2 ستمبر 1981 میں عاشقانِ رسول کی دینی تحریک دعوتِ اسلامی معرضِ وجود میں آئی تو اس وقت صرف اسلامی بھائی ہی اس تحریک سے وابستہ تھے اور امیرِ اہلِ سنت دامت برکاتہم العالیہ کے ساتھ مل کر اپنی اور ساری دنیا کے لوگوں کی اصلاح کی کوشش کے مقدس جذبے کے تحت نیکی کی دعوت کی دھومیں مچاتے تھے،پھر جوں جوں اس تحریک کی مقبولیت بڑھی تو پردہ نشین خواتین بھی اس کے اندازِ تبلیغ سے متاثر ہوئے بغیر نہ رہ سکیں اور اشاعتِ دین کی خاطر اس پیاری تحریک کا حصہ بن کر اس کے پیغام کو طبقہ خواتین میں اصلاحی انداز میں عام کرنے میں کوشاں ہو گئیں۔خواتین میں اس دینی تحریک کی روز بروز بڑھتی مقبولیت کے پیشِ نظر ان میں دینی کاموں کو مزید منظم انداز میں فروغ دینے کا فیصلہ کیا گیا یوں کہ دعوتِ اسلامی کے تحت اسلامی بہنوں کے کئی شعبہ جات قائم کئے گئے،ان شعبہ جات سے وابستہ اسلامی بہنیں گھریلو مصروفیات کے باوجود شرعی احتیاطوں کے ساتھ سنتوں کی دھومیں مچانے میں مصروفِ عمل ہیں۔اسلامی بہنوں کے مختلف شعبہ جات کی طرف سے شعبہ ماہنامہ خواتین کو بھیجی گئی 2023 اور 2024 کی رپورٹ کا اگر سرسری جائزہ لیا جائے تو ہمیں پتا چلے گا کہ اسلامی بہنیں کس قدر اخلاص،استقامت،محنت و لگن اور شوق و ذوق کے ساتھ سنتوں کی خدمت میں مصروف ہیں۔بطور ترغیب اس رپورٹ کا مختصر جائزہ پیشِ خدمت ہے: