دعوتِ اسلامی کے زیر اہتمام  گزشتہ دنوں یوکے لندن ( London) میں مدنی مشورے کا انعقاد کیا گیا جس میں کابینہ نگران اسلامی بہنوں نے شرکت کی۔

ریجن نگران اسلامی بہن نے مدنی مشورے میں شریک اسلامی بہنوں کی کارکردگی کافالواپ کرتے ہوئے تربیت کی اور کمزوریوں کو دور کرنے کے حل کے ساتھ ساتھ نیکی کی دعوت کو عام کرتے ہوئے دینی کاموں کو مزید بڑھانے کا ذہن دیا۔

دعوتِ اسلامی کے شعبہ علاقائی دورہ للبنات  کے زیر اہتمام 10 اگست2021ء کو یوکے بریڈفورڈ ریجن کے علاقوں نیوکاسل، سٹاکٹن آن ٹیز اور مڈلز برو میں بذ ریعہ انٹرنیٹ نیکی کی دعوت دی گئی جن میں ذمہ دار اسلامی بہنوں نے مختلف اسلامی بہنوں کو نیکی کی دعوت دی اور انہیں دعوتِ اسلامی کے دینی کاموں کے بارے میں بریفنگ دیتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں باقاعدگی سے شرکت کرنے اور دینی کاموں میں عملی طور پر شرکت کرنے کی ترغیب دلائی۔ 

دعوت اسلامی کے شعبہ اصلاحِ اعمال للبنات کے زیر اہتمام یوکےبریڈ فورڈ(Bradford) ریجن کی جولائی 2021ء کی یوم قفل مدینہ کارکردگی درج ذیل ہے:

یوم قفل مدینہ منانے والی اسلامی بہنوں کی تعداد:32

ایام قفل مدینہ منانے والی اسلامی بہنوں کی تعداد:12

رسالہ خاموش شہزادہ پڑھنے والی اسلامی بہنوں کی تعداد:57

دعوت اسلامی کے زیراہتمام اگست2021ء کے دوسرے ہفتے یوکے اسکاٹ لینڈ ریجن گلاسگو(Glasgow) اور ایڈنبرگ (Edinburgh) میں ہفتہ وار سنتوں بھرے اجتماعات کا انعقاد کیا گیا جن میں تقریباً70 اسلامی بہنوں نے شرکت کی۔

مبلغات دعوت اسلامی نے” توکل و قناعت“ کے موضوع پر بیانات کئے اور اجتماعات میں شریک اسلامی بہنوں کو دعوت اسلامی کے دینی ماحول سے وابستہ رہنے کا ذہن دیتے ہوئے پابندی کے ساتھ ہفتہ وار سنتوں بھرے اجتماعات میں شرکت کی ترغیب دلائی۔

ماہ محرم الحرام اسلامی تاریخ میں بہت اہمیت کا حامل ہے۔ اس مہینے میں جہاں بہت سے واقعات رونما ہوئے وہیں اس مہینے میں واقعہ کربلا بھی پیش آیا جس میں آقا کریم صلَّی اللہ علیہ واٰلہٖ وسلَّم کے گھروالوں نے اسلام کی خاطر قربانیاں پیش کیں۔ واقعہ کربلا میں دیگر سادات کرام کے ساتھ ساتھ جگر گوشۂ بتول، سردار نوجوانان جنت، نواسۂ رسول سیدنا امام عالی مقام امام حسین رضی اللہ تعالٰی عنہ بھی شہید کئے گئے۔

اسی مناسبت سے امیر اہلِ سنت دَامَتْ بَرَکَاتُہُمُ الْعَالِیَہ نے اس ہفتے عاشقان رسول کو رسالہ ”امام حسین کے واقعات“پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 17 صفحات کا رسالہ ”امام حسین کے واقعات“ پڑھ یا سُن لے، اُسے حضرت امام حسین کی مبارک سیرت پر چلنے کی توفیق عطا کر اور جنت الفردوس میں بے حساب داخلہ نصیب فرما۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

پچھلے دنوں عالمی مدنی مرکز فیضان مدینہ کراچی میں شعبہ دعوت اسلامی کے شب و روز کا مدنی مشورہ ہوا جس میں ناظم المدینۃ العلمیہ مولانا آصف خان عطاری مدنی اور شعبہ شب و روز کے اسلامی بھائیوں نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری مدنی نے شعبے کی پچھلی کارکردگی کا جائزہ لیااور شعبے میں درپیش مسائل کا حل بیان فرمایا۔

رکن شوریٰ نے شعبے کو مزید ترقی کی طرف گامزن کرنے کے لئے مدنی پھول بیان کئے ۔ (Content: Mohammad Hussain Attari)

20 اگست 2021ء کو عالمی مدنی مرکز فیضان مدینہ کراچی میں شعبہ تحفظ اوراق مقدسہ کے تحت مدنی مشورہ ہوا جس میں نگران شعبہ تحفظ اوراق مقدسہ محمد شاہنواز عطاری اور مکتبۃ المدینہ کے اسلامی بھائیوں نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری مدنی نے گھروں میں تحفظ اوراق مقدسہ کا بکس لگانے کے حوالے سے گفتگو فرمائی اور اسے مکتبۃ المدینہ سے Sell out  کرنے پر مشاورت کی۔ مدنی مشورے میں Management اور انتظامات کے حوالےسے گفتگو کی گئی جبکہ رکن شوریٰ نے شعبے کے حوالے سے مزید مدنی پھول بھی ارشاد فرمائے۔ (Content: Mohammad Hussain Attari)

ذیلی حلقے کے 12 دینی کاموں میں سے پانچواں دینی کام

چوک درس

پیشکش: مرکزی مجلسِ شوریٰ ، دعوتِ اسلامی

اِس رسالے کی چندخصوصیات:

٭دیدہ زیب ودلکش سرورق(Title)وڈیزائننگ(Designing) ٭عصرحاضرکے تقاضوں کے پیش نظرجدید کمپوزنگ وفارمیشن ٭عبارت کے معانی ومفاہیم سمجھنے کےلئے ’’علامات ترقیم ‘‘(Punctuation Marks) کا اہتمام ٭تقریباً ہرآیت مبارکہ میں ترجمہ ٔکنزالایمان کا التزام ٭پڑھنے والوں کی دلچسپی برقرار رکھنے کے لئے عنوانات (Headings) کا قیام ٭فکرِآخرت پرمشتمل اِصلاحی موادکی شمولیت ٭قراٰنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، احادیث ودیگر عبارات کےحوالوں(References) کا خاص اہتمام ٭جن کتب کا حوالہ دیا گیا ہے ان کے مصنفین، مکتبوں اورشہرطباعت کی ’’ماخذومراجع‘‘میں تفصیل ٭پورےرسالے کی دارالافتاء اَہلِ سنت کے مفتیانِ کرام سے شرعی تفتیش ٭اَغلاط کوکم سے کم کرنے کےلئے مکمل رسالےکی کئی بار پروف ریڈنگ

32صفحات پر مشتمل یہ رسالہ2016ء میں تقریباً25ہزار کی تعداد میں چھپ چکاہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

دعوت اسلامی کے زیر اہتمام 19 اگست 2021ء کو مڈلینڈ اور ویلزیوکے  میں مختلف مقامات پر ہفتہ وار سنتوں بھرے اجتماعات کا انعقاد کیا گیا جن میں مبلغین دعوت اسلامی نے سنتوں بھرے بیانات کئے ۔

ان اجتماعات میں ایس او پیز کا خیال رکھتے ہوئے کثیر تعداد میں عاشقان رسول نے شرکت کی۔ (Content: Mohammad Hussain Attari)

دعوت اسلامی کے زیر اہتمام یوکے کے شہر برسٹل Bristol میں شہدائے کربلا کی یاد میں اجتماع کا انعقاد کیا گیا جس میں علاقے کے عاشقان رسول نے شرکت کی۔

مبلغ دعوت اسلامی نے ”واقعات کربلا“ کے موضوع پر سنتوں بھرا بیان کیااور شرکاکو کربلا والوں کی طرح صبر کرنے کی ترغیب دلائی۔ (Content: Mohammad Hussain Attari)

دعوت اسلامی کے زیر اہتمام یوکے کے شہر ناٹنگھم Nottingham میں شہدائے کربلا کی یاد میں اجتماع کا انعقاد کیا گیا جس میں گردو نواح کے عاشقان رسول نے شرکت کی۔

مبلغ دعوت اسلامی نے ”واقعات کربلا“ کے موضوع پر سنتوں بھرا بیان کیااور شرکاکو کربلا والوں کی طرح صبر کرنے کا ذہن دیا۔ (Content: Mohammad Hussain Attari)

Mayor محمد افضل نے دعوت اسلامی کے مدنی مرکز فیضان مدینہ اسٹچفورڈ برمنگھم کا وزٹ کیا جہاں انہیں ذمہ داران دعوت اسلامی نے خوش آمدید کہا۔ نگران برمنگھم ریجن یوکے حاجی سید فضیل رضا عطاری نے میئر محمد افضل کو دعوت اسلامی کے تحت برمنگھم میں ہونے والے دینی کاموں کے ساتھ ساتھ قومی اور عالمی سطح پر ہونے والی خدمات کے بارے میں بریفنگ دی۔

حاجی فضیل رضا عطاری اور میئر محمد افضل کے درمیان مشترکہ مفادات اور تعلیمی شعبے پر بھی تفصیلی تبادلہ ٔ خیال کیا گیا جس میں 9 سے 16 سال تک کے افراد کے لئے ماہانہ تقریبات منعقد کرنے اور ساتھ ہی نوجوانوں کے لئے متعدد ورکشاپس منعقد کرنے کے متعلق معلومات فراہم کی گئی۔

واضح رہے کہ کمیونٹی میں 17 سے 24 سال کے افراد کو دَرپیش مسائل سے نمٹنے کے لئے تقریبات منعقد کرنے اور انہیں لیکچرز دینے کے بعد بہت سے نوجوانوں کی زندگیوں میں مثبت تبدیلی آئی ہے۔

آخر میں Lord Mayor محمد افضل نے شعبے کے کاموں کو دیکھ خوشی کا اظہار کیا اور دعوت اسلامی جو مختلف برادیوں میں مثبت تبدیلی لانے کے لئے کام کررہی ہے اس کو خوب سراہا۔ (Content: Mohammad Hussain Attari)