پچھلے دنوں مدنی مرکز فیضانِ مدینہ فیصل آباد میں  عاشقانِ رسول کی دینی تحریک دعوتِ اسلامی کے تحت سنتوں بھرا اجتماع منعقد ہوا جس میں میڈیکل ڈیپارٹمنٹ، ایجوکیشن ڈیپارٹمنٹ اور دیگر ڈیپارٹمنٹس کے اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بیان کیا جس میں انہوں نے نیکی کرنے اور نیکی کے کاموں میں حصہ لینے کی ترغیب دلائی۔

دورانِ بیان نگرانِ پاکستان مشاورت نے باطنی بیماریوں کی معلومات اور ان سے بچنے کے طریقوں کے بارے میں بتایا نیز وہاں موجود عاشقانِ رسول نے مختلف سوالات بھی کئے جس کے نگرانِ پاکستان مشاورت نے جوابات دیئے۔

دعا کے بعد شرکائے اجتماع نے نگرانِ پاکستان مشاورت حاجی محمد شاہد عطاری سے ملاقات کی۔اس موقع پر رکنِ مرکزی مجلسِ شوریٰ عبد الوہاب عطاری اور نگرانِ میڈیکل ڈیپارٹمنٹ بھی موجود تھے۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)