13 اگست 2022ء کو بعد نماز عشاء جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی کی اہلیہ مرحومہ کے لئے مدنی مرکز فیضان مدینہ جوہر ٹاؤن لاہور میں ”ایصالِ ثواب اجتماع“ کا انعقاد کیا گیا جس میں راوی ٹاؤن، نشتر ٹاؤن، عزیز بھٹی، واہگہ ٹاؤن، کنٹومنٹ بورڈ اور شالیمار ٹاؤن کے عاشقان رسول اور اسلامی بہنوں کے محارم نے شرکت کی۔

جانشین امیر اہلسنت نے ”ایصالِ ثواب“ کے موضوع پر سنتوں بھرا بیان کیا اور شرکا کو اپنے مرحومین کے لئے بھی ایصال ثواب کرنے کا ذہن دیا۔ اس موقع پر مفتی محمد ہاشم خان عطاری مُدَّ ظِلُّہُ العالی اور رکن شوریٰ حاجی محمد اظہر عطاری بھی موجود تھے۔

آخر میں جانشین امیر اہلسنت دامت بَرَکَاتُہمُ العالیہ سے اسلامی بھائیوں نے ملاقاتیں بھی کیں۔

13 اگست 2022ء کو بعد نماز عصر مدنی مرکز فیضان مدینہ جوہر ٹاؤن لاہور میں جانشین امیر اہلسنت حاجی مولانا عبید رضا عطاری مدنی  مُدَّ ظِلُّہُ العالی کی اہلیہ مرحومہ کے لئے ”ایصالِ ثواب اجتماع “کا انعقاد کیا گیا جس میں مدرسۃ المدینہ کے ناظمین اور حفاظ ِکرام نے شرکت کی۔

جانشین امیر اہلسنت مُدَّ ظِلُّہُ العالی نے سنتوں بھرا بیان فرمایا اور شرکا کو اپنے مرحومین کے لئے بھی ایصال ثواب کرنے کا ذہن دیا۔

اس کے علاوہ عاشقان رسول نے مرحومہ کے ایصالِ ثواب کے لئے قرآن پاک اور مختلف سورتوں کی تلاوت کی، ساتھ ساتھ درود شریف اور اوراد و ظائف کا تحفہ پیش کیا۔ آخر میں جانشین امیر اہلسنت دامت بَرَکَاتُہمُ العالیہ سے اسلامی بھائیوں نے ملاقاتیں بھی کیں۔

اس موقع پر رکن شوریٰ حاجی یعفور رضا عطاری بھی موجود تھے۔

14 اگست 2022ء بروز اتوار دعوتِ اسلامی کے تحت شعبہ ائمہ مساجد کے ذمہ دار اسلامی بھائیوں نے مختلف ائمہ کرام مولانا محمد عرفان مدنی اور محمد رمضان مدنی کے ہمراہ واربرٹن میں قائم دعوتِ اسلامی کی مساجد (جن میں جامع مسجد فیضانِ سید الشھداء، جامع مسجد فیضانِ غوث اعظم، جامع مسجد فیضانِ اہلبیت، جامع مسجد فیضانِ زم زم، جامع مسجد ممتاز اور جامع مسجد فیضانِ عشقِ رسول شامل تھے) کا وزٹ کیا۔

اس دوران ذمہ داران مولانا آصف علی عطاری اور عظمت علی عطاری نے زیرِ تعمیر مساجد کی تعمیرات کا جائزہ لیتے ہوئے اُن کی صفائی ستھرائی، آباد کاری اور دیگر موضوعات پر کلام کیا نیز مقامی ائمۂ کرام کی تربیت کی۔ذمہ داران نے ائمہ ٔ کرام کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا۔(رپورٹ:محمد رمضان عطاری مدنی مدرس جامعۃ المدینہ امینیہ رضویہ واربرٹن، کانٹینٹ:غیاث الدین عطاری) 

دعوتِ اسلامی کے زیرِ اہتمام پاکستان کے شہر گوجرانوالہ میں سنتوں بھرے اجتماع کا انعقاد کیا گیا جس میں شعبہ مدنی کورسز کے ذمہ داران، نگرانِ سٹی، نگرانِ یوسی اور اراکینِ مشاورت نے شرکت کی۔

ڈسٹرکٹ گوجرانوالہ ذمہ دار محمد رمیض عطاری نے سنتوں بھرا بیان کیا اور وہاں موجود اسلامی بھائیوں کو شعبہ مدنی کورسز دعوتِ اسلامی کے تحت منعقد ہونے والے فیضانِ نماز کورس میں داخلہ لینے کی ترغیب دلائی نیز دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس اسلامی بھائیوں نے اچھی اچھی نیتوں کا اظہار کیا۔(رپورٹ:شعبہ مدنی کورسز، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں نیو کراچی ٹاؤن کے 5G میں قائم جامع مسجد الخضراء میں شعبہ مدرسۃ المدینہ شارٹ ٹائم کا مدنی مشورہ منعقد ہو اجس میں شعبے کے کراچی سٹی ذمہ دار شہروز عطاری اور ڈسٹرکٹ سینٹرل کے ناظمین کی شرکت رہی۔

اس مدنی مشورے میں نگرانِ شعبہ عرفان عطاری نے ”کامیاب انسان کون“ کے موضوع پر سنتوں بھرا بیان کرتے ہوئے مدارس المدینہ کے نظم و ضبط اور تعلیم میں بہتری کے متعلق گفتگو کی۔

اسی طرح نگرانِ شعبہ نے احساسِ ذمہ داری سمیت دیگر اہم امور پر تبادلۂ خیال کیا اور وہاں موجود اسلامی بھائیوں کو اپنے منصب کے مطابق دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد محسن عطاری ناظم اعلیٰ شارٹ ٹائم ڈسٹرکٹ سینٹرل، کانٹینٹ:غیاث الدین عطاری)

پچھلے دنوں دعوتِ اسلامی کے تحت شعبہ رابطہ بالعلماء ڈویژن گوجرانوالہ کے ذمہ دار محمد ظہیر عباس عطاری مدنی کی دینی کاموں کے سلسلے میں صاحبزادہ پیر عمار سعید سلیمانی صاحب (مہتمم جامعہ سلیمانیہ رضویہ مانگٹ شریف)، مولانا محمد عرفان حیدر ظہوری صاحب (سینئر مدرس جامعہ سلیمانیہ رضویہ مانگٹ شریف)، مفتی پیر سیّد محمد نوید الحسن مشہدی صاحب (سجادہ نشین آستانہ عالیہ بھکھی شریف) اور قاری اسد شاہ گردیزی صاحب (مدرس جامعہ محمدیہ نوریہ رضویہ بھکھی شریف) سے ملاقات ہوئی۔

اس موقع پر ذمہ دار اسلامی بھائی نے علمائے کرام کو دعوتِ اسلامی کے بیرون ممالک میں ہونے والے دینی کاموں کے حوالے سے بریفنگ دی نیز دارالافتاء اہلسنت ایپ اور مواقیت الصلوٰۃ ایپ کا تعارف کروایا۔

مزید علمائے کرام کو دعوتِ اسلامی کے درسی کُتُب کی اشاعت کے متعلق آگاہی دیتے ہوئے انہیں ماہنامہ فیضان مدینہ تحفے میں پیش کیاگیا۔(رپورٹ:مزمل عطاری شعبہ کفن دفن، کانٹینٹ:غیاث الدین عطاری)

شعبہ کفن دفن دعوتِ اسلامی کے زیرِا ہتمام پچھلے دنوں پاکستان کے دارالحکومت اسلام آباد میں واقع علاقہ بری امام میں تدفین کورس کا انعقاد کیا گیا جس میں مقامی اسلامی بھائیوں نے شرکت کی۔

اس کورس میں صوبائی ذمہ دار ظہیر عباس عطاری نے شرکا کو تدفین کے متعلق چند ضروری مسائل سکھائے نیز نمازِ جنازہ کے حوالے سے تربیت کی۔

بعدازاں مبلغِ دعوتِ اسلامی نے شرکائے کورس کو 12 دینی کاموں میں عملی طور پر حصہ لینے کا ذہن دیا جس پر انہوں نےا چھی اچھی نیتوں کا اظہا رکیا۔(رپورٹ:مزمل عطاری شعبہ کفن دفن، کانٹینٹ:غیاث الدین عطاری)

دعوتِ اسلامی کے تحت پاکستان کے قصبے شاہ جمال دادو میں  اسلامی بھائیوں کو تدفین کے مسائل سکھانے اوراُن کی دینی و اخلاقی تربیت کرنے کے لئے کفن دفن کورس کا انعقاد کیا گیا جس میں علاقے کے اسلامی بھائیوں نے شرکت کی۔

اس کورس میں نعیم عطاری (ناظم آباد ٹاؤن ذمہ دار شعبہ کفن دفن) نے عاشقانِ رسول کو غسلِ میت کی فضیلت بیان کرتے ہوئے کفن دفن کے چند ضروری مسائل اور غسلِ میت کا عملی طریقہ سکھایا نیز انہیں اپنے اپنے علاقوں میں غسلِ میت دینے کی ترغیب دلائی۔

دوسری جانب شعبہ کفن دفن کےاسلامی بھائیوں نے محرم الحرام کے مدنی قافلے سے واپسی پر شیخ الحدیث علامہ غلام رسول سعیدی رحمۃ اللہ علیہ کے مزار پر حاضری دی اور وہاں فاتحہ خوانی کا اہتمام کیا

ا س موقع پر معاون ٹاؤن ذمہ دار محمد فرحان عطاری سمیت دیگر ذمہ داران بھی موجود تھے۔ (رپورٹ: عزیر عطاری رکن مجلس کفن دفن ، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں نیو کراچی ٹاؤن کی جامع مسجد بیت المکرم میں عاشقانِ رسول کو تدفین کے مسائل سکھانے کے لئے کفن دفن کورس کا انعقاد کیا گیا جس میں قرب و جوار کے اسلامی بھائیوں نے شرکت کی۔

اس کورس میں شعبے کے ڈسڑکٹ ذمہ دار محمد ریاض عطاری نے عاشقانِ رسول کو غسلِ میت کی فضیلت بیان کرتے ہوئے کفن دفن کے چند ضروری مسائل سکھائے اور انہیں اپنے اپنے علاقے میں غسلِ میت دینے کی ترغیب دلائی۔

مزید ذمہ دار نے شرکائے کور س کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے دعوتِ اسلامی کے دینی کاموں میں ترقی کے لئے اچھی اچھی نیتوں کا اظہا رکیا۔ (رپورٹ: عزیر عطاری رکن مجلس کفن دفن ، کانٹینٹ:غیاث الدین عطاری)

پاکستان کے شہر کوئٹہ میں واقع بلوچستان یونیورسٹی میں دعوتِ اسلامی کے تحت سیکھنے سکھانے کا حلقہ لگایا گیا جس میں ایم فل اسکالرز کے اسٹوڈنٹس سمیت دیگر اسلامی بھائیوں کی شرکت ہوئی۔

دورانِ حلقہ شعبہ تعلیم کے صوبائی ذمہ دار فہد وسیم عطاری اور کنٹونمنٹ بورڈ ٹاؤن کے نگران حاجی نورالعنین عطاری نے اسٹوڈنٹس کو دعوتِ اسلامی کا تعارف کرواتے ہوئے انہیں مدنی قافلوں میں سفر کرنے اور ہفتہ وار سنتوں بھرے اجتماع میں شرکت کرنے کی ترغیب دلائی۔

مزید ذمہ داران نے اسٹوڈنٹس کو بلوچستان یونیورسٹی میں شروع ہونے والے فیضانِ قراٰن و حدیث کورس اور 22 اگست 2022ء کو بلوچستان میں نگرانِ شوریٰ مولانا حاجی محمد عمران عطاری کے اجتماع میں شرکت کرنے کی دعوت دی۔(رپورٹ:شعبہ تعلیم، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں لاہور میں قائم مدنی مرکزفیضانِ مدینہ میں ایک میٹنگ ہوئی جس میں مختلف شعبہ جات کے ذمہ دار اسلامی بھائیوں نے شرکت کی۔

تفصیلات کے مطابق دعوتِ اسلامی کی مرکز ی مجلسِ شوریٰ کے رکن حاجی یعفور رضا عطاری نے اس میٹنگ میں نگرانِ شوریٰ مولانا حاجی محمد عمران عطاری کے دینی کاموں کے سلسلے میں لاہور شیڈول کی تیاریوں کے حوالے سے گفتگو کی۔

اس دوران رکنِ شوریٰ نے وہاں موجود ذمہ داران کو نگرانِ شوریٰ کے اجتماعات کے اہداف بتاتے ہوئے دیگر مختلف موضوعات پر کلام کیا۔ بعدازاں ذمہ دار اسلامی بھائیوں نے مدنی مشورے میں اپنی اپنی رائے کا اظہا رکیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پچھلے دنوں پاکستان کے گڑھ موڑ ٹاؤن ضلع جھنگ میں حضرت سیّدنا سخی سلطان باہو رحمۃ اللہ علیہ کے عرس کےموقع پر شعبہ مزاراتِ اولیاء کے ذمہ دار اسلامی بھائیوں نےمزار شریف میں مختلف دینی کاموں کا اہتمام کیا۔

اس موقع پر عاشقانِ رسول کی دینی و اخلاقی تربیت کرنے کے لئے دینی حلقوں کا انعقاد کیا گیا جس میں شعبہ کفن دفن کے ذمہ دار نے اسلامی بھائیوں کو نمازِ جنازہ کورس کروایا اور انہیں چند ضروری مسائل سکھائے۔

بعدازاں ذمہ دار اسلامی بھائیوں نے وہاں موجود اسلامی بھائیوں کو نیکی کی دعوت پیش کرتے ہوئے انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر اسلامی بھائیوں نے اچھی اچھی نیتیں کیں۔ (رپورٹ: دانیال عطاری پاکستان آفس ، کانٹینٹ:غیاث الدین عطاری)