دعوتِ اسلامی کے شعبہ اصلاح اعمال(اسلامی بہنیں)  کے تحت 19 نومبر 2021ء کو لیاقت آباد کابینہ کی 2 ڈویژنز شیش محل اور عزیز آباد کراچی میں اصلاح اعمال اجتماع منعقد ہواجن میں تقریباً180 اسلامی بہنوں نے شرکت کی ۔

مبلغات دعوت اسلامی نے ’’ اپنی اصلاح کیسے کی جائے‘‘ کے موضوع پر سنتوں بھرے بیانات کئے نیز اسلامی بہنوں کو امیر اہل سنت دامت برکاتہم العالیہ کا عطا کردہ نیک اعمال کا رسالہ سمجھایا اور روزانہ اس کے ذریعےاپنے اعمال کا جائزہ کرنے اور انگریزی ماہ کی یکم تاریخ کو ذمہ دار اسلامی بہن کو جمع کروانے کا ذہن دیا ۔ اس کے علاوہ نفلی روزوں کے فضائل بتا کر نفلی روزے رکھنے کی ترغیب دلائی جس پر اسلامی بہنوں نے اچھی اچھی نیتیں کیں۔

٭اسی طرح شعبہ اصلاح اعمال کے زیر اہتمام 20 نومبر 2021ء بروز ہفتہ گلستان جوہر کابینہ کے علاقے بختاور کالونی کراچی میں اصلاح اعمال اجتماع منعقد ہوا جس میں 21 اسلامی بہنوں نے شرکت کی۔

کابینہ ذمہ دار اسلامی بہن نے’’اپنی اصلاح کیسے کی جائے‘‘ کے موضوع پر سنتوں بھرابیان کرتے ہوئے رسالہ نیک اعمال کوپُر کرنے اور عاملات نیک اعمال بننے کا ذہن دیا۔

٭ دوسری جانب دعوت اسلامی کے شعبہ اصلاح اعمال کے تحت گزشتہ دنوں صدر کابینہ میں 6 مقامات پر اصلاحِ اعمال اجتماعات ہوئے جن میں تقریباً 175 اسلامی بہنوں نے شرکت کی۔

مبلغات دعوت اسلامی نے ’’اپنی اصلاح کیسے کی جائے‘‘ کے موضوع پر سنتوں بھرا بیان کیا۔اس کے بعد ماہ ربیع الآخر کی نسبت سے منقبتِ غوثِ پاک رحمۃ اللہ علیہ پڑھی گئی اور اسلامی بہنوں میں نیک اعمال کے رسائل بھی تقسیم ہوئے جس پر اسلامی بہنوں نے نیک اعمال پر عمل کرنے کی اچھی اچھی نیتیں پیش کیں۔