ملتان کے مدنی مرکز فیضانِ مدینہ میں 6 اکتوبر 2023ء بروز جمعہ ڈپٹی کمشنر ملتان کیپٹن (ر) رانا رضوان قدیر کی آمد ہوئی جہاں شعبہ رابطہ برائے شخصیات کے سٹی ذمہ دار حاجی محمد مسعود عطاری سمیت دیگرذمہ داران نے انہیں خوش آمدید کہا۔

معلومات کے مطابق ذمہ دار اسلامی بھائیوں نے ڈپٹی کمشنر کو مدنی مرکز فیضانِ مدینہ ملتان میں قائم فیضان آن لائن اکیڈمی بوائز سمیت دیگر شعبہ جات کا وزٹ کروایا۔

بعدازاں ڈپٹی کمشنر کیپٹن (ر) رانا رضوان قدیر کی نگرانِ ملتان سٹی حاجی محمد راشد عطاری سے ملاقات ہوئی جبکہ ذمہ دار اسلامی بھائیوں نے انہیں دعوتِ اسلامی کے تحت ہونے والے دینی و فلاحی کاموں کے حوالے سے بریفنگ دی جس کو ڈپٹی کمشنر نے خوب سراہا اور اپنی جانب سے ہر ممکنہ تعاون کی یقین دہانی کروائی۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

تحصیل نوشہرہ کے ریسکیو 1122 آفس میں حضور صلی اللہ علیہ و سلم کی ولادتِ باسعادت کے سلسلے میں 7 اکتوبر 2023ء بروز ہفتہ اجتماعِ میلاد کا انعقاد کیا گیا جس میں ریسکیو 1122 کے افسران اور اسٹاف سمیت دیگر عاشقانِ رسول نے شرکت کی۔

تلاوت و نعت کے بعد نوشہرہ کے رابطہ برائے شخصیات ذمہ دار محمد وسیم عطاری نے ”سیرتِ مصطفیٰ صلی اللہ علیہ و سلم “ کے موضوع پر سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی۔

لاہور غوث گارڈن فیز 4 میں شعبہ رابطہ برائے شخصیات دعوتِ اسلامی کے تحت 7 اکتوبر 2023ء بروز ہفتہ اجتماعِ میلاد کا انعقاد کیا گیا جس میں محمد شہباز اکاؤنٹس منیجر (آئی ٹی بیس انٹرنیشنل کمپنی)، محمد عمران (پروڈکشن پلاننگ منیجر ٹریٹ گروپ پیکجنگ یونٹ) اور محمد عاطف ( بزنس مین) سمیت دیگر اسلامی بھائیوں بشمول ذمہ داران نے شرکت کی۔

اس دوران شعبہ رابطہ برائے شخصیات پنجاب کے ذمہ دار محمد لیاقت عطاری نے شانِ مصطفیٰ اور میلاد کی اہمیت پر بیان کرتے ہوئے ڈیجیٹل دعوتِ اسلامی کا تعارف کروایااور آئی ٹی ڈیپارٹمنٹ دعوتِ اسلامی کی خدمات کے بارے میں بتایا۔

بعدازاں ذمہ دار محمد لیاقت عطاری نے مدنی مذاکرہ دیکھنے کا ذہن دیا ساتھ ہی ٹیلی تھون (عطیات مہم)کے متعلق چند اہم نکات پر مشاورت کی جس پر ذمہ دار اسلامی بھائیوں نے اپنی اپنی رائے پیش کی۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

6 اکتوبر 2023ء بروذ جمعہ تھانہ تحصیل بھکر میں  عاشقانِ رسول کی دینی تحریک دعوتِ اسلامی کے تحت جشنِ ولادت کے سلسلے میں اجتماعِ میلاد کا انعقاد کیا گیا جس میں SHO بھکر سٹی ملک عامر شہزاد اعوان اوردیگر اسٹاف و تفتیشی افسران شریک ہوئے۔

اس اجتماعِ پاک میں شعبہ ربطہ برائے شخصیات تحصیل و ڈسٹرکٹ بھکر کے ذمہ دار حاجی امین عطاری نےمیلاد النبی صلی اللہ علیہ و سلم کی مناسبت سے سنتوں بھرا بیان کیا اور شرکا کو سیرتِ مصطفیٰ صلی اللہ علیہ و سلم اپنانے کا ذہن دیا۔

دورانِ بیان مبلغِ دعوتِ اسلامی نے حاضرین کو دعوتِ اسلامی کے ہفتہ وار سنتوں بھرے اجتماع سمیت دیگر دینی کاموں میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

ضلع میانوالی، صوبۂ پنجاب پاکستان کی تحصیل پیلاں میں 6 اکتوبر 2023ء بروز جمعہ اجتماعِ میلاد النبی صلی اللہ علیہ و سلم کا انعقاد کیا گیا جس میں SHO تھانہ پپلاں فہیم اللہ خان موسیٰ خیل سمیت دیگر تفتیشی افسران اور اسٹاف نے شرکت کی۔

اجتماعِ پاک کے آغاز میں تلاوتِ کلامِ پاک کی گئی اور نعت خواں اسلامی بھائیوں نے حضور پُر نور حضرت محمد صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مبلغِ دعوتِ اسلامی و تحصیل پیلاں کے ذمہ دار سیّد اسد عطاری نے سنتوں بھرا بیان کیا اور وہاں موجود عاشقانِ رسول کودعوتِ اسلامی کے دینی و فلاحی کاموں میں عملی طور پر شمولیت اختیار کرنے کی ترغیب دلائی۔

بعدازاں مدرسۃ المدینہ بوائز کے بچوں نے قراٰن خوانی کی نیز مبلغِ دعوتِ اسلامی نے اختتامی دعا کروائی۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

میونسپل کمیٹی ہال، شجاع آباد میں 6 اکتوبر 2023ء بروز جمعہ جشنِ میلاد النبی صلی اللہ علیہ و سلم منانے کے لئے سنتوں بھرے اجتماع کا انعقاد کیا گیا جس میں اسسٹنٹ کمشنر ڈاکٹر فیاض انور جتالہ، چیف آفیسر میونسپل کمیٹی رؤوف عامر سمیت شہر بھر سے کئی سیاسی وسماجی شخصیات و افسران کی شرکت رہی۔

ابتداءً مبلغِ دعوتِ اسلامی نے تلاوتِ قراٰن ِ کریم کی اور نعت خواں حضرات نے نعتِ رسولِ مقبول صلی اللہ علیہ و سلم پڑھی جبکہ شعبہ رابطہ برائے شخصیات کے ڈسٹرکٹ ذمہ دار مولانا محمد عقیل عطاری مدنی نے سنتوں بھرا بیان کیا جس میں انہوں نے میلادِ مصطفیٰ صلی اللہ علیہ و سلم کی مناسبت سے چند واقعات بیان کئے۔

آخر میں ڈسٹرکٹ ذمہ دار نے شرکائے اجتماع کو دعوتِ اسلامی کے دینی و فلاحی کاموں میں اپنا حصہ ملانے کا ذہن دیا جس پر انہوں نے اچھی اچھی نیتیں کیں۔اس موقع پر شعبہ رابطہ برائے شخصیات ملتان ڈویژن کے ذمہ دار محمد فدا عطاری سمیت بیوروکریٹس کے دیگر افسران بھی موجود تھے۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

حضور سرورِ کائنات صلی اللہ علیہ و سلم کا جشنِ ولادت منانے کے حوالے سے 6 اکتوبر 2023ء بروز جمعہ لاہور ڈسٹرکٹ کے تھانہ اسلام پورہ میں دعوتِ اسلامی کے تحت اجتماعِ میلاد کا انعقاد کیا گیا جس میں کم و بیش 40 شرکا بشمول پولیس اہلکار شریک تھے۔

اس اجتماعِ پاک میں شعبہ رابطہ برائے شخصیات لاہور ڈسٹرکٹ کے ذمہ دار محمد ندیم عطاری نے ”شانِ مصطفیٰ صلی اللہ علیہ و سلم “ کے موضوع پر سنتوں بھرا بیان کیااور شرکا کو پیارے آقا صلی اللہ علیہ و سلم کی شان و عظمت کے بارے میں بتایا۔

ساؤتھ کوریا کے شہر بوسان ساسنگ میں دعوت اسلامی   کے زیرِ اہتمام اجتماع میلاد کا انعقاد ہوا جس میں مختلف مقامات سے عاشقانِ رسول کی تشریف آوری ہوئی ۔

آغاز تلاوت و نعت شریف سے ہوا پھر مرکزی مجلسِ شوریٰ کے رکن حاجی محمد امین عطاری نے ’’سیرت ِ مصطفیٰ صلَّی اللہ علیہ واٰلہٖ وسلَّم‘‘ کے موضوع پر بیان کیاجس میں نبی کریم صلَّی اللہ علیہ واٰلہٖ وسلَّم کی سیرت کےمختلف پہلوؤں کے بارے میں بتایا نیز حاضرینِ محفل کو دعوت اسلامی کےدینی ماحول سے وابستہ ہونے کا ذہن دیا اور آخر میں دعا کروائی جبکہ شرکا نے دینی کام کرنے کی اچھی اچھی نیتوں کا اظہار بھی کیا۔ (کانٹینٹ:رمضان رضا عطاری)

شیخوپورہ،  پنجاب پاکستان میں 5 اکتوبر 2023ء بروز جمعرات شہنشاہِ کونین محمد مصطفیٰ صلی اللہ علیہ و سلم کی ولادت کا جشن منانے کے سلسلے میں سنتوں بھرے اجتماع کا انعقاد کیا گیا جس میں مختلف شخصیات(ڈپٹی کمشنر سرمد تیمور، ایڈمن آفیسر اکاؤنٹس سید اظہر عباس گیلانی، پی اے ٹو ڈپٹی کمشنر اعجاز احمد گجر، ہیڈکلرک ریونیو محمد جمیل خان ، ہیڈ کلرک تحصیل آفس محمد حفیظ گجر، ہیڈکلرک اے سی ایچ آر رانا قسیم انور، ریڈر اے سی افتخار احم، آپریٹر اے سی رانا نصر اللہ، ریڈر ایکس ملک طفیل اعوان، محمد اصغر ڈسٹرکٹ جیل، محمد شکیل ڈسٹرکٹ جیل، محمد خالد ڈسٹرکٹ جیل ودیگر جیل عملہ، ایکس ریڈر سیشن کورٹ اختر اسلام ورک، ایچ وی سی ٹو ڈی سی ارسلان خالد، ایکس ہیڈ کلرک ریونیو میاں خالد امتیاز، سپرنٹنڈنٹ اکاؤنٹ آفس سیف علی کنگرا، اکاؤنٹنٹ واحد اقبال، اے ایس آئی چوہدری اختر، علی گجر اسپیشل برانچ، چوہدری نور محمد ایڈووکیٹ سابق صدر بار ، چوہدری محمد اقبال گجر ایڈووکیٹ، حاجی گلزار احمد فیضی حوالداروں امام ڈی پی او آفس جامع مسجد، سٹینو گرافر اے سی زوہیب خان، رجسٹری محرر بشیر احمد ڈوگر، ایچ آر سی ذیشان کرامت، پی اے ٹو اے ڈی سی آر گلزار علی، انچارج سی سی ٹی وی، ڈسٹرکٹ کنٹرول روم رانا ہارون ، ودیگر اہلکاران وعملہ ڈی سی آفس) سمیت کثیر عاشقانِ رسول کی شرکت رہی۔

اس اجتماعِ پاک میں ڈسٹرکٹ ذمہ دار حاجی عبدالرشید عطاری نے سنتوں بھرا بیان کرتے ہوئے سیرتِ مصطفیٰ صلی اللہ علیہ و سلم پر روشنی ڈالی اور حضور صلی اللہ علیہ و سلم کی تعلیمات کے مطابق اپنی زندگی گزارنے کا ذہن دیا۔

شعبہ رابطہ برائے شخصیات دعوت اسلامی کے زیرِ اہتمام واہگہ ٹاؤن لاہور میں  موجود مناواں پولیس اسٹیشن میں اجتماع میلاد کا انعقاد ہوا جس میں مناواں پولیس ٹریننگ سینٹر کے افسران نے شرکت کی ۔

شعبہ ذمہ دار محمد وقاص عطاری نے 12 ربیع الاول کی مناسبت سے واقعات بیان کئے جس میں افسران کو پیارے آقا صلی اللہ علیہ و سلم کی سیرتِ طیبہ کے مطابق اپنی زندگی کے شب وروز گزارنے کا ذہن دیا ۔

٭اجتماع کے بعد ڈی ایس پی انویسٹیگیشن باغبانپورہ منصور صاحب سے ملاقات ہوئی جس میں ذمہ دار اسلامی بھائی نے انہیں دعوت اسلامی کا مختصراً تعارف پیش کیا اور مدنی مرکز فیضان مدینہ آنے کی دعوت دی جس پر انہوں نے اچھی نیت کا اظہار کیا۔(رپورٹ:شعبہ رابطہ برائے شخصیات صوبہ پنجاب شہزاد عطاری آفس ذمہ دار،کانٹینٹ:رمضان رضا عطاری)

5 اکتوبر 2023ء بروز جمعرات صوبہ پنجاب پاکستان کی تحصیل بھیرہ  میں قائم اسسٹنٹ کمشنر آفس میں ولادتِ مصطفیٰ صلی اللہ علیہ و سلم کا جشن منانے کے لئے اجتماعِ میلاد کا انعقاد کیاگیا جس میں اسسٹنٹ کمشنر بھیرہ محمد حاکم علی خان، تحصیلدار بھیرہ رانا محمد الیاس،آفس کے دیگر سینئر اسٹاف،حلقہ افسران، پٹواری حضرات اور تحصیلدار آفس بھیرہ کےسینئر اسٹاف نے شرکت کی۔

مبلغِ دعوتِ اسلامی عدنان عطاری نےسنتوں بھرا بیان کیا جس میں انہوں نے سرورِ کونین حضرت محمد صلی اللہ علیہ و سلم کی سیرتِ طیبہ کے متعلق شرکا کو بتایا۔

پنجاب پاکستان کے صوبائی دارالحکومت لاہور میں واقع ایکسائز ٹیکسیشن اینڈ انٹی نارکوٹکس کنٹرول، پنجاب آفس میں جشنِ ولادتِ مصطفیٰ صلی اللہ علیہ و سلم کے حوالے سے 5 اکتوبر 2023ء بروز جمعرات اجتماعِ میلاد کا انعقاد کیا گیاجس میں مختلف شخصیات اور ذمہ دارانِ دعوتِ اسلامی شریک تھے۔

ابتداءً تلاوتِ قراٰنِ کریم کی گئی اور نعت خواں حضرات نے نبیِ خاتم النبیین صلی اللہ علیہ و سلم کی بارگاہِ اقدس میں نذرانۂ عقیدت پیش کیاجبکہ شعبہ رابطہ برائے شخصیات لاہور ڈسٹرکٹ کے پولیٹیکل ذمہ دار سیّد مقصود عطاری نے سنتوں بھرا بیان کیا۔

بیان کے دوران ذمہ دار اسلامی بھائی نے شرکائے اجتماع کو دعوتِ اسلامی کے 12 دینی کاموں بالخصوص ہفتہ وار سنتوں بھرے اجتماع میں شرکت کرنے کی ترغیب دلائی۔

اس موقع پر جو شخصیات موجود تھیں ان کے نام درج ذیل ہیں:

٭ملک فیاض صاحب ETO ٭ اکرام نیازی صاحب ETO ٭ طارق صاحب ETO ٭ ندیم چودھری صاحب ETO ٭ افتاب رحیم صاحب ETO ٭ عاصم بٹ صاحب ETO٭انسپکٹر مدثر گجر ٭انسپکٹر ملک بشیر ٭انسپکٹر محمد فاروق ٭انسپکٹر عباس شاہ ٭انسپکٹر نوازش۔(رپورٹ: شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)