Latest News Updates Of Dawat e Islami

درجہ دورۃ الحدیث شریف میں نگرانِ شوریٰ کا بیان

Wed, 25 Sep , 2019

5 years ago

25 ستمبر2019ء بروز بدھ عالمی مدنی مرکز فیضانِ مدینہ کراچی میں قائم جامعۃ المدینہ کے درجہ دورۃ الحدیث شریف میں طلبۂ کرام کی تربیت کا سلسلہ ہوا جس میں مرکزی مجلسِ شوریٰ کے نگران مولانا حاجی عمران عطاری مَدَّظِلُّہُ الْعَالِی نے سنّتوں بھرا بیان کیا اور شخصیت کو نکھارنے کے متعلق اہم نکات بیان کئے جن میں سے چند درج ِ ذیل ہیں :

٭لوگوں سے ان کی نفسیات کے مطابق بات کریں ۔٭لوگوں کو اہمیت دیں ۔٭جس سے بات کررہےہیں اس کی عمر،مقام اور مرتبے کو پیشِ نظر رکھیں ۔٭جس بات سے تعلق نہیں اس میں نہ پڑیں۔ (بے فائدہ کاموں سے بچیں )٭اگر کوئی غلطی ہے تو اسے مان لیں اس سے عزت میں اضافہ ہوگا۔٭برائی کا بدلہ بھلائی سے دینے کی عادت بنائیں ۔٭درگزر(معاف کرنے )کو عادت بنائیں۔٭جس طرح عقل مند آدمی اپنے گھر میں کوئی ایسی جگہ نہیں چھوڑتاجس سے کوئی اس کے گھر میں جھانکےاسی طرح اہلِ علم اور عقل مند آدمی اپنے کردار میں ایسی جگہ نہیں چھوڑتاجس سے لوگ اس کی شخصیت میں جھانکیں۔(رپورٹ،محمد آفتاب عطاری مدنی ،ناظم مرکزی جامعۃ المدینہ فیضانِ مدینہ دورۃ الحدیث شریف کراچی)