پچھلے دنوں شعبہ فیضان آن لائن اکیڈمی بوائز دعوتِ اسلامی کے تحت  تعلیمی امور کے سلسلے میں ماہانہ مدنی مشورے کا انعقاد ہوا جس میں جہلم برانچ کے مدرسین نے شرکت کی۔

اس مدنی مشورے میں ڈویژن تعلیمی امور ذمہ دار حافظ جواد عطاری نے مدرسین کو اپنے اندازِ تدریس میں بہتری لانے اور مختلف کورسز و اہداف کے بارے میں مشاورت کی۔

اس کے علاوہ ڈویژن تعلیمی امور ذمہ دار نے شیڈول پر عمل کرنے اور دیگر تعلیمی معاملات کے حوالے سے تبادلۂ خیال کیا جبکہ مدرسین کی جانب سے ہونے والے سوالات کے جوابات دیئے۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

29 نومبر 2025ء بمطابق 8 جمادی الاخریٰ 1447ھ کی شب عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام ہوا جس میں بیرونِ ممالک سے آئے ہوئے معزز علمائے کرام،  عاشقانِ رسول، ذمہ داران اور کراچی شہر کے مختلف علاقوں سے آئے ہوئے اسلامی بھائیوں نے شرکت کی۔

اس مدنی مذاکرے کا آغاز بعد نمازِ عشا تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے ہوا جس کے بعد عاشقانِ رسول کے مختلف سوالات ہوئے جن کے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے جوابات ارشاد فرمائے۔

بعض سوال و جواب

سوال:معاشرے میں ذہن بنا ہوا ہے کہ ساس بہو میں نہیں بنتی ،آپ کیا فرماتے ہیں؟

جواب:یہ ذہن نہیں بنانا چاہیئے، سا س اوربہو دونوں کو ایک دوسرے کےساتھ اچھا سلوک کرنا چاہیئے۔ غصے والے کو اگر کہاجائے کہ یہ بڑا غصے والاہے تو اس کا غصہ بڑھ جاتاہے۔

سوال:والدین اورٹیچرز کوبچوں کوسمجھاتے ہوئے کیا الفاظ نہیں کہنے چاہئیں ؟

جواب:والدین اورٹیچرز کو بچوں کو یہ نہیں کہنا چاہیئے کہ تم کسی کام کے نہیں ہو، اس طرح کہنے سے اس میں احساسِ کمتری پیداہوسکتی ہے جس سے وہ اپنی عمرمیں کچھ بڑا کرنےکی ہمت نہیں کرپاتا۔

سوال:جب گرمی جارہی ہواورسردی آرہی ہوتومسجدمیں پنکھا چلانے اورنہ چلانے میں اختلاف ہوجاتاہے آپ کیا فرماتے کہ کیا کرنا چاہیئے ؟

جواب:میرا مشورہ ہے کہ جسے گرمی لگ ہورہی تو وہ صبرکرلے تاکہ پنکھا چلانے سے جن کو تکلیف ہوتی ہے وہ اس تکلیف سے بچ جائیں ۔کوشش ہونی چاہیئے کہ ہم کسی کو فائدہ نہیں دے سکتے تو تکلیف بھی نہ دیں ۔

سوال:ہمارے معاشرے میں لوگ دوسروں کانام بگاڑتے ہیں ،آپ کیا فرماتے ہیں ؟

جواب:قرآن پاک میں اللہ پاک نے کسی کا نام بگاڑنے سے منع فرمایاہے ۔(پارہ،26،سورۂ حجرات:11)کسی کو کچھ بولنے سے پہلے سوچیں کہ میرے اس طرح کہنے سےوہ خوش ہوگا یا ناراض ،وہ بات ہرگزنہ کہے جس سے اس کی دل آزاری ہو۔ حدیث پاک میں ہے :مَنْ دَعَا رَجُلًا بِغَيْرِ اسْمِهِ لَعَنَتْهُ الْمَلَائِكَةُ یعنی جس نے کسی کو اس کے نام کے علاوہ پُکارا یعنی نام بگاڑاتو فِرِشتے اس پر لعنت کرتے ہیں ۔(عمل الیوم واللیلۃ، ص175، حدیث: 395)

سوال:یہ درست ہے کہ حسن ِظن میں کوئی نقصان نہیں اور بدگُمانی میں کوئی فائدہ نہیں؟

جواب:جی ہاں! ‏ کسی مسلمان کے بارے میں اچھا گمان رکھنا ’’حسن ظن ‘‘کہلاتا ہے٭حسن ظن ایک جائزوحلال، باعث اجر وثواب وجنت میں لے جانے والا کام ہے ٭حسنِ ظن سے بدگمانی دور ہوجاتی ہے ٭حسنِ ظن سے دل میں مسلمانوں کی محبت پیدا ہوتی ہے٭حسنِ ظن سے بدلہ لینے کی چاہت ختم ہوتی ہے ٭حسنِ ظن کا سب سے بڑا فائدہ یہ ہے کہ اس میں کوئی نقصان نہیں۔

سوال:حج میں مشقت ہوتی ہے اس لئے بعض لوگ حج کرنے سے ہچکچاتے ہیں ،آپ انہیں کیا کہیں گے ؟

جواب:حج فرض ہوگیا تو اب حج کرنا ضروری ہے ورنہ گنہگارہوں گے ۔ حج میں جو رِقَّت و ذَوق ہوتا ہے وہ سفرِ عمرہ میں نہیں ہوتا۔سفرِ حج اورسفرِعمرہ دونوں کرنے چاہئیں ۔سفرِحج وعمرہ میں گناہوں کے کاموں مثلاً جھوٹ، غلط سرٹیفکیٹ وغیرہ سے بچنا بھی ضروری ہے ۔

سوال:بڑھاپے میں کئی طرح کی کمزوریاں آجاتی ہیں ،بوڑھے کیا کریں ؟

جواب:کالے بالوں کے بعد سفیدبال آنے میں عبرت ہے ،یہ موت کی یاد دِلاتے ہیں ،آنکھ کمزور،مزاج میں کمزوری ،چڑچڑا پَن بڑھ جاتاہے ،حافظہ کمزور،سننے میں کمزوری آجاتی ہے۔یہ ساری چیزیں موت کی یاد دِلاتی ہیں ۔ بوڑھوں کو بھی موت کی تیاری میں مصروف رہنا چاہیئے، بوڑھوں کےپاس موت سے بچنے کا کوئی آپشن نہیں، اس عمرمیں سنبھل کر رہنا ہے، اب غفلت کی کوئی گنجائش نہیں ہے ۔

سوال:اِس ہفتے کارِسالہ ” مذاق میں جھوٹ بولنا کیسا؟“ پڑھنے یاسُننے والوں کوامیراہل سنت دامت برکاتہم العالیہ نے کیا دُعا دی ؟

جواب:یاربِّ کریم! جو کوئی 14 صفحات کا رسالہ ”مذاق میں جھوٹ بولنا کیسا؟“ پڑھ یا سُن لے اُسے ہمیشہ سچ بولنے کی توفیق دے اور اس کو ماں باپ سمیت بے حساب بخش دے۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم

دعوتِ اسلامی کے شعبے مدرسۃالمدینہ شارٹ ٹائم کے تعلیمی و انتظامی معاملات کے سلسلے میں 28 نومبر 2025ء کو مدنی مرکز فیضانِ مدینہ آفندی ٹاؤن، حیدرآباد میں ایک میٹنگ ہوئی جس میں مدرسین، ناظمین اور ڈویژن ذمہ داران شریک ہوئے۔

اس میٹنگ میں ابتداءً نگرانِ شعبہ قاری جاوید عطاری نے درود شریف پڑھنے کی فضیلت بیان کی اور اخلاقیات کے حوالے سے گفتگو کرتے ہوئے بتایا کہ ”ایک استاد کو کیسا ہونا چاہیئے؟“۔

گزشتہ روز افریقی ممالک کینیا (Kenya) اور الجزائر (Algeria)سے تشریف لائے ہوئے معزز علمائے کرام نے فیصل آباد، پنجاب میں قائم دعوتِ اسلامی کے دینی تعلیمی بورڈ کنزالمدارس کا دورہ کیا جہاں اُن کی ملاقات رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی سمیت دیگر اراکین سے ہوئی۔

اس ملاقات میں علمائے کرام اور رکنِ شوریٰ نے دینی تعلیم کے فروغ، عالمی سطح پر ہونے والے تعلیمی اداروں کے نظام اور تعلیمی معاملات کے مختلف پہلوؤں پر تبادلۂ خیال کیا ۔

اسی دوران علمائے کرام کے وفد نے کنزالمدارس بورڈ کے تمام ڈیپارٹمنٹس کا تفصیلی جائزہ لیا اور ادارے کے مضبوط تعلیمی و انتظامی نظام کو بےحد سراہا۔

ڈسٹرکٹ میانوالی، پنجاب کے علاقے ہرنولی میں شعبہ اصلاحِ اعمال دعوتِ اسلامی کے تحت پچھلے دنوں ”تہجد اجتماع“ کا اہتمام کیا گیا جس میں ذمہ داران اور مقامی اسلامی بھائیوں نے شرکت کی۔

اس اجتماعِ پاک میں اسلامی بھائیوں نے مختلف دینی ایکٹیویٹیز میں حصہ لیاجن میں تلاوتِ قراٰن، ذکر و اذکار، فجر کی نماز کے لئے مسلمانوں کو جگانا اور نمازِ تہجد کی ادائیگی شامل تھی۔

شعبے کے صوبائی ذمہ دار پنجاب غلام عباس عطاری نے اجتماع کے دوران ”حسنِ اخلاق“ کے موضوع پر بیان کیا جس میں انہوں نے حاضرین کو اپنے اخلاق سنوارنے کا ذہن دیا۔(رپورٹ: شعبہ اصلاحِ اعمال ، کانٹینٹ:غیاث الدین عطاری)

شعبہ کفن دفن دعوتِ اسلامی کے تحت جامع مسجد غوثیہ مہریہ 4/ I-10 اسلام آبا دمیں ایک ماہ قافلے کے عاشقانِ رسول کے لئے ”غسلِ میت کورس“ منعقد ہوا جس میں مقامی اسلامی بھائیوں کی بھی شرکت ہوئی۔

تفصیلات کے مطابق یہ کورس مبلغِ دعوتِ اسلامی مولانا مزمل عطاری مدنی نے کروایاجس میں انہوں نے حاضرین کو غسلِ میت دینے کا شرعی طریقہ بتایا اور اس کی چند احتیاطوں سے آگاہ کیا۔

مبلغِ دعوتِ اسلامی نے حاضرین کی ذہن سازی کرتے ہوئے انہیں ہفتہ وار اجتماع میں شرکت کرنے کی ترغیب دلائی اور مسلم فیونرل (Muslim Funeral) ایپلیکیشن کا تعارف کروایا۔(رپورٹ: شعبہ کفن دفن ، کانٹینٹ:غیاث الدین عطاری)

اسپیشل ایجوکیشن اسکول، پلندری کشمیر میں دعوتِ اسلامی کے اسپیشل پرسنز  ڈیپارٹمنٹ کے تحت ایک سیشن ہوا جس میں اسپیشل بچوں سمیت اسٹاف کے دیگر اسلامی بھائیوں نے شرکت کی۔

سیشن کے دوران اسپیشل بچوں کو استاد اپنے والدین کا ادب و احترام کرنے کی ترغیب دلاتے ہوئے اپنی تعلیمی توجہ دینے کے حوالے سے اُن کی ذہن سازی کی۔

صوبائی ذمہ دار بدر شفیق عطاری نے اشاروں کی زبان میں اسپیشل بچوں کی تربیت و رہنمائی کی جبکہ اسکول کے پرنسپل سے میٹنگ بھی ہوئی جس میں اسپیشل بچوں کے سرپرستوں کو اشاروں کی زبان سیکھانے پر مشاورت کی تاکہ وہ اشارے سیکھ کر اپنے بچوں کی خود تربیت کر سکیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

ڈسٹرکٹ چنیوٹ کی تحصیل لالیاں میں 15 نومبر 2025ء کی شب دعوتِ اسلامی کے تحت ہونے والے ہفتہ وار مدنی مذاکرے میں اسپیشل پرسنز (گونگے، بہرے، نابینا اور معذور افراد) کے لئے خصوصی حلقے کا انعقاد کیا گیا جس میں اسپیشل پرسنز ڈیپارٹمنٹ کے صوبائی ذمہ دار پنجاب اور نگرانِ تحصیل لالیاں موجود تھے۔

اس مدنی مذاکرے میں امیر اہلِ سنت حضرت علامہ مولانا محمد الیاس عطار قادری دامت برکاتہم العالیہ سے کئے جانے والے سوال و جواب کو ڈیپارٹمنٹ کے فیصل آباد ڈویژن ذمہ دار محمد نعمان بدر عطاری نے اسپیشل پرسنز کی آسانی کے لئے اشاروں کی زبان میں بیان کیا اور اُن کی رہنمائی کی ۔

گزشتہ روز دعوتِ اسلامی کے مدنی مرکز فیضانِ مدینہ فیصل آباد، پنجاب  میں اسپیشل پرسنز کے لئے ہفتہ وار سنتوں بھرے اجتماع کا اہتمام کیا گیا جس میں اسپیشل پرسنز کی کثیر تعداد اور نگرانِ اسپیشل پرسنز ڈیپارٹمنٹ عمیر ہاشمی عطاری نے شرکت کی۔

معمول کے مطابق اجتماع کا باقاعدہ آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مبلغِ دعوتِ اسلامی محمد ارسلان عطاری نے حاضرین کو قافلے کی فضیلت و اہمیت کے بارے میں بتایا ۔

بعدازاں مبلغِ دعوتِ اسلامی محمد نعمان بدر عطاری، نگران ڈیپارٹمنٹ اور صوبائی ذمہ دار نے اسپیشل پرسنز کو سنتوں پر عمل کرتے ہوئے دعوتِ اسلامی کے تحت سفر کرنے 1 ماہ کے قافلے میں شرکت کرنے کی ترغیب دلائی جس پر کافی تعداد میں اسپیشل پرسنز نےاپنے نام بھی لکھوائے۔(رپورٹ: محمد نعمان بدر عطاری فیصل آباد ڈویژن ذمہ دار ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے  تحت پچھلے دنوں 3 دن پر مشتمل اسپیشل پرسنز کا قافلہ ڈسٹرکٹ چنیوٹ، تحصیل لالیاں، پنجاب کی جامع مسجد غوثیہ قمریہ میں پہنچا جہاں انہوں نے مختلف دینی مسائل سیکھے اور دینی ایکٹیویٹیز میں حصہ لیا۔

معلومات کے مطابق مبلغِ دعوتِ اسلامی نے قافلے کے دوران اشاروں کی زبان میں سیکھنے سکھانے کے حلقے لگائے جس میں اسپیشل پرسنز کو فرض علوم کے بارے میں بتایا گیا اور انہیں نماز کا پریکٹیکل بھی کروایا۔

پچھلے دنوں پنجاب پاکستان کی تحصیل گوجرہ میں اسپیشل پرسنز ڈیپارٹمنٹ دعوتِ اسلامی کے تحت اجتماعِ غوثیہ کا اہتمام کیا گیا جس میں اسپیشل پرسنز کی خصوصی شرکت ہوئی۔

تلاوت و نعت سے آغاز ہونے والے اس اجتماعِ غوثیہ میں ڈویژن ذمہ دار (برائے ڈیف اسلامی بھائی) محمد ارسلان عطاری نے اشاروں کی زبان میں بیان کیا اور وہاں موجود اسپیشل پرسنز کی دینی و اخلاقی اعتبار سے تربیت کی۔

ڈویژن ذمہ دار نے اسپیشل پرسنز کو دعوتِ اسلامی کے 12 دینی کاموں میں حصہ لینے کا ذہن بھی دیا جس پر انہوں نے اچھی اچھی نیتوں کا اظہار کیا۔اس موقع پر ڈسٹرکٹ ذمہ دار زبیر عطاری بھی موجود تھے۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

کراچی کے علاقے ڈیفنس میں قائم دعوتِ اسلامی کے جامعۃالمدینہ بوائز عبداللہ شاہ غازی میں گزشتہ روز شعبہ کفن دفن کے تحت غسلِ میت کورس کا اہتمام کیا گیا جس میں طلبۂ کرام اور ڈسٹرکٹ کیماڑی کے ذمہ دار عبدالسمیع عطاری نے شرکت کی۔

اس موقع پر شعبے کے صدر ڈسٹرکٹ ذمہ دار سمٰعیل عطاری نے اسلامی طریقۂ کار کے مطابق غسلِ میت دینے، کفن کاٹنے اور پہنانے کا طریقہ پریکٹیکل کر کے بتایا نیز اس کی فضیلت و اہمت سے بھی آگاہ کیا۔(رپورٹ: عزیر عطاری ڈسٹرکٹ ذمہ دار ، کانٹینٹ:غیاث الدین عطاری)