فیضانِ مدینہ کراچی (27، 28 اور 29 جولائی 2025ء):

عالمی مدنی مرکز فیضانِ مدینہ کراچی میں شعبہ روحانی علاج دعوتِ اسلامی کے تحت 3 دن کا خصوصی روحانی علاج کورس منعقد ہواجس میں اسلامی بھائیوں کو روحانی علاج سے متعلق جدید تربیت فراہم کی گئی اور ان کی عملی صلاحیتوں میں اضافہ کیا گیا۔

اہم تفصیلات:

یہ 3 دن کا روحانی علاج کورس 27 تا 29 جولائی 2025ء تک جاری رہا جس میں شعبے کے ذمہ دار محمد ناصر عطاری نے شرکا کو روحانی علاج کے مختلف طریقے، تعویذات لکھنے، دم کرنے اور کاٹ کرنے کا طریقۂ کار بتایا نیز اس کی چند احتیاطی تدابیر سے بھی آگاہ کیا ۔

اس کے علاوہ محمد ناصر عطاری نے شعبے ممد شعبہ کے متعلق تازہ ترین اپڈیٹس کے بارے میں شرکا کو بتایا اور امتِ مسلمہ کی خدمت و غمخواری کا جذبہ پیدا کرتے ہوئے انہیں 12 دینی کاموں میں حصہ لینے کا ذہن دیا۔(رپورٹ: سمیر علی عطاری آفس اسسٹنٹ ، کانٹینٹ:غیاث الدین عطاری)