شعبہ رابطہ برائے شخصیات دعوتِ اسلامی کے تحت  پسرور میں ذمہ داران نے گورنمنٹ اداروں کے مختلف افسران (جن میں اسسٹنٹ کمشنر چیف آفیسر محمد یوسف، ڈی ایس پی ملک عامر، ایس ایچ او تھانہ سٹی جہانزیب خان، ڈپٹی کمشنر میثم عباس سیالکوٹ، اسسٹنٹ کمشنر محمد اسامہ، ڈی ایس پی صدر رانا ندیم طارق اور ڈی ایس پی لیگل رانا شہباز شامل تھے) سے ملاقات کی۔

اس دوران ذمہ داران نے افسران کو نیکی کی دعوت دیتے ہوئے دعوتِ اسلامی کے تحت ہونے والی شجرکاری مہم میں حصہ لینے کا ذہن دیا جس پر انہوں نے اپنی نیک خواہشات کا اظہا رکرتے ہوئےاچھی اچھی نیتوں کا اظہا رکیا۔مزید ذمہ دار اسلامی بھائیوں نے انہیں دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتایا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

19 اگست 2022ء کو دعوت اسلامی کے مدنی مرکز فیضان مدینہ فیصل آباد میں مدنی مشورہ ہوا جس میں مختلف شعبوں کے ذمہ داران اور دیگر عاشقان رسول نے شرکت کی۔

مرکزی مجلس شوری دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی نےسنتوں بھرا بیان فرمایا اور شرکا کی تربیت کرتے ہوئے انہیں 12 دینی کاموں میں شرکت کرنےاور ہر ماہ تین دن مدنی قافلے میں سفر کرنے کی ترغیب دلائی۔

اس موقع پرنگران پاکستان مشاورت حاجی محمد شاہد عطاری اور رکن شوریٰ حاجی محمد اسلم عطاری بھی موجود تھے۔

19 اگست 2022ء کو دعوت اسلامی کے مدنی مرکز فیضان مدینہ فیصل آباد میں مدنی مشورہ ہوا جس میں شعبہ نیو سوسائیٹیز، خدام المساجد، پراپرٹی اینڈ کنسٹرکشن اور دیگر مجالس کے ذمہ داران کے شر کت کی۔

نگران شوری حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کی تربیت فرمائی۔ نگران شوریٰ نے شرکا کو نیوسائیٹیز میں دینی کاموں کو فروغ دینے، نئی مساجد کا قیام کرنے اور اس حوالے سے رابطے مضبوط کرنے کا ذہن دیا۔

اس موقع پر نگران پاکستان مشاورت حاجی محمد شاہد عطاری اور اراکین شوریٰ حاجی رفیع عطاری اور حاجی مولانا محمد جنید عطاری مدنی بھی موجود تھے۔

دینی کاموں کے سلسلے میں پچھلے دنوں پنجاب پاکستان کے شہر فیصل آبا دمیں مرکزی مجلسِ شوریٰ کے نگران حاجی محمد عمران عطاری کی آمد ہوئی جہاں اُن کی ملاقات مختلف شخصیات سے ہوئی۔

اس دوران شخصیات کے لئے سیکھنے سکھانے کا حلقہ لگایا گیا جس میں نگرانِ شوریٰ حاجی محمد عمران عطاری اور رکنِ شوریٰ و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کی۔

نگرانِ شوریٰ نے سنتوں بھرا بیان کرتے ہوئے وہاں موجود شخصیات کو نیک اعمال کرنے اور گناہوں سے بچتے ہوئے اسلامی تعلیمات کے مطابق زندگی گزارنے کا ذہن دیانیز دعوتِ اسلامی کے دینی ماحول سے ہر دم وابستہ رہنے کی ترغیب دلائی۔

اس حلقے میں سابق ایم این اے و وفاقی وزیر طلال بدر چوہدری، ایم پی اے و صوبائی وزیر برائے معدنیات لطیف نذر گجر، سیشن جج فیصل آباد عظیم بھٹی، سابق ضلع ناظم ٹوبہ چوھدری محمد اشفاق، چیف وارنٹ آفیسر ایئر فورس آصف جاوید، ڈویژنل فارسٹ آفیسر محمد وجیہہ الدین، چیف آفیسر کارپوریشن (لالیاں چنیوٹ) محمد فیصل، چیف ایگزیکٹو آفیسر FWMC محمد بلال فیروز جوئیہ، ڈسٹرکٹ آفیسر پٹرولنگ پولیس ڈی ایس پی ملک محمد امین، ڈسٹرکٹ پنشنر آفیسر ڈی سی آفس طارق محمود، انچارج سپیشل برانچ مدینہ ٹاؤن محمد اسد، انچارج سیکیورٹی برانچ محمد ندیم، انچارج سیکورٹی برانچ محمد گل زیب، ایف بی آر آفیسر محمد قمر اور معروف سیاسی و سماجی شخصیت محمد قاسم موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

ماہ صفر المظفر ”عرس اعلیٰ حضرت“ کے موقع پر ہر سال شروع ہونے والا مدنی چینل کا نہایت دلچسپ اور مقبول عام سلسلہ”ذوقِ نعت“ کا سیزن 10 شروع ہونے جارہا ہے۔ سلسلے کا باقاعدہ آغاز 30 اگست 2022ء بمطابق 2 صفر المظفر 1444ھ بروز منگل رات تقریباً 10:00 بجے براہ رست مدنی چینل پر ہوگا۔سیزن 10 کے مقابلے میں کراچی، حیدر آباد، فیصل آباد، ملتان، اسلام آباد، لاہور، کوئٹہ اور گوجرانوالہ کی ٹیمیں شریک ہوں گی۔

مقابلے میں شرکت کے لئے ان ٹیموں کو دوگروپوں Group “A” اورGroup “B” میں تقسیم کیا گیا ہے۔ Group “A” میں کراچی، حیدر آباد، فیصل آباد اور ملتان جبکہ Group “B” میں اسلام آباد، لاہور، کوئٹہ اور گوجرانوالہ کی ٹیم شامل ہے۔

ٹیموں کا مقابلہ اور Episodeکے شیڈول کو جاننے کے لئے درج ذیل تفصیلات ملاحظہ کیجئے:

دعوتِ اسلامی کے زیرِ اہتمام پچھلے دنوں پاکستان کے ضلع گوجرانوالہ میں شعبہ رابطہ برائے شخصیات کے اسلامی بھائیوں نے سرکاری افسران سے ملاقاتیں کیں جن میں ایڈیشنل ڈپٹی کمشنر ہیڈ کوارٹر شاہد عباس جوتہ، اسسٹنٹ کمشنر گوجرانوالہ سٹی کامران حسین مشتاق، ایڈیشنل ڈپٹی کمشنر جنرل محمد شبیر بٹ ضلع گوجرانوالہ اور پی اے محمد رضوان سمیت دیگر افسران شامل تھے۔

اسی طرح ذمہ داران نے سپرنٹنڈنٹ آفس کا دورہ کیا جہاں انہوں نے وائس چیئرمین پی ایچ اے محمد شبیر، سابق ایم پی اے محمد طارق گجر، سابق نندی پور ٹاؤن ناظم محمد رضوان چیمہ اور ڈسٹرکٹ فوڈ آفیسرز کو نیکی کی دعوت پیش کی۔

اس موقع پر ذمہ دار اسلامی بھائیوں نے تمام افسران کو دعوتِ اسلامی کے دینی و فلاحی کاموں کے بارے میں بتایا بالخصوص شعبہ ایف جی آر ایف کے ذریعے حالیہ بارشوں میں امت کی خیر خواہی کے لئے کی جانے والی امداد کے حوالے سے بریفنگ دی۔

بعدازاں ذمہ داران کی جانب سے افسران کو شعبہ مکتبۃ المدینہ دعوتِ اسلامی کے کُتُب و رسائل تحفے میں پیش کئے گئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

23 اگست 2022ء کو دعوت اسلامی کے شعبہ جامعۃ المدینہ کے تحت مدنی مرکز فیضان مدینہ کاہنہ نو لاہور میں سنتوں بھرے اجتماع کا انعقاد کیا جائیگا۔

اجتماع پاک میں مرکزی مجلس شوریٰ نگران حاجی مولانا محمد عمران عطاری مُدَّ ظِلُّہُ العالی خصوصی بیان فرمائیں گے۔

اس اجتماع میں جامعات المدینہ کے کم و بیش 16 ہزار طلبہ اور اساتذۂ کرام شرکت کریں گے۔

پچھلے دنوں دعوتِ اسلامی کی مرکزی مجلسِ شوریٰ کے نگران حاجی محمد عمران عطاری دینی کاموں کے سلسلے میں ملتان شہر کے شیڈول پر تھے جہاں انہوں نے مختلف سیاسی و سماجی شخصیات سے ملاقات کی۔

دورانِ شیڈول 21 اگست 2022ء بروز اتوار عاشقانِ رسول کی تربیت کے لئے سیکھنے سکھانے کا حلقہ لگایا گیا جس میں سینئر سیاستدان مخدوم جاویدہاشمی (ممبرصوبائی اسمبلی وسابق مشیروزیراعلیٰ پنجاب)، حاجی جاوید اخترانصاری (سی پی او)، خرم شہزادحیدر (SSP)، رائےمحمد فیض سلطان (ریجنل آفیسر سوئی گیس) اور محمداویس رضا (پی آراوٹوایڈیشنل آئی جی ساؤتھ) سمیت دیگر افسران نے شرکت کی۔

نگرانِ شوریٰ حاجی محمد عمران عطاری نے سنتوں بھرا بیان کرتے ہوئے اسلامی بھائیوں کی دینی و اخلاقی اعتبار سے تربیت کی اور انہیں دعوتِ اسلامی کے دینی ماحول سے منسلک رہنے کا ذہن دیا۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری بھی موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

21اگست 2022ء  بروز اتوار حافظ آباد میں شعبہ تحفظ اوراق مقدسہ کا ماہانہ مدنی مشورہ ہوا جس میں شعبے کے اسلامی بھائیوں نے شرکت کی۔

ڈویژن ذمہ دار محمد عثمان عطاری نے شعبے کی سابقہ ماہ کی کارکردگی کاجائزہ لیا اور شعبے کی آمدن اور خرچ کا جائزہ لیتے ہوئے نئے اہداف کو طے کیا ۔ مزید تفصیلات کے مطابق ذمہ داران کو تربیتی مدنی پھول بیان کئے اور وقت کی قدر کرنے کا ذہن دیتے ہوئےاوراق مقدسہ کے باکسز بڑھانے نیز باکسز کو بروقت خالی کرنے کی ترغیب دلائی۔

علاوہ ازیں حافظ آباد میں شعبہ تحفظ اوراق مقدسہ کے تحت ذمہ داران نے قریبی دوکان داروں سے ملاقاتیں کی اور وہاں مدنی بستے کا افتتاح کیا۔ اس موقع پر دعائے خیر کروائی اور حاضرین کو عطیات دینے کا ذہن دیا۔ (رپورٹ: محمد عمران عطاری ڈسڑکٹ ذمہ دار،کانٹینٹ:رمضان رضا عطاری)

20  اگست 2022ء بروز ہفتہ شیخوپورہ موڑ نزد بس اسٹاپ فیضانِ مدینہ گوجرانوالہ میں نگران مجلس شعبہ تحفظ اوراق مقدسہ شاہنواز عطاری و صوبائی ذمہ دار نے مدنی مشورہ کیا جس میں نگران مجلس نے شعبے کی پچھلے 2 ماہ کی کارکردگی کا جائزہ لیا۔

دوران گفتگو شعبے کو خود کفیل کرنے کے لئے دوکانوں پر عطیات بکس رکھنے کا ذہن دیتے ہوئے اوراق مقدسہ کے اجتماعات کرنے کے مدنی پھول اور شعبہ کو مضبوط کرنے پر نکات بتائے نیز جس کام میں کمی رہی اس کو دور کرنے اور کام کو مضبوط کرنے کا کہا۔ ساتھ ساتھ آئندہ ماہ کے اہداف دیئے اور پچھلی کارکردگی سن کر نگران مجلس نے حوصلہ افزائی کرتے ہوئے اسلامی بھائیوں کو تحائف دیئے۔ (رپورٹ: محمد آفتاب عطاری شعبہ تحفظ اوراق مقدسہ،کانٹینٹ:رمضان رضا عطاری)

دعوتِ اسلامی کے زیرِ اہتمام پچھلے دنوں کوٹ عبد اللہ مناواں لاہور میں حاجی افضال مرحوم کے لئے ایصالِ ثواب اجتماع کا انعقاد کیا گیا جس میں قرب و جوار کے کثیر عاشقانِ رسول نے شرکت کی۔

مبلغِ دعوتِ اسلامی نےتلاوتِ قراٰن سے اس اجتماعِ پاک کا آغاز کیا جبکہ رکنِ مرکزی مجلسِ شوریٰ حاجی یعفور رضا عطاری نے سنتوں بھرا بیان کیا اور وہاں موجود اسلامی بھائیوں کو اپنے مرحومین کے لئے زیادہ سے زیادہ ایصالِ ثواب کرنے کی ترغیب دلائی۔

رکنِ شوریٰ نے دورانِ بیان اسلامی بھائیوں کو دعوتِ اسلامی کے 12 دینی کاموں میں بڑھ چڑھ کرحصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پچھلے دنوں  دعوت اسلامی کے تحت بنگلہ دیش میں فیضان آن لائن اکیڈمی کی پہلی نیو برانچ کے آغاز کےسلسلے میں ذمہ داران کی باہمی مشاورت ہوئی جس میں مدرسین و ذمہ داران کے تقرر کرنےکے نظام اور ایڈمیشن و فیس کے معاملات کے حوالے سے اہداف طے کئے گئے نیزبرانچ کےآغاز سے پہلے بھرپور تشہیر کرنے کے حوالے سے بھی گفتگو ہوئی۔

اس موقع پر نگران مجلس مولانا یاسر عطاری مدنی، نگران بنگلہ دیش رضا عطاری، اراکین مجلس غلام الیاس عطاری مدنی، سلمان عطاری، نگران مجلس جامعۃ المدینہ بنگلہ دیش جنید عطاری مدنی اور بنگلہ دیش کے مختلف مقامات کے اسلامی بھائی  بھی شریک ہوئے۔ (رپورٹ: علی حمزہ عطاری شب و روز ذمہ دار فیضان آن لائن اکیڈمی ،کانٹینٹ:رمضان رضا عطاری)