دعوتِ اسلامی کے زیرِ اہتمام پچھلے دنوں مدنی مرکز فیضانِ مدینہ جوہر ٹاؤن لاہور میں میٹروپولیٹن کا مدنی مشورہ ہوا جس میں یوسی نگران، ٹاؤن نگران اور ڈویژن مشاورت کے اراکین نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے اس مدنی مشورے میں دعوتِ اسلامی کے 12 دینی کاموں کے حوالے سے گفتگو کرتے ہوئے دیگر مختلف موضوعات پر کلام کیا۔

اس کے علاوہ رکنِ شوریٰ نے میٹروپولیٹن میں قربانی کی کھالوں کی سابقہ کارکردگی کا جائزہ لیا اور آئندہ کے اہداف طے کئے جس پر ذمہ داران نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوتِ اسلامی کے تحت 25 جون 2022ء بروز ہفتہ سندھ کے شہر حیدر آباد میں قائم مدنی مرکز فیضانِ مدینہ میں مدنی مشورہ منعقد ہوا جس میں شعبہ دارالمدینہ انٹر نیشنل اسلامک اسکول سسٹم کے اسلامی بھائیوں نے شرکت کی۔

دورانِ مدنی مشورہ مرکزی مجلسِ شوریٰ کے رکن حاجی محمد امین عطاری نے شعبے کے دینی کاموں کے متعلق اہم امور پر گفتگو کرتے ہوئے مدنی پھولوں سے نوازا اور دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی۔(غیاث الدین عطاری)

سلسلہ نقشبندیہ کے عظیم بزرگ، برکۃ العصر، شیخ الاسلام، شیخ طریقت حضرت شیخ محمود آفندی صاحب 23 جون 2022ءبروز جمعرات ترکی میں رضائے الہی سے انتقال فرماگئے۔اِنَّا لِلہِ وَاِنَّا اِلَیْہِ رٰجِعُوْن

آپ رحمۃُ اللہِ علیہ کی نماز جنازہ 24 جون 2022ء کو استنبول کی فاتح مسجد سے متصل جنازہ گاہ میں ادا کی گئی۔ نماز جنازہ میں علماء و مشائخ سمیت حکامِ اعلیٰ اور لاکھوں عشاقان رسول شریک ہوئے۔

انتقال کی خبر ملنے پر شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نےان کے اہل خانہ، محبین و مریدین سے تعزیت کرتے ہوئے صبر کی تلقین فرمائی۔

پیغام امیر اہلسنت

مجھے یہ افسوسناک خبر ملی کہ برکۃ العصر، شیخ طریقت، شیخ الاسلام حضرت شیخ محمود آفندی صاحب 24 ذیقعدہ 1443ھ بمطابق 23 جون 2022ء کو ترکیہ(ترکی) میں انتقال فرماگئے۔ اِنَّا لِلہِ وَاِنَّا اِلَیْہِ رٰجِعُوْن

میں تمام سوگواروں سے تعزیت کرتا ہوں اور صبرو ہمت سے کام لینے کی تلقین۔

یارب کریم! حضرت پیر طریقت قبلہ شیخ محمود آفندی صاحب کو غریق رحمت فرما، الہ العالمین انہیں اپنے جوار رحمت میں جگہ نصیب فرما، رب العزت ان کی قبر جنت کا باغ بنے، رحمت کے پھولوں سے ڈھکے، تاحدِّ نظر وسیع ہوجائے، مولائے کریم نور مصطفٰے کا صدقہ ان کی قبر تا حشر جگمگاتی رہے، یااللہ تمام سوگواروں کو صبر جمیل اور صبر جمیل پر اجر جزیل عطا فرما۔ اٰمین بِجاہِ خَاتمِ النبیین صلَّی اللہ علیہ واٰلہٖ وسلَّم

تمام سوگوار صبر و ہمت سے کام لیں، اللہ رب العزت کی رحمت سے مایوس نہ ہو، اللہ کریم کی رضا پر راضی رہیں، نماز، روزوں کی پابندی کرتے رہیں، گناہوں سے پاک سنتوں بھری زندگی گزاریں۔

خوشخبری

اسپیشل پرسنز (نابیناافراد) میں دینی شعور پیدا کرنے اور انہیں اسلامی تعلیمات و عقائد اسلام سے آگاہ کرنے کے لئے دعوتِ اسلامی کے زیرِ اہتمام سندھ کے شہر حیدر آباد میں نابینا اسلامی بھائیوں کے لئے درسِ نظامی (عالم کورس) کا انعقاد کیا جارہا ہے جس کا افتتاح 30 جون 2022ء بروز جمعرات کیا جائے گا۔

اس کورس کی مدت کم و بیش 8 سال پر مشتمل ہو گی جس میں طلبۂ کرام کے لئے رہائش کا بھی اہتمام کیا گیا ہے۔خواہش مند اسلامی بھائی داخلے کے لئے ہالہ ناکہ حیدر آباد سندھ میں رابطہ کریں۔

آن لائن رجسٹریشن کے لیے اس لنک پر کلک کریں۔

https://jamiatulmadina.net/lilbanen_reg/ur

جامعۃ المدینہ کے حوالے سے مزید معلومات کے لئے ان فون نمبرز اور ویب سائٹ پر رابطہ کریں

www.jamiatulmadina.net

923024811716+

923137156652+

دعوتِ اسلامی کے زیرِا ہتمام پچھلے دنوں صوبۂ بلوچستان کے شہر خاران میں ڈویژن ذمہ دار حسن مری عطاری اور صوبائی ذمہ دار شعبہ مدنی چینل عام کریں محمد اشرف عطاری نے رخشان کیبل آپریٹر سے ملاقات کی اور انہیں نیکی کی دعوت دیتے ہوئے دعوتِ اسلامی کے دینی کاموں کے متعلق اہم امور پر گفتگو کی۔

اس کے علاوہ ذمہ داران نے خاران کے موبائل مارکیٹ کا دورہ کیا جہاں انہوں نے شخصیات سے ملاقات کرتے ہوئے انہیں دعوتِ اسلامی کے دینی کاموں میں شرکت کرنے کی ترغیب دلائی نیز بڑی عمر کے اسلامی بھائیوں کے مدرسۃ المدینہ بالغان شروع کروایا جس پر وہاں موجود عاشقانِ رسول نے دعوتِ اسلامی کی کاوشوں کو سراہا۔(رپورٹ:کانٹینٹ:غیاث الدین عطاری)

دعوتِ اسلامی کے زیرِا ہتمام وقتاً فوقتاً راہِ خدا عزوجل کے مدنی قافلے ملک و بیرونِ ملک سفر کرتے رہتے ہیں جس میں عاشقانِ رسول کو وضو، غسل اور نماز سمیت دیگر اسلامی تعلیمات کے حوالے سے آگاہی دی جاتی ہے۔

اسی سلسلے میں 24 جون 2022ء بروز جمعہ پاکستان کے شہر سرگودھا سے 3 دن اور ایک ماہ کے مدنی قافلے راہِ خدا عزوجل کے سفر پرروانہ ہوئے جس میں کثیر اسلامی بھائیوں نے شرکت کی۔

تفصیلات کے مطابق مدنی قافلے کی روانگی سے قبل ڈویژن ذمہ دار شعبہ مدنی قافلہ کلیم عطاری نے مدنی قافلوں کی سمتیں مکمل کیں اور دارالسنہ میں اسلامی بھائیوں کے درمیان سیکھنے سکھانے کا حلقہ لگایا۔

دورانِ حلقہ ذمہ دار نے عاشقانِ رسول کی مدنی قافلوں میں 12 دینی کاموں کے جدول کے حوالے سے ذہن سازی کی اور انہیں دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:بدرمنیر عطاری شوشل میڈیا ذمہ دارشعبہ مدنی قافلہ پنجاب، کانٹینٹ:غیاث الدین عطاری)

24 جون 2022ء بروز جمعہ دعوتِ اسلامی کی مرکزی مجلسِ شوریٰ کے رکن حاجی محمد اسد عطاری مدنی نے دینی کاموں کے سلسلے میں مدنی مرکز فیضانِ مدینہ بہاولپور میں واقع فیضان آن لائن اکیڈمی کی برانچ کا وزٹ کیا۔

اس موقع پر رکنِ شوریٰ نے برانچ کے ذمہ داران کی تربیت کرتے ہوئے انہیں شعبے کے دینی کاموں کو اخلاص کے ساتھ کرنے کا ذہن دیا اور دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی۔بعدازاں شعبے کے اسلامی بھائیوں نے برانچ کی سابقہ کارکردگی سے رکنِ شوریٰ کو آگاہ کیا جس پر انہوں نے خوشی کا اظہار کیا۔

اس دوران فیضان آن لائن اکیڈمی بہاولپور ڈویژن ذمہ دار مولانا نعیم رضا عطاری مدنی اور برانچ سطح پر دینی کاموں کے ذمہ دار حسنین شاہ عطاری سمیت شعبہ جامعۃ المدینہ بوائز کے دیگر ذمہ داران موجود تھے۔(رپورٹ:محمد وقار یعقوب عطاری مدنی، برانچ ناظم فیضان آن لائن اکیڈمی بہاولپور، کانٹینٹ:غیاث الدین عطاری)

پچھلے دنوں پنجاب پاکستان کے شہر حافظ آباد میں قائم دعوتِ اسلامی کے مدنی مرکز فیضانِ مدینہ میں مختلف شخصیات کی آمد ہوئی جن میں انجینئر عدنان نواز(ڈسٹرکٹ ایمرجنسی آفیسر ریسکیو 1122)، امین ندیم (ڈسٹرکٹ سیفٹی کنٹرول انچارج ریسکیو 1122)، محمد عثمان (ڈپٹی ڈائریکٹر فوڈ اتھارٹی پنجاب)، محمد وقاص (میڈیا کوارڈینیٹر فوڈ اتھارٹی) اور ڈاکٹر محمد فاروق عطاری ( ہیڈ آف دی ڈیپارٹمنٹ ڈی ایچ کیو MBBS ایف سی پی ایس) شامل تھے۔

اس دوران ڈسٹرکٹ نگران مولانا محمد وسیم عطاری مدنی نے شخصیات سے ملاقات کی اور انہیں خوش آمدید کہتے ہوئے دعوتِ اسلامی کے دینی کاموں کے بارے میں گفتگو کی نیز شخصیات کو ہفتہ وار سنتوں بھرے اجتماع میں شرکت کرنے کی دعوت دی جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے تحت OPF ہاؤسنگ سوسائٹی لاہور کے بلاک C میں ایک شخصیت محمد عمر عطاری کی والدہ کے ایصالِ ثواب کے سلسلے میں ایصالِ ثواب اجتماع کا اہتمام کیا گیا جس میں مقامی اسلامی بھائیوں کی کثیر تعداد میں شرکت رہی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے ”مرنے کے بعد اولاد کے حقوق“ کے موضوع پر سنتوں بھرا بیان کیا اور اجتماع میں شریک عاشقانِ رسول کو اپنے مرحومین کے لئے زیادہ سے زیادہ ایصالِ ثواب کرنے کی ترغیب دلائی جس پر انہوں نے اچھی اچھی نیتوں کا اظہار کیا۔بعدازاں رکنِ شوریٰ نے مرحومین کے ایصالِ ثواب کے لئے دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پچھلے دنوں دعوتِ اسلامی کے مدنی مرکز فیضانِ مدینہ جوہر ٹاؤن  لاہور میں 3 دن کا تربیتی اجتماع منعقد ہوا جس میں مختلف ڈیپارٹمنٹس (جن میں رابطہ برائے شخصیات، رابطہ برائے خصوصی شخصیات، میڈیا ڈیپارٹمنٹ، شعبہ اصلاح برائے قیدیان، رابطہ برائے شوبز ڈیپارٹمنٹ، رابطہ برائے اسپورٹس ڈیپارٹمنٹ، فیضان مرشد ڈیپارٹمنٹ، فیضان مرشد خصوصی ڈیپارٹمنٹ، رابطہ برائے سوشل میڈیا ڈیپارٹمنٹ، رابطہ برائے ٹرانسپورٹ ڈیپارٹمنٹ، رابطہ برائے میڈیکل ڈیپارٹمنٹ، سیکورٹی ڈیپارٹمنٹ، پروفیشنل فورم، شعبہ تعلیم، شعبہ چائنیز، شعبہ رابطہ برائے وکلاء، رابطہ برائےایگریکلچر اینڈ لائیو اسٹاک ڈیپارٹمنٹ شامل تھے) کے ذمہ دار اسلامی بھائیوں نے شرکت کی۔

اس تربیتی اجتماع میں مرکزی مجلسِ شوریٰ کے رکن حاجی یعفور رضا عطاری نے ”کسٹمر کیئر سروس“ کے موضوع پر سنتوں بھرا بیان کیا اور انہیں دعوتِ اسلامی کے دینی کاموں کو اخلاص کے ساتھ کرنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

سندھ کے شہر حیدر آباد میں واقع دعوتِ اسلامی کے مدنی مرکز فیضانِ مدینہ میں 3 دن پر مشتمل 12 دینی کام کورس کا انعقاد ہوا جس میں مرکزی مجلسِ شوریٰ کے رکن حاجی محمد امین عطاری کے ہمراہ کراچی سٹی سے آئے ہوئے ڈسٹرکٹ و ٹاؤن نگران کے ذمہ دار اسلامی بھائیوں نے شرکت کی۔

اس کورس میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران کی مختلف موضوعات پر تربیت کرتے ہوئے انہیں دعوتِ اسلامی کے 12 دینی کاموں کے متعلق مدنی پھولوں سے نوازا۔(غیاث الدین عطاری)

عاشقان رسول کو دین و شریعت کی تعلیمات سے آگاہ کرنے، تنظیمی معلومات فراہم کرنے، اخلاق بہتر بنانے اور دنیا میں زندگی گزارنے کا سلیقہ سکھانے کے لئے آج رات مؤرخہ 25جون 2022ء کو عالمی مدنی فیضان مدینہ کراچی سے براہ راست مدنی چینل پر ہفتہ وار مدنی مذاکرے کا انعقاد کیا جائیگا ۔

اس مدنی مذاکرے میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ دینی و معاشرتی اعتبار سے شرکا کی تربیت کریں گے نیز عاشقان رسول کی جانب سے ہونے والے سوالات کے حکمت بھرے اندازمیں جوابات بھی ارشاد فرمائیں گے۔

تمام عاشقان رسول سے اس مدنی مذاکرے میں شرکت کرنے کی درخواست ہے۔