دعوتِ اسلامی کے تحت گزشتہ دنوں   مرکزی مجلس شوریٰ کے رکن ونگران پاکستان مشاورت حاجی محمد شاہد عطاری اور رکن شوریٰ حاجی محمد اطہر عطاری نے شعبہ رابطہ برائے شخصیات پاکستان کے ذمہ داران کا مدنی مشورہ فرمایا۔

نگران پاکستان مشاورت حاجی محمد شاہد عطاری نے اسلامی بھائیوں کی دینی و اخلاقی اعتبار سے تربیت کی اور سابقہ کارکردگی کا جائزہ لیتے ہوئے آئندہ کے لئے شرکا کو اپڈیٹ نکات بتائے جس پر اسلامی بھائیوں نے نیک خواہشات کا اظہار کیا۔ 

گزشتہ روز  سیالکوٹ میں رکنِ مرکزی مجلسِ شوریٰ حاجی محمد اظہر عطاری کی ڈسٹرکٹ انچارج فرنٹ ڈیسک پولیس ڈیپارٹمنٹ اینڈ آئی ٹی انچارچ خرم اصغر جعسر سے ملاقات ہوئی جس میں ڈی ایس پی سٹی سیالکوٹ قیصر امین بٹ بھی موجود تھے۔

رکن شوریٰ نے شخصیات کو ملک و بیرون ملک میں ہونے والی دعوت اسلامی کی دینی و فلاحی خدمات کے بارے میں بتاتے ہوئے انہیں یکم اگست 2022ء کو پولیس ڈیپارٹمنٹ میں شجر کاری کرنے کی ترغیب دلائی ۔(رپورٹ: رابطہ برائے شخصیات گوجرانولہ ڈویژن ، کانٹینٹ: رمضان رضا)

دعوت اسلامی  کے تحت 23 جولائی 2022ء کو نگران شعبہ رابطہ برائے شخصیات حافظ محمد قربان عطاری اور صوبائی ذمہ دار شعبہ رابطہ برائے شخصیات محمد لیاقت عطاری کا فیصل آباد میں دینی کام کے سلسلوں میں جدول ہوا۔

اس موقع پر ذمہ داران نے ڈویژنل کمشنر فیصل آباد محمد زاھد ،ڈائریکٹر اینٹی کرپشن ایوب خان بلوچ،ڈسٹرکٹ آفیسر اسپیشل برانچ رانا غلام شبیر احمد خان اور ڈائریکٹر جنرل پی ایچ اے رائے نعیم اللہ بھٹی سے ملاقات کی۔

دورانِ ملاقات اہم معاملات پر مشاورت ہوئی اور یکم اگست2022ء کو دعوت اسلامی کے دینی ماحول میں منائی جانے والی شجر کاری مہم کے حوالے سے انہیں آگاہی دی اور مدنی مرکز فیضان مدینہ کا وزٹ کرنے کی دعوت دی جس پر انہوں نے اچھی اچھی نیتوں کا اظہار کیا۔ (رپورٹ: شعبہ رابطہ برائے شخصیات ڈسٹرک و ڈویژن فیصل آباد، کانٹینٹ: رمضان رضا)

گزشتہ دنوں  ایس ایچ او جام اعجاز لاڑ نے خان پور میں قائم مدنی مرکز فیضان مدینہ کا دورہ کیا جہاں انہوں نے مرکزی مجلسِ شوریٰ کے رکن حاجی محمد اسلم عطاری سے ملاقات کی اور ان کے ہمراہ دعوت اسلامی کے شعبہ ایف جی آر ایف کے تعاون سے پودہ لگایا۔

اس موقع پر رکن شوری نے ملک و بیرون ملک میں ہونے والی دعوت اسلامی کی دینی و فلاحی کاوشوں پر ان کو بریف کیا جس پر انہوں نے اظہار مسرت کرتے ہوئے اچھی اچھی نیتیں کیں۔(رپورٹ: اقبال عطاری ڈویژن بہاولپور، کانٹینٹ: رمضان رضا)

پچھلے  دنوں شعبہ رابطہ برائے شخصیات کے تحت ڈی ایس پی آفس سرگودھا میں سیکھنے سکھانے کے حلقہ کا انعقاد ہوا جس میں ڈی ایس پی سرگودھا صدر رائے احسان الہی کھرل، ایس ایچ او عطاء شہید، تھانہ انسپکٹر اختر نیازی، ایس ایچ او سرگودھا صدر ظفر حسین شاہ ودیگر کی شرکت ہوئی۔

صوبائی صدر کوآرڈینیٹر بلوچستان محمد وقار عطاری نے شرکا کو دین اسلام پر آسانی سے عمل کرنے کے متعلق مدنی پھول دیئے اور انہیں مدنی مرکز فیضان مدینہ وزٹ کرنے کی نیت کروائی۔(رپورٹ: کوآرڈینیشن ڈیپارٹمنٹ سرگودھا ڈویژن، کانٹینٹ: رمضان رضا)

گزشتہ دنوں صوبائی ذمہ دار  رجب علی عطاری کا پشاور کے جدول کے دوران شعبہ اطراف علاقے کے ذمہ داران اور ڈسٹرکٹ نگران کے درمیان تربیتی سیشن ہواجس میں ذمہ داران و نگران اسلامی بھائیوں کو شعبہ رابطہ برائے شخصیات کا تعارف پیش کیاگیا۔

اس شعبہ کی کاوشوں کے حوالے سے بتایا اور شعبہ رابطہ برائے شخصیات کے دینی کام کرنے کے متعلق تربیت کی کہ کس طرح گورنمنٹ ڈیپارٹمنٹ اور شخصیات میں کام کیا جاسکتا ہے۔

مزید ذمہ داران کو important points دئیے جن کے ذریعے ہم آگے بڑھ سکتے ہیں اور دین کے پیغام کو کس طرح منظم انداز سے عام کرسکتے ہیں۔ (رپورٹ: شعبہ رابطہ برائے شخصیات سگ عطار احمد رضا مدنی3، کانٹینٹ: رمضان رضا)

دعوتِ  اسلامی کے شعبہ رابطہ برائے شخصیات کے تحت ذمہ دارا سلامی بھائیوں نے ڈسٹرکٹ سیالکوٹ سٹی تھانہ نیکاپورا کے ایس ایچ او ریاض باجوہ سے ملاقات کی ۔

دوران ملاقات ذمہ داران نے انہیں دعوت اسلامی کے شعبہ ایف جی آر ایف کا تعارف کروایا اور انہیں یکم اگست 2022ء کو پودے لگانے کی ترغیب دی۔

٭اسی طرح ذمہ داران دعوت اسلامی نے سیالکوٹ کے پسرور روڈ پر واقع آر ایم ایچ ہاسپٹل کے آنر ڈاکٹر فہد سے ملاقات کی اور انہیں یکم اگست 2022ء کو ہونے والی پلان ٹیشن کے حوالے سے بتایا جس پر انہوں نے نیک خواہشات کا اظہار کیا۔ مزید ان کو جلد مدنی مرکز فیضان مدینہ کا دورہ کرنے کی دعوت بھی دی۔

٭ دوسری طرف تحصیل پسرور سٹی میں ایک مارکیٹ اونر سے ملاقات کا سلسلہ ہوا۔ذمہ داران نے ان کو بھی پودے لگانے اور ہفتہ وار سنتوں بھرے اجتماع میں شرکت کی نیتیں کروائیں۔

گزشتہ روز  سیالکوٹ میں ڈسٹرکٹ انچارج فرنٹ ڈیسک پولیس خرم اصغر جعسر نے رکنِ مرکزی مجلسِ شوریٰ حاجی محمد اظہر عطاری سے اُن کے گھر پر ملاقات کی اور حج کی مبارک باد دی ۔

بعد میں انچارج اسپیشل برانچ تھانہ رنگپورہ محمد بوٹا کے گھر ان کی والدہ کی وفات پر اس سے تعزیت کی اور ایس ایچ او تھانہ نیکا پورہ انسپکٹر ریاض باجوہ سے ملاقات کی۔

٭دوسری جانب 22جولائی 2022ء بروز جمعہ بہاولپور میں صدر پریس کلب علی ہاشمی کو صدرمنتخب ہونے پر مبارک باد دی نیز ڈویزنل فاریسٹ آفس میں شخصیات سے ملاقاتیں ہوئی۔(رپورٹ: اقبال عطاری بہاولپور، کانٹینٹ: رمضان رضا)

27 جولائی 2022 ء کو سندھ سیکریٹریٹ میں دعوت اسلامی کے ذمہ داران کا مختلف شخصیات سے ملاقات کا سلسلہ ہوا جن میں:

آغا فخر حسین، ایڈیشنل سیکریٹری محکمہ صنعت

ایم اے علیم ظفر، قانونی مشیر

غلام محمد بھٹی سی ۔ایم کے معاون خصوصی کے لئے اسٹاف آفیسر

اطہر حسین میرانی، ایڈیشنل سیکریٹری

شہباز اخوند، سیکشن آفیسر، لوکل گورنمنٹ ڈیپارٹمنٹ

اس کے علاوہ لیگل ایڈوائزر نے ماہنامہ فیضان مدینہ کی 12 ماہ کے لئے بکنگ کروائی نیز ایڈیشنل سیکریٹری نے دوران ملاقات دعوت اسلامی کے دینی کاموں کو سراہا اور فیضان مدینہ وزٹ کی یقین دہانی کروائی۔ (رپورٹ: شعبہ رابطہ برائے شخصیات کراچی ، کانٹینٹ: محمد مصطفی انیس) 

26 جولائی 2022 ء کو دعوت اسلامی کے تحت تھیلیسیمیا کے بچوں کے لئے ڈسٹرکٹ حافظ آباد میں بلڈ کیمپ لگایا گیا جس میں مختلف شخصیات نے وزٹ کیاان شخصیات میں :

· ڈسٹرکٹ انچارج IB محمد نواز چھینہ

· اسپیشل برانچ رانا عمر

· سابقہ صدر ڈسٹرکٹ بار کونسل حافظ آباد

· پی ایم صفدر کھرل

· کرنل ریٹائرڈ علی احمد اعوان

· نمائندہ ایکسپریس حافظ عزیز الرحمن

بلڈ کیمپ میں شخصیات کی تحصیل نگران سے ملاقات ہوئی۔ انہوں نے دعوت اسلامی کے اس اقدام کو بہت سراہا اور نیک خواہشات کا اظہار کیا۔ (رپورٹ: محمد مدثر عطاری مجلس رابطہ برائے شخصیات ڈسٹرکٹ حافظ آباد ، کانٹینٹ: محمد مصطفی انیس) 

گزشتہ روز مجلس رابطہ پنڈی بھٹیاں کے تحصیل ذمہ دار محمد ابرار عطاری نے اسسٹنٹ کمشنر پنڈی بھٹیاں منور حسین ، DSP پنڈی بھٹیاں محمد نواز سے ملاقات کی اور یکم اگست2022ء کو شجرکاری مہم میں شرکت کرنے کا ذہن دیا اور تحصیل کے پانچوں تھانوں میں مدرسۃ المدینہ بالغان شروع کرنے کے حوالے سے مشور ہ کیا جس پر DSP نے تعاون کی یقین دہانی کروائی ۔ (رپورٹ: مجلس رابطہ برائے شخصیات ڈسٹرکٹ حافظ آباد/گوجرانوالہ ، کانٹینٹ: محمد مصطفی انیس) 

27 جولائی 2022 ء کو بہاولپور میں ایڈیشنل کمشنر فیصل عطاء ، ایڈیشنل کمشنر لیاقت علی گیلانی ، ایڈیشنل ڈپٹی کمشنر فاروق قمر کنبوہ ، پی ۔اے ۔ کمشنر شیخ وسیم ، ڈائریکٹر PHA فاروق صادق ، ڈپٹی ڈائریکٹر PHA عابد یسین، PADC شاہد اقبال اور دیگر افسران سے ذمہ داران نے ملاقات کی۔

دعوت اسلامی کےمختلف شعبہ جات کاتعارف پیش کیا اور شجرکاری مہم میں شرکت کرنے کے حوالے سے بھی ذہن سازی کی جس پر افسران نے دعوت اسلامی کی خدمات کو سراہا اور شجرکاری مہم میں شرکت کرنے کی یقین دہانی کروائی ، ذمہ دا ر اسلامی بھائی نے انہیں امیر اہل سنت دامت بَرَکَاتُہمُ العالیہ کے رسائل اور ماہنامہ فیضان مدینہ تحفے میں پیش کئے ۔(رپورٹ: محمد اقبال عطاری ، ڈویژن بہاولپور ، کانٹینٹ: محمد مصطفی انیس)