عاشقانِ رسول کی دینی تحریک دعوتِ اسلامی دنیا بھر میں نیکی کی دعوت عام کرنے، لوگوں کو نمازوں کا پابند بنانے اور زیادہ سےزیادہ مساجد بناکر انہیں آباد کرنے کے لئےہمیشہ دینی کاموں میں مصروفِ عمل ہے۔

اسی مقصد کے تحت پنجاب پاکستان کے شہر لاہور میں واقع مصطفیٰ آباد کے عاشقانِ رسول کے لئے دعوتِ اسلامی کے زیرِ اہتمام جامع مسجد آفتاب صدیقی کا سنگِ بنیاد رکھا گیا۔

اس موقع پر دعوتِ اسلامی کے تحت سنتوں بھرے اجتماع کا انعقاد کیا گیا جس میں مقامی مارکیٹ کے تاجران سمیت اہلِ علاقہ کی کثیر تعداد نے شرکت کی جن میں ذمہ دار اسلامی بھائی بھی موجود تھے۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ”مساجد بنانے اور انہیں آباد کرنے“ کے موضوع پر سنتوں بھرا بیان کیا اور اجتماع میں شریک اسلامی بھائیوں کی دینی و اخلاقی اعتبار سے تربیت کی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوت  اسلامی کی جانب سے 18 اگست 2022ء کو پی آئی بی فیضانِ صحابیات میں سیکھنے سکھانے کے ماہانہ دینی حلقے کا انعقاد کیا گیا جس میں ذمہ دار اسلامی بہنوں نے شرکت کی۔

نگران عالمی مجلس مشاورت اسلامی بہن نے ’’مبلغات کی تربیت‘‘ کے موضوع سے متعلق مدنی پھول بتائے اور اسلامی بہنوں کو دینی کاموں میں حصہ لینے کا ذہن دیا۔ بعدازاں صاحبزادیِ عطار سلمھاالغفار نے دعا کروائی۔ 

19اگست 2022ء   کو ذمہ داران دعوت اسلامی نے ایڈمنسٹریٹر آفس کورنگی کا رھا میونسپل کمشنر ڈسٹرکٹ کورنگی وسیم سومرو، ڈائریکٹر صولڈ ویسٹ سلیم رضا، ڈائریکٹر پارک وقاص سومرو ، ڈائریکٹر ایڈمن سلمان حیدر، ڈائریکٹر فنانس زوہیب شاہ اور ڈائریکٹر پارکنگ اویس خان ودیگر اسٹاف سے ملاقاتیں ہوئیں ۔

ماہنامہ فیضان مدینہ ورسائل پیش کئے اور فیضان مدینہ وزٹ کی دعوت پیش کی نیز ایم اےصاحب کو ڈائی لیس کے روحانی علاج کے حوالے سے تعویذات عطاریہ و وظائف پیش کئے ۔ (رپورٹ: غلام محبوب عطاری ڈسٹرکٹ کورنگی ،کانٹینٹ:رمضان رضا عطاری)

پچھلے دنوں شعبہ رابط برائے شخصیات ڈسٹرکٹ ڈویژن گوجرانوالہ میں  ذمہ داران دعوت اسلامی کی ایڈیشنل ڈپٹی کمشنر جنرل محمد شبیر بٹ،ایڈیشنل ڈپٹی کمشنر فنانس خرم شہزاد بھٹی،ایڈیشنل ڈپٹی کمشنر ریو نیو محمد عباس مانگھٹ،ایڈیشنل ڈپٹی کمشنر ہیڈ کوارٹر شاہد عباس جوتہ، اسسٹنٹ کمشنر محمد کامران مشتاق، ناظر ڈی سی آفس شیخ عبدالجبار، چیئرمین سندس فاونڈیشن حاجی محمد سرفراز ، چیئرمین سٹی ٹور بس محمد سعید اور دیگر عملے سے ملاقات کی۔

دوران ملاقات ذمہ داران نے شخصیات کو دعوت اسلامی کا تعارف پیش کرتے ہوئے انہیں شعبہ ایف، جی ،آر، ایف کی کاوشوں سے آگاہ کیا اور ملک و بیرون ملک ہونے والی دعوت اسلامی کی دینی خدمات پر بریفنگ دی جس پر انہوں نے اظہارمسرت کیا۔(رپورٹ: محمد احسان عطاری،کانٹینٹ:رمضان رضا عطاری)

دعوتِ اسلامی کے شعبہ F.G.R.F کے تحت پاکستان بھر میں شجر کاری مہم جاری ہے اور ملکی آب ہوا کی بہتری اور موسمی تبدیلیوں کی روک تھام کے لئے لاکھوں پودے لگانے کا عزم ہے اسی سلسلے میں دعوتِ اسلامی واربرٹن کی طرف سے 10 ہزار پودے لگانے کا ہدف ہے۔

اسی سلسلے میں 19 اگست 2022ء بروز جمعۃ المبارک بعد نماز عصر جامع مسجد فیضانِ غوث اعظم حسن کالونی بائی پاس واربرٹن میں شجر کاری تقریب کا انعقاد کیا گیا جس میں جامعۃ المدینہ امینیہ رضویہ کے طلبائے کرام و اساتذہ عظام سمیت دیگر عاشقانِ رسول نے شرکت کی ۔

شجر کاری تقریب کا آغاز تلاوت قراٰن پاک اور نعت رسول مقبول ﷺ کے ساتھ ساتھ ہوا ۔ بعدازاں مبلغِ دعوتِ اسلامی حاجی نصر اقبال عطاری نے انچارج انویسٹیگیشن تھانہ واربرٹن ممتاز اجمل، میاں اخلاق، امیر سنی علما کونسل مولانا اشفاق احمد رضوی صاحب، صدر واربرٹن پریس کلب شیخ ذیشان مجید ، جوائنٹ سیکرٹری آصف گِل وسماجی کارکن مہر اشعر اور دیگر عاشقانِ رسول کے ہمراہ پودے لگائے ۔

اس موقع پر ملکی امن و سلامتی و خوشحالی کےلئے خصوصی دعا کی گئی۔تقریب کے بعد عاشقانِ رسول کے لئے لنگر غوثیہ کا اہتمام کیا گیا اور مفت پودے بھی تقسیم کئے گئے ۔

رپوٹ کے مطابق دعوتِ اسلامی واربرٹن کی جانب سے تقریباً ساڑھے چار ہزار پودے لگادیئے گئے ہیں اور مزید 4 ہزار پودے منگوا کر عاشقانِ رسول میں مفت تقسیم کئے جارہے ہیں ۔(رپورٹ: دعوتِ اسلامی واربرٹن،کانٹینٹ:رمضان رضا عطاری)

پچھلے دنوں رند قومی اتحاد کے مرکزی، قبائلی، سیاسی و سماجی رہنما اور میونسپل کارپوریشن کے ممبر میر حبیب الرحمٰن رند نے سبی میں قائم دعوت ِاسلامی کے مدنی مرکز فیضان مدینہ کا دورہ کیا۔

اس موقع پر صوبائی ذمہ دار شعبہ رابطہ برائے شخصیات بلوچستان محمد وقار عطاری نے ڈویژن نگران سبی حاجی غلام حیدر عطاری، ڈسٹرکٹ ذمہ دار محمد اسحاق عطاری کے ہمراہ میر حبیب الرحمٰن رند سے ملاقات کی۔

ذمہ داران نے انہیں دعوتِ اسلامی کی دینی و فلاحی خدمات بالخصوص موجودہ سیلابی صورتحال میں شعبہ FGRF کی بلوچستان میں خدمات کے حوالے سے گفتگو کی جس کو میر حبیب الرحمن رند نے سراہا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

نگران شوریٰ حاجی عمران عطاری دامت برکاتہم العالیہ کے جدول کی سیکیورٹی کے لئے پولیس مجلس کے ذمہ داران کی ایس پی ماڈل ٹاؤن سے ملاقات ہوئی۔

ذمہ دار دعوت اسلامی نے ان کو فیضان مدینہ کاہنہ نو وزٹ کی دعوت دی ۔ مزید پولیس اسٹیشن کاہنہ میں ایس ایچ او اور محرر سے ملاقات ہوئی ۔ تفصلات کے مطابق ڈیمانڈ نفری بنانے کے ساتھ ساتھ پروگرام کے لئے جن چیزوں کی ضرورت پڑ سکتی ہے اس پر کلام ہوا اور ان کی تحریری رپورٹ بنائی گئی ۔ (رپورٹ: شعبہ رابطہ برائے شخصیات پولیس مجلس پنجاب،کانٹینٹ:رمضان رضا عطاری)

20 اگست 2022ء کو جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی دینی کاموں کے سلسلے میں پاکستان سے یوگینڈا کمپالا روانہ ہوگئے۔اس سفر میں اراکین شوریٰ حاجی فاروق جیلانی عطاری اور حاجی امین قافلہ عطاری بھی ان کے ہمراہ تھے۔

جانشین امیر اہلسنت کی مصروفیات میں سنتوں بھرےبیانات، ذمہ داران و شخصیات سے ملاقات اور دینی کاموں کا جائزہ لینا شامل ہے۔

پچھلے دنوں   شعبہ رابطہ برائے شخصیات کے تحت سبی میں وقار عطاری اور ڈسٹرکٹ نگران محمد اسحاق عطاری نے بلوچستان میں سبی کے جیل سپرینڈنٹ عبداللہ خان کاکڑ سے ملاقات کی۔

وقار عطاری نے سپرینڈنٹ عبداللہ خان کو دعوت اسلامی کے شعبہ FGRF کے تحت ہونے والی شجر کاری مہم کے حوالے سے بتایا نیز دوران گفتگو جیل میں قیدیوں کو دینی تعلیم دینے کے لئے مدرسہ لگانے کے حوالے سے ذہن دیا ۔ ہوم ڈیپارٹمنٹ اور ڈی آئی جی جیل خانہ جات سے مشاورت اور اجازت کے بعد معلم اسلامی بھائی تھانے میں جاکر قیدیوں کو دینی اور اخلاقی تعلیم سے آرستہ کریں گے۔(رپورٹ: وقار عطاری شعبہ رابطہ برائے شخصیات بلوچستان،کانٹینٹ:رمضان رضا عطاری)

شعبہ رابطہ برائے شخصیات کے   زیر اہتمام ذمہ داران دعوت اسلامی نے آر پی او ملتان ڈویژن رفعت مختار راجہ، سی پی او ملتان خرم شہزاد حیدر وڑائچ،ایس ایس پی RIB ملتان ڈویژن راؤ محمد نعیم شاہدسے تفصیلی ملاقاتاتیں کیں۔

دوران ملاقات آر پی او اور سی پی او کو سینئر رینک میں پروموٹ ہونے پر مبارکباد دی نیز انہیں دعوت اسلامی کے تنظیمی سیٹ اپ کے بارے میں بریفنگ دی اور آئندہ دنوں میں ملتان میں منعقد ہونے والے نگران شوریٰ کے مدنی حلقے میں شرکت کی دعوت دی جس پر انہوں نے شرکت کی نیت کی۔ (رپورٹ: کوآرڈینیشن ڈیپارٹمنٹ صوبہ پنجاب قاری اقبال عطاری،کانٹینٹ:رمضان رضا عطاری)

20 اگست 2022ء بروز ہفتہ دعوتِ اسلامی کےتحت شعبہ رابطہ برائے شخصیات کے ذمہ دار اسلامی بھائیوں کا دینی کاموں کے سلسلے میں ایس ایس پی آ فس کورنگی کا شیڈول رہا جہاں انہوں نے مختلف آفیسرز سے ملاقات کی۔

تفصیلات کے مطابق ذمہ داران نے ڈی آئی بی برانچ کے انچارج عبدالماجد انور، ٹو ایس پی آفس کے نسیمِ خان اور عبدالماجد خان سمیت اسٹاف کے دیگر عملے کو نیکی کی دعوت دیتے ہوئے دعوتِ اسلامی کے چند شعبہ جات بالخصوص شعبہ ایف جی آر ایف کے فلاحی کاموں کے بارے میں بتایاجس پر انہوں نے دعوتِ اسلامی کی کاوشوں کو سراہا۔

اس کے علاوہ ذمہ دار اسلامی بھائیوں نے ایس ایس پی ٹریفک کے دفتر میں ایس ایس پی ریڈر اشرف سے بھی ملاقات کی اور تمام افسران کو دعوتِ اسلامی کا ماہنامہ فیضانِ مدینہ تحفے میں پیش کیا نیز انہیں مدنی مرکز فیضانِ مدینہ کا وزٹ کرنے کی دعوت دی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

19 اگست 2022ء مدنی مرکز فیضان مدینہ فیصل آباد میں جامعۃ المدینہ کے طلبائے کرام کے لئے سنتوں بھرے اجتماع کا انعقاد کیا گیا جس میں فیصل آباد میں قائم جامعات المدینہ کے طلبہ، اساتذہ کرام اور ناظمین نے شرکت کی۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان فرمایا اور طلبہ کو وقت کا صحیح استعمال کرنے، علم کے ساتھ ساتھ عمل کو بھی بڑھانے اور دینی کاموں میں بڑھ چڑھ حصہ لینے کا ذہن دیا۔

اس موقع پر نگران پاکستان مشاورت حاجی محمد شاہد عطاری، اراکین شوریٰ حاجی مولانا محمد جنید عطاری مدنی، حاجی مولانا محمد اسد عطاری مدنی، اورحاجی محمد اسلم عطاری بھی موجود تھے۔