پچھلے دنوں دعوت اسلامی کے شعبہ مدنی قافلہ کے زیر اہتمام ساہیوال زون کے جامعات المدینہ میں 12 ماہ کے مدنی قافلے میں سفر کے لئے ترغیبی سیشن ہوا جس میں جامعۃ المدینہ کے طلبائے کرام نے شرکت کی۔

ساہیوال زون کے مدنی قافلہ ذمہ دار آصف عطاری نے 12 ماہ کے مدنی قافلے میں سفر کرنے کی اہمیت، 12 ماہ کے قافلے کے حوالے سے خواہش امیر اہل سنت اور 12 ماہ میں مزارات اولیاء پر حاضری کے ساتھ ساتھ صاحب مزار کی زیارت کے واقعات بیان کئے۔ قافلہ ذمہ دار نے طلبہ کوخود بھی اور اپنے سرپرستوں کو ہر ماہ 3 دن اور زندگی میں ایک بار 12 ماہ کے مدنی قافلے میں سفر کرنے کی ترغیب دلائی جس پر 15 طلبہ نے شوال المکرم 1442ھ میں 12 ماہ کے قافلے میں سفر کرنے کی نیت کی۔(رپورٹ: محمد حارث عطاری، شعبہ مدنی قافلہ)