Latest News Updates Of Dawat e Islami

تیز رفتار کوچ ہائی روف سے ٹکرا گئی

5 years ago

بلوچستان کے علاقے ناکھارڑی کے مقام پر منگل کی شام کراچی کی جانب سے آنے والی تیز رفتار کوچ اوور ٹیک کرتے ہوئے ہائی روف سے ٹکرا گئی ، حادثے کے بعد ہائی روف میں آگ بھڑک اٹھی ،ہائی روف اور کوچ میں خوفناک تصادم کے نتیجے میں کراچی کے رہائشی 6 افراد انتقال کر گئے تھے جبکہ 10 سے زائد افراد جھلس کر زخمی ہوگئے تھے۔

واقعہ کی اطلاع ملتے ہی پولیس و ریسکیو اہلکاروں نے جائے وقوعہ پر پہنچ کر زخمیوں اور انتقال کر جانیوالے افراد کو باہر نکالا جبکہ کوچ اور ہائی روف جل کرخاکستر ہوگئی۔ انتقال کر جانیوالے تمام افراد کراچی کے رہائشی تھے جن کی میتیں کراچی منتقل کردی گئیں، انتقال کرجانیوالے افراد میں انور علی، سردار، امان اللہ، جاوید، بلال اور سجاد شامل ہیں جو آپس میں دوست تھے اور کراچی کے علاقے منگھوپیر، سرجانی ٹاؤن اور سائٹ ایریا بھوانی چالی کے رہائشی تھے۔ مرحومین کی نماز جنازہ سائٹ بھوانی چالی گراؤنڈ میں ادا کی گئی اور مقامی قبرستان میں ان افراد کی تدفین کردی گئی ۔