَ رَبِّهٖؕ-كَذٰلِكَ لِنَصْرِفَ عَنْهُ السُّوْٓءَ وَ الْفَحْشَآءَؕ-اِنَّهٗ مِنْ عِبَادِنَا الْمُخْلَصِیْنَ(24) ترجمہ کنزالعرفان: اور بے شک عورت نے یوسف کا ارادہ کیا اگر وہ اپنے رب کی دلیل نہ دیکھ لیتا تو وہ بھی عورت کا ارادہ کرتا ہم نے اسی طرح کیا تاکہ اس سے برائی اور بے حیائی کو پھیر دیں بے شک وہ ہمارے چنے ہوئے بندوں میں سے ہے ۔ (پارہ 12 سورہ یوسف ایت نمبر 24)

انسانی فطرت کے اندار قدرتی طور پر یہ بات پائی جاتی ہے کہ وہ اپنے سے گزشتہ حالات کو پڑھ کر ، سن کر اور باقاعدہ حالاتِ حاضرہ کو دیکھ کر ، عبرت کے کئی ہزار نمونوں کو دیکھ کر اپنے اندر تبدیلیاں، نکھار کا پیدا ہوتا واضح دیکھتا ہے ۔ قرآن مجید میں ارشاد باری تعالیٰ ہے: نَحْنُ نَقُصُّ عَلَیْكَ اَحْسَنَ الْقَصَصِ ( پارہ 13، سورہ یوسف ، آیت نمبر 3)

اسی آیت کے تحت تفسیر صراط الجنان میں ہے کہ : ’’اے محبوب صلی اللہ تعالیٰ علیہ وآلہ وسلم ہم آپ کے سامنے سابقہ امتوں اور گزشتہ زمانوں کا سب سے اچھا واقعہ بیان کرتے ہیں جو کہ بہت سی عجیب و غریب حکمتوں اور عبرتوں پر مشتمل ہے اور اس میں دین و دنیا کے بہت فوائد ، بادشاہوں ، رعایا اور علماء کے اَحوال، عورتو ں کی عادات، دشمنوں کی ایذاؤں پر صبر اور ان پر قابو پانے کے بعد ان سے درگزر کرنے کا نفیس بیان ہے جس سے سننے والے میں نیک سیرت اور پاکیزہ خصلتیں پیدا ہوتی ہیں۔ قرآن مجید نے حضرت یوسف علیہ الصلٰوۃ والسلام کے مبارک واقع کو "احسن القصص " سے تعبیر فرمایا ہے ۔

آپ علیہ الصلٰوۃ والسلام کا نام مبارک یوسف ہے۔ آپ حسب و نسب دونوں میں بہت اعلی ہیں کہ خود بھی نبی ہیں اور ان کی تین پشتیں بھی نبوت سے سرفراز ہیں ۔ آپ کی مبارک حیات سے بہت کچھ سیکھنے کو ملتا ہے ، بھائیوں کی جناب سے پہنچنے والی آزمائش ، قید اور دیگر ازیتوں، پر صبر و ہمت و استقامت کا کیا ہی خوب سبق ملتا ہے ۔ بدلہ لینے پر قادر ہونے کے باوجود معاف کر دینا اور دین و دنیا کے بہت سے امور آپ کی مبارک حیات طیبہ سے سیکھنے کو ملتے ہیں ۔ آپ کو اللہ سبحان و تعالیٰ نے کئی اوصاف حمیدہ سے سرفراز فرمایا ۔ آئیے قرآن مجید فرقان حمید کی روشنی میں آپ کی مبارک صفات کے متعلق جانتے ہیں :

1: چنے ہوئے بندے : كَذٰلِكَ یَجْتَبِیْكَ رَبُّكَ ترجمہ کنزالایمان اور اسی طرح تجھے تیرا رب چن لے گا ( پارہ 13, سورہ یوسف ، آیت نمبر 6)

2: خوابوں کی تعبیر کا علم : وَ یُعَلِّمُكَ مِنْ تَاْوِیْلِ الْاَحَادِیْثِ ترجمہ کنزالایمان: اور تجھے باتوں کا انجام نکا لنا سکھائے گا ۔ (پارہ 13 ،سورہ یوسف ،ایت نمبر 6)

3: علم و حکمت والے : اٰتَیْنٰهُ حُكْمًا وَّ عِلْمًاؕ ترجمہ کنزالایمان: ہم نے اسے حکم اور علم عطا فرمائی (پارہ 13 ،سورہ یوسف ، آیت نمبر 22)

4،5: ہر برائی اور بے حیائی سے محفوظ ، چنے ہوئے بندے: كَذٰلِكَ لِنَصْرِفَ عَنْهُ السُّوْٓءَ وَ الْفَحْشَآءَؕ اِنَّهٗ مِنْ عِبَادِنَا الْمُخْلَصِیْن ترجمہ کنزالایمان: ہم نے یونہی کیا کہ اس سے برائی اور بے حیائی کو پھیر دیں،بیشک وہ ہمارے چنے ہوئے بندوں میں ہے۔ (پارہ 13, سورہ یوسف ، آیت نمبر 24)

6، 7: ملامت نہ کرنے والے، دعا دینے والے : قَالَ لَا تَثْرِیْبَ عَلَیْكُمُ الْیَوْمَؕ-یَغْفِرُ اللّٰهُ لَكُمْ٘ ترجمہ کنزالایمان: کہا آج تم پر کچھ ملامت نہیں اللہ تمہیں معاف کرے ( پارہ 13 ،سورہ یوسف، آیت نمبر 93)

اسی آیت کے تحت تفسیر صراط الجنان میں ہے کہ حضرت یوسف علیہ الصلٰوۃ والسلام کے بھائیوں کے متعلق آج کل لوگ باہمی دھوکا دہی میں  مثال کیلئے برادرانِ یوسف کا لفظ بہت زیادہ استعمال کرتے ہیں  اس سے اِحتراز کرنا لازم ہے ۔ برادرانِ یوسف کا ادب و احترام کرنے کا حکم ہے اور ان کی تَوہین سخت ممنوع و ناجائز ہے چنانچہ اعلیٰ حضرت امام احمدرضاخان نور اللہ مرقدہ فرماتے ہیں’’ان کی نسبت کلماتِ ناشائستہ لانا بہر حال حرام ہے " (تفسیر صراط الجنان پارہ 13 سورہ یوسف تحت آیت 92)

اللہ اکبر ۔ اللہ عزوجل کے جہاں آپ پر بے شمار انعامات ، و احسانات تھے وہی آپ کو اوصاف حمیدہ سے بھی نواز تھا ، سورہ یوسف کا مطالعہ کرنے سے معلوم ہوتا ہے کہ ہمیں بھی آزمائشوں و امتحانات میں صبر کا دامن تھامنا چاہیے ، ملامت وغیرہا سے گریز کرنا چاہیے ، احسان و شکر گزاری کا دامن تھامنا چاہیے اس سے اللہ عزوجل ہمیں اپنا قرب خاص عطا فرمائے گا ۔ سیرت کے مطالعہ قرآنِ پاک کے مطالعہ سے ہمیں جہاں واقعات کا مطالعہ میسر آتا ہے وہاں دین اور دنیا کے امور کو کس طرح احسن طریقے سے نبھایا جائے یہ بھی معلوم ہوتا ہے ۔ ہمیں بھی چاہیے کہ قرآن مجید فرقان حمید کو ترجمہ کنزالایمان اور عام فہم زبان پر مشتمل تفسیر صراط الجنان کا مطالعہ کریں اور اہل حق کی محبوب روش کو اپنائیں کہ اس میں ہر چیز کا روشن بیان ہے ۔

دعا ہے کہ اللہ تعالیٰ محبوب آقا کریم خاتم النبیین صلی اللہ تعالیٰ علیہ وآلہ وسلم کے صدقے وسیلہ سے ہمیں خوب اچھے اوصاف عطا فرمائے اور اہل حق کی خوب تعظیم کرنے اور ظاہری و باطنی بُرائیوں سے ہمیں اپنی پناہ عطا فرمائے آمین بجاہ خاتم النبیین صلی اللہ تعالیٰ علیہ وآلہ وسلم ۔

اللہ پاک نے انسانوں کی تخلیق فرمائی اور ان کی ہدایت و رہنمائی کے لئے وقتاً فوقتاً انبیا ورسل علیہمُ السّلام مبعوث فرمائے جنہوں نے انسانیت کو اللہ پاک کی بارگاہ میں سرنگوں کیا اور ان کے ظاہر و باطن کو ہر طرح کی آلودگیوں سے پاک فرمایا یہ سب اللہ پاک کے مقرب و معزز بندے تھے جن کا تذکرۂ خیر آنکھوں کی جِلا (روشنی) اور قلب و اذہان کی اصلاح کا باعث ہے۔ چنانچہ ان مبارک ہستیوں میں سے ایک حضرت یوسف علیہ السّلام بھی ہیں۔ ان کا تذکرۂ خیر پڑھئے اور قلوب و اذہان کو معطر کیجئے۔

مبارک نام:آپ علیہ السّلام کا مبارک نام یوسف ہے، حضرت یعقوب علیہ السّلام کے فرزند اور حضرت اسحاق علیہ السّلام کے پوتے ہیں۔ اللہ پاک نے آپ علیہ السّلام کو متعدد اوصاف و کمالات سے نوازا جن کا ذکر قراٰنِ کریم میں بھی فرمایا، آپ بھی چند اوصاف پڑھئے اور علم و عمل میں اضافہ کیجئے۔

(1) علم و حکمت عطا ہو نا:آپ علیہ السّلام کا ایک وصف یہ ہے کہ اللہ پاک نے آپ کو علم و حکمت اور دین کی فقاہت عطا فرمائی جیسا کہ اللہ پاک ارشاد فرماتا ہے:﴿ اٰتَیْنٰهُ حُكْمًا وَّ عِلْمًاؕ ﴾ ترجَمۂ کنزالایمان: ہم نے اسے حکم اور علم عطا فرمایا۔ (پ 12، یوسف: 22)

(2) خوابوں کی تعبیر کا علم : اللہ پاک نے آپ علیہ السّلام کو خوابوں کی تعبیر کا علم عطا فر مایا،آپ علیہ السّلام سے جب کبھی بھی خواب بیان کیا جاتا تو فوراً اس کی تعبیر بیان فرمادیتے جیسا کہ قراٰنِ پاک میں ارشاد ہوتا ہے:﴿وَعَلَّمْتَنِیْ مِنْ تَاْوِیْلِ الْاَحَادِیْثِۚ-﴾ترجَمۂ کنز العرفان:اور مجھے خوابوں کی تعبیر نکالنا سکھا دیا۔ (پ 13، یوسف: 101)

(3) چنے ہوئے بندے:آپ علیہ السّلام کاایک وصف یہ ہے کہ آپ علیہ السّلام الله پاک کے شکر گزار معزز اور چنے ہوئے بندے تھے چنانچہ اللہ پاک قراٰنِ پاک میں ارشاد فرماتا ہے: ﴿اِنَّهٗ مِنْ عِبَادِنَا الْمُخْلَصِیْنَ(۲۴)﴾ ترجَمۂ کنزالایمان: بے شک وہ ہمارے چنے ہوئے بندوں میں سے ہے۔ (پ 12، یوسف: 24)

(4) مقرب بندے: آپ الله پاک کے نیک، برگزیدہ، پیارے اور مقرب بندے تھے،قراٰن مجید میں ہے: ﴿وَ اَلْحِقْنِیْ بِالصّٰلِحِیْنَ(۱۰۱)﴾ ترجَمۂ کنزالایمان: اور ان سے ملا جو تیرے قرب ِ خاص کے لائق ہیں۔ (پ 13، یوسف: 101)

(5) بادشاہت عطا ہونا : اللہ پاک نے آپ علیہ السّلام کو علم و حکمت کے ساتھ بادشاہت اور سلطنت بھی عطا فرمائی جیسا کہ اللہ پاک قراٰنِ پاک میں ارشادفرماتا ہے: ﴿وَ كَذٰلِكَ مَكَّنَّا لِیُوْسُفَ فِی الْاَرْضِۚ-﴾ترجَمۂ کنزالایمان: اور یونہی ہم نے یوسف کو اس ملک پر قدرت بخشی۔ (پ 13، یوسف: 56)

الله پاک ہمیں انبیاء کرام علیہمُ السّلام کی سیرت کا ذوق و شوق سے مطالعہ کرنے کی توفیق اور ہمیں ان کے فیضان سے مالا مال فرمائے۔ اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

نماز دین کا ستون ہے اورنماز ہمارے پیارےنبی حضرت محمد صلَّی اللہ علیہ واٰلہٖ وسلَّم کے آنکھوں کی ٹھنڈک ہے ۔ہمیں چاہیئے کہ اپنی نماز میں خشوع و خضوع پیدا کریں اور ایسی چیزوں سے خود کو بچائیں جو نماز میں خلل ڈالنے والی ہیں۔

نماز میں خلل ڈالنے والی چیزوں کے متعلق لوگوں کو آگاہی دینے کے لئے اس ہفتے امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے رسالہ ”نماز سے توجہ ہٹانے والی چیزیں“ پڑھنے / سننے کی ترغیب دلائی ہے اور پڑھنے / سننے والوں کو دعاؤں سے نوازا ہے۔

دعائے عطار

یا اللہ پاک جو کوئی 14 صفحات کا رسالہ ”نماز سے توجہ ہٹانے والی چیزیں“ پڑھ یا سُن لےاُسے خوب توجہ کے ساتھ نماز پڑھنے کی سعادت دے اور اُس کی ماں باپ سمیت بخشش فرما۔آمین

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

قرآن و سنت کی تعلیمات کو دنیا بھر میں عام کرنے والے عاشقان رسول کی دینی تحریک دعوتِ اسلامی کے زیر اہتمام آج یکم اگست 2024ء  بروز جمعرات بعد نماز مغرب ہفتہ وار سنتوں بھرے اجتماعات کا انعقاد کیا جائے گا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔تلاوت و نعت سے شروع ہونے والے اجتماع میں اصلاحِ نفس، اصلاح معاشرہ اور دینی معلومات کے موضوعات پر بیانات کئے جاتے ہیں جس کے بعد ذکر و اذکار، رقت انگیز دعا اور صلوۃ و سلام کا سلسلہ ہوتا ہے۔

تفصیلات کے مطابق آج رات مدنی مرکز فیضان مدینہ جہلم سے مدنی چینل پرLive ہونے والے ہفتہ وار اجتماع میں رکن شوریٰ مولانا حاجی محمد اسد عطاری مدنی خصوصی بیان فرمائیں گے۔

اس کے علاوہ مدنی مرکز فیضان مدینہ اسلام آباد G-11 میں مولانا حاجی عقیل عطاری مدنی، جامع مسجد کلثوم شاہ فیصل کالونی کراچی میں رکن شوریٰ حاجی محمد امین عطاری، رضائے مصطفٰے مسجد کورنگی نمبر 4 کراچی میں رکن شوریٰ حاجی محمد اطہر عطاری، مدنی مرکز فیضان مدینہ جوہر ٹاؤن لاہور میں رکن شوریٰ حاجی یعفور رضا عطاری، عالم حیات بینکویٹ ہال کینال روڈ میں رکن شوریٰ حاجی منصور رضا عطاری، جامع مسجد ضلع لکشمی پور رام گنج جنوبی بازار بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

آقاکریم صلَّی اللہ علیہ واٰلہٖ وسلَّم، صحابہ کرام رضی اللہُ عنہم، تابعین، تبع تابعین اور تمام بزرگانِ دین رحمۃُ اللہِ علیہم نے اپنی ساری زندگی امر بالمعروف و نہی عن المنکر (بھلائی کا حکم دینے اور برائی سے روکنے) کے پیغام کو عام کرتے ہوئے گزاری اور اپنے بعد والوں کو بھی اس پر عمل کرنے کا ذہن دیا۔ اپنے اسلاف کے طریقے پر چلتے ہوئے عاشقانِ رسول کی دینی تحریک دعوتِ اسلامی بھی دنیا بھر میں رنگ و نسل میں تفریق کئے بغیر نیکی کی دعوت عام کررہی ہے۔

نیکی کی دعوت کیسے دینی ہے اور قرآن و حدیث کے پیغام کودنیابھر میں کس طرح عام کرنا ہے؟ اس کے متعلق رہنمائی فراہم کرنے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے اس ہفتے عاشقان رسول کو 14 صفحات کا رسالہ ”نیکی کی دعوت کیسے دیں؟“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے نوازاہے۔

دعائے عطار

یاربَّ المصطفٰے ! جو کوئی 14 صفحات کا رسالہ ”نیکی کی دعوت کیسے دیں؟“ پڑھ یا سُن لے اس کو نرم مزاج اور میٹھے بول بولنے والابنا اور اسے والدین سمیت بے حساب بخش دے۔ اٰمِیْن بِجَاہِ خَاتَمِ النّبیّٖن صلَّی اللہ علیہ واٰلہٖ وسلَّم

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

آسٹریلیا ریجن میں دعوتِ اسلامی کے تحت اسلامی بہنوں میں ہونے والے دینی کاموں کے سلسلے میں 19 جولائی 2024ء کو مدنی مشورہ منعقد ہوا جس میں ملک سطح کی مشاورت اسلامی بہنوں نے شرکت کی۔

ذمہ دار اسلامی بہن نے نیو تنظیمی اپڈیٹس کے حوالے سے گفتگو کرتے ہوئے مدرسۃ المدینہ بالغات کے تحت لرننگ سیشنز منعقد کرنے اور کینبرا شہر میں سنتوں بھرے اجتماعات کا آغاز کرنے پر مشاورت کی۔

ذمہ دار اسلامی بہنوں نے کوئنز لینڈ سے رسالہ کارکردگی و اصلاحِ اعمال کارکردگی وصول کرنے اور اگست 2024ء میں یومِ آزادی منانے کے حوالے سے تبادلۂ خیال کیا جبکہ نومبر 2024ء میں ہونے والے نگران اجتماع کے متعلق بھی کلام کیا گیا۔

دعوتِ اسلامی عالمی سطح پر نیکی کی دعوت عام کرنے اور لوگوں کو دینِ اسلام کی تعلیمات دینے والی عاشقانِ رسول کی دینی تحریک ہے جو اپنے مختلف ڈیپارٹمنٹس کے ذریعے دینِ متین کی خدمت میں مصروفِ عمل ہے۔

12 جولائی 2024ء کو بیرونِ ممالک میں ہونے والے دعوتِ اسلامی کے دینی کاموں کے سلسلے میں مدنی مشورے کا انعقاد کیا گیا جس میں کینٹربری کاؤنسل نگران اور شعبہ مشاورتوں کی اسلامی بہنیں شریک ہوئیں۔

دورانِ مدنی مشورہ مختلف موضوعات پر تبادلۂ خیال کیا گیا جن میں سے بعض یہ ہیں: ٭ محرم الحرام کے مدنی پھول ٭نئے جامعۃ المدینہ گرلز شروع کروانا٭علاقائی دورہ برائے نیکی کی دعوت اور مدرسۃ المدینہ بالغات کے مدنی پھول٭مکتبۃ المدینہ گرلز کے بستوں کے متعلق٭محرم الحرام کے اجتماعات منعقد کروانا٭رہائشی کورسز کا ہدف پورا کرنا٭نومبر 2024ء میں ہونے والے اجتماع میں شرکت٭رسالہ کارکردگی میں مزید بہتری لانا٭2024ء آسٹریلیا کے 8 دینی کاموں کے اہداف ٭نئی تنظیمی اپڈیٹس اپنی مشاورت تک پہنچانا٭مفتیانِ کرام کے سیشنز اور نگرانِ شوریٰ کے بیان میں آن لائن شرکت کرنا٭تمام ذمہ دار اسلامی بہنوں کے درمیان ٹریننگ سیشنز رکھنا٭3 دن کے اجتماعات کا شیڈول۔

دعوتِ اسلامی ملک و بیرونِ ملک میں اسلامی تعلیمات عام کرنے اور لوگوں کو دینِ اسلام کی طرف راغب کرنے والی عاشقانِ رسول کی دینی تحریک ہے جوکہ اپنے مختلف ڈیپارٹمنٹس کے ذریعے دینِ متین کی خدمت کا کام بخوبی سرانجام دے رہی ہے۔

11 جولائی 2024ء کو بیرونِ ممالک میں ہونے والے دعوتِ اسلامی کے دینی کاموں کے سلسلے میں میٹنگ ہوئی جس میں نگرانِ بلیک ٹاؤن ، نگرانِ اوبرن اور شعبہ مشاورتوں کی اسلامی بہنیں شریک ہوئیں۔

دورانِ میٹنگ مختلف موضوعات پر تبادلۂ خیال کیا گیا جن میں سے بعض یہ ہیں: ٭ محرم الحرام کے مدنی پھول٭اوبرن کاؤنسل میں محرم الحرام کا فیملی اجتماع٭نئے جامعۃ المدینہ گرلز شروع کروانا٭علاقائی دورہ برائے نیکی کی دعوت اور مدرسۃ المدینہ بالغات کے مدنی پھول٭مکتبۃ المدینہ گرلز کے بستوں کے متعلق٭محرم الحرام کے اجتماعات منعقد کروانا٭رہائشی کورسز کا ہدف پورا کرنا٭نومبر 2024ء میں ہونے والے اجتماع میں شرکت٭رسالہ کارکردگی میں مزید بہتری لانا٭2024ء آسٹریلیا کے 8 دینی کاموں کے اہداف ٭نئی تنظیمی اپڈیٹس اپنی مشاورت تک پہنچانا٭مفتیانِ کرام کے سیشنز اور نگرانِ شوریٰ کے بیان میں آن لائن شرکت کرنا٭تمام ذمہ دار اسلامی بہنوں کے درمیان ٹریننگ سیشنز رکھنا۔

آسٹریلیا کی اسلامی بہنوں میں ہونے والے دینی کاموں کے سلسلے میں 9 جولائی 2024ء کو ایک مدنی مشورے کا انعقاد کیا گیا جس میں مختلف سطح کی ذمہ دار اسلامی بہنوں نے شرکت کی۔

دعوتِ اسلامی کے مختلف دینی کاموں کے متعلق کلام کرتے ہوئے نگرانِ پرتھ اسلامی بہن نے ذمہ دار اسلامی بہنوں کی دینی، اخلاقی اور تنظیمی اعتبار سے تربیت و رہنمائی فرمائی نیز دیگر موضوعات پر بھی مشاورت ہوئی جن میں سے بعض درج ذیل ہیں:

٭محرم الحرام کے مدنی پھول٭نیکی کی دعوت کا دورانیہ کیسے بڑھایا جائے٭محرم الحرام کے اجتماع ِ شہادت کے لئے نیکی کی دعوت کیسے دی جائے٭علاقائی دورہ برائے نیکی کی دعوت پر ذمہ دار اسلامی بہن کی تقرری٭اصلاحِ اعمال کی اسلامی بہن کے ساتھ مدنی مشورہ٭تقسیمِ رسائل یا مکتبۃ المدینہ سے سامان منگوانا٭بذریعہ انٹرنیٹ نگرانِ شوریٰ اور مفتیانِ کرام کے سیشنز میں شرکت کرنےمنسلک کا ڈیٹا اپ ڈیٹ کرنا٭مقامی اسلامی بہنوں کے درمیان سنتوں بھرا اجتماع کورس کروانے کا ذہن دیا۔

عالمی سطح کی دینی تحریک دعوتِ اسلامی کے تحت 9 جولائی 2024ء کو فیضان ویک اینڈ اسلامک اسکول اور شعبہ مشاورت ملک سطح کی اسلامی بہن کا مدنی مشورہ ہوا جس میں مختلف موضوعات پر کلام کیا گیا۔

ذمہ دار اسلامی بہنوں نے 8 دینی کاموں کے متعلق گفتگو کرتے ہوئے آن لائن کلاسز میں نیو ایڈمیشن کرنے اور ٹیچرز کے لئے مدنی آن لائن / بالمشافہ مدنی مشورہ منعقد کرنے کے حوالے سے مشاورت ہوئی۔

علاوہ ازیں ذمہ دار اسلامی بہنوں نے تقسیمِ اسناد اجتماع(Award distribution Ceremony) کا انعقاد کرنے پر تبادلۂ خیال کیا۔