اسلام آباد، زون1 کی جامع مسجد صدیقِ اکبر میں گزشتہ روز دعوتِ اسلامی کے شعبہ کفن دفن کے تحت غسلِ میت کورس کا انعقاد ہوا جس میں اہلِ علاقہ اور ایک ماہ قافلے کے عاشقانِ رسول شریک ہوئے۔

اس کورس میں شعبے کے صوبائی ذمہ دار مولانا محمد مزمل عطاری مدنی نے حاضرین کو ابتداءً غسلِ میت دینے کا شرعی طریقہ بیان کیا جس کے بعد کفن کاٹنے اور پہنانے کا پریکٹیکل کرکے بھی بتایا۔

اس کے علاوہ صوبائی ذمہ دار نے نمازِ جنازہ کو دیکھ کر پڑھنے کی دعا، جنازہ پڑھنے اور جنازے کو کندھا دینے کی فضیلت بیان کی نیز کندھا دینے کا مکمل طریقہ بھی سکھایا ۔(رپورٹ: شعبہ کفن دفن ، کانٹینٹ:غیاث الدین عطاری)