پچھلے دنوں ڈی پی او دفتر گجرات میں سیرت النبی ﷺ کانفرنس کا انعقاد کیا گیا جس میں دعوتِ اسلامی کی مرکزی مجلسِ شوریٰ کے رکن حاجی محمد اظہر عطاری، ڈی پی او سیّد غضنفر علی، ڈی ایس پی رانا آصف، ڈی ایس پی محمد ریاض اور تمام ڈسٹرکٹ کے ایس ایچ او سمیت پولیس کے دیگر جوانوں کی شرکت رہی۔

تفصیلات کے مطابق اس کانفرنس میں رکنِ شوریٰ حاجی محمد اظہر عطاری نے سنتوں بھرا بیان کرتے ہوئے وہاں موجود آفیسرز کی دینی و اخلاقی اعتبار سے تربیت کی اور انہیں مدنی پھولوں سے نوازا۔

ڈی پی او نے مدنی چینل کو اپنے تأثرات دیتے ہوئے دعوتِ اسلامی کی کاوشوں کو خوب سراہا اور اپنے نیک خواہشات کا اظہار کیا۔بعدازاں رکنِ شوریٰ نے ڈی پی او سے دعوتِ اسلامی کے دینی و فلاحی کاموں کے بارے میں اہم امور پر گفتگو کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں شعبہ مدنی قافلہ دعوتِ اسلامی کے تحت سندھ بھر کے 12 ماہ کے عاشقانِ رسول کی تربیت کے لئے مدنی مرکز فیضانِ مدینہ حیدر آباد میں ماہانہ نشست کا انعقاد کیا گیا۔

اس نشست میں مرکزی مجلسِ شوریٰ کے اراکین حاجی قاری محمد ایاز عطاری اور حاجی محمد فاروق جیلانی عطاری نے عاشقانِ رسول سے دعوتِ اسلامی کے 12 دینی کاموں کی کارکردگی کا جائزلیا اور دینی کاموں کو بڑھانے کے حوالے سے مدنی پھول دیئے۔

مزید نگرانِ شعبہ حاجی مشکور عطاری نے اسلامی بھائیوں کی تربیت و رہنمائی کی جبکہ اراکینِ شوریٰ نے اسلامی بھائیوں کے درمیان تحائف بھی تقسیم کئے۔(رپورٹ:علی حسن عطاری صوبہ سندھ شعبہ مدنی قافلہ، کانٹینٹ:غیاث الدین عطاری)

دعوتِ اسلامی کے زیرِ اہتمام 5 اکتوبر 2022ء بروز بدھ شعبہ رابطہ برائے شخصیات کے ذمہ داران نے مختلف شخصیات جن میں میونسپل کمشنر ڈسٹرکٹ کورنگی وسیم سومرو، ڈائریکٹر سالڈ ویسٹ سلیم رضا، ڈائریکٹر سالڈ ویسٹ مینجمنٹ راشد رؤوف، ڈائریکٹر پارک وقاص سومرو، ایکس سی این بہروز خان اور ایکس سی این بی اینڈ آر سمیت دیگر افسران کو کورنگی ڈسٹرکٹ میں ہونے والے اجتماعِ میلاد کے گراؤنڈ نیز جلوسِ میلاد گزرنے کی شاہراہوں کے انتظامات کا وزٹ کروایا۔

دوسری جانب این اے ابوبکر اور ایم پی اے غلام جیلانی نے ذمہ داران کے ہمراہ دعوتِ اسلامی کے جامعۃالمدینہ بوائز فیضان بغداد کا دورہ کیااور وہاں کے تعمیراتی کاموں کا جائزہ لیا۔ بعدازاں این اے ابوبکر اور ایم پی اے غلام جیلانی نےعالمی مدنی مرکز فیضانِ مدینہ میں ہونے والے مدنی مذاکرے میں شرکت کی۔

اسی طرح ذمہ دار اسلامی بھائیوں نے ڈپٹی کمشنر ایسٹ راجہ طارق اور مختیار کار احمد میمن کو دعوتِ اسلامی کے عالمی مدنی مرکز فیضانِ مدینہ کراچی کا وزٹ کروایا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے زیرِ اہتمام 4 اکتوبر 2022ء بروز منگل عالمی مدنی مرکز فیضانِ مدینہ کراچی میں شعبہ ائمہ مساجد اور شعبہ ماہنامہ فیضانِ مدینہ کے ذمہ داران کی میٹنگ منعقد ہوئی۔

دورانِ میٹنگ شعبہ ماہنامہ فیضانِ مدینہ کے مولانا مہروز عطاری مدنی نے مختلف موضوعات پر گفتگو کرتے ہوئے ماہنامہ فیضانِ مدینہ کی بکنگ کے حوالے سے مشاورت کی۔

اس کے علاوہ مدنی مشورے میں مختلف اہداف طے کئے گئے جن میں بعض یہ ہیں:

1:شعبہ ائمہ مساجد کے تحت ماہِ اکتوبر میں 313 کی بکنگ کا ہدف طے کیا گیا۔

2:روزانہ کی بنیاد پر شعبہ ائمہ مساجد کے ذمہ داران کم و بیش 3 اسلامی بھائیوں سے بکنگ کے حوالے سے رابطہ کریں گے۔

3:شعبہ ائمہ مساجد کے مدنی مشوروں میں مولانا مہروز عطاری مدنی کا بیان رکھا جائے گا۔(کانٹینٹ:غیاث الدین عطاری)

4 اکتوبر 2022ء بروز منگل عید میلادالنبی ﷺ کے سلسلے میں یونیورسٹی آف انجینئرنگ اینڈ ٹیکنالوجی لاہور کے ایک ہاسٹل میں اجتماعِ میلاد النبی ﷺ کا انعقاد کیا گیا جس میں یونیورسٹی کے اسٹوڈنٹس نے کثیر تعداد میں شرکت کی۔

تلاوتِ قراٰنِ پاک و نعتِ رسولِ مقبول ﷺ سے اجتماع کا آغاز کیا گیا جبکہ مبلغِ دعوتِ اسلامی انجینئر احمد حماد عطاری نے”صحابۂ کرام رضی اللہ عنہ کا اندازِ عشقِ مصطفٰی ﷺ“ کے موضوع پر سنتوں بھرا بیان کیا۔

اس کے علاوہ مبلغِ دعوتِ اسلامی نے اسٹوڈنٹس کو نیکی کی دعوت دیتے ہوئے دینی کاموں میں حصہ لینے کا ذہن دیا۔بعدازاں درود و سلام اور دعا کا سلسلہ ہوا۔(رپورٹ:حسن علی عطاری، یونیورسٹی نگران، کانٹینٹ:غیاث الدین عطاری)

اسپیشل پرسنز (گونگے، بہرے اور نابیناافراد) کی دینی و اخلاقی تربیت کرنے اور انہیں اسلامی تعلیمات سے آگاہ کرنے کے لئے دعوتِ اسلامی کے اسپیشل پرسنز ڈیپارٹمنٹ کے زیرِا ہتمام شیخوپورہ میں سنتوں بھرے اجتماع کا انعقاد کیا جس میں اسپیشل پرسنز کی کثیر تعداد نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا جبکہ اسپیشل پرسنز کی آسانی کے لئے مبلغِ دعوتِ اسلامی نے رکنِ شوریٰ کے بیان کی ترجمانی کی۔

رکنِ شوریٰ نے دورانِ بیان اسپیشل پرسنز کو دعوتِ اسلامی کے دینی ماحول سے ہردم وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوت اسلامی کے تحت   تھانہ سلانوالی میں اجتماع میلاد کا انعقاد ہوا جس میں مدرسۃ المدینہ کے بچوں نے قرآن خوانی بھی کی۔اس اجتماع میں ایس ایچ او سلانوالی اقرار حسین ودیگر تفتیشی افسران ، محرر اسٹاف اور جوانوں نے شرکت کی ۔

اس موقع پر مبلغ دعوت اسلامی نے سنتوں بھرا بیان کیا اور نیکی کی دعوت پیش کرتے ہوئے شرکا ئے اجتماع کو سنتوں پر عمل کرنے، نمازوں کی پابندی کرنے کی ترغیب دلائی اور اجتماع میلاد میں شرکت کی دعوت دی جس پر انہوں نے اچھی اچھی نیتوں کا اظہار کیا ۔ آخر میں دعا و صلاۃ و سلام کے ساتھ اختتام ہوا۔(رپورٹ: تحصیل سلانوالی/ڈسٹرکٹ سرگودھا، کانٹینٹ: رمضان رضا عطاری) 

دعوت اسلامی کی جانب سے شعبہ رابطہ برائے شخصیات کے  ذمہ داران نے 10 ربیع الاول کو ايك مقامی ہوٹل سکردو میں ہونے والے اجتماع میلاد کے سلسلے میں سیکیورٹی پرسن اتھاڑٹی سے ملاقاتیں کیں جن میں (اڈیشنل ڈپٹی کمشنر وقاص جوہر ،عنایت علی ڈسٹرکٹ آفسر ،زبیر ڈویژنل اسسٹنٹ، ڈائریکٹر ڈی ایم اے خپلو،ڈپٹی کمشنر رضا، کمشنر بلتستان شجاع عالم، پریس کلب کے صدر مظفر حسین) سمیت کئی شخصیات سے ملاقات کی۔

دوران ملاقات انہیں دعوت اسلامی کے دینی کاموں کا اسٹریکچر بتایا اور FGRF ڈیپارٹمنٹ کا تعارف کروایا۔بعدازاں اجتماع میلاد کے انتظامات پر تبادلہ خیال ہوا جس پر اتھارٹی پرسنز نے اس سلسلے میں خدمات پیش کرنے پر اپنی رضا مندی کا اظہار کیا۔(رپورٹ: شعبہ رابطہ برائے شخصیات، کانٹینٹ: رمضان رضا عطاری)

دعوت  اسلامی کے زیر اہتمام پچھلے دنوں شعبہ رابطہ برائے شخصیات کے ذمہ داران کی استور ڈسی آفس میں ڈپٹی کمشنر ذوالقرنین اور ایس ایس پی شیرین قادری سے ملاقات ہوئی ۔

دوران ملاقات ڈویژن نگران عبدالکریم عطاری،ڈسٹرکٹ نگران ضمیر دین عطاری اور دیگر ذمہ داران نے جلوس میلاد کے حوالے سے میٹنگ کی جس میں ان کو جلوس میلاد کا سارا شیڈول بتایا اس پر انہوں نے اظہار مسرت کرتے ہوئے اس سلسلے میں تعاون کرنے کی یقین دہانی کروائی۔ (رپورٹ: شعبہ رابطہ برائے شخصیات، کانٹینٹ: رمضان رضا عطاری)

عاشقان رسول کی دینی تحریک دعوت اسلامی 80 سےزائد شعبہ جات کے ذریعے دنیا بھر میں منظم اندازسے دین اسلام کی تعلیمات کو عام کررہی ہے۔

عرب ممالک کے عاشقان رسول میں دعوت اسلامی اور اس کے شعبہ جات کا تعارف عام کرنے کے لئے ”شعبہ عربی ڈیپارٹ دعوت اسلامی“ نے ایک میگزین بنام ”مرکز الدعوۃ الاسلامیۃ“Introduction Of Dawateislami جاری کیا ہے۔

اس میگزین میں دعوت اسلامی اور اس کے شعبہ جات کے تعارف کو جامع اور مختصر انداز میں بیان کیا گیا ہے۔

میگزین کو ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

عالمی مدنی مرکز فیضان مدینہ کراچی میں اردن (Jordan) کے الشیخ فواز الطباع الحسنی اور ‫شیخ عمر العوضات اورصومالیہ (Somalia) کے شیخ عبد الرحیم حفظہم اللہ کی آمد ہوئی۔

شیخ صاحبان نے فیضان مدینہ میں قائم اسلامک ریسرچ سینٹر(المدینۃ العلمیہ)، مدنی چینل ، ٹرانسلیشن، عربی ڈیپارٹ سمیت دیگر ڈیپارٹمنٹس کا وزٹ کیا۔عربی ڈیپارٹ کے ذمہ دار اسلامی بھائی نےانہیں دعوت اسلامی کے تحت دنیا بھر میں ہونے والے دینی و فلاحی خدمات کے بارےمیں بریفنگ دی اور مکتبۃ المدینہ العربیہ کی کتابوں کا تعارف پیش کیا۔

مہمان گرامی نے فیضان مدینہ کے دار الافتاء اہلسنت میں مفتی مولانا محمد سجاد عطاری مدنی دامت بَرَکَاتُہمُ العالیہ اور رکن شوریٰ حاجی ابو ماجد محمد شاہد عطاری مدنی سے ملاقات بھی کی اور علمی امور پر تبادلۂ خیال ہوا۔

عالمی مدنی مرکز فیضان مدینہ کراچی میں گورنمنٹ جناح ڈگری کالج سے پروفیسرز کے وفد کی آمد ہوئی۔

پروفیسرز نے فیضان مدینہ میں مختلف شعبہ جات اسلامک ریسرچ سینٹر (المدینۃ العلمیہ)، مدنی چینل، دورۃ الحدیث شریف اور دیگر ڈیپارٹمنٹس کا وزٹ کیا۔

پروفیسرز کو اسلامک ریسرچ سینٹر میں ہونے والے تحریری کام اور دعوت اسلامی کس طرح دینی و دنیاوی تعلیم کو منظم انداز میں عام کررہی ہے اس حوالے سے بتایا گیا۔ مہمانوں کو دعوت اسلامی کے ایپلی کیشنز اور دنیا بھر میں ہونے والے دینی و فلاحی خدمات کے متعلق بریفنگ دی گئی۔