دعوتِ اسلامی کی مرکزی مجلسِ شوریٰ کے رکن نگرانِ پاکستان انتظامی کابینہ حاجی محمد شاہد عطاری اور ذمہ داران حالیہ دنوں افریقی ممالک کے دورے پر ہیں اسی سلسلے میں افریقی ملک موزمبیق کے شہر نمپولا میں جہاز کے سفر کےدوران ایک غیرمسلم نےانفرادی کوشش کی برکتوں سے سابق باطل مذہب چھوڑ کر اسلام قبول کرلیا۔ اسلامی نام محمد عطاری رکھا گیا۔

پچھلے دنوں 12،13،14نومبر2019ء کو  ہند کے بزرگ حضرت مخدوم علاؤالدین علی احمد صابر پاک کلیری رحمۃ اللہ علیہ کا عرس مبارک سرزمین کلیر شریف میں بڑے تزک و احتشام کے ساتھ منایا گیا جس میں ملک و ملت کے مشہور علمائے کرام و مشائخ عظام اور خانقاہوں کے سجادگان نے شرکت کی۔ عرس مبارک کے موقع پر مجلس رابطہ بالعلماء و المشائخ و مجلس مزارات اولیا کے ذمہ داران نے علمائے کرام سے ملاقاتیں کیں اور انہیں دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے چند شعبہ جات کا تعارف پیش کیا۔ ہر نماز کے بعد مزار شریف سے متصل صابری مسجد میں درس و بیان کا سلسلہ بھی ہوا جس میں زائرین اسلامی بھائیوں نے شرکت کی۔مبلغینِ دعوتِ اسلامی نے سنّتوں بھرے بیانات کئے اور شرکا کو دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ ہونے اور ہفتہ وار اجتماع میں شرکت کی ترغیب دلائی۔(رپورٹ،محمد صلاح الدین عطاری، مالکی ریجن و حنبلی ریجن ہند)

ترکی کے شہر استنبول میں کتب میلہ (Book Fair) جاری ہے۔ اس کتب میلے میں دعوت اسلامی کی مجلس مکتبۃ المدینہ العربیہ کے تحت بک اسٹال لگایا گیا جس میں مکتبۃ المدینہ سے شائع ہونے والی مختلف کتب ورسائل کی نمائش کی گئی۔ 

دعوت اسلامی کے تحت مدنی مرکزفیضانِ مدینہ اسٹچفورڈ برمنگھم میں 25 اکتوبر 2019ءسے مِڈلینڈز اور ویلز زون کے اسلامی بھائیوں کے لئے تین دن کے سنّتوں بھرے اجتماع کا آغاز ہوا جس میں اہلِ علاقہ، ڈویژن ،اور زون سطح کے ذمّہ داران نے شرکت کی۔ رکنِ شوریٰ اور نگرانِ مجالس نے سنّتوں بھرے بیانات کئےاور شرکا کی تربیت کرتے ہوئے انہیں 12مدنی کام کرنے کا ذہن دیا۔

اَلْحَمْدُ لِلّٰہِ عَزَّ وَجَلَّ یوگنڈا میں مبلغِ دعوتِ اسلامی کی انفرادی کوشش کی برکت سے ایک غیر مسلم اپنی دو چھوٹی بیٹیوں سمیت اسلام قبول کرکے دامنِ اسلام سے وابستہ ہوگیا۔والد کا اسلامی نام محمد ابراہیم اور بیٹیوں کا اسلامی نام حلیمہ اور عائشہ رکھاگیا۔ 

دعوت اسلامی کی مجلس جامعۃالمدینہ ساؤتھ افریقہ کے تحت 8دسمبر 2019ء بروز اتور ساؤتھ افریقہ کے شہر جوہانسبرگ کے جامعۃالمدینہ میں دستارِ فضیلت اجتماع منعقدہونے جارہا ہے جس میں رات 10 بجے ختمِ بخاری کا سلسلہ ہوگا۔ ختمِ بخاری کےاختتام پر جامعۃالمدینہ سے فارغ التحصیل ہونے والے طلبائے کرام کی دستارِ فضیلت بھی کی جائیگی۔

اَلْحَمْدُ لِلّٰہِ عَزَّ وَجَلَّ 11اکتوبر2019ء موذمبیق کے شہر ماپوتو میں مسلمانوں کے حلیے سے متاثر ہوکر ایک غیر مسلم نے اسلام قبول کرلیا ،اسلامی نام محمد معاویہ رکھا گیا۔

ہیڈلائنز:09 اکتوبر سے مانٹریال کینیڈا میں جامعۃ المدینہ کی کلاسز کا باقاعدہ آغاز ہوگیا

تفصیلات:دینی مدارس اسلام کے قلعے، ہدایت کے سرچشمے، دین کی پناہ گاہیں اور اشاعتِ دین کا بہت بڑا ذریعہ ہوتے ہیں۔ ان مدارس و جامعات کی اہمیت کو مدِنظر رکھتے ہوئے عاشقانِ رسول کی مدنی تحریک دعوتِ اسلامی نے آج سے تقریبا تیس سال قبل 1401ھ بمطابق 1981ء میں کراچی پاکستان میں جامعۃ المدینہ کی پہلی شاخ کی بنیاد رکھی۔ حضرت حق تعالیٰ نے اس نیک کام میں ایسی برکت ڈالی کہ جامعات المدینہ کا سلسلہ بڑھتا چلا اور اس وقت پاکستان، ہند ، نیپال، بنگلہ دیش، یوکے ، ساؤتھ افریقہ، سری لنکا، کینیا، موزمبیق اور موریشس میں جامعۃ المدینہ کی سینکڑوں شاخیں قائم ہوچکی ہیں جہاں لاکھوں طلبہ کو بلامعاوضہ تعلیم کے زیور سے آراستہ کرنے کے ساتھ ساتھ ان کو رہائش، خوراک اور مفت طبی سہولت فراہم کی جاتی ہے۔

اسی مقصد کے تحت دعوتِ اسلامی کی مجلس جامعۃ المدینہ نے مانٹریال کینیڈا میں ایک دینی درسگاہ جامعۃ المدینہ مانٹریال کا آغاز کیا ہے جس کی باقاعدہ کلاسز کا آغاز 9 اکتوبر 2019ء بروز بدھ سے ہوچکا ہے۔ جہاں قرآن و حدیث، تفسیر، فقہ و اصول فقہ، معانی و ادب ، صرف و نحو، منطق و فلسفہ جیسے ضروری علوم کا ایک مکمل نصا ب انتہائی پاکیزہ اور نورانی ماحول میں پڑھایا جاتا ہے۔ اللہ نے چاہا تو اِنْ شَآءَ اللہ یہ جامعۃ المدینہ بھی دین کی ایسی مشعلیں روشن کرے گا جن کی کرنوں سے ایک عالم منّور ہوتا رہے گا۔

جانشین و صاحبزادۂ عطار مولانا عبید رضا عطاری مدنی مَدَّظِلُّہُ الْعَالِی اور رکنِ شوریٰ حاجی اظہر عطاری 10 اکتوبر کو یورپ کے مدنی دورے پر روانہ ہورہے ہیں۔ مجلس بیرونِ ملک کی جانب سے ان کا شیڈول جاری کردیا گیا ہے جس کے مطابق جانشین عطار اور رکن شوریٰ یور پ کے مختلف ممالک میں سنتوں بھرے اجتماعات ،مدنی حلقوں اور مدنی مشوروں میں مدنی پھول ارشاد فرمائیں گے اور شخصیات سے ملاقاتوں کا سلسلہ بھی ہوگا۔

شیڈول تصویر میں ملاحظہ کیجئے۔

دعوتِ اسلامی کہاں نہیں۔۔۔؟  دنیا کے نقشے پر موجود قدیمی ملک یونان جو مشرقی یورپ پر واقع ہے، جسے گریس بھی کہا جاتا ہے۔ اَلْحَمْدُ لِلّٰہِ عَزَّ وَجَلَّشیخِ طریقت، امیرِ اَہلِ سنّت علامہ محمد الیاس عطّاؔر قادری رضوی دَامَتْ بَرَکَاتُہُمُ الْعَالِیَہ کی کوششوں سے آج دعوتِ اسلامی کے مدنی کام یہاں بھی بھرپور انداز میں جاری و ساری ہیں اور عاشقان رسول امیر اہلِ سنّت دَامَتْ بَرَکَاتُہُمُ الْعَالِیَہ کے فرمان پر دین کا پیغام عام کرنے کے لئے شب و روز اپنی خدمات سرانجام دے رہے ہیں۔ عالمی مدنی مرکزفیضان مدینہ کراچی میں جاری سنتوں بھرے اجتماع میں آئے ہوئے یونان کے مبلغ دعوت اسلامی سے مدنی چینل نے یونان میں ہونے والے مدنی کاموں کے حوالے سے گفتگو کی اور کہا کی یونان میں بھی اللہ عزوجل اور نبی آخرالزماں حضرت محمد مصطفی صلَّی اللہ علیہ واٰلہٖ وسلَّم کی تعلیمات کو عام کرنے کےلئے دعوتِ اسلامی کے مدنی کام جاری ہیں۔

دعوتِ اسلامی  کے تحت بنگلہ دیش کے شہر بریشال میں زون سطح کے ذمّہ داران کی تربیت کا سلسلہ ہوا۔ بنگلہ دیش مشاورت کے نگران نے ذمّہ داران کی تربیت کی اور بریشال میں ہونے والے دعوت اسلامی کے مدنی کاموں کا جائزہ لیا۔ علاوہ ازیں نگران بنگلہ دیش مشاورت نے ان اسلامی بھائیوں کو پورے زون میں مدنی کاموں کو مزید بہتر بنانے کا ذہن دیا۔

امیراہل سنّت علامہ محمدالیاس عطارقادری دَامَتْ بَرَکَاتُہُمُ الْعَالِیَہ کے فرمان پرعمل کرتے ہوئے بنگلہ دیش کے شہر کومیلا کے عاشقان رسول نے قافلے میں سفر کی سعادت پائی اور جدول کے مطابق مدنی کاموں میں شرکت کی۔ قافلے میں شریک عاشقان رسول نے علاقائی دورہ کیا اور مختلف اسکولوں، دکانوں اور دیگر مقامات پر اسلامی بھائیوں کونیکی کی دعوت دیتے ہوئے دعوتِ اسلامی کے مدنی کاموں کا تعارف پیش کیا اور انہیں ہفتہ وار اجتماع میں شرکت کرنے اور قافلوں میں سفر کرنے کی ترغیب دلائی۔