دعوتِ اسلامی کے شعبہ جاب پلیسمنٹ کنز المدارس بورڈ پاکستان کے تحت ذمہ دار اسلامی بھائیوں نے اوکاڑہ کے جامعۃالمدینہ بوائز کا دورہ کیا جہاں انہوں نے طلبۂ کرام کے درمیان ایک نشست کا انعقاد کیا۔

تفصیلات کے مطابق جامعۃالمدینہ بوائز کے دورۂ حدیث شریف میں ذمہ دار حافظ ساجد سلیم مدنی نے طلبۂ کرام کی تربیت و رہنمائی کرتے ہوئے انہیں اس شعبے جاب پلیسمنٹ کنز المدارس بورڈپاکستان کا تعارف کروایا نیز طلبۂ کرام کی جانب سے ہونے والے مختلف سوالات کے جوابات دیئے۔

اس کے علاوہ کیرئیرکونسلنگ ذمہ دار مولانا احمد سعيد مدنی نے بھی طلبۂ کرام سے مختلف موضوعات پر کلام کیا۔آخر میں طلبۂ کرام نے شعبہ جاب پلیسمنٹ کنز المدارس بورڈ پاکستان کے بارے میں تحریری طور پر اپنے تأثرات دیئے۔(کانٹینٹ:غیاث الدین عطاری)