دعوت اسلامی کی مجلس مدنی چینل عام کریں کے تحت 31 اگست 2020ءبروز پیر بھابڑا شریف تحصیل کوٹ مومن ضلع سرگودھا  کے 3R کیبل نیٹ ورک پر مدنی حلقہ ہوا جس میں مجلس مدنی چینل عام کریں کے رکن زون فضیل رضا عطاری اور ہفتہ وار اجتماع مجلس کے رکن زون سبطین رضا عطاری کی حاضری ہوئی۔

ذمہ داران دعوت اسلامی نے اس موقع پر کیبل سینٹر کے آنر چیئرمین یونین کونسل بھابڑا چوہدری عنصر رانجھا اور کیبل پروڈیوسر شیخ محمد وسیم سے ملاقات کی اور انہیں خدمات دعوت اسلامی سے آگاہ کرتے ہوئے شعبہ مدنی چینل کا تعارف کروایا جس پر انہوں نے دعوتِ اسلامی کی خدمات کو سراہتے ہوئے مدنی چینل کا ڈیٹا اپنے ہوم چینل پر ہاتھوں ہاتھ آن ایئر بھی کر دیا۔(رپورٹ ؛ محمد فضیل رضا عطاری رکنِ زون بھلوال مجلس مدنی چینل عام کریں)

دعوت اسلامی کی مجلس مدرسۃ المدینہ بالغان کے تحت شیخوپورہ کابینہ کی مارکیٹ میں مدرسۃ المدینہ بالغان کا سلسلہ جاری ہے۔

25 اگست 2020ء کو ڈویژن ذمہ دار محمد احمد رضا عطاری نے مارکیٹ میں لگنے والے مدرسۃ المدینہ بالغان میں کا دورہ کیا جہاں انہوں پڑھنے والے عاشقان رسول کی تربیت کی اور مدنی پھول دیئے۔ ڈویژن ذمہ دار نے شرکا میں تحائف بھی تقسیم کئے ۔(رپورٹ: محمد احمد رضا عطاری)

حالیہ بارشوں کی وجہ سے کراچی میں کافی قبریں منہدم ہوچکی ہیں۔

مجلس کفن دفن کے ذمہ داران نے 29 اگست 2020ء مختلف قبرستان کا دورہ کیا اور جو قبریں بظاہر خراب ہوچکی ہیں ان کے عزیز و اقارب سے ملاقات کی۔ ذمہ داران نے لواحقین کو دارالافتاء اہل سنت سے رہنمائی لیکر قبر کو درست کرنے کا ذہن دیا۔ (رپورٹ:عزیر عطاری، رکن مجلس کفن دفن )

دعوت اسلامی کی مجلس تاجران کے تحت 24اگست 2020ء بروز پیر  شیخوپورہ سٹی کے مختلف مارکیٹوں کا دورہ ہوا ۔جس میں رکن مجلس تاجران محمد افضل عطاری نے تاجران کو نیکی کی دعوت دی اور کئی مقامات پر مدنی حلقے لگائے۔ اس مدنی حلقے میں مبلغ دعوت اسلامی نے مختلف موضوعات پر بیانات کرتے ہوئے علم دین سیکھنے اور سکھانے کا اہتمام کیا۔(رپورٹ: محمد ساجد عطاری مجلس کارکردگی ذمہ دار شیخوپورہ کابینہ)

دعوت اسلامی کے زیر اہتمام 25 اگست 2020ء کوتھیلیسیمیا اور دیگر امراض میں مبتلا مریضوں کے لئے  بھلوال میں بلڈ کیمپ کا انعقاد کیا گیا جس میں عاشقان رسول نے امیر اہل سنت دَامَتْ بَرَکَاتُہُمُ الْعَالِیَہ کے فرمان پر عمل کرتے ہوئے اپنا خون عطیہ کیا۔

واضح رہے کہ ملک بھر میں وقتاً فوقتاً تھیلیسیمیا کے مریضوں کے لئے بلڈ کیمپس لگائے جارہے ہیں جن کے ذریعے اب تک 30 ہزار سے زائد بلڈ بیگز جمع کئے جاچکے ہیں۔

پچھلے دنوں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ملک بھر میں شجر کاری کرنے کی ترغیب دلائی تھی۔اسی سلسلے میں 24اگست 2020ء بروز پیر مصطفی آباد رائیونڈ کابینہ میں قائم جامعۃ المدینہ فیضان امام حسین میں نگرانِ جنوبی زون لاہور حاجی عبدالرشید عطاری نے پودے لگاکر شجر کاری مہم کا آغاز کیا اور دعائے خیر کی۔ اس موقع پر حاجی عبدالرشید عطاری نے مختلف عاشقان رسول سے ملاقاتیں بھی کیں۔ (رپورٹ: محمد ساجد عطاری مجلس کارکردگی ذمہ دار شیخوپورہ کابینہ)

دعوت اسلامی کے تحت مدنی مرکز فیضان مدینہ فیصل آباد میں مدنی حلقہ ہوا جس میں فیضان مدینہ فیصل آباد کے سیکورٹی عملے نے شرکت کی۔ نگران مجلس سکیورٹی محمد عادل عطاری اور نگران زون محمد عرفان عطاری مدنی نے شرکا کی تربیت کی اور مدنی پھول بیان کئے۔ (رپورٹ: محمد عادل عطاری، نگران مجلس سکیورٹی)

دعوت اسلامی کی مجلس میڈیاڈیپارٹمنٹ  کے تحت 28اگست 2020ء بروز جمعۃ المبارک فیصل آباد پریس کلب اور جیو نیوز کے آفس میں محمد ارسلان عطاری ریجن ذمہ دار نے فیصل آباد پریس کلب کےنائب صدر خاور ہاشمی ،جنرل سکریٹری علی اشفاق ہاشمی، سینئر صحافی تنویر احمد، کیمرہ مین شاہد جٹ اور رپوٹر روزنامہ جنگ حماد سے ملاقات کی اور ان کے درمیان مدنی حلقہ لگایا جس میں پرنٹ میڈیا اور پیپر میڈیا سے وابستہ افراد نے بھی شرکت کی ۔

مبلغ دعوت اسلامی ریجن ذمہ  دارمحمد ارسلان عطاری نے نیکی کی دعوت کے فضائل پر بیان کیا اور شرکا کو  خدمات دعوت اسلامی سے آگاہ کرتے ہوئے مدنی چینل دیکھنے اور مدنی مرکز میں آنے کی دعوت دی اس دوران ارسلان عطاری نے مکتبہ المدینہ سے جاری کردہ کتب ورسائل تحفے میں پیش کیں۔(رپورٹ: ارسلان عطاری )

دعوت اسلامی کی مجلس اثاثہ جات کے تحت 28 اگست 2020ء کو مدنی مرکز فیضان مدینہ واہ کینٹ میں مدنی مشورہ ہواجس میں اسلام آباد ریجن کے اراکین زون نے شر کت کی۔ نگران مجلس اثاثہ جات محمد وسیم عطاری نے پیشگی جدول، کارکردگی، ماسٹر فائل اور متولی بورڈ کے حوالے سے مدنی پھول پیش کیا اور فائل بینک کے حوالے سے گفتگو کی۔ (رپورٹ: شفیع الرحمن، مجلس اثاثہ جات اسلام آباد ریجن آفس)

دعوت اسلامی کی مجلس مکتوبات و اوراد عطاریہ کے تحت گزشتہ روز  ہزاراہ زون کے بستہ ذمہ داران کا فیضان مدینہ ہری پور میں دہرائی اجتماع ہوا جس میں تعویذات عطاریہ کی دہرائی کروائی گئی مزید کچھ وظائف بھی سکھائے گئے۔ نگران مجلس نے مریضوں سے بات چیت کرنے کے حوالے سے تربیت فرمائی اور مجلس مدنی بہاروں کے ذمہ داران کا تقرر فرمایا ۔

واضح رہے! اس موقع پر نگران مجلس نے بستہ ذمہ داران کا مدنی مشورہ کیا جس میں شرکا کو مدنی عطیات بکس رکھنے اور مجلس کو خود کفیل کرنے کے حوالے سے مدنی پھول دیئے جس پر حاضرین نے اپنی اچھی اچھی نیتوں کا اظہار کیا۔(رپورٹ: محمد جنید عطاری مدنی رکن مجلس مکتوبات و اوراد عطاریہ )

دعوت اسلامی کی مجلس کفن دفن کے زیر اہتمام بنگلہ دیش کے ذمہ داران کا بذریعہ ویڈیو لنک مدنی مشورہ ہوا جس میں مجلس کفن دفن بنگلہ دیش کے ملک سطح اور زون سطح کے ذمہ داران نے شرکت کی۔ رکن شوریٰ حاجی منصور عطاری نے شرکا کی تربیت کی اور شعبے کے حوالے سے مدنی پھول ارشاد فرمائے۔ مدنی مشورے میں 16 ستمبر 2020ءسے بنگلہ دیش میں آن لائن کفن دفن کورس کے آغاز کرنےپر شرکا سے  مشاورت ہوئی۔